Post: #1
Title: الدوام الاخير..
Author: Tumadir
Date: 05-09-2004, 06:20 AM
Parent: #0
ساعبر هذا الجسر الموحش ...بعد ان ينتهى الدوام...وسيكون الشارع مغسولا بذات المطر الذى انعستنى حباته وهى تطرق بمناقيرها الصغيرة زجاج الشباك ..فى مكان العمل...ستتلوى العربة بالتواء الشوارع المستحمة بالليل والسكون...وستتوقف كانها تقود نفسها..كلما احمرت عيون الاشارات ...او قرأت اللافتات...ستتحسس عجلاتها مواضع الصخب المتقاعد ..بعد ان توقف الماره واختفت دراجات الاطفال ..واقلعت عن العبور والضجيج..
.ستلتف العربة وكانها تقود نفسها ..بالتفاف خريطة الطريق الطويل الى ملاذ المتعبين ..المسمى بالمنازل.
وستقف يا حبيبى ..اطيافك فى بوابات الصحو...الاولى مثل زغرودة بكر.
ستتوقف العربة امام المنزل وكانما تقود نفسها وسيكف المذياع حينها عن بث اغنية حب ناصعة الجيتار...سادير المفتاح فى فمها المضاء..واضعه فى الجيب الايمن من الحقيبة ..
ساطفىء مصابيحها ... وسيدلف طيفك يا حبيبى من ثقب المفتاح الى بهو الممر..
ساختار مفتاحا وسطا وانا اصعد العتبات الخارجية ...لافتح به باب البيت...
وسسبقنى طيفك يا حبيبى ..طربا ..الى الساحة...
ساجرب المفتاح ..يمنة ويسارا...فطيفك يا حبيبى يعاكسنى دوما فى معرفة الاتجاه الصحيح لدوران المفتاح ...كل مره
وعندما افتح الباب الداخلى ....سيمد اطفالى اعناقهم النائمة ..لى لكى اقبلها لكم ....
قبلة طال انتظارها لهم...واكثروا من اجلها من السؤال قبلها بالتلفون....
سيسبقنى طيفك الجميل ياحبيبى الى خميلة عشقنا ...قبل ان استعد للقائك الحلم
وسالتقيك ...اخيرا ..حان لى ان التقيك ....وساهمس لطيفك الشفيف.:....تعال .....كم احبك ايها............ النوم ....
|
Post: #2
Title: Re: الدوام الاخير..
Author: Teeta
Date: 05-09-2004, 06:45 AM
Parent: #1
تماضر سلام
اريتو نوم العافيه
ام الاء
|
Post: #3
Title: Re: الدوام الاخير..
Author: Elnasri Amin
Date: 05-09-2004, 07:03 AM
Parent: #1
كان احد الاصدقاء فى السودان يردد دائما ان النوم هوايته المفضله.
تخيلى لو كتب له ان يعيش و يعمل فى امريكا فى نيويورك مثلا.
لم اعشق النوم فى حياتى كما عشقته اثناء وجودى فى امريكا
هنيئا لك هذا الحبيب الغالى.
النصرى
|
Post: #4
Title: Re: الدوام الاخير..
Author: عشة بت فاطنة
Date: 05-09-2004, 10:10 AM
Parent: #3
تماضر لكم نشتاق الى هذا الدفق ، وهذا الخيال الجامح ، وبالطبع لا نشتاق الى النوم فهنا في الخليج يقتلك النوم وتتمنى ان تهرب منه الى صحيان حقيقي فالنوم هنا هروب من الغربة والغروب ، فهنيئا لك بالصحيان وهو عندي الصحة والحياة ,...
|
Post: #5
Title: Re: الدوام الاخير..
Author: ابوحراز
Date: 05-09-2004, 10:17 AM
الله !!!!
ما أجملها من خاطرة
عندما قراتها جعلتني أتثاءب
والأدهى من كل ذلك أنها نقلتني الى حلم جميل وأنا في قمة تثاؤبي
لك التحية على هذه الكلمات الرائعة
|
Post: #6
Title: Re: الدوام الاخير..
Author: Frankly
Date: 05-09-2004, 11:22 AM
Parent: #5
لك الشكر .....فوق
_____
أتق الله حيث ما كنت واتبع السيئة الحسنة تمحها وخالق الناس بخلق حسن
|
Post: #7
Title: Re: الدوام الاخير..
Author: Frankly
Date: 05-09-2004, 02:54 PM
Parent: #6
وكمان.....فوق
_____
أتق الله حيث ما كنت واتبع السيئة الحسنة تمحها وخالق الناس بخلق حسن
|
Post: #8
Title: Re: الدوام الاخير..
Author: خالد الحاج
Date: 05-09-2004, 03:15 PM
Parent: #7
بت الشيخ العزيزة..
نعستيني والله وأنا طالع من أسبوع ليل
جميلة خواطرك كعادتي بك..إشتقت لحروفك المرتبة الأنيقة
|
Post: #9
Title: Re: الدوام الاخير..
Author: ابو جهينة
Date: 05-09-2004, 03:20 PM
Parent: #8
تماضر
ما زلنا ( نرشو ) النوم بالدوم ، و لكنه يرفض هذه الكروة القديمة و يصر على مطالب أخرى لا تصلها أيادينا في هذه الغربة اللعينة ،، فهل يمكن أن تدلينا على الوصفة ؟
نوما هنيئا و أحلاما سعيدة ( هذا إذا ما أرتفع ضغطك من بعض البوستات )
أرقدي عافية
|
Post: #16
Title: Re: الدوام الاخير..
Author: Tumadir
Date: 05-10-2004, 03:07 AM
Parent: #8
ابو حراز
فرانكلى
وخالد الحاج
شكرا على المداخلات الظريفة والف اهلا يا ابوحراز تانى فى البورد ...وعجبنى اشوفك ياخالد مبتسم وبشوش وبتعافر معانا فى الهم اليومى زى "ما كنا اول" ...يا حليلكم ...وحتعود ايام الصفاء ....ونكتب كتير ونضحك كتير..والدنيا تبقى بالف خير..بس ما تختفوا...عشان تيار الكهربا الحيوي الموصل بين خواطرنا الحنينة ...ما ينقطع...
ولو نعستكم ....نوموا...انتو لاقيين؟؟؟
|
Post: #15
Title: Re: الدوام الاخير..
Author: Tumadir
Date: 05-10-2004, 03:01 AM
تيتا
النصرى
عشة بت فاطنه
التحيات .....
وكل عيد ام وانتو او امات ولادكم او اماتكم ..بخير
شكرا على انفعالكم بالكتابة المتواضعه دى ..ووالله كان الزول وكتو فاضى وبقدر ينوم ووب وكان وكتو ضيق وما بلقى غمده ووبين ...
المهم اسعدنا من كانت ايامه غير متشابهة....وامكن اكون سعيده وما عارفة ...لانى بتشابه مع ربنا فى صفتين الاولى كل يوم ...انا ..فى شان...والتانية لا شريك لى. واستغفر الله العظيم من كل ذنب عظيم.
|
Post: #10
Title: Re: الدوام الاخير..
Author: مريم بنت الحسين
Date: 05-09-2004, 03:22 PM
Parent: #1
طمطم...
في لحظة ما.. في يوم ما.. في شهر ما.. في سنة ما...
سأحلم أن أكون مكانك..  ... أما الآن.. سأضم صوتي إلى صوت (بت أهل أبوي) عشة بت فاطنة.. الخليج.. نوم.. ونوم.. ونوم.. ويبعد عنك الصحة.. شويه شويه...! يديك العافية...
وبيني وبينك.. قلت.. بخته البفكروا فيه لما يفتحوا باب البيت ده
بنت الحسين
|
Post: #11
Title: Re: الدوام الاخير..
Author: omer almahi
Date: 05-09-2004, 03:44 PM
Parent: #1
تماضر
مالك اليومين دى .؟..لن أصدق الحدودة هذه المرة
بعد ما أكملتى نصف دينك وحتى هذه اللحظة لم ندرى ما إذا كانت الدال مفتوحة أم (مكسرة)فى شىء ما.....( منتظر .....)..لم نفيق من الدعابة بعد ولو أننى قبلتها على مضض حتى انحبست أنفاسنا (ممكن غيرة ) وأنتى تتقدميننا الى ردهات بيتك ونحن نتابع بالفضول ذاته مفتاح بابك ...ماذا يجرى هناك خلف كواليس قلبك ...أشركينا معك (عفوا على السلبطة )ولكن لها ما يبررها أو سنبحث لها عن ذلك ......انتى فنانة والفنان المبدع ليس ملكا لنفسه ...انتى لنا... أشركينا (شينك شينا)(وسمحك سمحنا)
شكرا تماضر على هذه الخاطرة ....الرائعة...
|
Post: #12
Title: Re: الدوام الاخير..
Author: مريم الطيب
Date: 05-09-2004, 06:24 PM
Parent: #11
تماضر...
(التعبير عندك وآآآلنوم عندك)
حقيقة يا تماضر اعجبتني جدا...
وذي شوية- disapointed-
بالنهاية دي....
|
Post: #13
Title: Re: الدوام الاخير..
Author: صديق الموج
Date: 05-09-2004, 06:32 PM
Parent: #12
Quote: حقيقة يا تماضر اعجبتني جدا...
وذي شوية- disapointed-
بالنهاية دي.... |
ما اطال النوم للنوام عمرا ولا قصر فى الاجال طول السهر
والله انا ومريم مافى فرق ابدا...التقول كانت فى راسى.
انت ومريم ومريم الاخرى فى السويداء. سلمتم،،،،
|
Post: #14
Title: Re: الدوام الاخير..
Author: Giwey
Date: 05-09-2004, 09:50 PM
Parent: #13
تماضر..
التحايا شذيات ..نديات
والعود احمد..
هذا البوست على روعته..
يضرب بعرض الحائط مأثورنا السودانى الخالص
والكلاسيكى (النوم بجيب اللوم)...
وارقدى عوافى...
عبد الرحمن قوى..
|
Post: #21
Title: Re: الدوام الاخير..
Author: Tumadir
Date: 05-10-2004, 12:29 PM
Parent: #13
مريم الطيب
صديق الموج
انا ختيتكم سوا ..عشان قلتو شوييييييييييييييييية دسابوينتد .....
ههههههه..انتو دايرين الحبيب ..يكون اكثر انسانية ن النوم؟؟؟ بالغتو ....هههههه
شكرا على الاطلاله .....وقدمكم لى بوبراهيم
|
Post: #17
Title: Re: الدوام الاخير..
Author: Tumadir
Date: 05-10-2004, 03:13 AM
Parent: #11
ابو جهينة زمان كنا بنكريه بالدوم..حسة هو بكرينا بالدولار وما بنلقى ليه طريقة ...وبمناسبة بكرينا دى ...وين بكرينا؟؟ سيد اللسم؟؟؟
نتمنى نشوفو بيننا...بعد ان تجاوز صدمة الفقد....وسلم بالقدر...
مريم بت الحسين...نومى حبيبتى كملى "كوتتك" بتاعة النوم ...لانو الدنيا دى مرات ..بتكون "منزوعة الدسم" وبشيلوا النوم من رصيدها...
و"خليج" على كده.. هههه
عمر الماحى ....مممممممم جيب اضانك ....بكلمك بالحاصل ...وبكل صراحة... جيبها جاى
يا شقى !!! هههههههه
|
Post: #18
Title: Re: الدوام الاخير..
Author: Ehab Eltayeb
Date: 05-10-2004, 04:25 AM
Parent: #1
الاخت تماضر
سلامات وحمد لله علي العودة ومكانك شاغر لا يمتلئ الا بحضورك البهى.
| Quote: وساهمس لطيفك الشفيف.:..تعال ..كم احبك ايها.. النوم .... |
لكن النوم بجيب اللوم
ارقدوا عافية وتحياتى,,,
|
Post: #22
Title: Re: الدوام الاخير..
Author: Tumadir
Date: 05-10-2004, 12:33 PM
Parent: #18
قوى ...قريبى وايهاب الطيب ...عزيزى
ياااااااسلام عليكم ..شكرا على الترحيب المتضمن ...
ختيتكم مع بعض عشان اتفقتو انو النوم بجيب اللوم...وانتو ما عارفين المتلوم مع التانى منو؟؟ ما تتكلمو ساى ...هههههه شكرا تانى
|
Post: #19
Title: Re: الدوام الاخير..
Author: خالد الأيوبي
Date: 05-10-2004, 07:39 AM
Parent: #1
تمـــاضر
| Quote: زمان كنا بنكريه بالدوم..حسة هو بكرينا بالدولار |
"
مثل هذه التعليقات البســيطة في ظاهرها و التي تحمل كما من البلاغة، خفيفة الظل ، الكاريكاتوريـــة - إن صح التعبير -، المشبعة بالسخرية الذكيــة، اللماحـــة
التي تعجبني جــدا
هي ماركة مسـجلة لتماضـر شيخ الدين ......
|
Post: #20
Title: Re: الدوام الاخير..
Author: أمير تاج السر
Date: 05-10-2004, 09:37 AM
Parent: #1
ما أحلى هذا النغم يا تماضر ؟
|
Post: #23
Title: Re: الدوام الاخير..
Author: Tumadir
Date: 05-10-2004, 12:37 PM
Parent: #20
خالد الايوبى ..... شوووووووق شديد....
بركة بالشوفه .طولت جدا ما صادفتك .....
اما تعليقك ..فالف شكر عليه ...
عليك الله ياخالد الايوبى ..كان مت ...والبورد لسه مدور....لملم لى نكتى دى وختها لى فى صفحة التابين ....عشان الناس بدل يزعلوا ...يفرحوا
"الله يمد فى الايام"
|
Post: #24
Title: Re: الدوام الاخير..
Author: Tumadir
Date: 05-10-2004, 12:40 PM
Parent: #23
امير تاج السر ..ازددنا شرفا بمقدمك ..ودى طبعا اول طلة ليك على فى بوست ..لابد من الاحتفال بها... شكرا كثيرا
|
Post: #25
Title: Re: الدوام الاخير..
Author: الجندرية
Date: 05-10-2004, 12:52 PM
Parent: #1
يا تماضر
من امس وانا كلما اجي ارد على بوستك دي الدوامات تزنقني
بالمناسبة قريتي الوردية التانية في حياة المرأة العاملة ؟
والله دي مية دوام
لمن بقت دوامة
شكراً ليك على هذا الجمال
|
Post: #26
Title: Re: الدوام الاخير..
Author: جورج بنيوتي
Date: 05-10-2004, 01:04 PM
Parent: #25
تماضر ..
مراحب بالعودة.. الممتلئة كالعادة بسهلها الممتنع..
ونوم العوافي ..
|
Post: #27
Title: Re: الدوام الاخير..
Author: Tumadir
Date: 05-10-2004, 01:09 PM
Parent: #26
الجندرية ....انا قريت احلام مستغانمى ..ذاكرة الجسد ...لاول مره الاسبوع ده...
تعرفى انا عرفتها منك؟؟؟ انقطعت صلتى بالثقافة العربية ...لعدة سنين ...رجعت ليها بعد اتصالى بالمنتدى ...واتعلمت من اطلاعك ..اسماء كثيرة ..وبحثت عنها ....وامدنى بها الاصدقاء ...وحسه انا بغرا مابين الدوامات...
والدوام لله
شكرا يا ست البنات
|
Post: #28
Title: Re: الدوام الاخير..
Author: haneena
Date: 05-10-2004, 01:11 PM
Parent: #27
سلام تماضر
والله فاهماك تمااااام
وإنشاء الله النوم يتهنابو كل من يكوس ليهو
|
Post: #29
Title: Re: الدوام الاخير..
Author: Tumadir
Date: 05-10-2004, 01:12 PM
Parent: #27
جورج البنيوتى
مرحبا بك صديقا جميلا وعزيزا
ووالله دخلتك .على بوست ..بقيس بيها "طاقة الابداع " الفي الكتابة ....اها شن قولك؟؟
|
Post: #30
Title: Re: الدوام الاخير..
Author: Nagat Mohamed Ali
Date: 05-10-2004, 01:23 PM
Parent: #1
يا تماضر
حسدتك بالأمس في إكمال نصف دَيْنك، ونحن لا نستطيع أن نكمل بعد حتى ربع ديننا. واليوم أحسد بنت المبارك على هذا النوم الخليجي "الهَروب".
شكراً لك على النص الجميل، على الرغم من خيبة أمل فضولنا، بعد وعدك ـ الماكر المستتر ـ بنهاية سعيدة.
نجاة
|
Post: #31
Title: Re: الدوام الاخير..
Author: Ali Alhalawi
Date: 05-10-2004, 02:53 PM
Parent: #30
النايمين ليها شـنو !!! نحن نصحو من صحونا لنجد أنفسنا تشرع فى حملة صحو جديد .. و برضو الصاحيين ليها شنو !!!
و تسملمى يا تماضر .. و يا مشهينى طعم النوم .. النووووووووووم
|
Post: #32
Title: Re: الدوام الاخير..
Author: بدرالدين شنا
Date: 05-10-2004, 03:13 PM
Parent: #1
آخر دوامك لان
أنا فرحاااااااااااان بي عودتك
|
Post: #33
Title: Re: الدوام الاخير..
Author: Tumadir
Date: 05-10-2004, 03:38 PM
Parent: #32
نجاة
شرفتى البوست ..واللـــــــــــــه
والله ما جاب خيبة الامل...وتكفى نصف اشارة ليفهم لبيب مثلك
على الحلاوى ...يقولون
لا تنم واغتنم لذة اليوم ان تحت التراب نوما طويلا
لكن من عدم الوكت المرصود للنوم هنا ..الواحد ما فاضل ليه الا يشيل بطانيتو ويمشى "تحت التراب" دة عشان يضوق "النومة الطويلة" دى للدنيا والزمان.
بدر الدين سماااااااااااح ......اهلين ....واها انا ادينى عدت ......شن طعمى؟؟؟ ههههههههههه
لك المحبة الخالصة....وللجميع ...تمنياتى لكم بنوم سعيد..."لا ممنوعا ولا مقطوعا"
|
Post: #34
Title: Re: الدوام الاخير..
Author: ودقاسم
Date: 05-10-2004, 04:00 PM
Parent: #1
تماضر
قريت البوست ده من أمس ، وحاولت التطبيق العملي ، اشتغلت من الساعة ثمانية ونص صباحا حتى ثمانية ونص ليلا ،، بعدين مشيت البيت ، والساعة عشرة قررت أنوم ،، نمت ، بس صحيت الساعة أربعة ونص صباحا ، وتاني ما جاني نوم ،، إذن ساعات النوم هي هي ، لا زيادة ولا نقصان ،،
رجعت الليلة واستمتعت بالوجه الأدبي للبوست ،،
مش أحسن من النوم بدري والقومة بدري ،،
شكرا ليك على الكتابة الجميلة ، وسأحاسبك على لخبطة جدول نومي ..
|
Post: #35
Title: Re: الدوام الاخير..
Author: Nada Amin
Date: 05-12-2004, 05:34 PM
Parent: #1
جميلة جد يا تماضر
شفتي البلد دي النوم فيها عزيز كيف؟
تعلمت منها و فيها الكثير لكن أكثر ما تعلمته احترام العمل، ليس كقيمة فقط و لكن كوسيلة للبقاء!
كنت و ما زلت دائما جادة في حياتي، لكن في السودان لا يؤرقني كثيرا فقد عملي
فأنا ساكنه في بيت أمي و أبي و ما حأتشرد أو حأموت جوعا و عطشا لو فقدت شغلي
أما هنا في أمريكا it is a different story
الأن أنظر لعملي ليس فقط كوسيلة للاستقلال الاقتصادي و لكن كقيمة مقدسة و سبب للبقاء
أستطيع الأن أن أضحى بنومة الصباح و اتخلى عن دفء البطانية و أركض مسرعة في شوارع غطتها الثلوج البيضاء و تعصف بأشجارها العملاقة ضربات الرياح الباردة، و لما لا ؟ فدوامي صباحي باكر و العمل يناديني فأيهما أختار الشقة الدافئة أم السماء الماطرة بردا و ثلجا؟
|
Post: #36
Title: Re: الدوام الاخير..
Author: Tumadir
Date: 05-12-2004, 05:42 PM
Parent: #35
ودقاسم ...وانت حالتك ساكن فى السعودية ...الاراضى ..المكدسة بالنوم ...والبطاطين...والمكيفات...انت قايلنى ما شفتكم ؟؟؟ اسمع ندى دى بتتكلم عن شنو؟؟؟
مافى غمده...مافى راحه الا يوم المناحه...ومافى زول بلفاك ولا بسد ليك خانة ..
اهلا ندى ....كلميهم عننا ....وعن حياتنا فى امريكا...
|
Post: #37
Title: Re: الدوام الاخير..
Author: لؤى
Date: 05-26-2004, 05:47 PM
Parent: #1
فوق ، ودام الجمال عنواناً لهذا المكان الجميل
|
|