Post: #1
Title: سجلوا كلمة حب للوطن وللانسان السودانى....مع بشائر العام الجديد
Author: Tumadir
Date: 12-29-2002, 01:44 AM
للسودان
للجنوب الدامى
للشرق المجروح
للغرب الباكى
للوسط المطفا العينين
للشمال المهجور
من اجل طفل السودان الناحل القدمين
الفارغ الامعاء
من اجل سهول السودان الحبلى بطعام العالم
من اجل موارد السودان المؤجلة
من اجل شيوخ السودان الحيارى
ونساء السودان المبلمات بالاجحاف والقهرة والنهرة
من اجل شباب السودان المبعوث للحرب والدفاع الشعبى
من اجل كوادر السودان المهجرة للشتات
من اجل العاكفين على الوطن
والقابضين على الجمر
والمنكبين على تحريره من عنت المتعنتين
من اجل الاحتمال والممكن والاتى والغد
من اجل حلاوة ان نحيا وان نعيش فى سوداننا الحلم الكبير
ومن اجل اشراقة شمس عام جديد
فلنسجل كلمة حب للوطن
الحب
الكلمة المحرمة...
فلنجعلها شعارنا من اجل سلام آت
فلنحب الوطن، ونلعق جراحاته بالحب
ونسلى كآبته بالحب
ونرفع رايته بالحب
ونحيى شهداءه بالحب
ونحبه باشعة من شموس الحب
هيا... هنا
الآن
|
Post: #2
Title: Re: سجلوا كلمة حب للوطن وللانسان السودانى....مع بشائر العام الجديد
Author: hasan_6
Date: 12-29-2002, 02:02 AM
Parent: #1
تماضر ايها الرائعه
شفاك فى دغيش سايقى المراكب لى بلدنا
حاضنه فى عينيك سمحنا
شايله فى يديك قمحنا
تحيه و حب لك
القومه لك يا وطنى
بشرى فينا
انثرى دررك
دعوه للحب
احبك
احبك يا وطن
|
Post: #3
Title: Re: سجلوا كلمة حب للوطن وللانسان السودانى....مع بشائر العام الجديد
Author: azza
Date: 12-29-2002, 02:05 AM
Parent: #1
يا وطن مدسوس تحت جلدي
زمن ياخد وما بيدي
غمست حروفي في الدمعة
لا سمعت حبيبتي غناي و لا قدرت تشوف جواي
و لادقت وتر فرحي و لا فهمت معاني غناي
السودان
وطنا جرحنااملنا
جنوبك شمالك شرقك غربك
كل ذرة من رمالك
لك الحب
و لي عودة
|
Post: #5
Title: Re: سجلوا كلمة حب للوطن وللانسان السودانى....مع بشائر العام الجديد
Author: منعمشوف
Date: 12-29-2002, 02:29 AM
Parent: #3
وطنا البإسمك كتبنا ورطنا
احبك
احبك
احبك حر من البدره الملح
احبك آنتى بايُتِك الكلامات المهترشة
حتماً يا أم سارية سنعود ونرقص فى الهواء الطلق
حينها يأتى صوت مصطفى من كل جانب يترددُ
يا زهره آه .. تطرح غيوم الشوق تئن
تشرق تموت
ريح خيل كلمةً تناهد فى الشفاه
والأغنيات الشروق
الأرض
والحب
والمطر
يازهره أه
|
Post: #6
Title: Re: سجلوا كلمة حب للوطن وللانسان السودانى....مع بشائر العام الجديد
Author: Elkhawad
Date: 12-29-2002, 02:32 AM
Parent: #3
تمرك مفرع بالجريد
شدرك أمد حد السمى
طينك معتق بالطمى
نبنيك أكيد .. نبنيك هوى
نبنيك أيوه سوا .. سوا من وجديد .. نبنيك جديد
إيد أبوى على إيد أخوى على إيدى انا
نبني الحب لي كل اناس نتكتب ونرسم في الكراس
احلا حروف
ب: بنحبك ياسودان
ن:نحبك وبي عرقنا نبنيك اجمل الاوطان
ح: حبك علمنا كيف الكل في بلدنا اخوان
ب:بي حبك نتفاخر بي ببني الانسان
ك: كل الحب لكل السودان
اخوان ..اخوان
|
Post: #4
Title: Re: سجلوا كلمة حب للوطن وللانسان السودانى....مع بشائر العام الجديد
Author: omdurmani
Date: 12-29-2002, 02:15 AM
Parent: #1
عذبة انت كالطفولة كالاحلام كالصباح الجديد...
|
Post: #7
Title: Re: سجلوا كلمة حب للوطن وللانسان السودانى....مع بشائر العام الجديد
Author: يحي ابن عوف
Date: 12-29-2002, 02:47 AM
Parent: #4
يحي ابن عوف
ياوطن حقك عليا
مدام تملي أنا منك أنزح
مالقيت وطنآ بيعدلك
ومالقيت أنا غيرك أسمح
باقى جايك الحنين
يالله حن لدمعى وأمسح
من بلادآ تهت فيها
ورحت ماخليت مطرح
مرة شمسآ بهجيره
ومرة بردآ بثلوجه
ينشف الزول لو مصفح
باقى جايك الحنين
نبنى نادى ونبنى مسرح
والله جايك يا الحنين
يالله حن لدمعى وأمسح
رغم أنف الظلم جاى
جاى أزرع وجاى أكدح
ياوطن حقك عليا
مدام تملي أنا منك أنزح
مالقيت وطنآ بيعدلك
ومالقيت أنا غيرك أسمح
|
Post: #8
Title: Re: سجلوا كلمة حب للوطن وللانسان السودانى....مع بشائر العام الجديد
Author: Modic
Date: 12-29-2002, 04:32 AM
Parent: #1
كتبت قصيدة في الأول بعداك حسيت بيها مبتذلة فمسحتها لكن حأستعير كلمات الصادق الرضي .. التي تمنح الأمل بغد أفضل خال من الحرب و الجوع و الغربة :
Quote: الأرض كانت تدخر القمح لأطفال لها
فقراء لا يتوسدون سوى التراب
قل للذين يوزعون الظلم باسم الله فى الطرقات
وفى صفوف الخبز
والعربات والأسواق
والغرف الدمار
البحر يا صوت النساء الأُمهات
القحط يا صمت الرجال الأُمهات
الله حى’’ لا يموت
|
Quote: الآن لن نبكي
ولكن مَنْ يساوم بالغدِ الآتي
!وماذا سوف نخسرُ؟
نحن بالغربة رتبنا بلاداً
لا تشابه غير وجه الذات بالمرآةِ-امرأة’’
|
Quote:
سوف نصلبهم عرايا بالمساميرِ
على بوابةِ التاريخ
ثمَّ نعِّبىء الأيام في الصمت الخرافيّ الرهيب
لست من نورٍ لِتغفِر
أنتَ من طينٍ لتبنى
فابنِ لي بيتاَ
لنا
لكَ
للصغارِ القادمينْ. |
بس أعرف يا وطن .. مهما عملت فينا بنحبك
محمد
|
Post: #9
Title: Re: سجلوا كلمة حب للوطن وللانسان السودانى....مع بشائر العام الجديد
Author: بت قضيم
Date: 12-29-2002, 06:45 AM
Parent: #1
لما باكر (يا عزة) لما اولادنا السمر
يبقوا افراحنا البنمسح بيها احزان الزمن
كل عام وكلنا بخير
|
Post: #10
Title: Re: سجلوا كلمة حب للوطن وللانسان السودانى....مع بشائر العام الجديد
Author: soma
Date: 12-29-2002, 06:59 AM
Parent: #1
تسلمىىى يا تماضر يا كلمة ..يا وطن ..يا نغمة ..يا شجن ..
بلد العز...
بريدك .. بريدك ...
بعزك.. واقبل .. اقبل ترابك...
ترابك محنه..حنانك رحيقك...
رحيقك شبابك...
شبابك شهامه .. شهامتك كرامتك ...
كرامتك عزيزة ... عزة ترابك..
تسافر .. تهاجر .. تودع سحابك...
سحابك مطيره ..تخدر تعطر هضابك...
عيونك جروفك.. عيالك قطوفك ...
تردد هتافك .. تسالم كفوفك ....
حروفك معانى ..كلامك سيوفك...
تحارب تدافع.. تنظم صفوفك ...
شيابك تراثك.. تقود لى دفوفك..
نساء ك مهيره..اصيله وكريمه ..
تحاضن تقالد تشرف ضيوفك ...
افراحك حريره..حنه وضريره...
تلملم شتاتك .. يرجع يشوفك...
احزانك قصيده .. حنينه وحزينة ...
تناجى المشاعر .. تولع فى جوفك ...
تنادى ولادك .. بناتك رجالك ...
تخاطب خيالنا .. نغير نبدل ظروفك...
اسمك بطاقة .. كبيره وعريضه ...
تزين صدورنا.. تعجب البشوفك ...
بريدك ..بريدك.. بعزك …
واقبل ..اقبل ترابك...
اسماء صديق الطيب الجنيد
مسقط عمان
24/4/2002
|
Post: #11
Title: Re: سجلوا كلمة حب للوطن وللانسان السودانى....مع بشائر العام الجديد
Author: wadazza
Date: 12-29-2002, 07:44 AM
Parent: #10
لمن ترى أعزف أغنيتى؟....ها أنت تعيدين الحلم منزوع اغماضة الجفن...لهذا المعلى ...الوطن المكتوب أعلى نهاراتنا ذات البين والبوح الشفيف...أوتذكرين ....عصفورة قال عنها هاشم صديق ..شقشقت عصفورة فى جنة عيونك؟....الطمى وعماله الصابرين ..وترتيبات مسبقة ...وممرات آمنة لأشعة شمس ..تكاد تصطلى قبل أن يصلى بها...فلتلك الجمرات الحارقة صفة التغنى ..بنثارات الثلوج ذات القوائم المنسدلة...فالدثارات لا تغرب عن وجه التمنى ...الوطن فى كل عام ...تتلاقح الأزمنة...وأمكنتنا ..تشهدنا على استدارات القرون ...للوطن والشعب والريح والموج أغنياتنا...
وعاش نضالا
تحياتى
ودعزة
|
Post: #12
Title: Re: سجلوا كلمة حب للوطن وللانسان السودانى....مع بشائر العام الجديد
Author: nazar hussien
Date: 12-29-2002, 08:14 AM
Parent: #10
تسلمي ابنة شيخ الدين
فمن اجل الاحتمال والممكن والآتي والغد
فطول ليلتنا في ازيز المحرك والطائرة
كان محياك يبدو لعيني
فيختلج النوم بين الحقايب والانتظار
ويفتح باب من الوصل
كالجذب عند صغار الدراويش
او كالتواصل بين الكبار
فابصر اشجارك الجاثمة
واسمع انفاسك النائمة
ولغو الاحباء في كل دار
كل هذي القلوب النائمة
تحلم في نومها
بالوطن
كلها تشرب سمرته الداكنة
وصبوته الساخنة
وتاريخه المحتقن
كلها تتزرع بالنوم حتي يهل المطار
قل لتلك العيون المليئة بالوجد
تنتظر القادمين
ان هذا المطار المخبأ في قلب افريقيا
من جميع المطارات يعرفني جيدا
من جميع المدارج يؤلمني البعد عنه
ويسكرني المشي فيه
الي صالة العابرين
وعبر رجال الجوازات
نحو احباء مستقبلين
وعبر ذهول الوصول
لخرطوم تنهض من نومها تستفيق
احس بان العيون الكبيرة
سوف تزاحمنا من جميع النواحي
وتأخذنا في الطريق
وان اسارا من الحب
يبدأ من حيث لم ينته
محمد المكي ابراهيم
اذن فهي دعوة حب صادقة ومخلصة من القلب الي كل ذرة رمل في وطني الي كل جرف ونخلة
الي كل عاشقي الوطن
بان نجعل النيل ساقينا
وملهمنا التوحد
والعطاء
ولنرفع معا هامة الوطن النبيل
بكل سخاء
فمن غيرنا يعطي لهذا الشعب معني ان يعيش ويفتخر
وينتصر
|
Post: #13
Title: Re: سجلوا كلمة حب للوطن وللانسان السودانى....مع بشائر العام الجديد
Author: alsngaq
Date: 12-29-2002, 08:14 AM
Parent: #1
رحم الله شاعرنا الدوش
وكلماتو خير اهداء
وطــــــن
حأسأل عن بلد رايح
وافتِّش عن بلد سايح
واسأل عن امانينا
الِّي ما بتدِّينا
صوت صايِح
وأسأل وين مخابينا
إذا جانا الزمن...
لافِح
واسأل عن بلد مجروح
وعارف الجارحو ليه جارِح
وأبكى على بلد ممدوح
وعارف المادحو
ما مادِح
واحْلم بي حلم مسروق
لا هو الليَلهْ
لا امْبارِح
اعلق في جناح سفري
خطابات لزمن فجرى
وادخل من درب سري
لكل مضاجع الأحزان
وأضفر من شجر بلدي
بروقا مارقه من صدري
حأسأل عن بلد غاط
لحد الليلة في الوجعه
أنط فوق سرجي وأتحزم
أقوم من وقعه
لي وقعه
اخت ايدى البتوجعنى
على السأم البرجعنى
.. وأسأل يا وطن
يا بيتنا ليه شوقك مواجهنى
ليه حبك مجهجهنى
وليه تاريخ زمن خسران
موكر لسه في شجني ؟
حأكتب لشجر مقطوع
مسادير
يمكن يتحرك
خطابات لطفل مجدوع
يقوم
يجري
يقع
يبرك
رسالة لكل قمريه
إذا دم الشقا أتوزع
على كل البيوت
ما ترك
.. وأسأل
عن وطن رايح
وأديكم خبر جارح
بأنو جميع جموع الناس
حيفضلوا لا كراع
لا راس
ونشترى فى الدكاكين يوم
مسابح من دموع الناس
مساحيق من هموم الناس
زهج
يتعبا في الأكياس
ونعلن فى المزاد علنا
وترغى الجوقه والأجراس
" نبيع الطفلة والكراس"
واصرخ
يا وطن! يا بيتنا!
ليه ما تبقى لينا الساس
قدر ما تجرى فيك
.. أفكار
يزيدوا الحبس والحراس
قدر ما تجرى فيك الخيل
تدوس الهيبه
والإحساس
وأسأل
يا وطن رايح
إذا كل القبور دخلت
بيوت الناس
بلا استئذان
بلا صلوات
بلا أكفان
جريمه أسائل الدفان؟
جريمه طلب تمن قبري
من البايع في اى مكان؟
وأقولك يا وطن
رايح
وأقولك يا وطن
آمر
سلام النفس ما كافر
ولا كافر
ولا كافر
.
شبيك ابوى لبيك
نحن اولادك ديك
|
Post: #14
Title: Re: سجلوا كلمة حب للوطن وللانسان السودانى....مع بشائر العام الجديد
Author: Modic
Date: 12-29-2002, 08:34 AM
Parent: #1
| Quote: بلاد أنجبتني و قالت غريب |
المبدعون في وطني : يلفظهم الوطن .. تطردهم الحرب .. تطاردهم كوابيس المعتقل .. و حين يعودون يكرمهم الوطن بقطعة أرض مساحتها متر و نصف
تسمي القبر
السنة الجاية أتمني ليك يا وطن ده كله ينتهي .. نرجع ليك و تفرح بينا .. نوريك اننا بنحبك قدر كم
مودك
|
Post: #15
Title: Re: سجلوا كلمة حب للوطن وللانسان السودانى....مع بشائر العام الجديد
Author: degna
Date: 12-29-2002, 08:53 AM
Parent: #14
الاستاذة الاخت الرائعة تماضر
نحن مهما تفننا في الكلام ومهما زوقناه بعزب العبارات
الجميلة لن نوفي السودان حقه ابدا ,وحقيقة يعجز لساني
عن تصوير مدي حبي العميق لوطني ولي اهلي شعبي السوداني
الذي لن تجد له مثيل في العالم وربنا يقدرنا علي ان نوفيه حقه , ولك منا الفنانة الرائعة
تماضر كل الاحترام والتقدير
دقنه البجاوي
|
Post: #16
Title: Re: سجلوا كلمة حب للوطن وللانسان السودانى....مع بشائر العام الجديد
Author: Al-Masafaa
Date: 12-29-2002, 08:55 AM
Parent: #14
سوداني الجوة وجداني بريدو
|
Post: #17
Title: Re: سجلوا كلمة حب للوطن وللانسان السودانى....مع بشائر العام الجديد
Author: مهيرة
Date: 12-29-2002, 11:12 AM
Parent: #1
اختى العزيزة تماضر
زهرة البورد الفواحة
تحياتى
وكل عام وانت والجميع بخير
ماذا اضيف لكلماتك المضيئة؟التى تنساب جداول حب رقراقة،ونغمات نشيد مموسقة بأعذب الالحان
الحان الحب والسلام والخير الذى نتمناه ونرجوه لاهلنا ولوطننا
فدعونا نبتهل الى الله ان يحقق الامانى
ولك عاطر تحياتى
وخالص مودتى
|
Post: #18
Title: Re: سجلوا كلمة حب للوطن وللانسان السودانى....مع بشائر العام الجديد
Author: dreams
Date: 12-29-2002, 11:36 AM
Parent: #17
ابدا ما هنت ياسوداننا يوما علينا
بالذى اصبح يوما فى يدينا
وغناء عاطرا تعدو به الريح
فتختال الهوينى يا بلادى
من كل قلب يا بلادى
نحبك
قدر الحروف الحايمة فى بطن الكتب
قدر الخيال ما مد ايدو على السحب
تماضر
تحيات وسلامات
تسلمى
|
Post: #19
Title: Re: سجلوا كلمة حب للوطن وللانسان السودانى....مع بشائر العام الجديد
Author: Ahlalawad
Date: 12-29-2002, 11:38 AM
Parent: #1
هذه أنواع مختلفة من الحب
كل منا يحب السودان بمعرفته
بطعمه
بفهمه
بأسلوبه
على أني أرى أنه يكفي هدهدة لهذا السودان
خلاص كبرت وليك قريب خمسين سنة
انهض ،، ببنيك وبدونهم
اقبض على قوسك بيدك
احمل المعول والفأس والمفتاح والكيبورد
لا تلتفت وراءك
الطريق واضح
المسير شاق
الاطفال في انتظارك
الكسالى ينظرون
العاطلون يمنون النفوس
لا تنتظر العون
فخلفك جياع
أطفال
نساء قواعد
رجال عاطلون
شباب حالم
شيوخ مهترئون
مرضى وزمنى
|
Post: #20
Title: Re: سجلوا كلمة حب للوطن وللانسان السودانى....مع بشائر العام الجديد
Author: Abomihyar
Date: 12-29-2002, 12:04 PM
Parent: #1
يابلدي يافردة جناحي التاني
وقت الناس تطير لعالمه..
(حميد)
لا أستطيع التحليق كوني طير مهيض الجناح
|
Post: #21
Title: Re: سجلوا كلمة حب للوطن وللانسان السودانى....مع بشائر العام الجديد
Author: almulaomar
Date: 12-29-2002, 12:24 PM
Parent: #1
وطني
إلى الصغار الذين نعقد عليهم كل الآمال
وإلى الكبار الذين لم نفقد فيهم بعد كل …الآمال
أهديكم أطيب التمنيات بمناسبة إطلالة عام جديد متمنياً أن يكون عام سلام ومحبة وكفى.
|
Post: #22
Title: Re: سجلوا كلمة حب للوطن وللانسان السودانى....مع بشائر العام الجديد
Author: Tumadir
Date: 12-29-2002, 12:56 PM
Parent: #21
يا حسن
وعزة
منعم شوف
الخواض
امدرمانى
يحي بن عوف
محمد قسم البارى ، موديك مرتين
بت قضيم
سوما
ودعزة
نزار حسين
السنجك
دقنة
المسافة
مهيرة
دريمز
اهل العوض
ابومهيار نديدى
الملاعمر
اصدقائى صديقاتى
من حدقات عيون الوطن الساكن فى رئتى ابعث لكم بالحب صاعا بصاع، وحرفا بحرف
من كلماتكم اضاء النصف الغائم منه
من كلمات عشاقه، شهود التاريخ والعصر، الصادق الرضى والدوش ومحمد المكى ابراهيم وحميد
من اجتهاداتكم الندية
وكروت معايدتكم النازفة حبا ودما
احييكم انا للوقوف على لحظة العطاء
تتوتر كلماتكم فى حافة الدفء كقطر ماء حائرة بين الندى والجفاف
احبكم بالمثل
اكتبوا اكتبوا فالوطن جدير بالعطاء
|
Post: #24
Title: Re: سجلوا كلمة حب للوطن وللانسان السودانى....مع بشائر العام الجديد
Author: Tumadir
Date: 12-29-2002, 02:31 PM
Parent: #22
عيدوا على الوطن...
لبسوهو اجمل ملابسو:
كان جلابية وتوب
كان هو لاووولا حربة
كان سكساسك ولا ودعه
كان فدو دار ولا فردة
كان رحط قال ولا طرحة
كان قرون تور ولا كشكوش
ولا الوان زاهية
جلدو عريان بيها منقوش
ولا جرجار اوهى تيلة
كان سديرى ولا
طربوش
كان سوار
كان غويشات
كان مشلخ ولا سادة
كان منقر وشو مرشوش
لبسوه اجمل ملابسو
وقدموه يطلع يسالم
وتمرو الدرب البقودوا
برة لى عالم مسالم
عام جديد اشرق عليهو
خلاص كفاو من المظالم
اكتبوا
|
Post: #23
Title: سجلوا كلمة تحية للوطن
Author: albagir altahir
Date: 12-29-2002, 02:15 PM
Parent: #1
الاخت الرائعة تماضر لك التحية وللوطن
في الدرب البجيبني انا ليك مالي محن
يا وطن ديمة ليكه بحن
*****************************
يا وطن حبك متكن جوة ما بين المفاصل
قلنا لازم نرضي هجرك ونرفض الكان فيكه حاصل
الا وين فتنا حبك فينا واصل
********************
سلام يا ناس سودان الخير
ســــــــــــــــــــــلام
ياناسا بتصل الزول حفايا علي حدود السيف
وياناسا تقاسم الزول شقي عمرو ومعاهو تقيف
ويا ناســــــــــــــــــا
فناجرة تمام
ويا نا ســـــــــــــــــــا
تمامت الكيف
*********************************
اهلي الطيبين نسيتوني
ما ظنيت بتنسوني
لاني انا ما نسيتكم
وانتو ما ناسين
|
Post: #25
Title: Re: سجلوا كلمة تحية للوطن
Author: alsara
Date: 12-29-2002, 03:00 PM
Parent: #23
رغماً عن عَنَت الأيام
والزّمن الَجهْجَاه الفاجِعْ
بالنّفس النّازل والطالعْ
وأنا واحد من شعب مضارعْ
سمّيت ومشيت ما متراجعْ
غنيتك يا عشقي وتيهي
يا بلاداً كم سمحة وجيهي
لو لِقَتْ النّاس البتدورا
الأيدي التنفض كانديقَا
تنقُز تلحقا في الكانديقَا
ترتالا .. تكوس لها في الجيهي
ويا بلدي الواقع بك واقف ..
الشوق من حاطف لى قاطف .
حميد
لابد نجيك في يوم.. شايلين الحلم في ايد
و بالتانية أصرار
حنغير خرطتك
نرسم في كل مدينة أمل.. شجرة ..
و عصفورة تغرد في أمان
لا خايفة من ناس الطوارئ
و لا من جنود الأخطبوط
حنبصم في خرطتك بصمة حب
لكل عرق سال في نيلك
حنتوج النيل ملك الصبر
ضاق الغلب لامن فتر
حتما حنجيك
بس يا وطني و لا تيأس
و ما ترمي سلاحك للعسكر
|
Post: #26
Title: Re: سجلوا كلمة تحية للوطن
Author: banadieha
Date: 12-29-2002, 03:10 PM
Parent: #25
كل كلمة قلتوها..كأنها طالعة من لساني
|
Post: #31
Title: Re: سجلوا كلمة تحية للوطن
Author: wa7shny
Date: 12-29-2002, 04:39 PM
Parent: #26
|
Post: #27
Title: Re: سجلوا كلمة حب للوطن وللانسان السودانى....مع بشائر العام الجديد
Author: ازرق
Date: 12-29-2002, 03:14 PM
Parent: #1
استاذة تماضر
زى ما قلت صرتنا مدفونة هناك , ولا اقول عيد باى حال ولكنى خايف من ان ينكسر المرق ويتشتت الرصاص
|
Post: #28
Title: Re: سجلوا كلمة حب للوطن وللانسان السودانى....مع بشائر العام الجديد
Author: ازرق
Date: 12-29-2002, 03:14 PM
Parent: #1
استاذة تماضر
زى ما قلت صرتنا مدفونة هناك , ولا اقول عيد باى حال ولكنى خايف من ان ينكسر المرق ويتشتت الرصاص
|
Post: #29
Title: Re: سجلوا كلمة حب للوطن وللانسان السودانى....مع بشائر العام الجديد
Author: Elmosley
Date: 12-29-2002, 03:27 PM
Parent: #1
سوداني سوداني
والدنيا عارفاني
من غابة الابنوس
والسنطه في الوادي
ممزوجه الواني
وتعيشي يابتنا الحديقه
|
Post: #30
Title: Re: سجلوا كلمة حب للوطن وللانسان السودانى....مع بشائر العام الجديد
Author: اسامة الخاتم
Date: 12-29-2002, 03:47 PM
Parent: #1
يا وطن يا مازم
يا ازمة عامة و دايرة
يا دائرة شريرة
يا انقلاب و يا الصادق المهدى
يا دوامة يا غربة
يا زمن و يا جلاد
القابلة على الامنيات
تزول الغمة و نفرح بى الحرية
بدواء و كساء و ماء
بهواء و نفس حلو
و غذاء
ثم نعود
نعود الى زمن جديد و وطن جديد
الى
ســـودان جديد
|
Post: #32
Title: وطنى
Author: كيمو
Date: 12-29-2002, 06:27 PM
Parent: #1
وطنى كم خانوك وصدقت دينهم والدمار
محمد المهدى المجزوب
باسمك واسم كل احبابى احيك يا وطن يا غالى
يا وطن يا نيل يا سامى
احبك يا من وهبت لى حياتى ياغالى
واتمنى اشوفك دايما فى العلالى
فى سلام لا حروب لا قتال
لاشمال لا جنوب
لا شروق لا غروب
نعيش فى سلام نبى مجدك يا بلادى
شعب واحد للعلاء سائر
ونطوى صفحة الماضى
ونعيد مجدك يا بلادى
هيا يا شباب نبى سودانى
ونقول وداعا للماضى
لا دنقلاوى لا شايقى لا دنيكاوى
كلنا شعب واحد ضدى الاعادى
ويصبح سودنا فوق فى العلالى
ونبى مجدك يا سودانى
ما بين زمن متنيهوا وزمن زادنى منك اسية
|
Post: #34
Title: Re: وطنى
Author: امبدويات
Date: 12-29-2002, 07:26 PM
Parent: #32
سوف نزرع الامل مع اشراقات ونفحات صباح يناير ونامل ان نستعيد الديمقراطية ونبنى السودان الجديد ونحتفل بالاستقلال وليس الاستغلال من المنافى وفى الحبهة الشرقية والحنوبية والغربية مع مقاتلينا نتفاعل لن تحول المحيطات بيننا
يوم بكره احلى وسوف تشرق شمس الحرية وسوف تسقط البندقية منك ايها السفاح
الاستاذه تماضر هناك فرق بين سفاح مستبد ولايفهم الا لغة واحدة الفتل وبين مبدع مسرحى وشاعر مهموم بالغبش والكادحين المشردين داخليا وخارجيا نحن نؤمن بابداعك وعطائك ونكفر بهذا السفاح لهاذ نحلم بيوم سوف تشرف فيه الشمس وسوف ترد البندقية لصدرة وصدر كل الهتيفة والمستبدين
يوم بكرة احلى
|
Post: #33
Title: Re: سجلوا كلمة حب للوطن وللانسان السودانى....مع بشائر العام الجديد
Author: Tabaldina
Date: 12-29-2002, 07:24 PM
Parent: #1
..
.
وطن النجوم ..انا هنا
حدق .. اتذكر من أنا
المحت فى الماضى البعيد ..فتى غريرا ارعنا
جذلان يمرح فى حقولك كالنسيم مدندنا
المقتنى المملوك ملعبه .. وغير المقتنى
يتسلق الاشجار لاضجراً .. يحس ولا ونى
ويعود للاغصان يبريها سيوفاً او قنا
ويخوض فى وحل الشتاء ..متهللاً متيمنا
لا يتق شر العيون .. ولا يخاف الالسنا
ولكم تشطين كى يقول ..الناس عنه تشيطنا
انا ذلك الولد الذى دنياه كانت ههنا
انا من مياهك قطرة
فاضت جداول من سنا
انا من ترابك ذرةً
ماجت مواكب من منى
أنا من طيورك بلبل
غنى بمجدك فاغتنى
حمل البشاشة من ربوعك للدنى
كم عانقت روحى رباك .. وصفقت فى المنحنى
لارز - يهفو بالرياح وبالدهور وبالغنا
للبحر ينشره بنوك.. حضارة وتمدنا
للليل فيك مصلياً ..للصبح فيك مؤذنا
للشمس تبطئ فى وداع ..زراك كيلا تحزنا
للبدر فى نيسان ..يكحل بالضياء الاعينا
فيذوب فى حدق المهى سحرا لطيفاً لينا
للحقل يرتجل الروائع زنبقاً اوسوسنا
للعشب اثقله الندى ..للغصن اثقله الجنى
عاش الجمال مشردا ..فى الارض ينشد مسكنا
حتى انكشف له فالقى ..رحلة وتوطنا
واستعرض الفن الجبال ..فكنت انت الاحسنا
لله سر فيك ( يا سودان ) لم يعلن لنا
خلق النجوم وخاف ان تغوى العقول وتفتنا
فاعار ( نيلك ) مجده وجلاله كى نؤمنا
زعموا سلوتك ..ليتهم نسبوا الى الممكنا
فالمرء قد ينسي المسئ المفترى والمحسنا
والخمر والحسناء والوتر المرنح والغنا
ومرارة الفقر المذّل ..بلى ولذات الغنى
لكنه مهما سلا هيهات يسلوا الموطنا
هيهات يسلو الموطنا
هيهات يسلو الموطنا
..
.
تحياتى
بوست رائع ولفتةُُ اروع
|
Post: #35
Title: Re: سجلوا كلمة حب للوطن وللانسان السودانى....مع بشائر العام الجديد
Author: Tabaldina
Date: 12-29-2002, 07:39 PM
Parent: #1
..
.
سلام الله لعشاق
ومن مدوا الى محرابك العناق
ومن نحروا قلوبهم قرابيناً من الإشفاق
ومن عبروا طريق الدمع اعواماً من الإرهاق
ومن غنوا من الاشعار ما رقصت لها الآفاق
سلاماً يا رفيق الدرب
سلاماً يا نجى القلب
سلاماً غيمة الإغداق
سلاماً مسجد التسبيح والإطراق
ويا مرقى السموّ الشاق
ومهمى دمعى المهراق
سلاماً أيها المحبوب يا .. وطنى
سلاماً يا ربي لوطنى
*******
داخل الاطار
حنبنيهو البنحلم بيهو يوماتى
وطن شامخ .. وطن عاتى
وطن خير ديمقراطى
ما بنبنيهو فرادى
ولا بالضجة فى الرادى
ولا بالخطب الحماسية
|
Post: #36
Title: Re: سجلوا كلمة حب للوطن وللانسان السودانى....مع بشائر العام الجديد
Author: Tumadir
Date: 12-29-2002, 07:55 PM
Parent: #35
الباقر الطاهر
السارة
بناديها
واحشنى
ازرق
الرجل الغابة
اسامة الخاتم
كيمو
تبلدينا تبلدينا تبلدينا
مشاركاتكم جاءت عميقة وفاقت توقعاتى
لا كسر الله خاطركم فى وطن
ولا اراكم الله مكروها فى امان الوطن
ولا احزنكم فيه
ولا حرمكممن امومته المدرارة
ولكن اين هو الآن؟؟؟؟؟
يا ازرق اشاركك الخوف
والمرق ينكسر ويتشتت الرصاص
شكرا لكم
واكتبوا
اكتبوا
|
Post: #37
Title: Re: سجلوا كلمة حب للوطن وللانسان السودانى....مع بشائر العام الجديد
Author: Tumadir
Date: 12-29-2002, 07:55 PM
Parent: #35
الباقر الطاهر
السارة
بناديها
واحشنى
ازرق
الرجل الغابة
اسامة الخاتم
كيمو
تبلدينا تبلدينا تبلدينا
مشاركاتكم جاءت عميقة وفاقت توقعاتى
لا كسر الله خاطركم فى وطن
ولا اراكم الله مكروها فى امان الوطن
ولا احزنكم فيه
ولا حرمكممن امومته المدرارة
ولكن اين هو الآن؟؟؟؟؟
يا ازرق اشاركك الخوف
والمرق ينكسر ويتشتت الرصاص
شكرا لكم
واكتبوا
اكتبوا
|
Post: #38
Title: Re: سجلوا كلمة حب للوطن وللانسان السودانى....مع بشائر العام الجديد
Author: asaay
Date: 12-30-2002, 01:35 AM
Parent: #1
أستاذه تماضر..
أستأذنك في الدخول..ولاأدري حقا أي وطن أحكي ..السودان الحضن الطارد ..السودان الحلم المارد
وطن العطاءات أم وطن الجحود ..الوطن الذي منحنا انسانيتنا وتفردنا ونثرنا كحبات الرمال على خارطة
العالم ..ربما بكثير من الجهد ألمح ومضة في عيون من لازالوا يعشقونه وأنا منهم والومضة حلم ..أمنيه ..أن تشرق صباحاتنا يوما فيه ربما حينها نستطيع أن نمحنه بعض ما أعطانا..
أيوه لازم ياجميله نعود نغني
وصوتنا يكبر
وريشنا يغزر
ونبقى تاني وطن محبه
والحرب نديها دبه
وتاني نرجع لوطنا
وتاني نقدل في بلدنا
مالبلد حقتنا نحن
ونحن أولاده الغلابه
وهي لينا الديمه يمه
ونحن ليها يابا
ونحن طالعين من جروفا
ونحن مارقين من ترابه
وكنا ديمه نغني ليها
ولسه مازالت حبابه
هي البدايه وهي النهايه
وهي الدوايه
وهي الكتابه
وهي الأغاني اللسه جايه
وهي المسادير
...والربابه
أواه ياوطني..الممدد بين جفني ..والرموش
متعاظم لهفي عليك
وطني...وخطوك في فؤادي واثب
ومقيد خطوي اليك
كل عام وانتم كما يحلم بكم..وهو كما تحلمون به...
...........................أسآي
|
Post: #39
Title: Re: سجلوا كلمة حب للوطن وللانسان السودانى....مع بشائر العام الجديد
Author: ود شاموق
Date: 12-30-2002, 05:25 AM
Parent: #1
كنتا جنبك ما بعاين
مابشيل الهم
ولا بطرا المسافات البعيدة
كنتي انتي وبعدك انتي
برضو انتي
ما براك انتي البريدا
منو البيدي بعدك انتي
معنى للأيام
ويدي معنى لي ذكرى بعيدة
يا قصيدة
يا قصيدة عشق شاعر
كلما كمل قرايتك
قال كما يرجع يعيدا
إلى أمنا السمراء عازة
مشتاقون
مشتاقون
مشتاقون
.
|
Post: #40
Title: Re: سجلوا كلمة حب للوطن وللانسان السودانى....مع بشائر العام الجديد
Author: Tumadir
Date: 12-30-2002, 05:58 PM
Parent: #39
up
|
Post: #41
Title: Re: سجلوا كلمة حب للوطن وللانسان السودانى....مع بشائر العام الجديد
Author: altahir_2
Date: 12-30-2002, 06:29 PM
Parent: #1
راهنت الارض
لو قبلي تتلقاك
لحظة نزولك
من علاك
راهنت الطيور
لو تعرف فسولك
او ازمان هطولك
او توصل مداك
ما إحتمالات إنبثاقك
من فضاك
مرهونة بي طول السجود
وموكب اطفال الورود
تواريخك
مواعيدك
مداراتك
في شراييني من اقدم عهود
مقاطع من راهنت الارض لعز الدين طه_لندن_ .
|
Post: #42
Title: Re: سجلوا كلمة حب للوطن وللانسان السودانى....مع بشائر العام الجديد
Author: alhabeb
Date: 12-30-2002, 06:34 PM
Parent: #41
وطنى ولا ملئ بطنى
سكاتى ولا الكلام النئ
بيلتى ولا ضبايح طئ
قليلتى ولا كتر سمئ
|
Post: #43
Title: Re: سجلوا كلمة حب للوطن وللانسان السودانى....مع بشائر العام الجديد
Author: Yahya Fadlalla
Date: 12-30-2002, 07:20 PM
Parent: #42
البيت خلاء
حتي العصافير
البتفضح
سر صباحات الغناء
نفضت جنحاتا
طارت
خاصمت
حتي السماء
|
Post: #44
Title: Re: سجلوا كلمة حب للوطن وللانسان السودانى....مع بشائر العام الجديد
Author: almohndis
Date: 12-30-2002, 08:50 PM
Parent: #43
الكلام الحلو الله ما قسم لينا لا نثر لا شعر لكن الشي الأكيد في حبه وإنسان تب ما نقصرنملا في حبك وانسانك شجرك شمسك ارضك دفتر أول وثاني وثالث
|
Post: #45
Title: Re: سجلوا كلمة حب للوطن وللانسان السودانى....مع بشائر العام الجديد
Author: رؤى الســقيـد
Date: 12-30-2002, 09:04 PM
Parent: #1
انا كمان مابقدر اكتب شعر ومشكلتى عايزة اقول حاجة للوطن فى السنة الجديدة
لكن رغم انو نحن برة وبعيدين منو لكن هو معانا وانشاء الله السنة الجاية حايكون احسن من هسه وزى مانحن عايزين
رؤى السقيد
|
Post: #46
Title: Re: سجلوا كلمة حب للوطن وللانسان السودانى....مع بشائر العام الجديد
Author: fidyas
Date: 12-30-2002, 10:06 PM
Parent: #1
فيافي الصي وبيوضه البراسيم فيها مفروضه
خدارا يراري شوف عيني علي الابواب
حواريها وطواريها وقماريها بقت روضه
بقت تشرب من الحامداب
وفي الفؤاد ترعاه العنايه
وبين ضلوعي الوطن العزيز
ست البوست ايتها الشفيفه..تسلمي
|
Post: #47
Title: Re: سجلوا كلمة حب للوطن وللانسان السودانى....مع بشائر العام الجديد
Author: Tabaldina
Date: 12-31-2002, 08:35 AM
Parent: #1
..
.
وكلمة حب تانية لمريم الوطن
نسال الله ان يزيح منا الكابوس الكامن
وعما قريب تفتح شبابيك الحديد
قولوا امين
يا رب
يا والدة يا ( مريم )ء
.. يا عامرة حنية
انا عندى زيك كم !!؟
يا طيبة النية
بشتاق وما بندم ..إتصبرى شوية
يا والدة يا مريم
مانى الوليد العاق
لا خنت لا سراق
والعسكرى الفراق
بين قلبك الساساق
وبينى هو البندم .. والدايرو ما بنتم
يا والدة يا مريم
عارف حنانك لى
راجل تلولينى
دائما تقلينى
فى العين تشيلينى
القاك عز الليل .. بقلبك تدفينى
ضلك على مشرور .. قيلت فى سنينى
أنا لو تعرفينى !!؟
لو تعرفى الفينى !!؟
أنا كم بحبك ..كم
والعسكرى الفراق ..بين قلبك الساساق
وبينى هو البندم .. والدايرو ما بنتم
يا والدة يا مريم
طول النهار والليل
فى عينى شايلك شيل
لكنى شادى الحيل
لا خوف عّلى لا هم
هاك قلبي ليك منديل .. والدمعة لما تسيل
قشيها يا مريم
مانراكب السرجين
ومانى زولا شين
يا والدة دينك كم !!؟؟
دين الوطن كمين
ما شفتى ود الزين !! الكان وحيد أموو
ومالى كان العين .. قالو لو ناسك كم !!؟؟
ودينا ناسك ووين .. ودينى يا خائن اسلم
العود وخاتى الشق .. ما قال وحاتك طق
تب ما وقف بين بين
لى موتو اتقدم
انا ما بجيب الشين ..
انا ما بجيب الشين انا لو سقونى الدم
والعسكرى الفراق
بين قلبك الساساق
وبينىهو البندم
والدايرو ما بنتم ...يا والدة يا مريم
وكم من حبيباً لى
كان مالى بينا دروب
ما ودع الحبان .. ما وسدوه الطوب
حى قولى ،، ما حى ووب
حى قولى ،، ما حى ووب
ما خلى ساعة الموت .يمه السرج مقلوب
اتشتت الرصاص
فى جسمو اتقسم .. لا قوهو يتبسم
ريحتو صار تنشم
زى التقول يومداك ..يوم العرس يادوب
انا ما بجيب الشين
انا لو سوقنى الدم
والعسكرى الفراق
بين قلبك الساساق
وبينى هو البندم .. والدايرو ما بنتم
يا والدة يا مريم
يمه السجن مليان ..رجاله ما بتنداس
والشالو هّم الناس
والفات وليدا ليو .. ما متذكر الكراس
ما سمعوا يتكلم
ما نحن عود الفأس
فرسان حمى وحراس
والعسكرى الفراق
بين قلبك الساساق
وبينى هو البندم .. والدايرو ما بنتم
يا والدة يا مريم
ما تقولى شن سويت
ما تبكى ما سويت !! غير البطمن الناس
بى همهم حسيت
حارس مع الفرسان
حارس بلدنا البيت
اخوانى علو السور
انا طوبه ما ختيت
دين من زمن تاتيت
لا من كتب لا قريت
وعرقنا يا ما يدر
يمه اللبن والزيت .. الكسرة والكراس
لى قشة الكبريت
وتقولوا جيدا جيت
راجع مع الفرسان .. فايت الحدود واسيت
وتغنى يا مريم لينا ،،وتجرى النّم
والعسكرى الفراق
بين قلبك الساساق
وبينى هو البندم .. والدايرو ما بنتم
يا والدة يا مريم
..
.
|
Post: #50
Title: Re: سجلوا كلمة حب للوطن وللانسان السودانى....مع بشائر العام الجديد
Author: Tumadir
Date: 12-31-2002, 08:43 AM
Parent: #47
الطاهر اتنين
الحبيب
يحيح
المهندس
رؤى السقيد
فدياس، صاحب الازميل
تبلدينا تبلدينا تبلديـــــــنا
كلام طالع من القلب وماشى للوطن، ما بهم يمر بحالة الشعر ولا النثر
ممتنة لمساهماتكم
واكتبوا اكتبوا اكتبو
العام يحتضر وبكرة بتشرق شمس عام جديد
وبنحلم للسودان بفال جديد
|
Post: #48
Title: Re: سجلوا كلمة حب للوطن وللانسان السودانى....مع بشائر العام الجديد
Author: Tabaldina
Date: 12-31-2002, 08:38 AM
Parent: #1
..
.
عفوا للتكرار
مع الشكر
|
Post: #49
Title: Re: سجلوا كلمة حب للوطن وللانسان السودانى....مع بشائر العام الجديد
Author: kofi
Date: 12-31-2002, 08:43 AM
Parent: #1
سنة حلوة ياجميل
|
Post: #51
Title: Re: سجلوا كلمة حب للوطن وللانسان السودانى....مع بشائر العام الجديد
Author: Tariiq
Date: 12-31-2002, 08:56 AM
Parent: #49
وطن الجدود نفديه بالارواح نجود
وطــــــــــــــــــــــنى
ولك التحية اخت تماضر وكل سنة والجميع طيبين
|
Post: #52
Title: Re: سجلوا كلمة حب للوطن وللانسان السودانى....مع بشائر العام الجديد
Author: بحر سماحه
Date: 12-31-2002, 09:10 AM
Parent: #51
أمنيًٌٌٍٍٍََُْْْـــــه
أن يكون لنـا وطـن يجمعنــا ولا يفرقنـــا
......ــــــــــــــــــــ.......
أنـا الأميـن المــأمون علي بنــات فريقـــه
|
Post: #53
Title: Re: سجلوا كلمة حب للوطن وللانسان السودانى....مع بشائر العام الجديد
Author: بحر سماحه
Date: 12-31-2002, 09:13 AM
Parent: #1
أمنيًٌٌٍٍٍََُْْْـــــه
أن يكون لنـا وطـن يجمعنــا ولا يفرقنـــا
......ــــــــــــــــــــ.......
أنـا الأميـن المــأمون علي بنــات فريقـــه
|
Post: #54
Title: Re: سجلوا كلمة حب للوطن وللانسان السودانى....مع بشائر العام الجديد
Author: ابوحراز
Date: 12-31-2002, 11:11 AM
Parent: #53
ياوطني
يابلد احبابي
في وجودي
اريدك وغيابي
اتمنى من لديه هذه الأغنية ان ينزلها لنا مع هذا البوست بعد اذن الأستاذة تماضر
|
Post: #55
Title: سجلوا كلمة حب
Author: mohmmed said ahmed
Date: 12-31-2002, 11:15 AM
Parent: #1
بالنوبية ممكن يا تماضر
يا مسكين ووه اركونى
اكا اى جلى كن دي لى
|
Post: #56
Title: Re: سجلوا كلمة حب
Author: Tumadir
Date: 12-31-2002, 09:04 PM
Parent: #55
up
|
Post: #58
Title: Re: سجلوا كلمة حب
Author: ba7ar
Date: 01-01-2003, 01:55 AM
Parent: #56
كنا بنقول انو نحن السودانيين ما عندنا وطنية
لكن والله بعد اتغربنا قلوبنا بقت رهيفة
لمانطري البلد ندمع ولما نحلم بي جديدا شعر جلدنا يكلب
وشعار المرحلة
لو هز نخلك باشبوزق ما فارقت تمرة السبيط
ودمتم
|
Post: #57
Title: Re: سجلوا كلمة حب للوطن وللانسان السودانى....مع بشائر العام الجديد
Author: فجراوى
Date: 01-01-2003, 01:30 AM
Parent: #1
فى الفؤاد ترعاه العنايه
و
بين ضلوعى الوطن العزيز
|
Post: #59
Title: Re: سجلوا كلمة حب للوطن وللانسان السودانى....مع بشائر العام الجديد
Author: Tumadir
Date: 01-01-2003, 06:27 AM
Parent: #57
وطنى
فى هذه والعالم يودع عاما ويستقبل عام
انهمر انا فى دفئك سحابة من حب
كل عام وانت وطنى
ووطن العاشقين
|
Post: #60
Title: Re: سجلوا كلمة حب للوطن وللانسان السودانى....مع بشائر العام الجديد
Author: EMU إيمو
Date: 01-01-2003, 07:38 AM
Parent: #59
وطني وطني وطني
كفنوك ودفنوك وأسكنوك هوة اللحد العميق
وشعبك ميت لا يفيق
ذللوه قتلوه حمَّلوه فوق ما كان يطيق
أيها الباقون من أمة وطني
أعلم أنكم كرماء
وأنكم ستغفرون التقصير لمن ظلم
وليس منكم أمير يعيش في قصرٍ بحضن النيل
يناغيه مغنيه
بل منكم من تعزب بالحرف ليعرف الحرف
والحرف لو وضع جنب الحرف سيتضح المعنى
بالأمس أشباح مايو
واليوم تريضنا الأشبال
وبعد إنتها المباراة سوف نتعانق بالأحضان
نعم هذا هو الشعب السوداني
وهكذا ضاع الشعب السوداني
هل هي الوطنية
أم هي الإنسانية
لا والله
لماذا نتاجر في المهاجر ونتفاخر بمزايانا الحسان؟
هل هو ديكور خارجي والداخل شريك؟
نرجو أن نكون صادقين في توجهنا لله وللوطن
وأن ننظر لحياة جديدة بعيون المحبة والشوق
إلى أثواب الاباء بإذدرا وإشمئزاز
حتى نخرج من ظلمة الأوهام
والسيف على من ظلم
والعزة لله وللوطن
والتحية للأستاذة الفنانة تماضر
وعام جديد وسعيد يعطره السلام والمحبة
|
Post: #61
Title: Re: سجلوا كلمة حب للوطن وللانسان السودانى....مع بشائر العام الجديد
Author: Tabaldina
Date: 01-01-2003, 07:51 AM
Parent: #1
..
.
ركبت اذ نويت أن اهاجر
أعددت ُ ما اعددته .. هيأت زادى
وحين هدنى التسيار والرهَقْ
وداعب الجفون بعض من وسن
سمعتها من السن الرعاة فى البوادى
( حذار ان تموت خارج الوطن)
،،،صحوت قلقاَ وتواقاً
أنا المسافر
هبطت مرةً بواد
سمعت طائرًاً حط على فنن
(( حذار لا .. ولا ثمن .. لا شئ يعدل الوطن ))
يا أيها المسافر ..المهاجر
خارج الوطن
|
Post: #62
Title: Re: سجلوا كلمة حب للوطن وللانسان السودانى....مع بشائر العام الجديد
Author: Tumadir
Date: 01-01-2003, 12:52 PM
Parent: #61
ايمو وتبلدينا
ما قلنا نرجع، قلتو شنو؟؟
|
Post: #63
Title: Re: سجلوا كلمة حب للوطن وللانسان السودانى....مع بشائر العام الجديد
Author: tmbis
Date: 01-01-2003, 03:29 PM
Parent: #62
غني يا خرطوم .. وغني
شد اوتار .. المغني
ضوي من جبهة شهيدك .
امسياتك وأطمئني
نحنا منك ريح .. وهبت
نار ... وشبت
في وجوه الخانو اسمك
يا جميلة
ونحنا يا ست الحبايب
في دروب الليل
كهارب
قبلما يطول انتظارك
نحنا جينا ونحنا جينا
ديل انحنا
القالو فتنا
وقالو
متنا
وقالو للناس
انتهينا
نحنا جينا
جينا زي ما كنا حضنك
يحتوينا
ولما فارسك فينا
هب
عبا حجرك بالمحبه
وبالأماني
صحا نار الثورة تاني
جانا داخل
زي شعاع الشمس من كل المداخل
جانا أجمل
ختا من
فوق كتفك ايدو
هز بالمنشور ... وبشر
يوما .. فرهد في عيونك .
غصن أخضر
فرحه اكبر
من شجونك يا ... جميلة
يوم ما كان ميلاد
شهيدك
يللا غني
لي ثمارك لقي ايدك
جيل مكافح
حل جيدك
وحل
قيدك
من غضبنا الحرو لافح ياما باكر
ياما باكر
من زنازين العساكر
نبني مجدك
مهرجانك
وكل قطرة دم عشانك
يا جميلة
محجوب شريف
|
Post: #64
Title: Re: سجلوا كلمة حب للوطن وللانسان السودانى....مع بشائر العام الجديد
Author: Mutwakil Mahmoud
Date: 01-01-2003, 06:18 PM
Parent: #1
ياتماضر
امبارح اتعشيت وصليت ودعيت الا نام ولا أكل الطعام أن يصبح وطني معافي ورقدت نمت بكل هدوء ويقين وطمأنينة من غير دوشه وأزعاج
وفي الصباح لم قريت كل من كتب في هذا البورد معك تأكدت أن ربي قد استجاب دعائي فبكم أختار وطني واقتطع له مساحة في التاريخ
في حضرة جلالك بيطيب الجلوس
مهذب أمامك يكون الكلام
لأنك محنك عميق الدروس
كل سنه وأنت معافي يامطني
خادمك د.متوكل
|
Post: #65
Title: Re: سجلوا كلمة حب للوطن وللانسان السودانى....مع بشائر العام الجديد
Author: Tumadir
Date: 01-01-2003, 06:34 PM
Parent: #64
وكل سنة وانت يادكتور متوكل، ابن بار بهذا الوطن
الوطن المجدول بالحرف الكلمة الحنية
كم احببناه وكم فرطنا فيه
فليغفر لنا تفريطنا ، بالبذل الجديد
وليضاعف لنا حبنا له
بالصدق... والعطاء
شكرا ياتمبس على محجوب شريف
وشكرا للجميع على عشق البلد، وهو ما مشحود علينا
|
Post: #66
Title: لوحة للوطن
Author: OmDur
Date: 01-02-2003, 02:20 PM
Parent: #65
الجلال فى حضور مقامك بلقى كل الاحترام
ليكا يا الالق المحبب منى موفور السلام
داير اجيك يا نور مسايا وصباحى اقول كلام
من نشيت حسيت مشاعرك زى مشاعرى على الدوام
حتى ريدك حى بيكبر زيى فى كل يوم وعام
لو بقيت فى حماك كريم ما انت اصلو حمى الكرام
يا العزيز يا ضو عيونا الغيرو ما بنطيق مقام
نحن لو فكرنا نرحل ما بنلاقى سواك مرام
انت ماياكا الاصيل الديمة عقدك فى نظام
زى قوس قزح لوحة جمالك نلقى فيها الانسجام
فى المدن بلقاك شعلة تضوى فى جوف الزحام
وفى البوادى كنار بيصدح للمحبة وللوئام
مالى مليونك تاخى بى تباشير الغمام
والجمال ينمو ويفرهد فى بساتين السلام
*************
للاستاذ الشاعر والكاتب / عمر محمد صالح بادى
ولكم جميعا حبى .. وكل عام وانتو الخير
|
Post: #67
Title: حدث ولا يهمك حرج
Author: OmDur
Date: 01-02-2003, 02:40 PM
Parent: #66
حدث ولا يهمك حرج
فى دارنا عم الضيق
ونحن مهاجرين نرجى الفرج
الزول بتلقاه فى هرج
تعبان ونشفان اللهج
يتجارى فى حر الهجير
لى عمرة طالع ولا حج
والزوغة والدولار حجج
والراحة من عيشة الهمج
(يبعت)دهب وكمان هدوم
ويسوى للسمحة الخمج
ماعاد بعد ما كان خرج
مطرود ظروف صعبة وزهج
بين البلاد بقى هاجى هج
زى الترس فى المكنة فوت
لما عموده اتحلج
لقى نفسو طايح فى فلج
دار يطلع المصعد لى فوق
وتراهو نازل بالدرج
يا رافع الداقى الدلج
الهادى للبحرين مرج
يا الليكا ضارعين المهج
من نورك ارحمنا بوهج
وارفع بلدنا ب ( كن )
تكون محفوظة ب(يس)و(نون)
واعدل مسارا الاتعوج
واذن نعود من كل فج
********
الاستاذ/ عمر محمد صالح بادى
|
Post: #68
Title: Re: سجلوا كلمة حب للوطن وللانسان السودانى....مع بشائر العام الجديد
Author: مشتاق
Date: 01-02-2003, 11:34 PM
Parent: #1
احبك حقيقه
وأحبك مجاز
وناسك عزاز
احبك بتضحك
واحبك عبوس
وما بين ظلالك
افتش واكوس
واحبك مكانك صميم الفؤاد
|
Post: #69
Title: Re: سجلوا كلمة حب للوطن وللانسان السودانى....مع بشائر العام الجديد
Author: Tabaldina
Date: 02-01-2003, 02:30 PM
Parent: #68
..
.
من غيرنا يعطى لهذا الشعب معنى
ان يعيش وينتصر
من غيرنا يقرر التاريخ .. والقيم الجديدة والسير
من غيرنا لصياغة الدنيا
وتركيب الحياة القادمة
جيل العطاء
المستجيش ضراوة ومصادمة
المستميت على المبادئ مؤمنا
المشرئب الى النجوم
لينتقى صدر السما ..لشعبنا
جيلى أنا
هدم المحالات العتيقة
وانتقى سيف الوثوق مطاعنا
ومشى لباحات الخلود عيونه مفتوحة
وصدوره مكشوفة
بجراحها متزينة
متخيرا وعر الدروب وسائرا فوق الرصاص منافحا
جيل العطاء
لكل البطولات الكبيرة والجراح الصادحة
ولك الحضور هنا
بقلب العصر فوق حلوله المتناوحه
ولك التفرد
فى صهوات الخيول روامحا
جيل العطاء لعزمنا حتماً ينل المستحيل وننتصر
وسنبدع الدنيا الجديدة
وفق ما نهوى
ونحمل عبء ان نبنى
الحياة ونبتكر
محمد المكى ابراهيم
|
|