Post: #1
Title: الليله اكملت نصف دينى....
Author: Tumadir
Date: 05-05-2004, 02:18 PM
Parent: #0
الديون كانت متراكمه على ودفعت نصها وباقى لى النص التانى...
هاهاهاها
ياجماعة انا بس مشتاقه ليكم ما اكتر
كمبيوترى اتصلح حسسسسسسسسسسسسسسه دى وانا ماشه الشغل
قلت ارمى ليكم غنبلة موقوتة قبل ما اطلع
وكل انسان شايقى
بعدين بجى احكى ليكم القصة الحلوه دى
كل انسان شايقى
مريم محمد الطيب اوع اجى القاك حكيتيها قبلى
سلاااااااااااااااااااااااااام وشوق شديييييييييييد
ياروحى سلام عليك
|
Post: #2
Title: Re: الليله اكملت نصف دينى....
Author: تاج السر حسن
Date: 05-05-2004, 02:23 PM
Parent: #1
حلوه يا تماضر ......... النكته.
هههههههههههه
|
Post: #3
Title: Re: الليله اكملت نصف دينى....
Author: tariq
Date: 05-05-2004, 02:25 PM
Parent: #1
حمدالله على سلامة الجهاز
|
Post: #5
Title: Re: الليله اكملت نصف دينى....
Author: ابو جهينة
Date: 05-05-2004, 02:33 PM
Parent: #3
تماضر
تحياتي
قريت عنوان البوست ، و ودقاسم معاى في الخط الآن ، قلت ليهو : ألف مبروك زواج الخنساء.
ضحك و قال لى : أفتح البوست
فتحت البوست ، لقيتو ( الدين ) اللي هو الشكك زى ما بيقولوا المصريين ، أو ( الكتفلي ) زى ما بيقولو أهلنا الشوايقة
على كل حال ، بركة ،، إكمال نصف الديون برضو حاجة ما ساهلة.
المهم الكمبيوتر صحتو إن شاء الله تمام حسع ؟
عودا حميدا
|
Post: #4
Title: Re: الليله اكملت نصف دينى....
Author: مراويد
Date: 05-05-2004, 02:30 PM
Parent: #1
النص...الحلو؟؟؟؟؟
جهجهتينا معاك..انك دينك ده فيهو كم نص؟؟ ذكرتينى الراجل معزوم عند الجماعه وهم طابخين جداد،كل ما يخمش ليهو لحمه يلقاها رقبه،لمن زهج خلاص قال ليهم "انت جدادكم ده حبوبتو زرافه " الظاهر دينك ده حبوبتو ......
قلنا تماضر اكملت نص دينا كم مره
وانحنا ربعو ما كملناهو
عقبال الحج
|
Post: #6
Title: Re: الليله اكملت نصف دينى....
Author: Tomader Habiballa
Date: 05-05-2004, 02:36 PM
Parent: #4
هى ياطمطم الشوق ليك ولى كلامك الطاعم
يلا مستنين ابداعاتك
|
Post: #7
Title: Re: الليله اكملت نصف دينى....
Author: Ibrahim Algrefwi
Date: 05-05-2004, 02:37 PM
Parent: #1
......
.....
....... دينك ودين ابو اهل دينك ودين الشوايقه
والعركيين وديني انا ذاتو
|
Post: #45
Title: Re: الليله اكملت نصف دينى....
Author: abumoram22
Date: 05-06-2004, 04:13 PM
Parent: #7
الدين في الكتوف والأصل معروف
الأخ ابراهيم لك التحية والاحترام
رجاء اضبط كلمات العبارة بالضبط الكامل ( يعني شكلها) حتى لايلتمس الأمر كم التمس علينا العنوان
|
Post: #8
Title: Re: الليله اكملت نصف دينى....
Author: Rawia
Date: 05-05-2004, 02:40 PM
Parent: #1
مكه بنوها على فالها
|
Post: #9
Title: Re: الليله اكملت نصف دينى....
Author: AlRa7mabi
Date: 05-05-2004, 02:40 PM
Parent: #1
تماضر .. عليك الله لما تكملي نص دينك التاني
تعالي ابدي معاي في نص ديني أنا
والناس برضو لبعضيها
|
Post: #10
Title: Re: الليله اكملت نصف دينى....
Author: نصار
Date: 05-05-2004, 02:42 PM
Parent: #1
بيت مال و دولار لووووووول
الله يتم كل المقاصد
و حمدا لله على سلامتكما
|
Post: #11
Title: Re: الليله اكملت نصف دينى....
Author: ودقاسم
Date: 05-05-2004, 02:58 PM
Parent: #1
تماضر
وين لقيتي الناس البيدينو ديل ؟
وكمان سداد بالتقسيط ؟؟
يا ربي ليه أنا ما بلاقي ناس زي كده ؟؟؟
يمكن عشان ما فنان\ة ؟؟؟؟
طيب مش أنا قريب الفنانة ؟؟؟؟؟
|
Post: #12
Title: Re: الليله اكملت نصف دينى....
Author: بلدى يا حبوب
Date: 05-05-2004, 03:11 PM
Parent: #1
تماضر
والله حيترينىقلته كماندهحيكون موضوع جديد فى البورد وكمان عن ناس امريكا
مرحب بيك نورت البورد
|
Post: #13
Title: Re: الليله اكملت نصف دينى....
Author: جورج بنيوتي
Date: 05-05-2004, 03:38 PM
Parent: #12
مرحبا تماضر
نترجى قيامك بيننا...
|
Post: #14
Title: Re: الليله اكملت نصف دينى....
Author: Abureesh
Date: 05-05-2004, 03:43 PM
Parent: #13
تمـاضــر،
هاهاهاها دى ما بتنفــع..
نحن دايـرين الخـروف هسـى، بعـدين كملى أى دين يعجبك..
دى غيـر غـرامات رجــاء.
الحـاجـات دى ما لعب.
|
Post: #15
Title: Re: الليله اكملت نصف دينى....
Author: سارة منصور
Date: 05-05-2004, 04:47 PM
Parent: #1
مرحب بعودة الاخت المبدعة تماضر وكل الحب..
|
Post: #16
Title: Re: الليله اكملت نصف دينى....
Author: PLAYER
Date: 05-05-2004, 04:55 PM
Parent: #15
تماضر
مبروك...وعقبال النص التاني
|
Post: #17
Title: Re: الليله اكملت نصف دينى....
Author: samo
Date: 05-05-2004, 06:11 PM
Parent: #1
Quote: ياجماعة انا بس مشتاقه ليكم ما اكتر
|
نفسسسسسسسسسسس الشعووووووووووووووووووور
بركة الجيت ..بركة الجيييييييت ...اااااي
سمح انت ال..جنجوييييد .....اااااااااى
|
Post: #18
Title: Re: الليله اكملت نصف دينى....
Author: shawgi badri
Date: 05-05-2004, 06:31 PM
Parent: #17
العزيزه تماضر
كما لاحظتى لا اتداخل كثيرا ولكن هذا الموضوع افرحنى فى الاول . وافرحنى بعد ان عرفت بنصف الخلاص . المثل السودانى يقول مافى وجع الا ضرس ومافى ضيق الا عرس . وكان رد ابو زيد الهلالى على هذا المثل الضرس بقلعو والعرس بوجلو مافى وجع الا عين ومافى ضيق الا دين . وده كلنا بنعرفوا .
قالوا اول الكعوبيه اخد المره بلا نيه وتانى الكعوبيه العزوبيه وثالث كعوبيه العرقوبيه ورابع كعوبيه الحس عالى واليد خليه . العرقوبيه طبعا الناس تكون راكبه والزول ماشى بكرعينوا والرابعه . ذى حالتك كده الزول يكون معروف حسو عالى والجيب فاضى . ربنا يتم ليك الباقى .
شوقى.....
|
Post: #19
Title: Re: الليله اكملت نصف دينى....
Author: الجندرية
Date: 05-05-2004, 08:21 PM
Parent: #18
تماضر
حمدله على السلامة
يخسي عليك يا تماضر انا ما صاحبتك
ما توريني الوصفة ؟
|
Post: #20
Title: Re: الليله اكملت نصف دينى....
Author: nada ali
Date: 05-05-2004, 08:26 PM
Parent: #1
تماضر،
الف مرحب بعودتك افتقدناك كثيرا
|
Post: #21
Title: Re: الليله اكملت نصف دينى....
Author: jini
Date: 05-05-2004, 08:49 PM
Parent: #1
تماضر دينك كم ودين الوطن كمين
|
Post: #22
Title: Re: الليله اكملت نصف دينى....
Author: عشة بت فاطنة
Date: 05-05-2004, 10:09 PM
Parent: #21
تماضر دي الصحوبية كدا ،تسددي نص دينك ولا تمسجريني ، وبس ولا يهمك الدين في الكتوف والاصل معروف ..وسلامتو مبيوترك ..
|
Post: #23
Title: Re: الليله اكملت نصف دينى....
Author: alfatih
Date: 05-05-2004, 10:44 PM
Parent: #1
تماضر
سلامات
الشوق بحر والدموع ماسورة محلوجة يا بت الشيخ
|
Post: #25
Title: Re: الليله اكملت نصف دينى....
Author: عزيز
Date: 05-05-2004, 10:55 PM
Parent: #23
أم سارية وسيرين
الفنانة المترعة
البنت الحديقة
استاذتنا بت شيخ الدين
والله لى زمن عايز اكمل نصف دينى وماقادر ( فى زول حادر لى )
والبلابل فى الدين ( كتيره )
الله يديك العافية ويمتعك وعيالك وكمبيوترك بالصحة
لك الحب والتحية
|
Post: #24
Title: Re: الليله اكملت نصف دينى....
Author: Abd-Elrhman sorkati
Date: 05-05-2004, 10:52 PM
Parent: #1
حمد لله علي سلامة العودة
وعلي سلامة الحل000000
قالوا في المثل 000 ( الحلا دينو نامت عينوا)
وصديقي موسي جادين ترجمها الي (الصحن سلفتوا صحت نخرتوا)
وعقبالي يا رب00000
|
Post: #26
Title: Re: الليله اكملت نصف دينى....
Author: Elkalakla_sanga3at
Date: 05-05-2004, 11:43 PM
Parent: #24
سسسلام خالتو ما تقولي ليا يخلخل ضروسك دحين دير اسلك انا ذاتي داير اكمل نصف ديني انصحني بس ود قاسم داء مايعرف مرحب بيك وافتقدناك في الايام الماضية ويا الف مرحب بست الكل
|
Post: #27
Title: Re: الليله اكملت نصف دينى....
Author: Mutwakil Mahmoud
Date: 05-06-2004, 00:06 AM
Parent: #1
طماطم
غلطات كتيره الكمبيوتر بعملها
يمكن نسي ويمكن سهي
وجاط النمز من أولها
ماقالو بعرف كل شئ
ليه ما عرف ست الحلاه
والدفن بحلايب هههههههاههههها
أشواقي حين تسعي أليكي تشتاق
مرحب بيك والعود أحمد
أخوك د.متوكل
|
Post: #28
Title: Re: الليله اكملت نصف دينى....
Author: kamalabas
Date: 05-06-2004, 00:10 AM
Parent: #1
عودا حميدا يا تماضر
|
Post: #29
Title: Re: الليله اكملت نصف دينى....
Author: Al-Masafaa
Date: 05-06-2004, 01:03 AM
الف هلا و مراحب
بعودتك تعود للازهار فوحتها و للعصافير تغريدها.
الف حمد الله على السلامة و فى انتظار مزيدا من الجمال.
|
Post: #30
Title: Re: الليله اكملت نصف دينى....
Author: Tumadir
Date: 05-06-2004, 03:42 AM
Parent: #29
الاحباااااااب جملة
تاج السر حسن.. تحلى حياتك
طارق..حلوه جهاز دى
ابوجهينة..والله طمنتنى ..يعنى حسه كان عرست ليكم فجأه كده..بس تقولو مبروك وخلاص؟؟ هد دربى على نص دينى الجد جد
مراويد.. دى شملة كنيزه
تمضوره وكشفنا دوره..الطعامه منك وتقيف
ابراهيم الجريفاوى ..ما تسب للديانه قروشهم..
راوية..هاهاها..مكة دى بتشوفوها براكم
الجندرية ..اها المقادير: ما تتدينوا من زووووووول...
ندى على..شكرا على الوشوش المرصوصة دى
جنى: دين الوطن ده البحلنا منو شنو.. وياعملات عثمان حمد كلها عنقريب وملاح بامية وعراقى قابضننا بيها لى يوم الليلة.
نصار: اهم حاجة الدولار.. اى مال تانى ممكن يتحول هها
ودقاسم ذكرتنى الراجل القال النسوان البسافروا البلد ديل بتلقوهم وين؟
بلدى ياحبوب: موضوع جديد ومن امريكا؟؟ تقصد شنو يازول؟؟ هههههه
جورج بنيوتى الله يكرمك
ابو الريش: عملت لى شنو على العمل
ساره منصور: شكرا
بلير: الله يبارك فيك
عشة بت فاطنة: المثل ده مثل الكريدت كارد زى ما قال سارية.... ياحليلك
الفاتح : ماسوره محلوجة وفى معالق الجوف موسو مجلوخة؟
عزيز: الله يعزك
سوركتى: ولسه عينو ما نامت...يسوى شنو الزول ده؟
سامو: هاهاها...شكرا ليك..
شوقى بدرى: قالو العرس ضحك الفار فى جحرو..شيتن جابك لى ده...ما هين..والله..وفعلا نحن ناس قاضى والجيب فاضى..زاتنا..بس استرونا
دكتور متوكل: ست الحلاه عدييييييييل كده؟؟؟ وانا بكمل فى نصف دينى؟؟
المسافة: ما تطول المسافة..يازول ياخرافة..
كنت دايره احكى ليكم قصة اى انسان شايقى لكن جيت يادوب ...وفترااااااااانه... بكرة
عموما..عندى حاجات كتيرة دايرة اقولها بس قولو ..الله يقوى الرزق..
بجيكم صاده ياقول الريس.
د
|
Post: #31
Title: Re: الليله اكملت نصف دينى....
Author: yasiko
Date: 05-06-2004, 07:16 AM
Parent: #1
سلام
نكتة الشوايقة بترجع النص اللتسدد مضاعف
"دحين اقرعي دمك" لي وراء
حقيقة العنوان مدش وانا قلت "الوليي دي"(حلوة الوليه دي)
مرقت من دين محمد بعد كملت كل الكسور ودخلتلها واحد(ن) آخر
لك الاحترام
واسالي الفكي من "ود الكندي"
|
Post: #32
Title: Re: الليله اكملت نصف دينى....
Author: Ishraga Mustafa
Date: 05-06-2004, 10:22 AM
Parent: #31
عاد ياتماضر تكملى نص دينك وماتكلمينى، عاد جنس صحوبية،
عملتيها كيف وليه؟ لووووووووووووول
|
Post: #33
Title: Re: الليله اكملت نصف دينى....
Author: ملكة سبأ
Date: 05-06-2004, 11:13 AM
Parent: #32
تماضر .. حمد لله على السلامة
اها منتظرييييين
|
Post: #35
Title: Re: الليله اكملت نصف دينى....
Author: صديق الموج
Date: 05-06-2004, 12:30 PM
Parent: #33
يعنى يا تماضر كيف تقولى اكملت نص دينك وانا لم يصلنى منك لى هسه
ولا شىء والا دينى دين هالك ،ولو ما متذكرة اذكرك عشان البورد كلو
يكون شاهد....واليك تفاصيل ديونى:
ثلاثمائة مليون طن شــــــــــــــــــــــــــوق
سبعمائة مليون وطرشمائة كيلو مـــــــــــــــودة
سبعتاشر مليار قنطار وحشـــــــــــــــــــــــــــة
تمانمائة مليار وخرتمية متر خرمــــــــــــــــــه لى حروفك
ترليونات مترلنة والفمائة بوصة ريــــــــــــــــــــــــدة
ده غير بدل عطش،وبدل نسيان،وبدل هجر وبدلات كتيرة،وتجى تقولى
سددت نص دينك،فشر،وانا عارف البورد ده كلو طالبك قدر كده مرات.
|
Post: #34
Title: Re: الليله اكملت نصف دينى....
Author: almohndis
Date: 05-06-2004, 12:24 PM
Parent: #1
الاخت
تماضر
نسأل الله الذين اكمل نصف دينك
ان يسدد ما تبقى لنا منه
تسلمي ويسلم حاسوبك
عثمان احمد
|
Post: #36
Title: Re: الليله اكملت نصف دينى....
Author: فرح
Date: 05-06-2004, 12:42 PM
Parent: #34
الجهاز جهازك اهدى من فضلك نظره من جهازك يا بت الشيخ
حمدلله على السلامه
|
Post: #37
Title: Re: الليله اكملت نصف دينى....
Author: Abdel Aati
Date: 05-06-2004, 12:59 PM
Parent: #36
والله جهجهتينا يا تماضر
علي العموم الف مرحب بيك ..
عادل
|
Post: #38
Title: Re: الليله اكملت نصف دينى....
Author: Tumadir
Date: 05-06-2004, 01:56 PM
Parent: #37
ياسيكو..القصة ليك بيها علاقة بس ارخى اضانك
ملكة سبا,,خلينى بس احلحل ديون الرد والمحبة ..وبحكى..وبالمناسبة موهبتك بتزيد كل يوم ...بريق..عاجبااااانى وساره بالى.
الكلاكلة صنقعت..ما بقول ليك يخلخل ضروسك بقول ليك خلال ابشوك... اهلا
صديق الموج..وانت قايل الحساب ما "بت"؟؟؟ وانا طالباك اطنان من الحب والاحترام..؟؟؟ ونتحاسب...
شكرا والله.
اشـــــــــــــــــــــــراقة.... انتى جيتى بى جايى وانا مشيت بى جايى...اتعاقبنا...برجع ليك فى حتة تانية
عادل عبد العاطى... لو حصل اللى ما يسماشى ..بتتجهجهوا؟؟؟ النشوف.
|
Post: #39
Title: Re: الليله اكملت نصف دينى....
Author: Tumadir
Date: 05-06-2004, 02:20 PM
Parent: #38
المهندس حبابك وانت تحمل مشاعل العام الثالث..
اها القصة
سميه بت امنة اخدها واحد شايقى..ورحلها وسط اهلو..ولمن ولدو ايمان واول ما بدت النضم بنات خالاتا واولادهم.. لا حظوا فى نضمها حكاية الامالة والاطالة والاختصاااا (الاختصار).. فبدوا يكاووها
"ايمان الشايقية"
جات تبكى لى حبوبتها:
"عليك الله ياحبوبة مش اى انسان شايقى"
اتخيلوها بصوت الحلاه والصغره والبنوتية ديك...
"مش اى انسان شايقى ى ى ى ؟"
|
Post: #40
Title: Re: الليله اكملت نصف دينى....
Author: ود العجمى
Date: 05-06-2004, 02:23 PM
Parent: #1
خلاص جيتى ؟؟
انا عندى نكة عن الشايقى المديون برضو
تقولى نكتتك ولا اقوم اعمل سبق طرفوى واقولا . طبعا مع اعتبار انى دمى تقيل وما عندى صلة بالمسرح
من زمن السيل واربعة رجال وحبل
اى بالمناسبة اربعة رجال وحبل دى الممثلين فيها كانوا اربعة على ما اذكر فيهم يحيا فضل الله القاعد يتاوق هسى دا . لكن المحيرنى ناهد حسن دى كانت الحبل ولا شنو
سؤال مطروح ارضا عبرك للاستاذ يحيا فضل الله
طولت عليك مش ؟؟
|
Post: #41
Title: Re: الليله اكملت نصف دينى....
Author: Tumadir
Date: 05-06-2004, 02:29 PM
Parent: #40
قووووووووووول النكتة
انت حسى السالك منو؟
|
Post: #42
Title: Rep
Author: Osman M Salih
Date: 05-06-2004, 03:17 PM
Parent: #1
عودا حميدا
|
Post: #43
Title: Re: Rep
Author: Tumadir
Date: 05-06-2004, 03:23 PM
Parent: #42
i lost my arabic again. thanks Osman.
I read you all the times, you have such a wonderful writing skills.
|
Post: #44
Title: Rep
Author: Osman M Salih
Date: 05-06-2004, 03:40 PM
Parent: #1
العزيزة Tamadir
سلام يا إبنة العم المترعة خيراً وشعرا.
أبهجني ا لمكتوب!
|
Post: #46
Title: Re: Rep
Author: ديامي
Date: 05-06-2004, 04:38 PM
Parent: #44
إيمان عبد المنعم شايقية وديامية وكل إنسان ديامي
|
Post: #47
Title: Re: الليله اكملت نصف دينى....
Author: adil amin
Date: 05-06-2004, 04:54 PM
Parent: #1
الاخت تماضر
تحية طيبة
شنو واحد شايقى دى ..نحن تعبانين ننشر ثقافة المجتمع المدنى فى السودان وفى المنتدىوفى البيت وفى الشارع وفى المسرح تجي وتقولى قى زول شايقى
فى مرة شايقية نزلت فى محطة ابو حمد وقعدت تتافف وتتمسخر ..ابو حمد دا شنو! ابو حمد دا شنو!
فى رباطابى مسيخ كده
قال ليها ده راجلا ليى كريمى
التحية لك مجددا ومبروك الكمبيوتر والذى احيانا صداقته احسن من من ناس
حتجى البت الحديقة
شايلة دسكين فى عيونا
وماوث بيمينا
|
Post: #48
Title: Re: الليله اكملت نصف دينى....
Author: خالد العبيد
Date: 05-06-2004, 05:05 PM
Parent: #1
العزيزة تماضر
لك تحيات الورد
كيفك يا بت الشيخ ليك وحشة والله
سلام وشوق كتييير
لك الود
خالد
|
Post: #49
Title: Re: الليله اكملت نصف دينى....
Author: إيمان أحمد
Date: 05-06-2004, 05:21 PM
Parent: #48
تماضر الحبيبة
سلامات وبركة الشفناك طيبة
لكن يا أختي
بما إنه "التعدد نعمة"، و"الحساب ولد"، فنص دينك الكملتيه ده،
أقسميه علي أربعة، واشربي مويته !
أها شن قولك؟
لك المحبة
إيمان
|
Post: #50
Title: Re: الليله اكملت نصف دينى....
Author: AnwarKing
Date: 05-06-2004, 05:56 PM
Parent: #1
حمد لله علي سلامة العودة
AnwarKing
|
Post: #51
Title: Re: الليله اكملت نصف دينى....
Author: نجلاء التوم
Date: 05-07-2004, 09:28 AM
Parent: #50
تماضر :
كيفك ؟
طرفى خرائب جمة
بانتظارك
وكثير كثير من الود
جعله كمبيوترك المتآمر اشد جمالاً
اظهرى .
|
Post: #52
Title: Re: الليله اكملت نصف دينى....
Author: esam gabralla
Date: 05-07-2004, 10:04 AM
Parent: #1
يا نجلاء عيب عليكى ترحبى بالزوله النازله تهكم "فينا" دى,و فينا راجعه للشايقيه رغم ان علاقتى بالقبيله (و افتكر نجلاء برضو) لا تتعدى حدود حمل اللقب لانى (لحسن او لسوء الحظ او ساى كده ) لم ازر "البلد" فى حياتى...بس الكنت عارفو انو الواحد لما ينبزو قبيلتو او يضحكوا عليها زى ما بتعمل المسخوته تماضر دى،مفروض الواحد يزعل...عشان كده هسه انا زعلان...رغم الجرعات الجيده من بوست الجندريه عن التنميط ...انصح بزيارته عاجلا لان من كان بلا تنميط فل......
يا نجلاء مره كان فى بكا عند اهلنا ديل فى الخرطوم مشيت عشان اعزى ولم اكن اعرف الناس المفروض اشيل معاهم الفاتحه (شايقية لندن) فسالت الطاهر محمد صالح (المصرى), وده شخصيه تستحق افراد بوست لها، وبدلا عن يوصف لى الناس المعنيين رد بلسانه المخلوط شايقى على مصرى على ايطالى و بضع لغات اخرى:اقولك ايه؟ هو نحيف وكلهم نحيفين، هو مخطط (مشلخ) وكلهم مخططين هو اغبر (اغبش) وكلهم مغبرين...روح خدلك اى واحد فيهم
تماضر...انتو الانصاص دى بتكملوهاكيف؟؟ انا كلما اكمل واحد يطلع لى نص تانى؟؟؟ اكون سحار و لا شنو؟؟
|
Post: #53
Title: Re: الليله اكملت نصف دينى....
Author: Tumadir
Date: 05-07-2004, 11:49 AM
Parent: #52
technical support needed
i can't find my arabic
peoplllllllllllllllllllllllllle, i need help
look what i get from arabic feature
EF'+E5G'A9GCF
-4.D*3J
-.9
-. 9AD
- 9D
-.*
what is this??
what is this??
please help me, i would like to communicate with you guys, ladies and gentelmen
CEICEF*CEF*E*'E*'EG*'EG'E .9GDG9(G:$ !*'(D*'D1E*F
|
Post: #54
Title: Re: الليله اكملت نصف دينى....
Author: ديامي
Date: 05-07-2004, 11:55 AM
Parent: #53
أعاني من نفس المشكلة ، مشكلة غياب العربي وليس مشكلة إكمال الدين ، الحل يكون بالكتابة في Microsoft Word ثم القطع واللصق في المنتدى ،
|
Post: #55
Title: Re: الليله اكملت نصف دينى....
Author: Tumadir
Date: 05-07-2004, 12:17 PM
Parent: #54
Thanks Diami, for your advice, but it was there. I wrote this post using it.
3aaaaaaaaaaaaaaaaaaaaaaaaaaaaaaaaaaaaaaaaaa3
why me??
|
Post: #56
Title: Re: الليله اكملت نصف دينى....
Author: Nada Amin
Date: 05-07-2004, 08:31 PM
Parent: #1
دايما يا تماضر بتكتبي بوستات عناوينا بتخلع كده بعد اتكلم معاكي بالتليفون مباشرة
و تخلي الزعل و سوء الظن يشيلوا و يودوا في بنات أفكاري
و من شفت العنوان فرحت
و بعدها زعلت طوالي و قلت تماضر كنت بتكلم معاها أول أمبارح و ما قالت لي انها حيعقدوا عليها و قلت اتاريها تماضر بتعرف لحركات البنات كويس
و مبروك اكمال نصف الدين و كملي النص التاني بعد داك كملي الحقيقي عشان العريس ما يقول عرستها مفلسه و مديونه
|
Post: #57
Title: Re: الليله اكملت نصف دينى....
Author: salwa elsaeed
Date: 05-07-2004, 09:35 PM
Parent: #1
انشاله عقبال تكملي الباقي
لي بي حالك
لانو انا حقي ابا يكمل كلو كلو
|
Post: #58
Title: Re: الليله اكملت نصف دينى....
Author: ملكة سبأ
Date: 05-07-2004, 09:57 PM
Parent: #57
اها شفتي ياتماضر
على قول كان في شايقي دي
والشايقي اخوى الصغير .. اها
لمن جينا من البلد كان صغيير وصاحب ليه اولاد وكان اول مرة يسمع حكاية انه في زول ماشايقي ..
يجى جااادى لمن واحد من اصحابه يقول انا كدا ويسأل ابوى
انت يابوي يعنـي كيـف الزول يكون ماشايقي ؟؟
لمـن ابوى يقعد يشرح لي يظهر عليه الفهم .. والتأثر برضو ويقول لابوى: غايتو يا ابوي انا لمن القى لى شافع ويقول لى انا ماشايقي قاعد يحنني والله .. عشان ماجابو شايقي
والله جد الكلام دا
|
Post: #59
Title: Re: الليله اكملت نصف دينى....
Author: الفاتح يسن
Date: 05-08-2004, 01:06 AM
Parent: #1
ياهلا يابت الشيخ مودوع الكمبيوتر بسيط جريت سلك لي صاحبي بل جيتس اصلي قابلتو في منتجع قلع النحل الشتوي قبل كم سنه شرحت ليهو الموقف اندهش الراجل وعقد اجتماع طاريء لكل الاختساسيين بتاعين الكمبيوتر وتوصلوا بانو يرسلوا ليكي كمبيوتر مانزلش السوق على جناح السرعة وايضا تم الاتصال بالامين العام لصندوق النقد الدولي لاعفائك من النصف الاخر من دين الفله وبعد ذلك على طول تم الاتصال لمستر شون بتاع التايوتا لاعفاءك من بقية دين اللكزس وكده عليكي التفرغ التام للمنبر وسلام لتماضر ياجدعان
|
Post: #60
Title: Re: الليله اكملت نصف دينى....
Author: Tumadir
Date: 05-08-2004, 01:29 AM
Parent: #59
بس العربى يجى
وانا اجى
ما تقنعوا منى
حسة شغاله بفكرة ديامى
لكن لو ريحت كراعك ..الفكره دى..ما تريح قلبك
اجيكم وقلبى مرتاااااااااااااااااااح
ونص دينى مكمول
|
Post: #61
Title: Re: الليله اكملت نصف دينى....
Author: Ashraf Mahmoud
Date: 05-08-2004, 01:38 AM
Parent: #1
الانسانة .......تماضر
بركة الرجعتى سالمة ..حمد للله على سلامتك وسلامة كمبيوترك
|
Post: #62
Title: Re: الليله اكملت نصف دينى....
Author: Tumadir
Date: 05-08-2004, 04:32 AM
Parent: #61
تماضر يا خطيره
يا كمبيوتر انتى يا رهيبة
صلحت عربينى براااااااااى
ونزلت موزلتى ....
وهدى نصيحه لكل جربندية التكنلوجيا
وديامى
ومن نحا نحوهم
اعملو داون لود لموزيلا..واستعملوه بدل انترنيت اكسبلورر ...تقول ليه اكتب عربى يكتب عربى..مش زى البت الهبلة بتاعة لمن كنت صغيره بلعب فى التراب
Mozilla.com
مزيللا دوت كم
والمزلة فوق كم؟؟
بكره النقة...
تصبحوا على خير
|
Post: #63
Title: Re: الليله اكملت نصف دينى....
Author: ديامي
Date: 05-08-2004, 05:00 AM
Parent: #62
الحمد لله طلعت ما من الجربندية
وقد كنت في يوم من الأيام ( أحوص ) العمايا
الموزيلا بحل نص المشكلة ، واذا عايزة تعملي Quote
الكتابة حتكون باللغة الهيروغلافية
|
Post: #64
Title: Re: الليله اكملت نصف دينى....
Author: sharnobi
Date: 05-08-2004, 05:35 AM
Parent: #1
هوى نسيت انو آخر فايل فى الرف هو الليلى بلغة الشوايقة
لكن بعد ما وقف نبض القلب لبرهة
وليقت القصة ما يا ها
وانا كملت باقى الدين
وبقيت
نوبى اصيل
نضيف
لا اول فى الدين ولا الدين
والماعجبو اهو البحر
|
Post: #65
Title: Re: الليله اكملت نصف دينى....
Author: JAD
Date: 05-08-2004, 08:04 AM
Parent: #1
عارفة يا أستاذة تماضر أنا جايي وشايل معاي باقات زهر من كل نوع .. وكرت تهنئة منمنق ..
ألقى الموضوع بفتح الدال  ..
على كل حال .. البحل أمه كل كويس .. وأنا ماش .. وعقبال بكسر الدال.
مرحب وعقبال دينك صفر يا رب.
جاد
|
Post: #66
Title: Re: الليله اكملت نصف دينى....
Author: mohamed elshiekh
Date: 05-08-2004, 08:12 AM
Parent: #65
حمد لله على السلامه
وعقبال ماتكملى النص التالت
والرابع كمان
والخامس برضو
نورتى اختى تماضر ومرحب بالعوده
والف حمد لله على سلامة كمبيوترك
وانشاء الله المرة دى يكون علاج جذرى
لانو كمبيوترك ده دائما فى حاله بتاعت غيبوبه
ودوشه وهزيان ..... شنو الحكايه؟
|
Post: #67
Title: Re: الليله اكملت نصف دينى....
Author: Tumadir
Date: 05-10-2004, 05:07 PM
Parent: #66
عادل امين .....هاهاهاها
دسكين وماوث؟؟؟
خالد العبيد ...تسلم ...انا ياهودى
ايمان احمد .....طلتك فال خير على وشى
انور كنج....برجع ليك فى موضوع ...الدخان ...مع انه ما كاتباه انا ...بس بلقاه ليك
نجلاء ....كل الخير ليك..وكل المودة..حمدالله على السلامة....
لكن اختفيتى تانى..
عصام جبر الله .....والله فقعتنى بالضحك ..ولك كل خطوط التماس والشايقية
ندى امين .......بلوا راسكم ....والدعوه عامة
سلوى سعيد...مش ورثتى؟؟ تانى الدين شنو؟؟
ملكة سبأ ....الله يجازى محنكم يا شايقية الزمن ده .....هههههههههه
الفاتح يس.....كل المحنة....واشكرك
وما تنط من كلامك ...قلع النحل ....منتجع ما بعرفو جيب الكمبيوتر....وكل الناس هدى شاهده...لابتوب وويرلس كمان.
اشرف محمود....شرفت
شرنوبى والله الشوق بحر...بركة الشفناك طيب
جاد ...من بقك ولى رب السما...........ههههههههه
محمد الشيخ ....تسلم يا سيدى
الجميع ناسف للتاخير والرجاء مراعاة فروق التكنولوجيا
|
|