عين الســــــــــــواد والرماد...

ما بقدر اكتب البحس بيه..

...

فى حاجة واقفه بينى وبين روحى ...زى قزاز مصفح ...ومغبش ...حاميانى اسمع الرعد ..واشوف البروق الشايلاها غيوم الكتابة


الف فكره ...بشوفهم بعيونى بتدافروا جنب باب الخيال...فى ممرات التجارب ...والشجون...بجوا ويرجعوا


الف رد على فكره ملهمة ..بكتبوها الناس هنا...بجى بس اقيف...زى الاصم... وارجع ....

وما اكتب حرف...

فى حاجه بس

زى عبره
او حزنا كتير
او قنعه من .......عالم فقر

او عين ....(هاهاها) والله ضحكة بدون طعم

فى شنو ... ياناس ...ده من شنو؟؟؟؟؟؟

والله دي عين

تماضر
بقيتي تستهبلي علينا ،، كان ما ديرانا قولي عديل ما دايراكم ،،
كل يوم تطلعي لينا بعذر جديد ، مرة الكمبيوتر خربان ، مرة ماعندك عربي ، مرة مشغولة ، مرة كاردة الرزق ، وآخرتها والله طقوني عين ،،
بطلي استهبال ، وارجعي زي ما كنتي ..

ودقاسم
تتذكر قصيدة ود المكى "شىء فى قلبى كالاكلان"؟؟

بس...

طوالى حالتى بتذكرنى بحال...زول مشلول فى اصبعو البعزف بيه ..او يدو البكتب بيها ...او قلبو البحب بيهو

غالتونى كويس .... لما تقروها فى الصفحة الاولى

لسلام عليكوم ورحمتو الله تعالي وبركاتو والفي حبرك هاتو.

تماضر امبارح في شمبات فاتتك ونسه بمئات الدراهم

كل الناس الفيها من قبيلة الناس ووالناس البفكو العمل

وكان في عود

وغنينا ياقمر انا مابطولك

علي كل مازلت علي عيني

انتي ما بجيش ليه !؟

عايز اقول شنو

سمعتي غنيه ابوالامين بتاعه (عين السواد فيها اعواد)

بمناسبه الرماد دي


امال فين حماد


عادي الحركه دي بتحصل انا غايتو بروحها بالقرايه و.......

النقط نقط دي عشان ما يقولو 0صغير وبسكر0

Quote: زى عبره...

ًWriter's block , Ya Tumadir?! but , when I read this: i

Quote: فى حاجة واقفه بينى وبين روحى ...زى قزاز مصفح ...ومغبش ...حاميانى اسمع الرعد ..واشوف البروق الشايلاها غيوم الكتابة

I'd say the writer-in-you is still awake and able to write herself, again and again
she is able to describe the absence of writing.... by writing it

إطــمَّنتي؟

لك الود؛ كله

تماضر
تمثلي قول المحجوب
معالجة أخطاء الديمقراطية .. المزيد من الديمقراطية
وبيني وبينك اسمعي كلام الفردة حافظ خير دا كويس ..
أمريكا دي كلللها مافيها بخور تيمان؟؟ معقول؟

ياجماعه الموضوع ده اخطر من تصوراتكم...

مع العلم بانى اعمل هذه الايام مع المتخلفين عقليا...

القوانين هناك مقلوبة..والانسان لا يحتاج لاكثر من سرير وحمام وتلاته وجبات....

لماذا نكتب؟؟؟

Quote: القوانين هناك مقلوبة..والانسان لا يحتاج لاكثر من سرير وحمام وتلاته وجبات.... لماذا نكتب؟؟؟

تماضر ...
القوانين مقلووووبة إفري وييييير (مش بس هناك!) و..... لهذا نكتب! ما عشان نستعدلا
، ولكن لنخلق قوانينا (المقلوبة أيضاً) الخاصة بي وجودنا الخــــاص!

غايتو ده البعملوا أنا.... وبعدين ، أصرّ على أن أقول، أنكِ تكتبين وتكتبين وتكتبين! فأنت مصابة بلعنة الكتابة حتى عندما تشكين وتتشككين في معناها... تأملي معي كلمات رولاند بارت ، لو سمح لك القزاز المصفح ...ومغبش، رغم ان السياق قد يبدو مختلفاً:

Quote: To know that one does not write for the other, ii to know that these things I am going to write will never cause me to be loved by the one I love (the other), i to know that writing compensates for nothing, sublimates nothing, i that it is precisely there where you are not—this is the beginning of writing Roland Barthes in A lover's Discourse

فعلا عين السواد ياتماضر
راجين ضحكتك البي مليون طعم ولون
حسينا اكنك .. تلقي روحك وبين روحنا مافي حجاب
اهـا قولي ..
ومن علينا جبل بخور تيمان
وبحور مودة

المتخلفين عقلياً تاني!!!!؟؟؟؟

تاني جات سيرة المتخلفين عقليا

نقوم نمشي البحر

ومين سمعك

كتار الزيك

طمطم
برية من العين والعين قهرناها بالقاهر والنبي الطاهر

تعرفي احتمال شغلك مع ذوي الحاجات الخاصة
هو الولد عندك احساس بلاجدوى حاجات كتيرة وخلاك تقولي انه
البني ادم دا ما محتاج لاكتر من تلاتة وجبات وسرير وحمام

كلامك دا خلاني اتذكر ود خالتي الذي احبه كثيراً
اتذكر عزفه على الصفارة الذي يمزق نياط قلبي
معانقته للزائرين / ات بحراره تعبر تماماً عن احتياجه لتواصل انساني حميم
المه عند خروج هؤلاء / اولئك الذي يرسله قفزات مجنونة وصراخ من يجلد بالسياط
رقصه عندما يسمع ما يطربه
على فكرة هو اخرس اضافه لتخلفه
وبشبه ابو مهيار نديدك كأنهما توأم

انا عارفة انك موقنة يا تماضر
من انهم ونحن محتاجين / ات لاكتر من الوجبات والسرير والحمام

محتاجين / ات لنصف عطرنا المفقود
لنصف قمرنا الذي نستعيده عندما نقرئك

( اكتبي رشي عبيرك فينا
وفتحي يا زهرة )

تماضر....تسلمى

وما تشفقينا عليك.....وزى ما قال ود قاسم عشان بنريدك وبنخاف عليك

تقومى تسوى كل ده...والا ده استعداد لاخر اوراق ابو امنة....

يلا قومى مع اخواتك ديل جندرية وندا وملكة سبا ارفعن كتف البورد

الميل........سلمتن،،،

تماضر
لو المسألة مسألة عين يكون أمرها بسيط جدا ، بس تندهي جدك الشيخ يوسف أبوشرا والله تفتشي عليها ما تلقيها ،،
أما لو كانت المسألة حالة إحباط أو قرف فهذه حالة لها معالجات أخرى ،، ولكن من أهمها الدخول إلى المنبر وتجاذب الحديث بالماسينجر ،،
والشغلانة بتاعةالمتخلفين أو المعوقين أو ذوي الحالات الخاصة أو المصابين بمتلازمة داون ، شغلانة فيها كثير من التعب والمعاناة والعطاء ، اثنين من أخوات فوزية متخصصات في هذا المجال ، وأنا حقيقة أعطف عليهن ،، وكثيرا ما أتساءل لماذا هذا المجال بالذات ؟؟ على كل هو عمل إنساني ، لكنه يحتاج الصبر وطولة البال ويستهلك كل الوقت ،،
على العموم ما تخافي زي ما قلت ليك أبو شرا ، أو حفيده حمد النيل والمسألة ستنتهي ،،

الاخت العزيزة تماضر
سلام سلام
حالة الإحباط التى تصيب الكاتب أو الفنان ، فى تقديرى حالة عادية
وليست حالة مرضية ....
انا أمر بهذه الحالات أحيانا ...
هل تصدقى أننى قد مرت بى شهور طويلة لم أرسم فيها أو أكتب أى شىء ...
وانا بطبعى لا أرسم لكى أغطى معارض أو لكى يرى الناس عملى ...أرسم لنفسى أولا ...وليرى الناس عملى بعد ذلك ...
أى أننى لا أعيش فى عقول الناس ......
واعتقد أنك من هذا النسيج ... كما عرفتك ...

عندما تأتبنى الرغبة فى الكتابة ويتراجع الإحباط ، أجد نفسى أرسم وأرسم واكتب وأكتب كما لم أرسم ولم أكتب من قبل ...
أقصد أننى إنتاجى يجىء بصورة أفضل من الاول ... وتكون حالة التوقف من العمل الفنى كأنها إحتشاد للعمل الفنى القادم ... أى لا خسارة من التوقف ...
وإذا حاولت العمل الفى فى حالات الإحباط ، يأتى العمل الفنى مفتعلا ولا صلة له بى ، حتى ولو كسرت رقبتى ...

لذلك أقترح عليك أن تنتظرى رجوع الحالة التى تمكنك من الكتابة ... دون عجلة .. وستأتى كما لا تتصورين ... ويكون الإبداع كيمان كيمان ...

ماداير أبقى ليك واعظ ... ولكن أحكى ليك تجربتى زمن كلية الفنون ... كنا جمهوريين وكان الأستاذ محمود محمد طه يقول لنا أنا ود.النور حمد لما تكونو فى حالة إنقباض ما ترسموا بس أعبدو ولكن فى حلات االبسط ارسموا ) ...وفى حالات البسط كان إبداعنا تمام ...
شكرا وأرجو أن أكون أضفت شىء ...

up

الاستاذة تماضر
بتكونى بتحضرى تلفزيون السودان !!!

اعراض ملاريا ...دي يا ربي ولا شنو

الفنانه المرهفة تماضر

جيبي ضب احوص

وعشوشه عزبه

وسحليه عرجه

وديك احمر

وعتود ابرق

وانشاء الله نفك ليك العين دي

والبياض بالعمله الحرة تبعا

الأخت العزيزة الأستاذة تماضر

تحية و سلام

بصراحة ،، أنا كنت قايلك مقاطعاني ،، و لكن بعد أن قرأت هذا البوست ،، لمت نفسي شديد و لعنت الإبليس اللعين ، و تعاطفت مع حالتك دي التي تمر بي من فترة لأخرى ، و هي حالة شبه عامة للإنسان الخلاق الذي يظل يعطي بسخاء ، ثم يتوقف ليحاسب نفسه ( هل أنا في الطريق الصحيح ؟ هل قدمت بالفعل كل ما لدى من إبداع ؟ هل هذه كل إمكانياتي أم أن هناك طاقات مخزونة ؟ و كيف أطلقها هذه الطاقات ؟ )
مثل هذه الأسئلة هي التي تسبب :

( الف رد على فكره ملهمة ..بكتبوها الناس هنا...بجى بس اقيف...زى الاصم... وارجع ....
وما اكتب حرف...
فى حاجه بس
زى عبره
او حزنا كتير
او قنعه من .......عالم فقر )
أهم حاجة العبرة دي ، فهي إن أتت ،، أطلقي زخات دموعك و إسترسلي في بكاء لوحدك.. فستصفو نفسك تماما..
أما الحزن الكثير ،، فقط لا تسبحي في بحوره .. أهربي منه إلى أحداثك المفرحة القديمة و الجديدة و الجايات التي هي إن شاء الله أكثر من الفاتو .
أما العالم الفقر ،، فكلنا قنعانين منو تب ،، و لكن أدي الله و أدي حكمتو ،، لا مفر ،، لا بد للعين أن ترى المكتوب على الجبين.)

أرقدي عافية

بت الشيخ العزيزة..
يظهر بي بوستك ده إنتقلت لي الحالة..
مررت عليه خمسة مرات والشاهد الله ، في كل مرة ما عرفت أقول شنو..
وعموما أمسكي في كلام حافظ وأبو جهينة. وما تحرمينا من وجودك وكان غلبك الكلام
أكتبي : UP

up



up shara

فوق
أب شرا

أكون أنا السواد والرماد يا تماضر..
عيني أتاريها ما باردة
يمكن ما صليت على النبي.. اللهم صلي وسلم عليه
وما قلت ما شاء الله.. ما شاء الله وتبارك الله
أمسكها ليك.. وقولي لي لو الأكلان في قلبك راح
تكون جد جد عين السواد والرماد
وأنا قلت للناس القراب قبال. ما في عدو بلا الروح
التسوي بي ايدك يغلب أجاويدك
وكان ختتك روحك من بلاها وسجمها ورمادها ما في زولا يقدر عليك
علا ما قايلة السجم والرماد يا تماضر بمش عليك
بسم الله ما شاء الله لا يسوق الخير إلا الله ما شاء الله لا يصرف السوء إلا الله ما شاء الله ما كان من نعمة فمن الله ما شاء الله ولا قوة إلا بالله العلي العظيم(3 مرات)

تماضر
عين الحسود فيها عود وكمنجة

ابشرى يا تماضر رباح الصادق عالجتك

وحمدا للعودة

العزيزة تماضر
لك تحيات الورد
عين والله عين
لكن ده حال المبدعين الانا بعرفهم كويس زي جوع بطني
اكتبي ياغالية
اكتبي
الكتابة ام دق
خالد

بت الشيخ !!!!
كيفنك .... يا بت القبايل

مالك عاد امانتاً جاتك
...صغيره؟
...والا جاهله؟

دا مو الوحم بس !!!

كدي شيلي الصبر
وقولي الله لي


لامن أجيب ليك بخرات من الشيخ الفاضل راجل الصعيد
اقعدي عافيه...
ونومي مطامنه...

تماضر
(تاريخ التسجيل: 23/05/2002)
عامان مرا..... وليكمل كاظم الساهر بقية المقطع!

Quote: ياجماعه الموضوع ده اخطر من تصوراتكم... مع العلم بانى اعمل هذه الايام مع المتخلفين عقليا... القوانين هناك مقلوبة..والانسان لا يحتاج لاكثر من سرير وحمام وتلاته وجبات.... لماذا نكتب؟؟؟

هذا خيط ألتقطه... وقد التقطته الجندرية قبلي.
!Your soul is questioning some givens
That is all I can say… On another level, it does mean u r alive, as farda says!

لك الدفء
إيمان