Post: #1
Title: ...ابحث عن ابرة امل فى كوم السأم
Author: Tumadir
Date: 11-08-2003, 03:24 AM
نشرت مناديلها المرسلة للحبيب الغائب فى حبل الافق
بعد ان غسلتها فى بركة السلسبيل...الجارى فى اقدام الحارة
رفرفت المناديل واصدرت تصفيقا بفعل الريح...يشبه ايقاع ليالى العرس فى سماء الحارة
كانت المناديل تلك ملونة ومعطرة...تجتذب الفراشات وتناغم فروع النخيل
كانت قد حاكت قصائدا صغيرة ولوحات متفائلة على كل منديل
فكانت المناديل ...تقرا سطرا طويلا من قصيدة حب...اسطورى
جاءت الجموع ...لعرفة العشق...تتبرك بالكلمات واللوحات
" يانجمتى الخضراء..."
فى منديل شاحب طرزت...سماءا غائما ونجمة تخرج من قاع الافق...كحمامة
"عندما اشرقت من بين تجاعيد السحاب فى ذلك الوقت الحزين..."
نسجتها فى منديل ازرق...مشرب اطرافه بحمرة الشفق...تهطل من حوافه...اسهم...مضيئة
"تفجرت البيادر اطفالا من فأل"
لونت اطراف هذا المنديل المخضر...برسم طفولى مكرر...وفى منتصف اللوحة رسمت طفلا باياد مفتوحة.. كانها تحتضن العالم"
"وغصت الحكايات المروية سلفا، بالنهايات السعيدة"
فى منديل برتقالى شفيف...رسمت وجه فتاة عادية الملامح...تغمض عينيها فى انتظار قبلة اولى
"وانتحرت نقاط نهايات السطور...ونبتت فى مكانها حروف بلا علة"
فى هذا المنديل البنفسجى... رسمت قلما بشكل السيف... ودواة...بشكل قارورة العطر
واهالى الحى اعتلوا جبلا...لم ينتبهوا لشموخه من قبل..
"وانبثقت نوافير خرافية الالوان...والصفاء..."
منديل قرمزى...تخترق اركانه مئات الخطوط المشرئبة بالانبثاق
توالت المناديل وابيات القصائد والالوان على مد الافق...
قال رجل كان ققد ابنه فى حرب خاسرة:
رايت بين القصائد وجها يشبه وجهه ...
وقالت طفلة...آه لن تصدقوا ان هذا يشبه حلمى ليلة امس
وقال العاطل...بمكننى ايضا ان رسم على خيط الافاق
وقال المغبون...الغافل...
والمظلوم...
لم احلم من قبل بتنفس عطر قصائد حبل الافق....
تناغمت نفحات النسيم ودعاش البحر والعصافير المسافرة ...وموج النهر السعيد...
مع حبل غسيل ممتد بامتداد الافق....وحشود تترقب الكلمات بين تصفيق المناديل المتفائلة
وفى وسط الحشد...جاءت يده تتلمس يدها...
قال لها: ها انا ذا قد عدت...
شهقت بفرح غير مصدق: انت
قال: نعم
ما هذا يا عصفورة قلبى...؟؟؟ كيف تحولت الى شحنة شوق وتبعثرت كذا فى جنبات الكون...؟؟؟
ضحكت ...دمعت عيناها ...
همست:
فقط.. كدت اضيع...
وها انا ذى...ابحث عن ابرة امل فى كوم السأم
وصرخت: اااااخ
ماذا؟؟؟ قال
قالت :طعنتنى الابرة
ضحك طويلا و طبع على خدهاالايسر ... فراشة
وردد صعلوك الحى الاشيب وهو يعود الى الحانة: "الهاكم التفاؤل...حتى ذقتم التساؤل"
و
و
و
و
و
و
واقاصيص كثيرة
اخيرا
نام الحى...وعلى شفتي ضفته...بسمة
|
Post: #2
Title: Re: ...ابحث عن ابرة امل فى كوم السأم
Author: aba
Date: 11-08-2003, 03:42 AM
Parent: #1
Quote: تناغمت نفحات النسيم ودعاش البحر والعصافير المسافرة ...وموج النهر السعيد...
|
تماضر أيتها القمرية
ما أجمل هديلك
|
Post: #3
Title: Re: ...ابحث عن ابرة امل فى كوم السأم
Author: humida
Date: 11-08-2003, 04:07 AM
Parent: #1
| Quote: وردد صعلوك الحى الاشيب وهو يعود الى الحانة: "الهاكم التفاؤل...حتى ذقتم التساؤل" |
ومازال البحث جاريا ..
عزيزتي .. الاستاذة تماضر ..
لك التحية .. في رمضان كريم ..
|
Post: #4
Title: Re: ...ابحث عن ابرة امل فى كوم السأم
Author: Tumadir
Date: 11-08-2003, 07:21 AM
Parent: #3
ابا
لك هديلى
وحميدة
"بتضحك مالك؟؟"
البركة فى الفرحة
|
Post: #31
Title: Re: ...ابحث عن ابرة امل فى كوم السأم
Author: humida
Date: 11-09-2003, 02:31 AM
Parent: #4
Quote: وحميدة
"بتضحك مالك؟؟"
البركة فى الفرحة |
ما سمعتي يا أستاذة ..
بي ضحك الرجال بكا ..
|
Post: #32
Title: Re: ...ابحث عن ابرة امل فى كوم السأم
Author: Tumadir
Date: 11-09-2003, 01:54 PM
Parent: #31
سمعت...
طيب والرجال بكوا مالهم؟؟؟
|
Post: #5
Title: Re: ...ابحث عن ابرة امل فى كوم السأم
Author: قرشـــو
Date: 11-08-2003, 10:25 AM
Parent: #1
Quote:
فى منديل شاحب طرزت...سماءا غائما ونجمة تخرج من قاع الافق...كحمامة
"عندما اشرقت من بين تجاعيد السحاب فى ذلك الوقت الحزين..."
نسجتها فى منديل ازرق...مشرب اطرافه بحمرة الشفق...تهطل من حوافه...اسهم...مضيئة
"تفجرت البيادر اطفالا من فأل"
|
الغالية تماضر
صباح الخير ورمضان كريم
وعليك الله شوية شوية علينا ياخى
شنو الكلام الكبار ده .. انتى بقيتى منهم ولا شنو ؟؟
لك تحياتى
|
Post: #6
Title: Re: ...ابحث عن ابرة امل فى كوم السأم
Author: ابو جهينة
Date: 11-08-2003, 10:29 AM
Parent: #5
تماضر
و كانت إبرة الأمل ،، خارج كومة السأم،، تبرق في سنا الضوء تنادي بأن ( خذوني فأغرزوني في قماش الصبر الجميل)
حلو هذا التعبير يا تماضر ( "وانتحرت نقاط نهايات السطور...ونبتت فى مكانها حروف بلا علة" )
|
Post: #13
Title: Re: ...ابحث عن ابرة امل فى كوم السأم
Author: Tumadir
Date: 11-08-2003, 02:29 PM
Parent: #6
ابوجهينة...
وياسر الشريف
طالما ذوقكم اتفق...مناها فى "ابرة امل " انه البعمل فيه دة ما اى كلام...
وبالمناسبة انا دايما محظوظة بالمداخلات الضافية
نزار حسين وانا مرة دخانا فى مناورة تلفائية كدة...لما شردت...يتسلام دة زول موهوب لشكل؟؟؟مع انى لسه ما كلمتو...
لكما الحب الجميل
|
Post: #12
Title: Re: ...ابحث عن ابرة امل فى كوم السأم
Author: Tumadir
Date: 11-08-2003, 02:24 PM
Parent: #5
قرشو...
الغريبة وانا بكتب كنت بفتش غن اهزوجة، اغنية امل بسيطة وعذبة، قريبة لى حكايات الاطفال
كان كدة انا بقيت منهم...بس لو عرفت هم منن؟؟
عموما لك الشكر..على وقفتك امام واجهة البوست...للاطلاع
|
Post: #7
Title: Re: ...ابحث عن ابرة امل فى كوم السأم
Author: ملكة سبأ
Date: 11-08-2003, 10:36 AM
Parent: #1
| Quote: جاءت الجموع ...لعرفة العشق...تتبرك بالكلمات واللوحات |
انت جميل والنشرك ليناملاك وجميل
يا منديل
|
Post: #8
Title: Re: ...ابحث عن ابرة امل فى كوم السأم
Author: Yasir Elsharif
Date: 11-08-2003, 10:52 AM
Parent: #1
شكرا يا تماضر
لقد أعجبني هذا الجزء:
| Quote: "وانتحرت نقاط نهايات السطور...ونبتت فى مكانها حروف بلا علة" |
وقررت أن أبدأ به مداخلتي قبل أن أكمل البوست وأكتشف أن الأخ أبا جهينة يشاركني الشعور.. فيبدو أن الموجة واحدة..
وينك يا عادل عثمان؟؟ الترجمة يا خي..
أها الكورة ما بترجع فاضية يا تماضر:
قف بالديار وحيّ الأربع الدرسا
ونادها فعساها أن تجيب عسى
وإن أجنّك ليل من توحشها
فاشعل من الشوق في ظلمائها قبسا
يا هل درى النفر الغادون عن كَلِفٍ
يبيت جنح الليالي يرقب الغلسا
فإن بكى في قفار خلتها لججا
وإن تنفس عادت كلها يبسا
فذو المحاسن لا تحصى محاسنه
وبارع الأنس لا أعدم به أنسا
كما زارني والدجى يربدّ من حنق
والزهر تبسم عن وجه الذي عبسا
غرستُ باللحظ ورداً فوق وجنته
حقُ لطرفي أن يجني الذي غرسا
تلك الليالي التي أعددت من عمري
مع الأحبة كانت كلها عرسا
لم يحلُ للعين شيئا بعد بعدهم
والقلب مذ آنس التذكار ما أنسا
يا جنة فارقتها النفس مكرهة
لولا التأسّي بدار الخلد متّ أسى
لسلطان العاشقين العارف الإمام عمر إبن الفارض..
|
Post: #9
Title: Re: ...ابحث عن ابرة امل فى كوم السأم
Author: ميرفت
Date: 11-08-2003, 12:54 PM
Parent: #1
جنون يا تماضر
مبدعة ومدهشة دائما
حأرجع ليك
|
Post: #10
Title: Re: ...ابحث عن ابرة امل فى كوم السأم
Author: الجندرية
Date: 11-08-2003, 01:09 PM
Parent: #1
عارفة يا تماضر
دي وكل شي حي ، حقت المحار ديك مالي نسيت اسمها
ينفعوا يكونوا مجموعة واحدة
نفس المناخات
تسلمي
وعائدة مرة اخرى كان الله قسم
ودخلنا في المود تاني
|
Post: #11
Title: Re: ...ابحث عن ابرة امل فى كوم السأم
Author: haneena
Date: 11-08-2003, 01:20 PM
Parent: #10
تماضر
و انا أبحث معك
عسي ان نجدها
|
Post: #14
Title: Re: ...ابحث عن ابرة امل فى كوم السأم
Author: Tumadir
Date: 11-08-2003, 02:34 PM
Parent: #11
حبيباتى
حنيناتى
بنات امى...
ملكة سبا
ميرفت
الجندرية
حنينة
ومن غيرنا اناث العالم يجيد نطريز القصائد على المناديل المعطرة الملونة....
تكفينا...قطرة وجد او دمعة...
لننهمر
جندرية ...كدى قولى كلامك دة تانى؟؟؟
حنينة...بتطعنك فى اصبعك وبتجى تشتكى...
|
Post: #15
Title: Re: ...ابحث عن ابرة امل فى كوم السأم
Author: ودقاسم
Date: 11-08-2003, 02:59 PM
Parent: #1
تماضر
لك التحية
طربت وعادني ما يشبه الأحلام من ذكراك
وكمان شعر بن الفارض يا ياسر
أصلا أنا قليبي رهيييييف ، ودميعاتي فرااااب
تماضر أخشى أن تسرقك الكتابة من المسرح
اكتبي ولكن خلي بالك من المسرح شديد
أحي كل المتداخلين الذين يطربون للكلمة العذبة ويشدون على أيدي قائليها
|
Post: #16
Title: Re: ...ابحث عن ابرة امل فى كوم السأم
Author: مارد
Date: 11-08-2003, 03:04 PM
Parent: #15
كل ده فى المنديل.. ولا المندل ؟
|
Post: #17
Title: Re: ...ابحث عن ابرة امل فى كوم السأم
Author: Tumadir
Date: 11-08-2003, 03:18 PM
Parent: #16
اصدقثائى الودودين
ود قاسم...ومارد
دعونى اقول لكما ...ان تشجيعكما المستمر هو الذى يجعلنى اكتب...ولا اتوقف...
ود قاسم المسرح ...ما بخلينى حتى لو خليتو...حاعرض ..حسنى بت محمود فى فيلادلفيا فى العيد...(وبتسمع بى)...ان شا الله اتوفق...
اما مجموعة المسرح هنا فقد تولانا ابو الريش بالعناية والويب سايت...وانا خلاص جاهزة تقريبا عشان انزل فيها نص(ما حتكشف عنه هنا)...ومعا مع يحيح ومنعمشوف ومعتصم ود الجمام...وعشة بت فاطنة. وبد الدين شناة..( الليلة لو نسيت اى اسم حيسيئونى فى الجرايد ...والتعامل مع النجوم ...مخبف ولول والف لول...قاضى والجيب فاضى))..ما بنخيب
|
Post: #18
Title: Re: ...ابحث عن ابرة امل فى كوم السأم
Author: wadazza
Date: 11-08-2003, 04:54 PM
Parent: #1
جقمة جقمة شربت مويتك وانشرقت....ده كوم ابداع فى ابرة زمن..
لى قدام
تحياتى
ودعزة
|
Post: #19
Title: Re: ...ابحث عن ابرة امل فى كوم السأم
Author: Tumadir
Date: 11-08-2003, 04:58 PM
Parent: #18
ود عزة...
تعجبنى تراكيبك اللغوية الذكية هذه....باستمرار
وكيف حال الحبيبة؟؟؟
لها منديلان من حبل الافق...ولك النهر
|
Post: #22
Title: Re: ...ابحث عن ابرة امل فى كوم السأم
Author: Abureesh
Date: 11-08-2003, 07:17 PM
Parent: #19
الأخت تماضــر..
كنت برة البـورد لكذا يوم بسبب الباشمهنـدس اللى ما لقى وسيـلة يورينا بيهـا الريزومى (cv) بتاعتـو إلا بتعكيــر الجـو على الناس.
بالمناسبــة الإنفرا-إسـتركشــر بتاعـة القـروب من وبسايت و بورد جاهـزة كما تعلمين.
بعـد عمل البورد ما أفتكـر الناس بتحتـاج للستــة بتاعـة الإيميل.
نحن فى الإنتظـــار
أبو الريش
|
Post: #20
Title: Re: ...ابحث عن ابرة امل فى كوم السأم
Author: mohammed alfadla
Date: 11-08-2003, 06:15 PM
Parent: #1
يانجمتى الخضراء
لم احلم من قبل بتنفس عطر قصائد حبل الافق
رايت بين القصائد وجها يشبه
يشبه
يشبه
نفحات النسيم ودعاش البحر والعصافير المسافرة ...وموج النهر السعيد
ما هذا يا عصفورة قلبى
|
Post: #21
Title: Re: ...ابحث عن ابرة امل فى كوم السأم
Author: Tumadir
Date: 11-08-2003, 06:26 PM
Parent: #20
فاضلابى
قبل ان تعود للخرطوم
ارسم لى مناديلى ديل
|
Post: #23
Title: Re: ...ابحث عن ابرة امل فى كوم السأم
Author: Bakry Eljack
Date: 11-08-2003, 08:09 PM
Parent: #21
الاستاذة تماضر
ابرة امل فى كوم من السام
قرات و تذكرت كتاب قراته قبل سنوات اسمه السام ولا اذكر كاتبه و ايضا اقرا تذكرت جان قالجان فى البؤساء, لا ادرى لماذا ولكن
لن اتورع فى ان امد يدى الى هذا الكوم علنى اكون الفائز بالابرة, كما ارجو ان لا تنسونا فالمناديل لها رونق خاص فى فضاءات الاشياء القصوى
اعجبتنى
ضحك طويلا و طبع على خدهاالايسر ... فراشة
احتاجنى فراشة على خدى الايمن
نحتاجنا فراشة على جروحنا النازفة
نحتاجة فراشة سلم و حب و تاخ تزيل غباره
ولك القومة وبالمناسبة انا صديق مسرحجية من بدرى ولا حصل فوت دبلوما صغرى ولا كبرى و لا اسبوع فنون, شوفو لينا مقعد معاكم فى موقعكم الجديد
بكرى الجاك
|
Post: #24
Title: Re: ...ابحث عن ابرة امل فى كوم السأم
Author: Tumadir
Date: 11-08-2003, 08:29 PM
Parent: #23
شكرا يا بكرى الجاك...ودائما تذكرنى ملامح حروفك بحلم عشته فى المستقبل
الكاتب هو البرتو مورافيا...
وانت تشرف جميع المواقع....
تعال هناك...نحن "الضيوفو" وانت رب "المنزلى"
|
Post: #25
Title: Re: ...ابحث عن ابرة امل فى كوم السأم
Author: Tumadir
Date: 11-08-2003, 08:30 PM
Parent: #24
لأ
البير كامو
|
Post: #26
Title: Re: ...ابحث عن ابرة امل فى كوم السأم
Author: maia
Date: 11-08-2003, 09:10 PM
Parent: #1
العزيزة تماضر
انها مجموعة ابر من الامل في كوم السام
|
Post: #27
Title: Re: ...ابحث عن ابرة امل فى كوم السأم
Author: Ishraga Mustafa
Date: 11-09-2003, 00:18 AM
Parent: #26
تماضر
اخرجتينى من ضباب سأمى
والله ياتماضر انتى كتابة جدا، بتكسينى حروفك الفة ونجوم
بتنسينى السأم والحرقة فى جلطة احلامى
اكتبى
اكتبينا
وارسمينا قبل ان يكون لا سيان بيننا وبين السأم
سلمتى لنا يانجمة ريفنا البعيد القريب كرمشة امل
اشراقه
|
Post: #28
Title: Re: ...ابحث عن ابرة امل فى كوم السأم
Author: Tumadir
Date: 11-09-2003, 02:06 AM
Parent: #27
maia
ishraga mustafa
وحضوركن هنا...يخرجنى من ضباب السأم ايضا...
تعالين...يا بنات الفجر...واطفئن...عين الظلام...بالبهاء والاشراق
افتحن...كوة الضوء...ومنافح الشذى..على حقول الشحوب...والانسحاب
واليكن منى...الفيض...والتراتيل...وكل ماهو مسترسل...وممعن فى الجمال
|
Post: #29
Title: Re: ...ابحث عن ابرة امل فى كوم السأم
Author: هدهد
Date: 11-09-2003, 02:13 AM
Parent: #28
تماضر
ترم
سكتة
|
Post: #30
Title: Re: ...ابحث عن ابرة امل فى كوم السأم
Author: Tumadir
Date: 11-09-2003, 02:17 AM
Parent: #29
وجدتنى انظر الى مايسترو افكارك من وراء حجاب الاثير...فاراه بوضوح...وكاننى انظره من امام حجاب
هدهد...نورت
|
Post: #33
Title: Re: ...ابحث عن ابرة امل فى كوم السأم
Author: د.أحمد الحسين
Date: 11-10-2003, 07:26 PM
Parent: #30
شكرا يا أستاذة تماضر علي هذه المقاطع الرائعة
أحمد
|
Post: #34
Title: Re: ...ابحث عن ابرة امل فى كوم السأم
Author: إيمان أحمد
Date: 11-12-2003, 10:26 PM
Parent: #33
ياخرافية!
إيمان
|
Post: #35
Title: Re: ...ابحث عن ابرة امل فى كوم السأم
Author: Abdalla Gaafar
Date: 11-12-2003, 10:59 PM
Parent: #1
تماضر
نحن من نحتاجك فراشة توزع الرحيق علي كل القلوب (الرهيفة).أحساسي بهذا النص كأنه دندنة
فرح رغم انف الحزن وطرب صادق ...عشقك والحروف ومن ثم الرحيل بالاخرين الي دنيا الدهشة.فاطمة السمحة واخريات والبحث عن حلم تشخص اليه قلوب كل العاشقين ..تمارسين ذات الكتابة بجنون فتهرب منا اللغة حين نحاول الكتابة اليك وعنك بأناقة ..لك الود والتقدير
|
Post: #36
Title: Re: ...ابحث عن ابرة امل فى كوم السأم
Author: THE RAIN
Date: 11-12-2003, 11:29 PM
Parent: #1
يا تماضر
انتى عارفة انا قريت النص كم مرة؟
ما حتقدرى تحسبى
هسه الزول يقول ليك أدينى الكلام أترجمه، تقولى لى حاجزه عادل عثمان
والله بس كيتن على النص وعليك كان أترجمه بى تحت تحت ولا أوريك ليهو كمان
حأمشى أبيعه بالقطاعى
ونجمات ملونة وبتبتسم، على قدر عدد الحروف المدفقة جمال هنا، ليك
أبوذر
|
Post: #37
Title: Re: ...ابحث عن ابرة امل فى كوم السأم
Author: Tumadir
Date: 11-13-2003, 02:40 AM
Parent: #36
د.احمد الحسين...ولك كل المشاعر الدافقة لزيارتك
ايمان الجميلة..."ما اخرف منك"...وياحبيبتى الف سلام
عبد الله جعفر...لما انت تقول كلام زى دة تانى تجيب معاه اضافرين نخش فيهم...سمح؟؟؟
ذى رين...انت عارف انه النص هو الحيتشرف..؟؟؟
يلا زيدو بعد جمال طلتك...ترجمة كمان...وحتورينى..مش نحن اصحاب اصحاب؟؟؟
|
Post: #38
Title: Re: ...ابحث عن ابرة امل فى كوم السأم
Author: Tumadir
Date: 12-08-2003, 06:44 PM
Parent: #37
The Rain, I am waiting
|
|