Post: #1
Title: انا حاشترى البورد..
Author: Tumadir
Date: 03-15-2004, 04:21 PM
Parent: #0
وحاعمل معاينة للاعضاء..
عبارة عن امتحان فى الديمقراطية...
لو ما نجح/ت ..ما ت/يخش...
وامتحان فى الخيال...ما فى خيال..وبدايل ايجابية لصياغة العالم ..ما ت/بخش..
وامتحانات صغيرة جانبية متخصصة كل فى مجاله/ها..والمشروع الممكن يتقدم للسودان شنو؟؟
وامتحان اخير ...جندرى..
رايو/ها فى المراة ..شنو؟
وانا الحاحدد ...دين البورد الرسمى
ومن شاء ان بؤمن ومن شاء ان يكفر
مجرد....فكرة!!!
|
Post: #2
Title: Re: انا حاشترى البورد..
Author: Imad El amin
Date: 03-15-2004, 04:32 PM
Parent: #1
ح نسميك تماضر احمد ادريس
وكويس انك ما ح تكوني دخيلة علي الفن
لكن السؤال في بورد زي ده ليه الا يطاردو الناس بي اللوائح .....طالما هي لوائح جيدة ومافي عضو معترض عليها ماكل واحد يجتهد عشان يبقي قدرها..لو ماعاجباهو بي بساطة كده مافي داعي يجي ويعمل شوشرة
القصة ما البورد اقترح انك تشتري اعضاء
|
Post: #3
Title: Re: انا حاشترى البورد..
Author: ود شندي
Date: 03-15-2004, 04:32 PM
Parent: #1
تمادووووووور
سلام
حقيقه ان هنالك تماضر البورد
ولكن ايضا هناك صلاح إدريس
بس خليني اصلح نظارتي واعرفك ياتو فيهم
عشتي تفاحه البورد
|
Post: #5
Title: Re: انا حاشترى البورد..
Author: Tumadir
Date: 03-15-2004, 04:39 PM
Parent: #3
عماد الامين
وودشندى
ما قلت ليكم انى حاشتريهو بالدين...
اقصدdebt
ما religion
وما معاه "منافع"
|
Post: #4
Title: Re: انا حاشترى البورد..
Author: الزنجي
Date: 03-15-2004, 04:37 PM
Parent: #1
تماضر انا متنازل عن نصيبى بدون مقابل
بس ختى فى بالك انا ما مع البورد
|
Post: #7
Title: Re: انا حاشترى البورد..
Author: Tumadir
Date: 03-15-2004, 04:41 PM
Parent: #4
انت بالذات يا زنجى حاشتريك ..باى تمن..
لانك محنك
|
Post: #6
Title: Re: انا حاشترى البورد..
Author: jini
Date: 03-15-2004, 04:39 PM
Parent: #1
فلاحتك في البورد بس ما تشتري رمضان
جني
|
Post: #8
Title: Re: انا حاشترى البورد..
Author: Hussein Mallasi
Date: 03-15-2004, 04:41 PM
Parent: #1
هو بالله بخش مات يا تماضر ...
طيب البورد دا ما حيكون فيهو مواطنين عاديين ...
كل الاعضاء قادة ... طيب القادة العلى الفرازة ديل حيقودوا منو
|
Post: #9
Title: Re: انا حاشترى البورد..
Author: omer ibrahim
Date: 03-15-2004, 04:45 PM
Parent: #8
بي كم؟
|
Post: #24
Title: Re: انا حاشترى البورد..
Author: Tumadir
Date: 03-15-2004, 08:09 PM
Parent: #9
عمر ابراهيم
بى الروح بى الدم
|
Post: #10
Title: Re: انا حاشترى البورد..
Author: ترهاقا
Date: 03-15-2004, 04:47 PM
Parent: #8
بنت الشيخ كيفك
المسألة فيها أسهم وإلا حندخل فى مسألة عتق رقبة مؤمنة؟
|
Post: #11
Title: Re: انا حاشترى البورد..
Author: Abureesh
Date: 03-15-2004, 05:01 PM
تماضــر،
أنا بجى مـع البـورد..
أوع بكـرى يغشــك ويقول ليك دا براه.
|
Post: #12
Title: Re: انا حاشترى البورد..
Author: ابو جهينة
Date: 03-15-2004, 05:07 PM
Parent: #11
تماضر العزيزة
أنا غايتو بكري قال لى خليك زى مسمار جحا ،، أكون في البورد بس لسع تبع بكري ،، كلما يدور يجي يخش يقول ( أبو جهينة في ؟ ) و يقعد راخي أضانو سمممممممح ،، بعدين يمرق.
لو دفعتي لى ( رشوة ) بزوغ منو في زحمة البورداب.
|
Post: #44
Title: Re: انا حاشترى البورد..
Author: Tumadir
Date: 03-16-2004, 03:30 AM
Parent: #12
ابو جهينة..بدا رشوه..بديك اوضتين..وبرنده..بس تقعد..
|
Post: #29
Title: Re: انا حاشترى البورد..
Author: Tumadir
Date: 03-15-2004, 08:32 PM
Parent: #11
ابو الريش..
ما قلنا بدون منافع..
هههههه..اوعك تزعل..خلى الناس ننوتس
|
Post: #25
Title: Re: انا حاشترى البورد..
Author: Tumadir
Date: 03-15-2004, 08:20 PM
ترهاقا
انا ما قلت ليك شروط العضويه عدم الصلعه؟
|
Post: #13
Title: Re: انا حاشترى البورد..
Author: SUKA
Date: 03-15-2004, 05:26 PM
Parent: #1
نصيحة .. لمن تتفاوضي علي السعر ما تنسي انه بورد مستعمل استعمال سيئ.. و مطقش و قزازه مكسر بطوب المظاهرات و المخربين، اقول ليك حاجة، عندي ليك بورد على الزيرو و بجيب لندن و بالالوان..رايك شنو؟
سمسار
|
Post: #14
Title: Re: انا حاشترى البورد..
Author: Tumadir
Date: 03-15-2004, 05:29 PM
Parent: #13
قرررررررررررر يا سوكا
جنى : رمضان دايرين يشتروه البرابره
انا ما بنافسهم
دقيقة ارجع للباقيين...
طرأ طارىء..
|
Post: #15
Title: Re: انا حاشترى البورد..
Author: Rawia
Date: 03-15-2004, 05:32 PM
Parent: #1
ناسبنا الحكومه وبقينا قرايب
ومين علحكومه حيقدر يعايب
|
Post: #28
Title: Re: انا حاشترى البورد..
Author: Tumadir
Date: 03-15-2004, 08:31 PM
Parent: #15
رااااااوية
الحكومه زاتهاعزبا...ناسبتوها كيف؟
|
Post: #16
Title: Re: انا حاشترى البورد..
Author: Ibrahim Algrefwi
Date: 03-15-2004, 05:46 PM
Parent: #1
والي ما يشتري يتفرج !!
|
Post: #17
Title: Re: انا حاشترى البورد..
Author: Elmosley
Date: 03-15-2004, 05:48 PM
Parent: #1
شنو حكاية (مات) دي
هو مات متين وبي كم
اوعك مات/ردي
|
Post: #40
Title: Re: انا حاشترى البورد..
Author: Tumadir
Date: 03-16-2004, 03:20 AM
Parent: #17
ملاسى وموصلى..سربعات الصوديوم
|
Post: #18
Title: Re: انا حاشترى البورد..
Author: walid taha
Date: 03-15-2004, 05:49 PM
Parent: #1
استاذة تماضر ازيك
طيب انتى مش احسن تعملى ليك بورد حقك خاص؟ ..التكلفة حتكون اقل
ولو بكري باعو ليك يعنى يكون نهى العقود القديمة وكده لازم يصرف لجميع البورداب حقوق نهاية الخدمة
الشغلة محتاجة دراسة جدوى
عموما لو قررتى تشترى انا حاانقل كفالتى عليك بدون فترة تجربة
الكفالة دى طبعا مصطلح معقد جدا ..وفى حالة الحوجة لاى توضيح الرجاء
الاتصال على تمبس او دكين وما انسى ود قاسم كمان
ادينى رايك
تحية كبيرة ليك
|
Post: #19
Title: Re: انا حاشترى البورد..
Author: mustafa mudathir
Date: 03-15-2004, 06:43 PM
Parent: #18
هاههههههه
أنا مع جني العبقري. أشتري رمضان لأنو ح يجي تاني!
|
Post: #20
Title: Re: انا حاشترى البورد..
Author: mohamed elshiekh
Date: 03-15-2004, 06:47 PM
Parent: #18
الاصيله تماضر
لك الاحترامات
ممكن تشوفي لينا عندك وظيفه.
انشاءالله كارد سرى
او كارد علنى ما مشكله
عشان اكردليك البورد كرد نضيف واى بوست ما نافع اكردو
ليك كرد لمن يجيب الدم وما نشيلى هم الجلاى عندنا هبطرش
وكان ديل محجوزات انشاءالله كارد حلل .
لكى اثمن ما فى خزئن الكون من مودة
|
Post: #41
Title: Re: انا حاشترى البورد..
Author: Tumadir
Date: 03-16-2004, 03:23 AM
Parent: #20
محمد الشيخ المهمة دى حاديها لاسامع الخاتم ..اهلو من ناس الكارد..رباب الكارد وعشه الكارد وخنساء الكارد..
والكارد عزو مستريح..ولا شنو يا اسامه؟؟
|
Post: #42
Title: Re: انا حاشترى البورد..
Author: Tumadir
Date: 03-16-2004, 03:25 AM
Parent: #18
وليد طه ..نحن كفيلنا الله ده...
ودراسة الجدوى لزومها شنو؟ الموضوع اصلا بلا جدوى..
(جدوى الضرب)
|
Post: #21
Title: Re: انا حاشترى البورد..
Author: Nada Amin
Date: 03-15-2004, 07:15 PM
Parent: #1
انتي يا تماضر أمبارح بالتليفون و "فجعه" و بدون أي مناسبة كده قلتي لي أنك مفلسسسسه
و لا كنتي قايلاني حأقول ليكي سلفيني؟ بس خلاص كشفتك
البورد بحاااااله، آه عالم مفتريه
|
Post: #22
Title: Re: انا حاشترى البورد..
Author: منعمشوف
Date: 03-15-2004, 07:50 PM
Parent: #21
تقطيعه بعرق العافية يا أمنا الحديقة
لكن كمان بورد فيه دين رسمى ده .. ما بنفع معاى نهائى !
عندكم دين شعبى .. بنجى نسجل معاكم
|
Post: #45
Title: Re: انا حاشترى البورد..
Author: Tumadir
Date: 03-16-2004, 03:35 AM
Parent: #22
فى مرتين كانوا بتونسوا..عن اولادم يا منعمشوف..واحد قالت للتانية ولدى محمد عندو البناطلين واحمد عندو القمصان..واللتنين بتلابسوا..قام ولد التانية سمعها..قال ليها انا عندى البناطلين والقمصان واخوى عندو ..عرق العافية..هههه..اها والله عرق العافية ما بقصر..بقطع مش البورد..يقطع المصارين زاتو...
منهمشوف انت لا دينى طلعت؟؟ يعنى من اهل اسامه .. بن لادينى؟؟ هههه
|
Post: #30
Title: Re: انا حاشترى البورد..
Author: Tumadir
Date: 03-15-2004, 08:35 PM
Parent: #21
ندى ليه الفضايح دى يعنى؟؟
الناس كلهم شابكنى ..نجمه وسطوه..وصلاحيات..وجمهور..تجى تقولى ليهم قلت مفلسه؟؟
اها البيعه حتخرب..
لكن الدين فى الكتوف والاصل معروف..
والسوشيال سكيورتى نمبر..سيفد
|
Post: #23
Title: Re: انا حاشترى البورد..
Author: بلدى يا حبوب
Date: 03-15-2004, 08:03 PM
Parent: #1
تماضر
خلاص عشانك قترح مزاد مقفول والوسطاء يمتنعون وبكلم ناس جريدة الوسيط ما يقبلوا اعلان بكرى
تحياتى
|
Post: #46
Title: Re: انا حاشترى البورد..
Author: Tumadir
Date: 03-16-2004, 03:38 AM
Parent: #23
بلدى يا حبوب..انت ما ملاحظ انه بكرى لسه ما قال اى كلام..السكات رضا (اخو محمد رضا)
|
Post: #26
Title: Re: انا حاشترى البورد..
Author: اسامة الخاتم
Date: 03-15-2004, 08:22 PM
Parent: #1
Quote: وانا الحاحدد ...دين البورد الرسمى
|
بس ما يكون دين حــجـر
طيب ما ممكن يكون بورد لا دينى
يعنى الدين لله و البورد للجميع
و حق النقاش مكفول للجميع
بس بدون كلمات بذيئة و البذاءة زاتا خشم بيوت
على العموم لو اتوفقت... عايز لى اوضتين و صالة امارس فيهم شوية حقوق انسان
نفسى فى مكان( اوضتين) اخقق فيه انسانيتى يا تماضر
|
Post: #31
Title: Re: انا حاشترى البورد..
Author: شريف محمد ادوم
Date: 03-15-2004, 08:35 PM
Parent: #26
العزيزة تماضر
طبعا انا وصلت لقناعة انك ذي غزالة الملك الحكو لينا قصتي زمان عشان كدا ما ح اتلادح
وانقدك موقفك وح اوفق طوالي علي فكرتك بس حكايع الامتحانات دي اعفيني منها انت عارفة العمر
اتقدم والفهم قسم والحلة بصل يعني ما في داعي لي الامتحانات التعسفية وكمان اعفينا من حكاية
الدين دي بتجيب اعصار الواحد حتي وهو قاعد في الانترانيت بقي يخاف شديد منو عشان كدا
انت اضربي طناش وما تجيب طاريهو خالص واتمني انو تعينيني كادر سري عشان اكتب ليكي تقارير
مظبوطة عن كل شي ما عاجبني وما تنسي كمان انا لا بعجبني العجب ولا حبيبي عشان كدا اول تقرير
ح يكون عنك الملكة يعني بي الواضح عديل كدا ح يكون عنك وبعد داك ح امد ليك راسي بس ما
تحلقي لي صلعة لانو كل شبر في راسي بحكي عن قصة معركة وذي ما انتي عارفة المعارك الذ دي
ما فيها منتصر بل فيها خاسر والدليل العلامات في راسي
|
Post: #50
Title: Re: انا حاشترى البورد..
Author: Tumadir
Date: 03-16-2004, 01:39 PM
Parent: #31
شريف محمد ادوم..افتكر انت عندك عنى فكره خاطئة..لانك فى اكثر من موقع ..بتصر على اوصاف شبيهه لغزالة الملك دى..وما عارفاك جايب الكلام ده من وين..
بتكلم جد..
|
Post: #27
Title: Re: انا حاشترى البورد..
Author: سجيمان
Date: 03-15-2004, 08:28 PM
Parent: #1
تماضر
انا غايتو بورد سيدو ما عندو صلعة..ما بشترك فيهو
|
Post: #32
Title: Re: انا حاشترى البورد..
Author: Tumadir
Date: 03-15-2004, 08:37 PM
Parent: #27
الباقيين..كلكم لكم الاحترام
حامشى الشغل وارجع افاقق معاكم
بالمناسبة ..فى امتحان املاء برضو
ارقدو عافية..
|
Post: #47
Title: Re: انا حاشترى البورد..
Author: Tumadir
Date: 03-16-2004, 03:41 AM
Parent: #27
سجيمان..العلما اختلفوا على حكاية الصلعه دى..لمن بتفقوا بنطلع بيان..لانه الصلعه ما معروفه سببها الجلحات ولا العكس..
|
Post: #33
Title: Re: انا حاشترى البورد..
Author: كبسيبة
Date: 03-15-2004, 09:02 PM
Parent: #1
تماضر الشمس
بالله لمن تبيعوه وتشتروه كلموني عشان استحمه
وبالله بعدين جيبي معاكي كمية من الكلوركس عشان البورد يبقى أبيّيّيّيّيّيّيّض زي الفل
|
Post: #34
Title: Re: انا حاشترى البورد..
Author: falltime
Date: 03-15-2004, 10:05 PM
Parent: #33
ممكن ناس السودان تديهم درجات زيادة فى الامتحانات لانو ظروفهم صعبه شويه يعنى 15%معقولة
|
Post: #35
Title: Re: انا حاشترى البورد..
Author: SAdo7
Date: 03-15-2004, 10:35 PM
Parent: #34
يا تماضر حنوجه ليك تهمة الارهاب ومع سبق الاصرار والترصد
وشدى حيلك للمحاكمه 
|
Post: #36
Title: Re: انا حاشترى البورد..
Author: mutwakil toum
Date: 03-16-2004, 01:16 AM
Parent: #35
استاذة ..بت البروق …
والله قوود آيديا ..
ويكون بلا كيزان وبلا دين ومديون (زي ستو) ..
بس لازمك دراسة جدوى للصنعة والسمعة . والتانية اهمً . تفادياً لاتهامات غسبل الاموال . وبن لادن . و الشبهات . وما بينهما دى ما مشكلة كبيره .
الخطوة الاولي تبدا بتبريرك للفلس القديم القريب او انكارو ..
|
Post: #37
Title: Re: ..
Author: Muhib
Date: 03-16-2004, 02:23 AM
Parent: #36
Tumadir says ..
انا حاشترى البورد
I say ..
Excuse me 
|
Post: #38
Title: Re: ..
Author: ASAAD IBRAHIM
Date: 03-16-2004, 02:25 AM
Parent: #37
تماضــــــــــــــــــــــر
اكتر من كدة
ما تنسي اديتني الامان
اها حدي زوقة
|
Post: #39
Title: Re: ..
Author: Muhib
Date: 03-16-2004, 02:54 AM
Parent: #38
خارج النص ,,يااسعد ..اية يعني ..مش تشاركنا الافراح في "خيمة النظام العام" بتاعتي انا و "الحلبي " ملاسي ..الخيمة واضحة ...نحن واقعين طرد وفصل في الناس ..تعال بيغادي قبال "السوط" يصلك ..ولي قدام ..
تماضر ..معليش علي التدخل ..اها ..اشتريتي ؟؟
|
Post: #58
Title: Re: ..
Author: Tumadir
Date: 03-16-2004, 02:03 PM
Parent: #38
اسعد..كان ادوك الامان ما تكملو كلو...حسه "اكتر من كدة؟" دى لزومها شنو؟؟
|
Post: #54
Title: Re: ..
Author: Tumadir
Date: 03-16-2004, 01:54 PM
Parent: #37
محب...
excuse you!!
|
Post: #53
Title: Re: انا حاشترى البورد..
Author: Tumadir
Date: 03-16-2004, 01:53 PM
Parent: #36
متوكل توم..
العضوية فيها رسوم..اظن البورد ده الخالي الناس تبرطع فيه كده هو عدم المسئولية المالية..
والرسوم دى انا .. حأكلها كلها..
وزى ما قال المثل..تفنى الجسوم وتبقى "الرسوم"
|
Post: #52
Title: Re: انا حاشترى البورد..
Author: Tumadir
Date: 03-16-2004, 01:48 PM
Parent: #35
صدوح..
سجن سجن ..غرامه غرامه..
|
Post: #51
Title: Re: انا حاشترى البورد..
Author: Tumadir
Date: 03-16-2004, 01:46 PM
Parent: #33
كبسيبه..يتخيل لى البورد محتاج لى ...طقم اسنان ومعجوووون..ههههه
|
Post: #43
Title: Re: انا حاشترى البورد..
Author: jini
Date: 03-16-2004, 03:26 AM
Parent: #1
Quote: جنى : رمضان دايرين يشتروه البرابره
انا ما بنافسهم
|
ديل الا يكونوا برابرة الجزائر البشتروا ليك رمضان
بتاعننا اقترحوا أنو يعملوهو زي كاس العالم مرة كل أربعة سنوات وفي يلد تاني
يا حليلك ياأختي
قالوا واحد حلفاوي لقي ليهو هلال دهب زي حق العرسان رفض يشيلوا خاف يكون بتاع رمضان
غايتوا البورد دا الا كان تكون دايرة تسمسري فبهو وفي الحالة دي الا تصرري اوتكبي ليهو زيت جربكس
جني
|
Post: #48
Title: Re: انا حاشترى البورد..
Author: Tumadir
Date: 03-16-2004, 03:50 AM
Parent: #43
وللبقية ..اقول البقية تاتى..
حقيقة جانى التهاب فى البورد..
وكل ما اطفات فيه نار شبت اخرى
خلاص حاسة بانى دايره ابيع..
مع السلامة ..لى قدام
|
Post: #49
Title: Re: انا حاشترى البورد..
Author: عشة بت فاطنة
Date: 03-16-2004, 11:06 AM
Parent: #48
تماضر من حسي انا حاجزة صالة المسرح عشان نمثل عليها كوميدية البورد السوداء وماتنسي يوم المسرح على الابواب
|
Post: #55
Title: Re: انا حاشترى البورد..
Author: NGABY AJOOZ
Date: 03-16-2004, 01:59 PM
Parent: #49
الفنانه الرائعة تمطم
انا موافق بس بشرط تشيلي لينا صورة كبيسه دي طوالي فازعاني
|
Post: #60
Title: Re: انا حاشترى البورد..
Author: Tumadir
Date: 03-16-2004, 02:16 PM
Parent: #55
ما تخاف يا نقابى عجوز..البورد الجديد كل شى فيه "مشروط" الصور البتخلع..والالفاظ البتطير رحمن القلب دى ..ما بتجى ..عابره..حنشرطها حتت..مش قلت ليك مشروطه؟
|
Post: #59
Title: Re: انا حاشترى البورد..
Author: Tumadir
Date: 03-16-2004, 02:12 PM
Parent: #49
هو البورد الجديد حيكون مجندر..كل "شابة" بى زولا..خلاص انتى امسكى لينا المسرح..هو المسرح لاقى عشه مبارك وين؟؟
|
Post: #56
Title: Re: انا حاشترى البورد..
Author: ali othman
Date: 03-16-2004, 02:00 PM
Parent: #1
اعفيني من حكاية الإمتحانات دي وبشتغل معاك مدير ولا بوليس ذاتو
|
Post: #61
Title: Re: انا حاشترى البورد..
Author: Tumadir
Date: 03-16-2004, 02:18 PM
Parent: #56
للاسف فى المنتدى الجديد يا على عثمان..نحن حنخت محل الطلقة عصفوره
املا مسدساتك الزمان عصافير
والا ما حتدقو...هههه
|
Post: #57
Title: Re: انا حاشترى البورد..
Author: سارة منصور
Date: 03-16-2004, 02:03 PM
Parent: #1
تماضر بنت الشيخ الحبيبة وانا علي
اجيب ليك ثلاثة بودي قارد عشان
يحرسوك من القذائف النارية الحتجيكي من الاعضاء ..
|
Post: #64
Title: Re: انا حاشترى البورد..
Author: Tumadir
Date: 03-16-2004, 02:31 PM
Parent: #57
سارة منصور..ما تلاته جيبى اربعه..البورد محللات ليه اربعه بودى قارد..محصنين بالغين..
|
Post: #62
Title: Re: انا حاشترى البورد..
Author: ali othman
Date: 03-16-2004, 02:27 PM
Parent: #1
|
Post: #63
Title: Re: انا حاشترى البورد..
Author: Tumadir
Date: 03-16-2004, 02:29 PM
Parent: #62
انا برضو يا على عثمان...فتحت البوست ده للبسمة الظريفه..
ما تتعقد..دى كوميديا..
|
Post: #65
Title: Re: انا حاشترى البورد..
Author: كبسيبة
Date: 03-16-2004, 02:35 PM
Parent: #1
يا نقابي يا عجوز لسة كما حجيب ليك باقي العيلة في العهد الجديد ودي هدية ليك
| Quote: كبسيبه..يتخيل لى البورد محتاج لى ...طقم اسنان ومعجوووون..ههههه |
فعلاً لأني شايف السوس بقي كتير وبنخر في البورد.
|
Post: #66
Title: Re: انا حاشترى البورد..
Author: NGABY AJOOZ
Date: 03-16-2004, 02:44 PM
Parent: #65
الاخ كبسيبة الله يديك العافية ويلزمني الصبر كل ماشوف صورتك اتذكر قاقول 
|
Post: #67
Title: Re: انا حاشترى البورد..
Author: Tumadir
Date: 03-16-2004, 02:57 PM
Parent: #66
حسه يا على عثمان تقول كلامك ده شلتو زعل..ولا اقتنعت معاى بمبدأ الضحك النضيف..
عليك الله طمنى ..واللهم اجعلو خير..
|
Post: #68
Title: Re: انا حاشترى البورد..
Author: المهدي صالح آدم
Date: 03-16-2004, 06:38 PM
Parent: #67
الاخ تماضر مع التحية
اولا اشكرك على الهدية الرائعة الزولة طبعن ما صدقت لما وريتها
اما بخصوص البورد انا واثق من امكانياتك المادية والعلمية والادبية والمسرحية والفنية (والحريمية) عكس الذين يتهموك بالفلس بس خايف من شئ واحد انك تحولي البورد لبورد خمسة نجوم ويكون البورد فقط لأصحاب الزوات وناس المصارين البيض وانا واخوي الكاشف والزينا نضطر نفرش كتاباتنا وافكارنا قدام الجامع الكبير بسوق الخرطوم.
|
Post: #69
Title: Re: انا حاشترى البورد..
Author: منعمشوف
Date: 03-16-2004, 07:08 PM
Parent: #68
قرقر قر قر قرقر قرقر ... هيهيهيهيــــــــع
إنت القطعتى مصارينا بنكتة عرق العـــــــافية
| Quote: منعمشوف انت لا دينى طلعت؟؟ يعنى من اهل اسامه .. بن لادينى؟؟ هههه |
دينى ونص وخمسة ولو مصدقانى أسألى رمضان السودان فى التمنينات
هيع هلا هلا .. أنا ولدك آ النعمة .. أساليهو .. تطلعينى أنا أسامة بن لا دينى، أسى الناس دى كان يجنفت فينى(لو قدرتى تقريها حتيك 10/10) وإن عدتم عدنا .. هيع .. التوقيع: عجيب الربَّاط
|
Post: #70
Title: Re: انا حاشترى البورد..
Author: bayan
Date: 03-16-2004, 07:54 PM
Parent: #69
طماطم يا بت امى
ليه تخسري قروشك البورد ما حقك
من يومتو 
|
Post: #71
Title: Re: انا حاشترى البورد..
Author: doma
Date: 03-16-2004, 09:54 PM
Parent: #70
يا زوله اشتريه ونطرد الرجال كلهم فايرين ومندلقين كدي فينا
|
Post: #74
Title: Re: انا حاشترى البورد..
Author: حبيب نورة
Date: 03-16-2004, 10:34 PM
Parent: #70
تدفعي كم يا تماضر؟
انا عندي النية ذاتي
اشتريه لكن ما عندي
الرغبة في مشكلة تقوم
في مزاد الحروف دة
اصلوا البورد دة فيه
جنس حروف لافة...اسكتي بس
حروف يمينية وحروف يسارية
ولبرالية وظلامية وكلام كبار
كبار ما عارف بجيبوه من وين
|
Post: #87
Title: Re: انا حاشترى البورد..
Author: 7abib_alkul
Date: 03-18-2004, 01:17 PM
Parent: #70
اجي يا بت امي هو بكرى فلس؟
|
Post: #72
Title: Re: انا حاشترى البورد..
Author: Hadia Mohamed
Date: 03-16-2004, 10:25 PM
Parent: #1
تمــاضـرالبهـجـه شـوفـي لينـاانشااللـه راااكــوووبـه معـاكـم المهم بـلاش.انا واخـوك يحيي ده هـاديـه بـدرالـديـن...
|
Post: #73
Title: Re: انا حاشترى البورد..
Author: Rawia
Date: 03-16-2004, 10:29 PM
Parent: #1
هاديه ازيك
اولادك كيف
اهلا بيك ومرحب
|
Post: #75
Title: Re: انا حاشترى البورد..
Author: Tumadir
Date: 03-16-2004, 11:29 PM
Parent: #73
دومة...تشاركى..بما انك طبيبة فى المانيا وعندك الجنسية؟؟
حبيب نوره..بسبب سلامك لى هادية ..عتحت بوست..
اقصد قطعت فيها بوست...
يا مراحب هادية..
|
Post: #76
Title: Re: انا حاشترى البورد..
Author: yumna guta
Date: 03-16-2004, 11:36 PM
Parent: #75
تماضر ...سلامات
ما عاوزة ليك فى البورد الجديد بتاعك زول يشتغل مختفى و الناس يسألوا منه يقول ليهم مزنوق والله بس مع القراية
|
Post: #77
Title: Re: انا حاشترى البورد..
Author: Tumadir
Date: 03-16-2004, 11:50 PM
Parent: #76
معليش ما عايزين ....عندنا واحده هنا اسمها يمنى قوته..جنها ما تمشى ولا ايوا ولا لندن..وتقول عندى قراية..
|
Post: #78
Title: Re: انا حاشترى البورد..
Author: WALEED YASSIN
Date: 03-17-2004, 00:00 AM
Parent: #76
يا استاذة تماضر
انا طبعا اشتريت الشبكة العالميةinternet
وطبعا عشان انتى استاذتى زمان و جارتنا فى امدرمان
حا اجدد ليك الترخيص اذا ما التزمتم بلاتى:
تمنع مكبرات الصوت
يمنع الرقص المختلط و الطلق النارى ان ينته الحفل الساعة 11م
و الأ سوف نصادر الساوند و نحبس العريس
ولأ شنو
|
Post: #79
Title: Re: انا حاشترى البورد..
Author: Tumadir
Date: 03-17-2004, 00:09 AM
Parent: #78
وليد ياسين انا درستك وزمان كمان؟
اوع تكون كبير بس؟ ههه
يا مرحب
وخلى الساوند على...المهم الاخلاق
|
Post: #80
Title: Re: انا حاشترى البورد..
Author: WALEED YASSIN
Date: 03-17-2004, 00:29 AM
Parent: #79
استاذة تماضر
اطبعا عشان انتى حا تشترى البورد انا ما كبير صغيييييييييييييييير
بقراء فى مرحلة الأساس
اها تقبلينى فى البورد بتاعك
استاذة تماضر لك كل التحية حقيقة كنتى استاذتى في يوم من الأيام وما دايراقول الكتوف اتلاحقت و لكن
من درسنى مسرحا صرت فى بورده عضوا
والبورد كما كفى الجيران فى امدرمان حرام غلى القاعدين مع الامريكان
|
Post: #81
Title: Re: انا حاشترى البورد..
Author: mekki
Date: 03-17-2004, 07:37 AM
Parent: #1
مؤكد انا برّة...
|
Post: #82
Title: Re: انا حاشترى البورد..
Author: عشة بت فاطنة
Date: 03-17-2004, 08:31 AM
Parent: #81
هي يا تماضر خلاس نزغرت البيعة تمت ، اها والناس الكرشوهم برة بتديهم شو؟؟ وكيف تتصرفي مع تبعات البيعة خاصة اذا رفع ارهابي البورد قضية ولا لا سمح الله قنبلة جدجدولا قنبلة كراهية خاصة انك يا بت امي متغربة اها نسوي شنو ؟؟؟؟ظ
|
Post: #84
Title: Re: انا حاشترى البورد..
Author: NGABY AJOOZ
Date: 03-17-2004, 01:27 PM
Parent: #82
هوى ياعشة تماضر وراها نسوان ورجاجيل يكفو العين
|
Post: #83
Title: Re: انا حاشترى البورد..
Author: hala alahmadi
Date: 03-17-2004, 11:27 AM
Parent: #1
تماضر
و الله ماكان عندى فكره بانك مقرشه كده. مكن تسلفينى عشان افتح shelter للنسوان و بالمناسبه انا زاتى حيكون عندى لوائح و قوانين الما حتقبل بيها حارسلها لراجلها تانى او للمنبر بتاعك و اتى تشوفى شغلك معاها. deal ؟
و دمت يا عزيزتى
|
Post: #85
Title: Re: انا حاشترى البورد..
Author: Tumadir
Date: 03-17-2004, 09:11 PM
Parent: #83
مكى ..انت ما بره..انت مش الاخر؟؟ نحن نقبل الاخر..حتى اشعار اخر
نقابى عجوز..الناس القلتهم ديل قدامى ما وراى..والحقيقة فى رموش العين....
هــــــــــــــــــــــــــــــــــــــــــــــــــــــــــاله الاحمدى؟؟؟
ما اسعد القراء!!! لا دى دايره بوست ترحيب...
تعبانه لما ارتاح...
والف مرحب
|
Post: #86
Title: Re: انا حاشترى البورد..
Author: doma
Date: 03-17-2004, 09:31 PM
Parent: #83
يا هاله والله نسوانك ديل مسكين خلاص جيبيهن لي اديهن كورس الرجال يمشوا الشلتر
|
Post: #88
Title: Re: انا حاشترى البورد..
Author: Tumadir
Date: 03-18-2004, 02:37 PM
Parent: #86
يا حبيب الكل.بكرى ما فلس..بكرى اتنجض عمرو
|
Post: #89
Title: Re: انا حاشترى البورد..
Author: Tumadir
Date: 03-31-2004, 06:31 PM
Parent: #88
خلاص ...
حابيعو
والله بقى ما عندى ليه زمن كله كله
ومواضيعى الفاتحاها ما قادره اتابعها
والاعضاء الجدد كترو ما قادره ارحب بيهم
فحأبيعو
حد عايز يشترى؟
وطان ما شفتونى قريب.. ما تشفقو... بطل ما يموت ... وقلوبنا معكم.
|
|