هـــــــــــرمون التسامح

ذهبت المراة ..محروقة الحشا..الى قاتل ابنتها الشابة بعد ان قضى عشرين عاما هى نصف مدة الحكم...فى ندم حارق..وقضتها هى الام..فى حالة ادمان للشرب ..واهمال تام لاطفالها الاحياء..وسهر ..وبكاء وذهول...

طلبت من حارس السجن ان يسمح لها بمقابلة غريمها..ولو عبر سياج النافذه

ما ان وقعت عيناهما فى عينى بعضهما البعض ..حتى بدات الانتحاب..والبوح:

لقد تعبت من كراهيتك ..

تعبت من تمنياتى لك بكل شىء الا الخير..

تعبت من حقدى وضغينتى..

تعال نستمع الى بعضنا البعض..

تعال نتحدث عن صغيرتى الجميلة التى ازهقتها يداك الاثمتان..

علنى ارتاح من ارقى وسكرى ..وجنوحى عن كل ماهو جميل..وله علاقة بالحياة..

تعال نحزن سويا...ونبكى..

وسط ذهول الجميع.. سمح لها بدخول زنزانته

جلسا على الارض..

واخرجت كومة الصور والرسوم والمكتوبات البريئة ....خاصة ابنتها القتيلة

وسال منهما دمع ثخين..وتحدثا عن الامهما فى العشرين سنة التى كتبا لها نهاية ابدية..

ومدت له يدها ..وصافحته..

خرجت من تلك الزنزانة ...خفيفة الجسم..

يقول استاذ الذى اجرى الدراسة عن الهرمون الذى تفرزه الغدد بعد ان يطرد الانسان دوافع الكراهية والتحامل ضد " العدو" والذى اود ان اسمية "هرمون التسامح " ان المراة لم تعد تشكو من سوء الهضم والام الظهر والارق.."


وقد اجريت الدراسة فى اطلنطا.. وقد قام بها اربعون باحث.. وقد اجمعوا على ان طاقة السلام والصفح والتسامح لها تاثير مباشر على ازالة الام الظهر " والتعسيمة" الناتجة عن البغضاء والكراهية فهى"

sparks activity in the brain's left middle temporal gyrus,

تقترح النتائج ان لكل منا "مؤكز للتسامح" فى المخ ...يحتاج للاستخدام والا تشنجت الاوصال ...وشعرنا بالاعياء والتعب.


والهرمون الذى يفرزه الجسم عند الغضب..والحقد والضغينه اسمه كرتيسول.بالاضافة الى الا درنانيل وهى هرمونات تحتوى على سموم

لها اثار جانبية تبدو فى اعراض غريبة كالام الظهر والصداع وسوء الهضم والارق..

اما العفو ...والرغبة فى "الابتعاد عن الكراهية " وهجر المشكلة ونسيانها..فتتسبب فى طرق منطقة التسامح فى المخ وافراز هرمونات مضاده لتلك...وهى تعود على الجسد بالاثار الايجابية الاخرى ..والتى تسبب السعاده والانشراح والرغبة فى الحياة..والمحافظة على وجود الاخر..سعيدا فى دائرة الوجود.
كيف تسامح:

ركز فى حقيقة الظلم " الاعتداء"
قبل ان تشجبه ركز فى الاسباب التى دعت له
اكتشف شعورك الاصلى تجاهه.. وحاول ان تحيده عنك ..فانت لست وحدك من تعرض للظلم
ركز فى حقيقة ان الظالم انسان مثلك... وليس سلوكه الظالم فقط
سامح بينك وبين نفسك... من غير الضرورى ان تخبر الظالم بانك سامحته..امسح الغضب عن قلبك....

ويقول دكتور بروس مكوين مدير مركزال neurendocrinology فىجامعة روكفيلر بنيويورك ان الكورتيسول ( يذوى ) المخ مما يسبب اتلاف خلاياه وفقدان الذاكرة.


يعنى اتخيلو زول حاقد وناسى...كمان

الدراسة طويلة ..وفيها اسماء ومصطلحات..ممكن تثير " الغضب" من كترتها...

ما دايراكم تزعلوا منى بعدين رقبتكم تتعسم ولا يقوم ليكم سردوب...

قلت اديكم عنها فكره.....

وهى منشوره فى ريدرز دايجست العدد الاخير...

دراسة ممتعه ومفيده ....للبـــــــــــــــــــــــــــــــــــــــــــــــــــــــورد



خلو الخلق للخالقها....


وسامحوا....تنفرد ضهوركم ...ونتوموا وتاكلوا كويس وتتذكروا البيكم والعليكم....وتحبوا الدنيا...


انا غايتو مسامحاكم................

تصبحوا على خير

طم طم السمحه ومسامحه
انا غايتو مسامحاك .

يا تماضر لو فى حبوب والا حقن نزلت الاسواق ادينى خبر
والا أقول ليك نفتح صيدليه فى ناصية احد البوستات

غايتو فى جماعه الا يخدروهم عشان ياخدوا الدواء

الموضوع دا جقيد يا تماضر (يعني قديم و جديد)!
طبعا أتاح لي فرضة مش عشان أتكلم في الصيدلة
صيدلة قال!
أتذكرت قصيدة قديمة ما أظن في فرصة غير دي
أتخلص منها:

سامح
ما الزمن بيدور
ويلقاك في مدالق الهم
يشاور ليك بلهفة عظيمة
زي مشروق
كأنك ما الأباكا قبيل
كأنك كنت داك يا لعاشق المعشوق!
وزي ما كنت
بتدي
ح تدي
عطاك ماهل وفايت الحد
ح تطويه دفتر الماضي
زمن ما صابك الا الصد
وح تسامح!
*
عمايل الغربة
في زولا
نساك
وأنكرك صدا
تحنن قلبك العامر
يضاريه الأسف و اللوم
وتطلع من عذابك يوم
من الزمن الختا و عدا
و تغفر أنت وتسامح
تغفر
ما الزمن بيدور
وتاريك
في زمن تاني
كأنك ما الأباكا قبيل!

تماضر
انت بالمناسبة بجرى عليك كلما تحاصرنى الحاجات ، الغريبة
ببقى كويس طوالى .
غايتو انا مسامحك
واعتقد جازما تكونى هرمون التسامح زاتو

الرائعة تماضر

Quote: لدراسة طويلة ..وفيها اسماء ومصطلحات..ممكن تثير " الغضب" من كترتها... ما دايراكم تزعلوا منى بعدين رقبتكم تتعسم ولا يقوم ليكم سردوب... قلت اديكم عنها فكره..... وهى منشوره فى ريدرز دايجست العدد الاخير...

مقال كبير الفائدة
وليت بعض من يحسون الاعراض المذكورة في المقال، في هذا البورد يطلعون عليه

تقولين ريدرزدايجست؟
هذه المجلة لا انساها مطلقا
كنت في طفولتي الباكرة جدا اعتدت على قراءة النسخة العربية منها وكانت تحمل اسم المختار من ريدرزدايجست وهي التي - مع مراجع اخرى كثيرة- جعلتني اقرأ في كل شيء لأنها كانت تقدم السياسة والعلوم والادب والاقتصاد وحتى الفكاهة فقد كانت الهوامش السفلى منها ونهايات المقالات تزخر بأقوال المفكرين والنوادر المختلفة وكنت اقرا معظم او كل عدد منها
ذلك حين كان السودان بخيره لما كانت تصل كل انواع المجلات والكتب بلا قيود.

شكرا كثيرا تماضرنا

لك الشكر تماضر معجب بكل ما تكتبين .....فوق
_____


أتق الله حيث ما كنت واتبع السيئة الحسنة تمحها وخالق الناس بخلق حسن

تماضر

زى ما قال ود بادى
ربنا يخلى الخواجة
كلما تقيف قدامة حاجة
يرطن فيها حاجة

شئ جميل أن يثبت العلم مسلمات
عرفتها الانسانية بفطرتها و تجاربها الحياتية
قبل ايام قرأت نتيجة بحث علمى غريب اثبت فيه
الباحث وجود الرب الخالق المدبر لشئون الكون
بأستخدام معادلة رياضية قديمة و باغة التعقيد

المهم فى الامر ان التسماح قيمة مهمة و يجد المتسامح
مردود فعله فى صحته النفسية و الجسدية كما ورد فى الدراسة
بس وين نرسم الخط الفاصل بين التسامح كقيمة سلوكية جيدة
و بين التفريط فى الحقوق؟
و الكلام مسحوب على الشأن العام

تعيشى و تفيدى

salamat ya tumadir.....
ya7' inti musira kl mara tabgee agmal wa agmal
wa tgoli al kalam alsami7 al mara e7tiram wa mara tasamo7 ,,,3'aitooo kl mara ta3gibina ziadaaa......
aritna nisama7 kolnaa wanatali3 al hormooon da min bidait alsudan lai nihiatoo...
wa nashkor tumader wa 3ailat shai7'aldeen kolaha...
wal (3ogba lakom fil masarat)

salaaaaaaaaam tota
wa ana kman mosam7ik ya albint al7adeegah
ya ray3a ya gmeela
omar ragab

اسه ده كلو عشان اسامحك يا هدي

؟؟؟؟؟؟؟؟؟؟؟!!!!!!!!!!!!!!


.........................



.... مابسامحك ما بسامحك انا ود ابرك

الأستاذه / تماضر لك الود
صدقينى لقد فكرتى نيابة عنى بصوت جهير ، وعبرتى عما يسكن الدواخل ، الأنسان يتعب جدا لخصومة تنشأ بينه وبين شخص آخر، خصوصا أن كانت تلك الخصومه تذهب بك الى غير ماتؤمن به من أفكار وقناعات.

لكن أن تسامح وتغفر لمن لا يعترف بخطئه ، فتلك مسالة تلمس فيك أحساسا بالضعف والاستسلام، وتجعل الاخر يتمادى فى تلك الأخطأء معك أو مع غيرك.

الوقوف فى الحياد من ألاخرين امام ظلم واضح كذلك يمنع (هرمون التسامح من النشاط).

لذلك كى نسامح ونغفر وتلك أمنية كل صاحب موهبة وقدر من الأحساس ، لابد من أعتراف الطرف الآخر بالخطا ولا بد أن تشعر بألأ خرين هم معك ، غير محايدين فى ظلم حصل ، فيدفعونك بموقفهم ذاك لممارسة التسامح دون أفصاح.

لك الود مرة اخرى لهذا الموضوع الذى جاء فى وقته المناسب.

تمضوره ...الحلوه

اوسلى ...حقن وحبوب ..ما بتنفع ..مفروض يعملوه فى مطره

مصطفى مدثر....والله برضو فكره ...هو ما اصلو الافكار اغلبها قديم بتجددها البحوث والدراسات ...والشعر

الفاتح ...يا سلام عليك...اريتنى..اقدر على الكلام ده

سمبتيكو....كان الله مد فى العمر بملاك ..منها بتجينى كل اسبوع

فرانكلى...تحياتى الطيباتى

ضياء الدين خليل.... والله كلام ....انا شاكراك ياخ على متابعتك وحماسك

عمر رجب...وكويس انه الزول يسمع منك اخيرا بعد كل ها الغياب..وفنك ماشى كيف؟؟

تاج السر ..كويس انه الناس يتفقوا على الطيب...

مســــــــــــــــــــــــــــــــــا محاكم تانى....وكلو هرمون ...اهو

Quote: ويقول دكتور بروس مكوين

مكوين ومطبقين فى الدولاب؟

ما قلتى لى نجى متين لصورة الاشعة يا دكتورة.تسلمى،،،

صورة اشعة شنو ..انت عندك حـــــــــــــــــــــــــقد دفين ...ولا شنو يالموج؟؟؟

Quote: انت عندك حـــــــــــــــــــــــــقد دفين

دفين ولا كنانى

حسي يعني يا تماضر عسيم الكراهية من عسيم الكمبيوتر الواحد افرز كيفن ، قبل شوية مدثر ولدي قعد اضحك واضحك لمن زهجني ( قربت اقول ليه الضحك بلا عجب قلة ادب) ، نهرتو قام قال لي الضحك بمرن عضلات الوجه -زي كم واربعين عضلة حسب معلومة مدثر -وبوسع الشرايين ، ومن غير ما اشعر قعدت اضحك واضحك واضحك والدنيا ليل والخلفانات نايمين ، ونحن نضحك وسكتنا وعشان نواصل حكينا نكت واتلمت علينا رانيا -110- اول مندهشة وبعدين دخلت في موجة الضحك وغايتو ضحكنا ومرنا وشوشنا وشرايينا سمح وبعدين قت ليهم ان الله بحب الضحك والانبساط والباسط من اسماء الله الحسنى لهذا كل حياة الانسان مبنية على الفرح والبحث عن السعادة ، بس الانسان بضيع اللحظات الجميلة احيانا ويهدم لذاتو بنفسو ، وارفع هرموناتو الهدامة زي الكرتسزول والادرنالين الذي يرفع الضغط ويسبب الجلطاط ، واخيرا يا بت شيخ الدين الله يكفينا شر التعسم وهرمونات الدمار الشامل المصاحبة لكراهية وسؤ النية ، وربنا يعمر البورد بالمحبة وهرمونات التسامح وبت شيخ الدين ، ومن تالي انا مسامحاك تب ..

go ahead moma , reduce your clostrol


محمد ولدى يا عشه اربعه خمسة سنين ..يعنى كان عمرو سبعه او تمانية ...سمعتو بقول لى كده ..وانا كنت بقرقر فى التلفون مع واحده صاحبتى ما افضلها عليك...........

انا اضحك ..وواسمع ليك الصوت....



هاهاهاها....والله لقيت نفسى بقرقر معاكم...انتى وناس مية وعشره والنذير

وياحليل القرقراب.....

ريدوس يور كلسترول

كستاوى ؟؟؟


والله العظيم؟؟


هاهاهاها

اكتر حاجه عجبتنى ...طولت لى شعرى

جميل الاداء الحول الصوره " مش يعنى انا" شكرا والله

تماضر بت شيخ الدين
هاكي أقري البوست ده
التسامح... إهداء للجميع

وراق

قريتو ليك حسه والله

فعلا توارد خواطر..وكويس انه خواطرنا بتتوارد جنب المحلات الحنينة دى


شكرا على التنوير...والاضافة

تماضر بنت شيخ الدين " قريبتي "

أنا ما عارف زعلان منك في شنو ..
ولا أنتي زعلانة مني في شنو ..
لكن والله إنتي ما الزولة البزعلو منها ..
ولا أنا الزول الزعل الناس منو ..
عشان كده بنقول " سمــــــــــــاح " ..
والعفـــــو في العافـــــــــية ..

ودي هدية مني ليك ..
اسبوع الشوق والحب .. محاولة لمحاربة القبح بالنغم .. شكراً عمنا تنقو ..

والله العظيم

No more "Down Down with Albank aldowali

Tani bus fi khrmaga....wa alma 3agabo yamshi zaghalwna.....bikat 3amarat..tani shino

bass
kida

يدوم عزنا ونمد الأيد ونتسالم

الناس تقعد تظلم ، تظلم ، تظلم ، وبعدين تجي تقول ليك السماح ،، ليه ؟
ما بسامح ولا داير هرمون التسامح ده ذاتو ،، حاقد ، حاقد ، ما في مشكلة ،أحمل هرمون الحقد ، حقد طبقي ، وليس فردي ، لن أتنازل عن حقدي حتى أنتصر للإنسانية ،،
يا ظالمين أنا ما عافي ليكم ، أعطوني ما سرقتموه مني ، واعتذروا عن كل ما فعلتموه بي ، وبعدين نمد الليد ونتسالم ،، وأسماحكم ،،
غير كده لا ..