استطاع عدد كبير من السودانيين المهاجرين والمغتربين ان يخططوا لحلم العودة للوطن الجريح،
كانوا يلتقون بمعدل يومى فى الانترنيت،
وفى يوم من الايام بدأوا حوارا حقيقيا حول الاغتراب والهجرة وعوائدها السيئة عليهم وعلى اسرهم وعلى الوطن،
قسموا انفسهم الى تخصصات
الطب، الهندسة، الزراعة، الرى، الهندسة المدنية، التخطيط، المشاريع العمرانية للبناء والتشييد، اقتصاد وتجارة، سياسة داخلية ، سياسة خارجية، الاجتماعيين نظموا انفسهم للعمل قصاد مشكلات المجتمع، المراة الطفل الاسرة،المثقفين الاعلاميين، وضعوا خطة قوية
اتصلوا بالمنظمات العالمية التى تساعد على انماء المشاريع، كتبوا دراسات الجدوى، وحملوا معهم اطفال المشاريه والخطط فى دفاترهم

اتفقوا مع السودانيين بالداخل على ترتيبات العودة،
اتفقوا على اليوم والساعة
وفى يوم الحلم الاكبر، ازدحمت المطارات بهم وبامتعتهم وباطفالهم زوى اللكنات الغريبة،
وازدحمت غرف الاستقبال بزويهم واصدقائهم المستقبلين.
كنت تستطيع يومها ان تفرق بين الملامح التى غرقت فى النعمة والرخاء وبين قاطن الوطن المهدود الملامح ومتعب القسمات، هده شظف العيش والسعى وراء الرزق، والآخر هده موت الحلم الزى يمارسه كل يوم وهو بعيد عن الوطن،

وكان يوما ...
اجهش الناس فيه بالبكاء، وعلت الزغاريد
والتقى جيل مريد مصادم بحث عن زاته ورسم مصيره بيده، بجيل كاد ان يفقد الامل فى الغد،

وبدات فى اليوم الثانى،
خطة الوعى الكبرى
وبناء سودان حر جميل ومعافى
باهله ودماء ابنائه
سودان الامجاد المنتحرة والسؤدد الضائع بدا يتنفس سماء الحرية من جديد.

ياربى دة كان حلم ولا علم؟



بالله مش فكرة حلوة؟
ماتجوا نعملها؟
مش ممكنة ونحن هنا؟

قولوا حاجة
قولوا آى
قولوا دايرين
خلونا نرجع
لى اهلنا
يللا نبدا

العزيزة تماضر
دا حلمنا طول عمرنا وطن يلمنا ويحقق حلمنا
الانجازات الكبيرة تبدأ بأحلام والأحلام تصبح أفكار والأفكار توضع موضع الدرس والمناقشة ودراسة الجدوى و... الخ
أرجو أن يصبح الحلم حقيقة فلنتنادى جميعاً بالداخل والخارج ونبدأ عملاً جاداً . رجائي أن يستجيب من بالداخل لنداءات وتطلعات وآمال من هم بالخارج .
حلم كل من بالخارج أن يعود إلى حضن الوطن الغالي ، ولكن الخوف من التجربة يحول دون ذلك خاصة وأن أمام أعيننا نماذج حية من الذين شمروا وعزموا وشدوا الرحال إلى ربوع الوطن ، ولكن للاسف عاد منهم ما يصل الى 90 بالمائة والعشرة بالمائة الأخرى يجاهدون لايجاد سبيل للخروج مرة أخرى
نسأل الله أن يحقق الاحلام
الفكرة جميلة ولتكن مشروعاً قومياً ، وعليك مسئولية إدارة هذا المشروع ونحن من خلفك

min '7ashmik lai bab elsama!

عزيزتي تماضر

ياتو كلام يا مهيرة

ممكن يتقال بعد كلام حلمك الجميل

بل هو حلمنا

السودان الوطن الواحد
ما قد كان وما سيكون


في بوست اهداء ليكي

يا ريت تقريهو



تحياتي


جمال

العزيزة تماضر،دا ماحلم،وانشاءالله حنبنيه البنحلم بيهو يوماتي إابشري

حلم اريتو يتحقق في ظل حريه حقيقيه
يسمع من البت الحديقه يارب

انتو معانا
ولا مع الخيانى؟
انا الليلة يا غرق يا جيت حازما
الا اطلع منكم بكلمة واحدة وننفدها، ولا نخلى الضحك والقرقراب الفاضى ونخلى فكرة البورد دى زاتا،
معانا ولا مع الخيانى؟

هي بورو
سري ناقمي
نحن معاكم افو

ممكن جدا" .وايدى معاك
الشرغوف

لغاية الآن عندنا اربعة
1-تماضر
2-مانوبيا
3- الموصلى، رطن
مستنية انا

لأ البوست دة يقعد هنا، وانا قاعدة ليهو ومنظرة كلمة منكم،
عشان السودان البنحبو،
يللا زى ما اتنظمتو بالمناطق وبقى عندكم ادرارات ، ممكن ننتظم هنا
ولو اتوحدنا وصفينا نية البلد، ما فى زول بلحقنا،
اها المعانا منو تانى
ما تخافوا من حلمكم، بتحقق لو خير، وبسعد ناس غيركم بتحبوهم وبحبوكم،
انا منتظرة

نسميه، الحلم؟

وما تخافوا تفقدوا دخولكم الهسه دى، لما تعيشوا فى وطنكم، عزتكم ما عندها تمن، ولو السودان كان فى يد مسئولين بحبوهو ودايرين خيرو، شنقلى طوباية تلقى لى دهباية، السودان دة كلو خير، نحن بس النصبر عليهو لما يقيف على كرعينو ، ولمن يكون احسن بلد فى التاريخ المعاصر بجهدنا، حنفتخر بيه اكتر من فخرنا بانجازنا البنعملو فى دول الاغتراب،

يللا المعانا منو؟

دى فكرة بت كلب جدا انا عاوز معاكم

خمسة سمندلاوى معانا، ما شوية

يامن على المنبر الآن
anwar abu gaidaa
»bob
»boco
»garjah
»Haytham
»maia
»manubia
»singawi
»taha
»Tarik
»Tumadir
»Yassir7anna
»zahjana
»zola123
»البيجاوى
»الشرغوف
»بت القبايل
»حلم الأماسي
»سمندلاوى
»ظبية
»فاطمه
»قرشـــو
»مهيرة
»ودالجزيرة

قولوا لى كلام اقتات بيهو واطعم بيهو الحلم، مابننضر بشىء، لو ما اتباركنا، اكيد ما بننضر بشىء لو ما اتباركن

الغاليه جدا وفى قلوبنا ساميه / تماضر



اكيد حلم وحلم جميل احنا بنتمناهو ومنتظرينكم


فى السودان سودان الخير سودان المحنه

سودان اللمه والزغروده والحنه


وان شاء الله يتحقق واكيد اكيد


ح تلقينا كلنا فى استقبالك

واستقبال كل العائدين لحضن الوطن



بنبنيه البنحلم بيه يوماتى

وطن شامخ وطن عاتى


فاطمه
ـــــ
ان الحروف تموت حين تقال

معاك فى الفكرة الحلم!!!
اما تنفيذ الفكرة، كدى خلينى شوية، يادوب لى سنتين من مرقت من السودان،لكن امشو وانا بحصلكم اختى تماضر
بس خوفى قبل ما احصلكم تجو راجعين تانى،
لك تحياتى

آآ؟ قلتي شنو؟ ما سامعك كدي علي صوتك شوية

مالك ياياسر اضانك ما تقلت الا على الكلام الما مغتغت ولا فاضى؟
انا بتكلم جد، انا نويت عليها الليلة،
موصلى يدك معاى

الفنانة المبدعة تماضر

بس وريني كلامك ده كيفن ما مغطغط اي صح ما فاضي لكن بس قول لي كيف؟ اها هسع لو قلنا عايزين نرجع نرجع اها كيفين بس وبي وين؟. انت ما سمعت صاحب بدرالدين قال شنو؟ ما قال كلنا عايزين الرجعة لكن ايدا بتكتب ليها استغاله مافي. دي المشكلة والله لو لقينا الايد دي بكره تلقينا بي هناك

الغالية بت البلد الاصيلة
معاك مية بالمية ودة الحلم العايشين بيه
ولو ما حققناه التاريخ ما حيرحمنا
وان شاء الله قريب يتحقق حلمنا
وتعالوا نبدأ العمل من البورد
والحمد لله الكفاءات كلها متوفرة وكل مناطق السودان ممثلة تقريباوالفكرة نرسل رسائل اليكترونية للمنظمات المهتمة بشئون لسودان العالمية والمحلية ونقول ليهم نيابة عن
99%من الشعب السودانىاننا ملينا الحرب وعايزين السلام بدون شروط غازى صلاح الدين وأذا عايزين اتأكدوا يرسلوا لجنة تعمل استفتاء للشعب السودانى وتوفر التعب وتكاليف المفاوضات مع حكومة الجبهة لأنها لا تمثل الشعب السودانى
بس عايزين نعرف عناوين الجماعة الوسطاء ديل
يلا همتكم ياشباب

الاستاذة المبدعة تماضر

احبييك وانت تقبضين على جمر المحبة الحارق احيانا

خيال الفنان وروح الانسان فيك وقلب المحب للوطن الجميل ن جعلوك تحلمين هذا الحلم الجميل وهو حلم يداعب كل سوداني محب لوطنه ويود ان يراه اجمل وافضل واعلى مكانة . ويبقى لنا رغم كل مايجري ان نشرع باب الامل وان صعب تحققه ونرجو الله ان يحقق رجاءاتنا بسودان يلتقي فيه الكل ويعملون يدا واحدة تبني ما انهدم وانهار وهو كثير كثير.
واذ نحلم لا بد من اسئلة تتوارد الى الذهن :

1- هل يمكن ان يعود كل السودانيين المهاجرين الى وطنهم وفيهم من ارسى قلوع الرحيل واستوطن بكامل اسرته في مهاجر بعيدة؟
2- 2-هل تتحقق شروط عودةالسودانيين المهاجرين ام يعودوا قبل ان تتحقق هذه الشروط ، وتعلمين ان الوضع السياسي وما جره من اوضاع اقتصادية واجتماعية سيئة – قد دفع بالكثيرين للنزوح عن الوطن.
3- 3- هل يفضل بعضنا البقاء في هذه المهاجر التي توفر لهم شروطا معيشية افضل لهم ولأبنائهم؟
4- هل يمكن ان نتفق نحن السودانيين على شئ فننفذه دون خلافات؟
5- هل يمكن ان تتحقق عودة كهذه التي تحلمين بها وكيف ومتى؟

مرة اخرى احييك
وابق لنا دوما

سمبتيكو،
الا بمعجزة
لو ادرجنا مصاعبنا بنرجع تانى للكفيل، ونمشى دوام تانى
دايرين نعمل معجزة،
شكرا على سندك واسألتك الصاح،
ما تجاوب معاى طيب، انا واقفة فى هضبة الحلم هنا وما سكة ليك الراية بى ايدى اليمين،وميكرفون بايدى الشمال
انت حسبها وانا بوصلها للباقيين.

انا ياهو دة الحرضنى على الحلم
قال من اين اتى هؤلاء؟ و اقول: اين ذهب هؤلاء؟

الأستاذة الفنانة تماضر

عهدنا بك وضمير الفنان فيك يحمل هم كل اهل وطنه فى حناياه ويحلم انابة عنهم بكل الخير لهم ويتمنى ويغنى مبشرا بتلك الاحلام وماذا حببنى فى الفن واهل الفن سوى بشارتهم دوما بكل جميل وكل غد مشرق ودونك الامانى السندسية لرائعنا الموصلى تلك التى جعلتنا نتفاءل فى الحب ما حيينا ونتحدى الصعاب وننعيش على الامل..

يدك فى ايديهم وايدينا معكم لناتى بأغنية اولا تكون معزوفة الصباح والمساء تحث على العودة وبناء الوطن وانه لحلم غائر فينا وفى كل يوم نلعن الغربة ونحلم بالعودة للمساهمة فى بناء وطن هجرناه طويلا..

اجدد الدعوة لخلق اغنية حانية بل اوبريت نداء وعمل ووفاء للوطن
كلنا نرجو ذلك اليوم اختى وليتنا نلتقى جميعا فى مطار الخرطوم ىف ساعةالصفر

مع تحياتى

تماضر ازيك....
والله نضمك سمح.....لكن باقي لك في الحالة دي حسي ممكن؟ وانا والله ما اكضب عليكي.... كل ما اذكر انو ارجع نهائي...شعرة جلدي تكلب وضربات قلبي تزيد واشرب ما اروى.......النصيحة ليك يا الله....

مالك يا سجيمان، فى زول بخاف من رجعة بلدو؟

ما نحولو لى وطنا البرىء التبينا فيهو ونزيدومن تجربتنا، ونضربو بوهية ونمشى، كدى انا مست######## تساعدنى نرجع

يا تماضر

معاك مية المية
وانا اول زول حا امشي اشوف ليكم جكة الحاجات هناك
وافتيكم

الباقي لي ساعتين تلاتة وامشي
وحا اتواصل معاكم من كل ركن هناك

ايوة على الاقل ناس البورد كان حسمو الحاجة بتبقى غدوة للتانين .

دا وطنا وطنا وطنا ولينا الحق نعيش فيهو
ونرجع ليهو .
وطنا
وطنا وطنا
وطنا

<BGSOUND src=*&quot;http://www.anwarking.com/music/alwaten/wardy-JiiiL%20al3tta.wma&quot; style="color:black;background-color:white">

الأخت تماضر

السلام عليكم ورحمة الله

ياريت حلمك يتحقق وانا معاكم.
وعندي ليك فكره ليه ما نبتدي بشي بسيط و محسوس مشروع خيري مثلا لمنطقه من مناطق السودان كمركز صحي او مستشفي صغير يقوم المهندسون الفي البورد بالتصميم و الخرط و كل يدلي بدلوه في تخصصه وبكده نكون بدأنا في تقديم شي لبلدنا بغض النظر عن الحاكم وامحكوم

Just an idea I had to help our families and friends and our follow citizens

اختنا تماضــــر

نحن ناس جدة ديل ناس السودان ما حاسبننا مغتربين لمن نمشي اجازة زينا وزي الجاي من العمرة او الحج
كدي اغشونا بيجاي عمرو وحجو وبنستفكم ونسفركم ترانا بنقعد لانو بعدكم برضو في ناس جايين
نحن هنا زي سواقين التاكسي يا المينا يا المطار وبالعكس وبعد ده كلو لازم تغمت
والا يمشو البلد اهلك يسعلو منك يقولو ما شفناهو ودي معناها ما غمت لينا

5- فاطمة
6-طارق
7-سمبتيكو ، مازال متشككا لكنه ايجابى
8-ياسر، برغم الكلام المغتغت وفاضى
10- سمندلاوى، اندلعت منه اغنية

11-قرش
12-هيثم
13-قرجة

شكرا جروا معاى الباقيين خلونا نتقدم سنتيمتر واحد فى اليوم، حنصل ومعانا الله الخالقنا بنصرنا على الموت البطىء والاضمحلال

بسم الله الرحمن الرحيم
عزيزتي المبدعة تماضر
ما اجمله من حلم
سالت مني دمعة ما استطعت حبسها
فالى متى يبقى اولاد البلد برة البلد
غايتو لحظة التقولو جايين ادونا خبر علشان الورد وكده
وبالمناسبة ليه ما نعمل هنا مجموعة كده تستقبل البورداب القادمين في الاجازات والتعرف بهم وباسرهم
تحياتي يا مبدعة
وياريت يا ريت الحلم يبقى حقيقة

14- بت القبايل، من العالم الغير آخر
لسه فيكم العشم والحلم سارى المفعول لو ربطنا الاحزمة

يلا يلا ياخوانا انكربو ماشايفين تماضر متحزمة وواقفة, يلا همتكم معانا
مافى ندامة ولاخوف يلا يلا نتوكل

اولا يااستاذة ازيك وكيف عاملة
تانى حاجة نحن معاك فى الفكرة لكن بى مافى طريقة حال البلد مابتشجع اى زول يمشى ليها ولا زيارة لانو الحالة بطالة جدا انا جيت قبل شهرين منها جيت بطنى طامة من سوء المعاملة ومن اى حاجة لكن والله لو فى طريقة نحن اول ناس نمشى مالسعودية اقرب مكان ولا رايكم شنو ياجماعة

سمندلاوى ، ماتمشى اى حتة خليك واقف معاى هنا، فى اعلى نقطة من هضبة الحلم
بت القبايل مرحب.
رؤى هوى، بعد التحية والاحترام ، ماتشنفى لينا وطنا،
حنمشيهو البنحلم بيهو يوماتى.
برضو بختك فى لستتى
14- بت القبايل
15-رؤى السقيد
وبالمناسبة انتى قريبة على السقيد لأنو الراجل صاحبى والله.

ياتماضر والله انا ماشنفتا السودان هو فى زول يقدر يشنفوا لكن انا وريتك الحاصل بس
بعدين انا على السقيد عمى وانا مشتاقة ليه ولى سنين ماشفتوا ودى حاجة من بلاوى الكيزان فرقتنا من بعض والله يدى العافية

تماضــــــــــــــر
واللـــــــــــه العظيم انا معاكم

معليش يا تماضر البوست ده ماشفتو الا هسة
وبعدين الفكرة عندى من قبل البوست عشان
تأااامنو بالجعلنة مع انى دنقلاوى خلاص عشان
تأمنو بالدنقلنة (غايتو انا كتبتها انتو اقروها ) بس
مايكون كلام سااااااكت
انا من بكرة ح ابدأ ارتب شنطتى قبال ما
يكون باللوترى
وانشاءالله يجى اليوم ده

وأنا معاك يا تماضر نمشى لى سوداننا الربانا واكلنا خيرو وبقانا ناس لينا وزننا فى الدنيا لازم نرجع ليه ونشيلو فوق الأحداق برغم الكترابة والعلالة الضاربة والسجم والرماد لأن الرماد بيدور الينفضو والسجم بيدور البيزيلو ويخت محلو بوتاجاز بعشرة عيون

يلا ياخوانا أكربوا نصكم ويدكم معانا

ايد فى ايد تجدع بعيد
سوداننا بى خيرو بياكلنا وبياكل جيراننا وجيران جيرانا كمان

مالكم ما بتعرفو تزرعو الخدرة؟؟؟؟؟
مابتعرفوا تحفروا الواطة؟؟؟؟
ما بتعرفوا تدوروا الساقية وتحلبوا البقرة وحتى شفعنا لازم يعرفوا يحلبوا الغنماية لزوم التدريب للبن المعلب والمقنن والمفنن وشاى الضحى وجلسات الشاى بى اللبن فى أحلى صباح صباح البلد الجميل

ونضبح الحمل المدوعل وناكل حتى الكوارع والكرشة ومن غير كفيل

هيا يا شباب شمروا عن سواعد الجد وبلا قرنق بلا قرف بلا لمة

نحن ناس نقوم ونقعد على كيفنا

وسكينا حمرة موقدة ونار للضيفان لسه ما انطفت

أرحكم يا جماعة نقش دموع عشة الشايقية ونغير لى سهير منهج التعليم ونقش حوشنا الكبير ونمرق العناقريب فى القمرة ونتكلم بالموبايلات زى ما دايرين عشام يجيبوا لينا الكسرة من الملازمين بى رقشات خاصة لى فطور بكرة الصباح

يلا يا تماضر أرح تلقونى قدامكم

بس ما اتلفت وراى يقولوا لى الجماعة قالوا ليك جانا اللوترى سورى ما حا نقدر نجى هسع عشان لؤى فى الحضانة مع سيستر مارقريت

أوعكم تمقلبونى

كلامك زين بالحيل يازول , ارح آخوانا هووووووى

15- بوكو ضنقلاوى ومعانا

الاخت تماضر
السلام عليكم عارفه يا تماضر لقد راودتنى نفس فكرتك وكتبتها فى بوست سابق ولكن ليس بهذا التخطيط الجميل ويا ريت نتفق ونرجع كلنا للبلد











وربنا يرد غربتنا

اه ياشباب فيكم الخير

الاستاذة تماضر
عائدون ولو شط المزار, راجعون ولو بعدت الشقة,والله يا استاذة انا اشتهيت امشى وراء المشيعين للمقابر , اشتهيت يوم ساكت ارقد تحت ضوء النجوم واقعد أعد فيها لمن انوم, اشتهيت اسرح بغنم ابليس لانه هنا مافى فرصة تحك راسك,اشتهيت اتوضأ من الازرق العاتى واصلى فى قيفة البحر وأشرب من أزيار المشرع وياريت لو كان الموية ملانه طمى
انا معاك وابدا ماندمان

اهو دا الكلام يا ازرق عافى منك تب

16- بوكو انت سطاشر
17-هشام شيخ الدين

المبدعة تماضر

حلم عودة غير قابل للصحيان...يتوسد الأمانى ...يترجم الأغانى...حلم يشتاق ويعدو فى الطرقات باحثا عن عائد..
قطعا سنعود...ستبتل أرض المطار بالأنهار المحمولة جوا...سنرسل حقائبنا الى البيوت وأشخاصنا الى المسرح القومى لنشاهد تماضر فى مسرحية اسمها
عائدون فى زمن خيول الريح....


تحياتى
ودعزة

18-ودعزة ، اهو دة زاد الحلم بعد تالت واجنحة

الباقيين، معانا ولا مع الخيانى؟
انا هنا ريقى لسع ما نشف، وعرقى لسع ما هتف، ومعكم فى اعلى نقطة كمن هضبة الحلم، المعانا منو؟

يا ســـــــــــلام يا تما ضر لو الكلا م دة اتحقق با لجد
ونحنا معاك ويد على يد تودى بعيد
وطن حداحدى مدادى

19- ازرق
20 ودالجزيرة

بعمقوا فى معنى الحلم وبنفخوا فى رئتينو الروح

سمندلاوى، الواطة بردت ليه؟

والله يا تماضر انا شخصيا تعبت ... تعبت

وكتير جدا فكرت انو اشيل شنطتى واقول للناس دى انا ماداير معاكم

وح يجى يوم القى الشجاعه واعملها


اها

انا قدامكم
وراكم
معاكم






ديك الجن

فى الحادى والعشرين من شهر ديك الجن

21- ديك الجن معانا،وتعب

ما تخافوا دة شهر اكتوبر، المعجزات حلال على السودانيين فى الشهر دة، الليلة انا مرجعاكم اهلكم، محل صرركم مدفونة، وسيد لبنكم بدق الباب

أستاذتنا تماضر

مكتوبلك الدهب الجمر تنحرق بالنار دوام
مكتوب عليك نار الجمر سهرانا تحرق في العضام

كما قال المستشار النفسي الكبير كامل محمد سيد أحمد إنو كان لينا كأفراد دور كبير في الخروج الأول...بعد داك انغمسنا في المجتمعات الجديده لكن سودانيتنا ما راحت.
بعد ما شفنا الحياة كلها عباره عن
standards
ما ح نتحمل الطريقه اللي ح نعيش بيها في السودان.
مثال التعليم للأولاد...بس فكري فيها.
الحكايه محتاجه تمويل مالي ضخم لبنى تحتيه و بعد داك ممكن تكون العوده الجماعيه عشان الناس تكمل الباقي و أولادنا يستمتعوا
ما تقولي علي متشائم لكن شوقنا خانقنا للبلد

يا مالك الجاك انا ماقلت الا انه نقدر ننقل الستاندردز دى بمعرفتنا ليهاوتجربتنا لى بلدنا المبشتن دة، ودة ما بتاتى لو نحن قاعدين هنا تاكلنا الايام وانتهش فى طاقتنا وعرفنا وعمرنا، ممكن ولا ما ممكن؟

استاذنا مالك

معاك فى كل شئ , لكن كونو ننتطر الحال اتعدل , ما اظن نرجع يوم , وبعدين مسالة الاولاد دى , محلولة لانو نحنا البنعرف نوجهم التوجيه السليم وحب الوطن , لانو نحنا بالطريقة دى نلقى روحنا انقرضنا فى غربة السجم دى

مع احتراماتى

أساتذتنا سمندلاوي و تماضر

صحيح الغربه سجم و رماد
الاستادردز عايزه قروش و عايزه قوه في اتخاذ و تنفيذ القرار
لكن كان مشينا هناك...

في ناس قاعدين و في يدهم كل أنواع القوه و إجهاض الأحلام الجميله و التفنن في تسبيب الأذى صفه ملازمه.
مثلا الولد ماشي يجيب رغيف ولا خضار و كشوهو وودوهو المعسكر القايمه منو طياره عشان يمشي تكاتل في حاجات ما من قناعاتو و لا قناعات أهله و لكن لتحقيق أهداف فئات محدده
تفتكروا إنو لو رجعنا
بيدونا فرصه نحكي أحلامنا و خططنا لتنفيذها؟

الله يجيب يوم الرجعه
آمين

الليلة لو اتضح انو مشينا صعب، وما بنقدر نغير واقعنا يا شباب
آخر يوم لى معاكم فى البورد،

الاخت /الاستاذة تماضر
لا شك ان حلم العودة للوطن ..يراود كل السودانيين في الخارج للعودة..وفي الداخل للاستقبال الحار.... لكن ما بين الاثنين ...ولتحقيق هذا الحلم ...هناك تساؤلات عدة...وبالإجابة عليها بالصدق..نكون اقتربنا من تحقيق ذلك الحلم..
* هل نحن ( ونحن هذه )اعني بها جيل العشرينات ..والثلاثينات المهاجرين أو المغتربين الذين عاشوا جل حياتهم خارج الوطن ... وتربوا وتعلموا علي ثقافات وقيم وعادات غير السودان ..ولم يكن السودان يعني لهم شئ ..غير الاسم فقط!!! هل هؤلاء عودتهم تكون الحلم الذي يتمنوا تحقيقه؟
* ماذا نتوقع من انسان .. بلا هوية ..وبلا انتماء ... ولا يحمل في مخيلته ..حتي بقايا ذكريات .. ان يفكر يوما ما في العودة للسودان.. ليساهم في تنمية الوطن... ودفع عجلة تقدمه.. ويتفاعل مع قضايا السودان.
انا بصراحة اشك في ذلك ...واظن ان كثير من الاخوة يتفقون معي ...
هنالك شئ مهم جدا .. يوجد فرق كبير بين العودة الطوعية ..والعودة القسرية... وكلنا نعلم ان كثير من دول العالم والتي بها مهاجرين واجانب ...بدأت في تنظيم نفسها ..من خلال الأحزاب والجمعيات الشعبية وغيرها ..في كيفية طرد الاجانب من أراضيها ..لاسباب مختلفة .سياسية،امنية،اقتصادية واحيانا عرقية... وفي هذه الحالة تكون عودة المهاجر او المغترب ..قسرية أو إجبارية ..يعني كراهة. وعندها يكون التفكير مرة اخري في كيفية الهجرة الي دولة اخري.. لأن قناعة العودة للوطن لم تأت بعد.
أما العودة الطوعية ...كثير من السودانيين جربوها ..خصوصا المتواجدين في دول الخليج..لكن سرعان ما عادوا للمهجر مرة أخرى وبأسباب اقوي هذه المرة..عدم التكيف مع طبيعة الحياة هناك ..تغير قيم وسلوكيات الناس ..وصعوبة التعامل معهم... لان إدمان الغربة نفسه ..ترك آثار سلبية كثيرة ..حالت دون الاندماج السريع مرة اخري ..في المجتمع الذي فارقوه ..منذ سنوات...... وهنا يكون دور الأحزاب او المنظمات او حتي الحكومات ...لصياغة برامج ..ودراسات علمية توجه نحو كيفية استيعاب العائدين ..واندماجهم ..وتفاعلهم مع المجتمع من كل النواحي.. بعد سنين الغياب الطويلة.
آخت / تماضر أرجو ان لا تكون نظرتي ..ضبابية ..لكن هذا هو الواقع ..وأنا معاكم يا جماعة ..بس دلونا علي الدرب..!!!.
وتحياتي

الاستاذه تماضر احلامنا امالنا علي الارض تمشي ومن سار علي الدرب وصل

الاستاذه تماضر احلامنا امالنا علي الارض تمشي ومن سار علي الدرب وصل

مش كدا يابت عمى , مافى ليك اى طريقة تمشى من هنا , افو بت الشيخ ماتجيبى سيرة البحر

العزيزة تماضر
كل شباب الوطن المهاجرين
الشباب الجوه الحاره - الفطن الفرن
لكم التحية جميعا احبتي

حقيقي موضوع يستاهل التفكير فيه بل والتنفيذ كمان وانشاءالله قريب بيتحقق الحلم ويبقي واقع معاش قولوا آمييييين
عن نفسي الفكرة موجوده وقريب بتلقوني هناك انشاءالله

اما عن مسألة الاستاندرز والبنية التحتية وخلافه - فالأوطان تبني بسواعد بنيها وبنيها ديل ما القاعدين هناك بس نحن كمان معاهم - خصوصا مع وجود الخبرات المكتسبة للاخوه المهاجرين وكان قلنا بسم الله والله موش نبني بلد والله نبني قاره - يعني يا اخوانا نحن ليه نمشي علي الجاهز - ولا شنو؟؟
عموما اختي تماضر انا اعلنها - انا ابو الجهزان
وزي ما قال حميد
ايد ابوي علي ايد اخوي علي ايدي انا علي ايد وايد نجدع بعيد
وما تنسوا ..
الدار الما داري انا مالي بيه..

ولنا عودة..

عفارم عليك دا الكلام يا mogn3 7oba
استنى نمشى كلنا مع بعض

الآن أنا داخل الخرطوم وسأكون في انتظار كل القادمين وحقيقة كوادر السودان وأبناؤه الذين يعيشون في الشتات هم سر تقدم كل شتات العالم فأرجو أن يأتي يوم لا يكون فيه سوداني واحد خارج حدود الوطن حتى البعثات الدبلوماسية
شكرا يا تماضر على المبادرة

انا معاكم

ولو ماشين ( كداري ) حتى


بس بعدين الواحد ما ......

انت يا ياسر حناوى بس من يقولو ترجعو تعمل طناش ،،،
ما سامع شنو ياخى الناس دى كلها سمعت

هههههههههههههههههههههههههه

غايتو انا سجلت مع ناس تماضر فى الصندوق
لاكن الرمية الاول كان ماوقعت لى ،، انا داير التانية

لى فوووووق

تماضر ...
معليش لو زعلتك في دي

و أنا بالتأكيد ما ح أكون سبب إنك تخلي البورد

يمكن اختلفنا في الرأي لكن الفكره ياها ذاتها

سمندلاوي

ما تخلي البورد دا يقع لي تحت
و أقول ليكم

أيي شيئ بيتعلق بي
telecommunications
أنا جاهز و عندي أفكار بس نتفق و نتجمع أنشاء الله أقيف أعاين معاكم بالشباك

وانا كمان اى شئ فى النيتووركز , والسيستمز انجنييرينق , والبرقرامين الاتنين بتاعين سيسكو , اضم افكارى لى افكارك وفى انتظار البقية

لى قدام

تماضر الممتلئة حتى أخمص الروح بعشق الوطن
فكرة احبل بها كل ليلة وحلم مازال يملأ اوردة نزفى اليومى، بعد ست اعوام من الغياب الروحى رجعت السودان، بذات الحنين وذات الشد الكهربائى لشوارع تسكعنا بها وخطنا على نواصيها احذيتنا مائة مرة، طيلة وجودى فى فيينا لم اقطع صلتى بالسودان واحلامى تتصاعد تجاه احلام نساء جميلات، احلام بسيطة وطبيعية وحين قررت العودة، اه يا تماضر بذات الحنين الصارخ فيك سافرت، دموع ودهشة وشهقة وزفرة حب حارة لتراب السودان، عليك عواصف كل الفرح يا تماضر وانتى تقلبين فى مواجع ما برحت خياشيم احلامى العنيدة، هناك فى السودان، لا استطيع حقيقة التعبير الآن ولم استطيع أن اكتب زفراتى بحجم مأساة حنينى، فقط هذين النصين نزفتهم بعد معاناة ومخاض عسير، لك يا جميلة الروح وطيبة القلب هذين النصيين ولكل الحالمين بالعودة ولى عودة
ام واصل


هانذى أعترف

هانذى أعترف
بان وميض عمري شاخ
وأحلامي لا تنبض وقلبي أنهزم

فمنذ أن رحلت نذرتنى مدينتي
للحزن
للتعب
مدينة تحتضن في أرصفتها الأطفال المشردين
وبائعات الشاي
والفقراء
وتثقب قلبي ألف مرة
وتوصد أبوابها في وجهي أنا الغريبة

بذاكرة طفولتي أبعثر دفاتري القديمة
وأفتح صفحة الفجر
حين كان يعاشقنى في مسامات الحقيقة
هذا الفضاء كان ممتداً ومشرعاً لأبحر صوب عينيك ولا منتهى

غريبة أنا في هذا العالم
في غرفة طفولتي
في الشوارع التي تسكعنا وتظاهرنا بها
واحتضنتني بأحلامي وأحزاني
هدهدتنى طفلة وحفزتني صبية
في ذات الشوارع حسيت غربتي
وضياعي حين لم تعرفني مدينتي
وحين تاهت عنى ملامحها الأليفة

هانذى أعترف
غريبة أنا في هذا العالم
أعترف
بان وميض عمري شاخ
وأحلامي لا تنبض
وقلبي أنهزم

إشراقة مصطفى حامد
فيينا 25/5/2002

حنين

حين عدت لم أجد سوى ركام ذكريات
وأنقاض حكايات قديمة
أين أهلي
أين ديارى
وأين وجه مدينتي الساطع كالنبوة؟
لم يعرفوني
ولم اعرفني
وبقى حبل الوصل بيننا حنين لماضي لن يعود

يونيو 2002 فيينا

الاخت الرائعه تماضر ... يا اختي بالله دي فكرتي اقصد حلمتي بيها كيف وبعدين مش في مثل بيقول لا مستحتل تحت ... الخ لكن انا بفكر في تعبير واحد حاجه كده زي الحلم الخرافي ان صحه التعبير بس تعرفي والله يكون يوم المني لما كل الخبرات في مختلف المجالات تعود وتدفع في اتجاه واحد وابتداء من ساعة صفر واحده لنهضة الوطن ياررررررررربي تحقق الحلم الخرافي امين يارب العالمين ودمتي عزيزتي

مالك الجاك ومقنع الحوبة ووليم اندرية
22 و23 و24
اهلا بالكلام العملى والمشجع ويقاد شعلة الحلم.


سمندلاوى مرحلتنا الجاية التخصصات والمشاريع والاقتراحات الليلة اليوم دة نجمع اكبر عدد من الموافقين ، وانا اقترح كل المنتدى

جدا انا الليلة لى الصباح ونشوف اخرتها شنو

برضو نزلت وردى بى جاى


<BGSOUND src="http://www.anwarking.com/music/wardy/ya%20watney.wma" style="color:black;background-color:white">

لى فوق , يلا ياخوانا

تماضــــــــــــــــــــــــــر
انا يادوب جيت البورد هسى
و يا عزيزتى انا بحلم با الحلم دا يوماتى
عارفى
يوماتى
وانا صاحى وانا نايم
وانا فى و انا مافى
وانا ميت و انا حى
بس تمام انو انا ما بحلم كدا براى
ورينى نحجز بتين ورينى نرجع بتين
وريـــــــــــنى يا تماضـــــــــر

تمام يالخاتم انا حارس الموضوع لغاية ما تماضر تجى

تماضــــــــــــــــــــــــــر
انا يادوب جيت البورد هسى
و يا عزيزتى انا بحلم با الحلم دا يوماتى
عارفى
يوماتى
وانا صاحى وانا نايم
وانا فى و انا مافى
وانا ميت و انا حى
بس تمام انو انا ما بحلم كدا براى
ورينى نحجز بتين ورينى نرجع بتين
وريـــــــــــنى يا تماضـــــــــر

عندنا خمسة وعشرين يابكور اسامة الخاتم من مؤسسى الحلم
25- اسامة الخاتم

26
يلا علينا جاى
تحياتى
ودعزة

يا جماعة يلا
المسالة دى ممكن تحصل
با الجد
و صدقونى لو ملاوزين من الكيزان, حكومتم دى بتسقط يوم نزلتنا البلد
و امورنا بتصلح
يا ناس تعالو نرجع عديــــل كدا
تعالو بس نرجع
كلنا كدا سوا

يلا يالناس الدخلت هسى , اتحركو شوية , دا موضوع ساخن جدا , ولازم نطفى نارو قبل ما احرقنا

سمنلاوى ننظم الستة وعشرين الاوائل يساعدونا فى لم الباقيين

تماضر

ولك

الخشوع
الحضور
لحظة
التمنى
ولك

27-شرنوبى جاء وهو مفعال فعال ناجز اعرفه

شرنوبى ورينا من هنا نمشى على وين؟

28- ميرغنى على الامين وهو بشجع التحضير بعلمية ودراسة جدوى،
مشيتا كتير مش، ما نقنع
اى زول بصم هنا بالحلم حنمسكو ا طرف خيط ونتابعوا ونتابع معاهو لغاية ما ننسج الشبكة الحتنقدنا من الغرق المؤكد.

سمندلاوى... انت سامعنى؟

انا سامع ياتماضير ومتابع

استنوا شوية ألبس توبي

اها بقينا كم
انا عارف انو الحلم بياخد وقت لمن يترتب
بس خلونا هسى نكتر و نكتر و نلقى كتار
يلا يا ناس
يلا يا سودانين
يلا ايها الحلم الحقيقة

المسالة ماشة تمام

احلام سعيده وانا ماشى نيالا

ما مشكلة
نيالا دى برضو فى السودان

دا الشغل النضيف ياود سليمان , نمش هناك نلاقى ناس الماحى وانس وكل اهلنا الطيبين

29-رمانة
30-جمال السنوسى
31-استاد حمزة سليمان

ونحن فى الشدة باس يتجلى.

32- مهيره
33- مقنع الحوبة
قالوا كلام قيم وانا ماحسبتهم من البداية ما عارفة الحصل شنو ما شفتهم؟ لومكم على، سمندلاوى الليل ليل عندكم؟
تصبح على وطن جديد ونضيف ومزدهر،

ايوة قربت تصبح لكن مامشكلة , انا قاااااااعد, الخطوة الجاية شنو تماضر؟؟؟

لما ينتهى اليوم الاول والناس الجابهم النداء يصلونا كلهم نخت لستة واحدة ونحاول نتحاور معاهم على التصور، وبعد داك نشوف التخصصات الفيهم ونحرضهم على التخصصات البرة مننا،
ونحاول نشوف شكل الوطن من كل تخصص، حيكون كيف؟ بالعلم كدة، شكل الوطن المرتقب، ناس الكمبيوتر والانترنيت بوصلونا للهيئات والمنظمات البتساعدنا فى انشاء مشاريع، صحية تعليمية كبارى شوارع شركات منتجات زراعية ما تيسر، الطاقة الشمسية مثلا ممكن السودان كهربتو ما تقطع ولا يوم ومصانعو تشتغل تش، منظمات لرفع مستوى الاسر المعيشى والتعليم ومحو الامية ومنظمات غير ربحية تهتم بشئون الاسر الفقيرة وتدريب الامهات على الانتاج لرفع مستواهم،
المعمار ، مواد البناء المتوفرة فى السودان وانشاء المنازل دى مادة غزيرة والمعماريين ممكن يفتونا فيها،
منظمات صحية تهتم بتوفير الدواء للفقراء ورفع مستوى الوعى الصحى،
زراعة طاقة تخطيط مدنى قانون ثقافة، كل مجال نعين زول يبحث لينا ممكن نطورو كيف؟
صدقنى فى الف جهة عندها الرغبة تساعد وعندها موارد مالية وبشرية كفاية لو اتحرينا وكل واحدفى مجالو انا متأكدة فى مخرج للسودان، وبدون مهانة او استعمار او نحوه،
بس خليك معاى فى فوهة الخندق.... ونلم طاقة بشرية مؤمنة بالمبدأ وحنصل
ممكن لو لقينا مريدين كفاية يعزموا لينا احزابهم، ونكون جندنا طاقات سياسية مؤثرة للمشروع،

لو بقول فى كلام منطقى كلمنى،

عمك تنقو والغربة

عمك تنقو في ساعة كربة
قال حرم طلقت الغربة

سلام يا كفيل سلام يا اقامة
اعيش في امدر مرفوع القامه

لا اجي حج ولا بجي عمرة
ومافي جواز اخير بالمرة

نزل السوق شايل اللستة
وللاصحاب وقع بالدسته
شال للعازة زي كم توب
وحسب الحسبة وقال الرووب

ربط الفيديو معاهو الدش
وقال حرمت اعيش في غش

دفع الجمرك كم مليون
وعمك وشو بقي كم لون

قال يا بلدنا حنينة زمان
اية الحاصل في السودان ؟؟

رهن البيت ونزل السوق
وقال حيتاجر في الطايووق

وناس حاج دقنو الماسكة القصة
قالت عمك داير حصة ....
اصلوا الملعب هنا محجوز
وعمك ابدا ما كان كوز

وبي نص حركة وبنك البركة
عمك لاص وضرب الربكة

وقال انا بس عاوز راس مالي
عشان بالمبلغ اربي عيالي

وعمك دار ما خلا بصيرة
وكان في اول صف تاشيرة

قال يا نفط وسلام يا سلام
تكون القصة كلام في كلام ؟؟؟؟؟؟؟؟؟؟

ابشري يا تماضر
تلقيني قدام في ودنوباوي

ابشر بالخير
يا سمندلاوى
معانا

اشراقة مصطفى
وعمك تنقو
والفاضل

حاجة تمام ابشرو بالخير العود احمد

الي العزيزة تماضر وأخرون

العودة الي الوطن حلم راود ويراود كل المهاجريين
أرجو من الراغبيين في العودة قراءة هذا المقال قبل أقلاع الطائرة

http://www.economist.com/world/na/displayStory.cfm?story_id=1352810

ولكم حبي

ياتماضر مالك بقيتي زي جورج ولد بوش يامعانا يا مامعانا هههههههههه يكه انا معاكم ومعاي خطيبتي وامها وابوها زاتووو انا امبارح كنت بتكلم مع ناس البيت قلت ليهم السرير بتاعي البيرقد فيهو منو ههههههههههه يكه قلت ليهم خلاص انا قررت الرجعة تعبنا من الغربة ووجع الدماغ خلاص يا تماضر كلنا نحجز في طيارة واحده ونرجع بلدنا اناغايتو محلل مالي ههههههههه يكه لكن لو مافي مال مافي مشكلة بنحلل اي حاجه الشربوت زاتوووح نحللو ليكمهههههههههههههههههه يكه بس لساني ده لازم يتشحن من اسع عشان لمن نصل نلاقيهو قدامنا

انا واهل خطيبتي حصلنا كم كده
بس خطيبتي ماعندها ادب بي تعريفة زي ماقال ود عزة هههههههه يكه


زاتووووووو

مامشكلة يالزول زاتو , المهم انك تنضم للركب , وتراك انضميت , عفارم عليك آلخدر

اها تماضر وين انتى , انا ماشى بعد دا تعالى استلمى

احمدامين جايى بى دراساتو،
والزول زاتووووووو
بى لسانومعانا، سلم على امك وخطيبتك،
انا هنا يا سمندلاوى

اها ياخيتى , الله اديكى العافية , ماقصرتى والله , وانا معاك للنهاية , ونتلم عند اهلنا , والله كريم علينا.

مايقصرن ايامك وايام الحلم والقابضين على الجمر

أها بقيتو كم ؟

تماضر..سلام
كان القصه حلم حلم...برجع معاكم
اهاااااااا كان جد جد..ادوني فرصه آخد الجواز..وبعد داك نتناقش
باقي نحن يا بت عمي..مرقنا والمراره ساده حلوقنا
اتخيلي زول ..دخل الثانوي العالي كده..الكيزان نطوا ليه في حلق البلد وحلقو..يعني من سن 16 لحدي 26 ...حرقه والم..اجمل سنين حياتنا ..اتملت منغصات..وعذاب وزفت!!!!
ادونا فرصه ننسي..شويه وناخد الجواز..ونعرس
بعد داك..ممكن نشارككم الافراح..والاحلام
كان رجعتو..سلموا لي علي دفارات الالزاميه...والمنسقيه

خليها ساي يا دافي
نفس الفلم مرينا بيه ..بس نحن من جيل سابق

ويا جماعة لو سمحتو لي
ممكن (نشطح) شوية زيادة في الاحلام؟
طالما الناس متحمسة كدة يا تماضر وكلهم راجعين السودان
ايه رأيكم في مسيرة السلام والوحدة بتاعت الاستاد عبد العاطي؟
ما تجوا نشارك فيها كلنا كمان
قلتو شنو؟

الاخت رمانه
مقصرة والله ما عندى فكرة عن المسيرة، لما كنت بغيب اثناء الاسبوع ما بشوف معظم المكتوب.
بفتشو بلقاهو وبرد عليك.

ارجع معانا حتى لو فى الحلم، وهو الكان يا دافى سرق حلمك منو؟

تماضر امس انا مافهمت الكلام وكنت ما عارف قصة البوست ده اسمعى انا ركب قدام وما نزل الا الخرطوم وحامشى قبلكم اجهز التلج والبارد للجماعة الجايين ديل واهلا بيكم

تحياتي للاخت الفنانة تماضر ,

حقيقة جعلتيني اجهش بالبكاء الملئ بالشوق الدفين , حلما سيصبح حقيقة يوما ما واتمناه قريبا
انشاء الله بكره او الليلة ,,
يلي يا شباب لموا العيزال واتهبوا للعودة الجميلة
للجزور حيث نستطيع ان نستنشق الهواء ونشرب الماء ونحس بطعم الحياة وبكل شئ

الله يديك العافية يا اخت تماضر ,

دقنه البجاوي

الأستاذة تماضر
تحياتي
قرأت بإمعان شديد هذا الموضوع الفكرة الحلم الذي طرحتي ، ومررت على كل المشاركات لمدة يومين ، ورأيت كيف حركتي شجون الأعضاء وحنينهم للعودة إلى الوطن.
أن أكبر خطر يحيق بالأفكار الرائعة والأحلام الجميلة والطموحات المشروعة والشعارات النبيلة هو إجهاضها في طرحها الخطأ سوى في الزمان أو المكان أو من الجهة الخاطئة ، وخوفي على حلمك الجميل بأن يجهض هو دافعي الوحيد للتعقيب المتأخر هذا ، لا أتشكك أبدا في نبل مقصدك لكنى أود المساعدة بقدر ما أقدر لتحويل الحلم إلى واقع والأمر ليس بالسهولة التي تحمس لها الأخوة وليس جزم حقائب كما تراءى للبعض بل مسألة كبيرة جدا وقضيه خطيرة جدا وحجمها فادح في شرخ الهوية السودانية وحجمها فادح في ميزان الربح والخسارة بالنسبة للقوى البشرية والعقول والكفاءات التي خسرتها البلاد ،
العزيزة تماضر الموضوع طويل وعميق وأخاف ابتساره لو حاولت الإيجاز فيه ولكن سأدخل فيما يمكن أن يحوله إلى حقيقة دون تطويل
أولا : الظروف التي خرج فيها السودانيون في موجة الهجرة الكبيرة هذه ما زالت قائمة وأعني ظروف مصادرة الحقوق والحرب ، ما زالت معسكرات اللاجئين في أثيوبيا وكينيا ويوغندا بها مئات الآلاف من السودانيين وليس لهؤلاء حقائب ليحزموها بل هربوا من حرب وشرط عودتهم هو وقف الحرب
ثانيا : هناك من خرج بحثا عن حريته وكرامته وليجد مساحة ينازل فيها النظام بفكره وقلمه وهؤلاء لاجئون سياسيون تشتتوا في أصقاع الأرض
ثالثا : هناك من خرج بعد أن سددت في وجهه أبواب الرزق والعيشة الكريمة في بلده
لن أقول لك فلننتظر حتى تتغير الظروف ثم نعود ولكن يجب تنظيم المسألة
أولا تكوين لجان لحصر الذين بالخارج وتصنيفهم وهذا عمل لا يمكن أن يتم إلا بأحد الوسيلتين (1) السفارات السودانية بالخارج وهي غير مؤهلة في الوقت الراهن للقيام بهذه المهمة لعدم توفر حسن النية (2) المؤسسات المدنية المستقلة والأحزاب السياسية وهي ضعيفة جدا في الوقت الراهن ويمكن تقويتها بالمشاركة الفعالة فيها
ثانيا بعد عمليات الحصر يتم تقسيم السودانيين بالخارج إلى فئات وتحدد خطوط العودة وفقا لهذه الفئات وأول فئة ورأس الرمح يجب عودة السياسيين الذين رهنوا حياتهم مقابل مبادئهم ، يجب عودتهم ليس في شكل مصالحة مع النظام بل ليواصلوا نضالهم من الداخل حتى يسقط النظام أو يرضخ للمطالب الشعبية وأولها وقف الحرب
ثانيا عودة اللاجئين ضحايا الحرب ثم آخر الفئات في العودة الذين خرجوا بحثا عن الرزق الحلال والعيشة الكريمة
الأخت تماضر شيخ الدين الموضوع صعب وطويل وبوست واحد لن يكفيه لكن برضو آسف للإطالة

الاخت تماضر
نتمنى ان تحقق الحلم عشان نبنيهو البنحلم بيهم يوماتى ونخلى الشلاقة البنعمل فيها دى
مع خالص التحية والود

تماضر الرائعة
غايتو انا ماعارف ليك الكلام الكبار دا البتقولي فيهو
أخديني على قدر عقلي البسيط دا
هندسة ماهندسة وزراعة واعلام وترتيب اوضاع وحقائب سفر وهلمجرا زي مابقول الراجل
لكن نفسي ارجع الآن
رغم أن قطرة واحدة من محيط حلمي لم تتحقق
لكنني اريد ان ارجع لأمني نفسي بشرب كوب عصير من خطيبتي
انشاء الله تطعمو لي بي ملح
المهم يكون من يديها
وتاني عندي قطعة ارض اشتريتها في الخرطوم
عايز بس امشي انقز وأجري فيها سااااااكت

أعذريني يانديدتي
وياأيها المشاركون
هي تعويذتي أشهرها في وجه هذا الزمان الكالح
---------------------------------------------
يقتلني الأسى الكونى . لا زالت تحيرني أسئلة الوجود
تجتاحنى الآن منها هواجس البعد عن الوطن، من نكون خارج الوطن؟ أو نعبر عن ذواتنا أم عن تشظيها؟
أما أنا فما شفيت من (الهوم سيكنس) منذ أن بارحتها ،هل أ كابد تغير المكان أم تغير الزمان؟
كاتبني مرة صديقي القاص والناقد معاوية البلال وكنت حينها أبدد سأمي في أقاصي جنوب النيل الأزرق. قال لى : مستعيرا تعبير لوركا ،( أفي مثل هذه الليالي التي لا قعر لها تنامين منفية يامليون عصفور ذهبي ياقوة المستقبل).
لقدحركتني العبارة وغادرت تلك الربوع التي أسماها أصدقائي (منفى أختياري). إني أتجرع الآن مرارة المنافي وينهض السؤال،لاسيما وأنا في بلاد الرق الجديد، الرق الطوعي . أبحث عمن أتشاجن معه فهل أنتم معي؟

تماضر OK
انا معاكم

okتماضر
انا معاكم

ابو خالد، اخيرا فهم ومعانا
شلاقة
دقنة
ومنزر نقدالله

عاطف عبدالله دايرين نتناقش اكتر معاك، وبنحترم رأيك
ويبدو انك زى مالك الجاك،
نحن كلنا ما مختلقين، انتو بس متريثين ونحن ثايرين،
نستعين بحكمتكم مالو؟

بسم الله الرحمن الرحيم
عزيزتي تماضر
يلا شدو الهمة اكتر يا جماعة انا هنا قاعدة على احر من الجمر وشغالة ديك يا الترتيبات وديل يا لتنسيقات بس قولو عووووك
تحياتي ليك ولابناء شعبي كلهم

ابومهيار معانا،
بت القبايل ممكن نمسكك الهمة دى فى الساعات الجاية ، انا ماشة الشغل وما شايفة سمندلاوى ظهر لسه،
لو قلتى نعم، اعملى لى لستة نضيفة من المعانا مية فى المية والمعانا بتحفظ، وحنراجع ألاراء بعد دة والكيفية.

طيب؟ حتى لو سمندلاوى جة برضو اتساعدوا،
عارفاك بت قبايل،
لما ارجع طيب؟

يا وطن افتح ذراعيك طوقنا
اليوم تخرد زاهيا مزدانا
با الدم الملق با النواصى
احنا راجعين راجعين
كلنا كدا
كلنا

اختي الفاضلة تماضر
اولا انا معاكم قلبا وقالبا
والحقيقة تماضر انتي حركتي فينا وجع مخبوء
انا من فترة بفكر بعمق انو محصلة السنوات البنقضيها مغتربين حتكون شنو ؟
1/ قروش
2/ بيت سمح / مرة سمحة / راحة / عربية ووووووو
3/ .....
4/.....
5/ ضغط/ سكر / تصلب شرايين
6/ عمر مسروق
؟؟؟؟؟؟؟
دي الحقيقة
طيب خسارتنا قدر شنو ؟
اعتقد انو خسارتنا في انو اجمل سنوات عمرنا بنقضيها بعيد عن سعادتنا الحقيقية
تصوري انا الآن قاعد في نص مدينة الرياض بالضبط ، في مكتب الجريدة ... بحلم بي كتاحة تملا عيوني ، وقعدة شيشة في المساء مع الاصحاب في شارع اوماك في امتداد ناصر
او جلسة فنية معاك انتى والموصلي وحمزة سليمان وسمندلاوى وكل احبابنا هنا
تصوري لما حلم الواحد يبقي صحن بوش ( عوضا عن الكبسة اللئيمة القطعت مصارينا )
تصوري انو الواحد بقي زى القاعد في سجن مكيّف
قلت لي واحد صاحبي سعودي
يا اخي والله اخير لي سجون الانقاذ ولا قصر في لندن او الرياض
بالنسبة لي انا في مجال الاعلام ما عندي مانع ابدا في انو أؤسس مع الزملاء الموجودين بره مؤسسة اعلامية مقتدرة في الداخل ونرجع السودان يوم يعتقلونا ويوم يفكونا
دي الحياة
تماضر
والله نحن عايشين الآن علي هامش الحياة
في مقابر جماعية في الخارج
بالله في شيء في الدنيا بيعادل قهوة مضبوطة في ضل الضحي مع الوالدة الصباح
قهوة من يدها ( او من يد الحبيبة زى ما قال ابو حراز وان كنت اعتقد انو ابوحراز كان قاصد صحن كمونية)
ههههههههههههه
ابوحراز ما تزعل والله انا كلما اشوفك دخلت موضوع بحب اشاغلك شوية
ومن هسع لو جات ديمقراطية في السودان حأرشحك رئيس عشان اول مرة يكون عندنا رئيس خفيف دم ومش متجهم

لكن تماضر برضو ما طرحه الاستاذ عاطف جدير بالتمعن لأنو كلام عميق ومستنير
وبيحتاج مننا لقراية متأنية
لكن في النهاية اكيد بقول ليك ولكل العائدين
انا معاكم في اول طيارة ماشة الخرطوم وتانى بعد ما اصل الزارعنى غير الله اليجي يقلعنى من السودان حتى الحج ما جاىّ

تماضر
مانوبيا
الموصلى،
سمندلاوى
ياسر
سمبتيكو
فاطمة
طارق
قرش
هيثم
قرجة
بت القبايل،
رؤى السقيد
بوكو
هشام شيخ الدين
ازرق
ودعزة
ودالجزيرة
ديك الجن
ديامي
malik_aljack
وليم اندرية
ومقنع الحوبة
اسامة الخاتم
شرنوبى
ميرغنى على الامين
رمانة
جمال السنوسى
حمزة سليمان
مهيره
عمك تنقو
اشراقة مصطفى
الفاضل
الزول زاتووووووو
ابوحراز
شلاقة
منذر نقدالله
degna
ABUKHALID
Dafi
Abomihyar
خالد عويس

اها الليستة جهزت وفى زيادة ماتسجلت

<BGSOUND src="http://www.anwarking.com/music/alwaten/siied%20khalifa-ya%20watney%20ya%20bald.wma" style="color:black;background-color:white">

انا ,, ما راجع معاكم ,, عندي ناس هنا طالبهم قروش
امشو انا بلحقكم

ياخدر قروشك الناس الدايره منهم ديل , اعفاها ليهم وتعال معانا و مابتندم

خدر الجماعة رجعو ليك فلوسك واللا لسة؟....ياخى ماتخليها ليهم ...كلها كم؟
وسطونى قالو ليك اعتبرها باد ديتس..ديون هالكة
تحياتى

انا ماشه معاكم وين فايتينى ياالحبان

ياحليل الأرض وناس الأرض وطيبة الأرض

تسلمى ياتماضر على حلمك الكبير والجميل



ظبية

راجنك ياظبية وين نفوتك

سلامات تماضر

بص السودان اتملئ وللا لسع في مقاعد ... غايتو انا كان شماعة في الباب كمان معاكم ان شاء الله ... انتي تعبي في البص بي هنا ونحن ما عندنا خبر

اها ياتماضر عندك:
خدر شوفى مالو

ظبية

عبدو

وكمان نسطع ياعبدو

سودانى
الجوة وجدانى بريدو
ما بنفرط فيه تانى
وما بنبيعو ولو ابانى
بريدو سودانى

نتتبع خطى الحلم....أين سيدس خرائطة...هل سنكتشف المكان ام الزمان
فى كلا الحالتين...ستبث المدارات أغنيتها ذات العتبات
تحياتى
ودعزة

تعرفي يا تماضر انا قريت كلامك دا وسرحت بعيد لحدي ما الاكل الخاتاهو برد ومااكلتو...
والله انا عاوزه ارجع انا عاوزه بيتنا و حوشنا وشجرات ابوي الفي الشارع وعاوزه ....لكن والله الحلم جميل..لكن يا تماضر انا ما عاوزه ابكيك معي انا ارجع لمنو..امي الحنينه الرقيقه الطيبه المسامحه...ماتتتتت ...الله يرحمها..بعدها السودان بقي لي خراب...عاوزه ارجع لي ابوي و مشتاقققققه ليهو لكن ما قادره....
المهم ما اغلبها ليكم نكد....والرحمه لجميع الامهات...
لكن لازم نرجعععع.....
انا عاوز ارجع للاطفال القريت ليهم وعاوزه اقدم لكل طفل سوداني ما املك من علم و تجربه ...احتاج الي وطني ، نيلي ، لغتي..
وزي ما قال موصلي...السرناقمي والسقتاري...
لكم الحب ..

والله ياحليمة كلنا فقدنا اماتنا وحاجات كتيرة تانية عزيزة علينا , لكن احسن تقولى نعم , وماتندمى

استاذتنا الغالية تماضر
اول حاجة مساء الخيرررررررر

والله حلم جميل وسبقتينا عليهو
ده كل يوم بنحلم بيهو
كل يوم الواحد بيفكر في الموضوع ده
وانو خلاص مفروض نرجع مع انو لينا يا دوب 6 سنوات
لكن يتخيل لي كفاية
المهم يا ستي
سجليني معاكم في اللستة دي
ولنا عودة انشاء الله

مرة اخرى اجدد الدعوة مرارا وتكرارا


بيت عم محمد فى الصحافة زلط

منتظركم بى غدوة كاربة

بالمناسبة يا تماضر ويا انور ابو غادة ويا حمزة

انتو يامى زرتونا واكلتو عندنا
وبتعرفوا الوصف كويس

يبقى تجيبوا الجماعة ديل انتو كان ما لقيتونى فى المطار


انا جادة

وهو كذلك يا اسير الغرام

اها كمان ختى اسير الغرام ياتماضر انا لى تلاتاشر سنة الاستفدتو منها بمش بطبقو هناك فى بلدى

جرحنا عتابك ياغاليه عايزانا نغني غنا الافراح
خلينا من الفرح الزايف بتعود افراحنا وتلقى براح

جرحنا عتابك ياغاليه عايزانا نغني غنا الافراح
خلينا من الفرح الزايف بتعود افراحنا وتلقى براح

و الله بقرا في البورد و عيوني رقرقت

ما اجمل الحلام في وضح النهار

و عندما تصبح حقيقة تصبح أجمل

دعونا نحلم و نحاول أن نطال الحلم


معاااااااااااكم
ومعااااااااااااكم
و معااااااااااااااااكم

اختي العزيزه تماضر
لكي التحيه يارائعه
البوست جميل ورائع
والفكره جميله واتمني ان تتحقق
بس عايزه احكي ليك حكايه بمناسبه الغربه والاغتراب
اول سنه جيت فيها هنا وطبعا جرسه شديده واحساس بالغربه قاسي جدا
واحده زميلتي في العمل قالت لي هي اصلها اول خمسه سنوات
ديل اصعب شئ وبعدها خلاص مابتحسي بشئ عاينت ليها باستغراب وقلت ليها قلتي شنو خمسه سنوات يعني انا حاقعد كم سنه؟ لكن الظاهر فعلا كما قالت خمسه سنوات قربت تخلص ونا لسه
عشان كده احسن امشي معاكم


اها انا نمره كم ياشباب
لكم حبي

خلاص بعد يومين من الانفعال بالحلم،
بكرة نبدا تحويلو لعلم،
افكار افكار افكار


شكرا لحبكم للسودان:


الوردة تحلم بالعبير
وبكرة بتشيل الندى
الشوق بيحلم بالغنا
والغنية تحلم بالصدى
والطيرة تحلم بالافق
وجناحها بحلم بالمدى
ولو ما الحلم، ما شقت البزرة التراب
يوما جديد ما كان بدا

وانا مابسكت
اوعدك اهتف اغنى وازغرد
لامطار الوطن الجاية
وحقل الوطن الشال ومورد
برق الوطن الشلع اتباهى
وشال يوم بكرة نغم متفرد
لحن الوطن السخى واتبرج
ومرق الساحة كنارو مغرد

اناما بسكت ، اوعدك اهتف لى يوم بكرة، اغنى وازغرد

يا تماضــر
أنا شخصياً أتمنى أن تتحسن الأوضاع الإقتصادية .. ويزيد المستوى الإقتصادي للسودانيين ، حتى يمكننا وضع شقاء الغربة في أي مشروع .. ومتى ظهرت بوادر لهذا .. أعتقد أنني سآخذ قرار العودة الفوري

اشوفك يا مشاكس فى اعلى بقجة من لورى العودة وحاسب ما تقع. شكرا

عزيزتنا تماضر
كيف نحقق هذا الحلم؟
هل نبدأ بالممكن, يعني نخطط لما يمكن أن نقدمه للسودان ونحن في مواقعنا الحالية. دعم يقدم لمدرسة ، لمركز عبد الكريم ميرغني, لأطباء يعملون على علاج الأطفال والفقراء من أبناء شعبنا,لأسر قدمت الضحايا لبناء سودان ديمقراطي.القائمة تطول وحلم العودة يعشعش في خيال كل سوداني عانى من مشاكل النفي الإختياري من سوداننا العزير. نعم من حقنا جميعا أن نحلم وأن نحاول أن نحقق أحلامنا

صباح الحلم

فى اليوم دة ، وتاكيدا لى آراء المتخوفين من تحقيق الحلم حنبدأ بفكرة صغيرة: من هيثم

تماضر

السلام عليكم ورحمة الله

ياريت حلمك يتحقق وانا معاكم.
وعندي ليك فكره ليه ما نبتدي بشي بسيط و محسوس مشروع خيري مثلا لمنطقه من مناطق السودان كمركز صحي او مستشفي صغير يقوم المهندسون الفي البورد بالتصميم و الخرط و كل يدلي بدلوه في تخصصه وبكده نكون بدأنا في تقديم شي لبلدنا بغض النظر عن الحاكم وامحكوم

Just an idea I had to help our families and friends and our follow citizens


--------------------------------------------------------------------------------
*********************************
سبحانك اللهم وبحمدك أشهد أن لا اله الا انت استغفرك واتوب اليك
*********************************


http://afre-ngo.org/beta/splash.html
http://www.un.org/ga/54/
http://www.intrac.org/
http://www.uneca.org/aknf/links/index.htm
كدى النبدا بى ديل وتخصصاتنا،
منو بعرف شنو؟ الليلة ممكن؟

مافهمت يا ست البنات
دة بوست الحلم
انتى قاصدة بوست الشمار؟

تماضر

ما زلنا معك نعد العدة ونجهز انفسنا للعودة الطوعية
بس ادى ناس البشير خبر يدونا فرصة معاهم ياخى ما يعملوها لينا كلها ضرائب ورسوم ومشاكل تطفش الناس من البلد

ليت الاحباب فى الداخل يمدونا بوجهات نظرهم حول الفكرة ورؤاهم الخاصة حول الامور هنالك فهى مهمة جدا ونرجوهم ان يكونوا مشاعلنا التى تهدينا الطريق الصحيح هنالك بحكم وجودهم ومماستهم للحياة ومعرفة دروبها فقد غابت عنا وغبنا عنها طويلا حتى تغيرت المعالم تماما

هل من مجيب

راى صميم ياقرشو، عندنا كم زول هنا من جوة، ارجو التجاوب معنا، انا هسع ببحبت فى الانترنيت، لمنظمات غير حكومية زى ما شايف اللنكات اعلاهو
عشان نروج لى مشاريع وبتمنى انه الناس العندهم خبرة فى مجال المنظمات دى يدونى يدهم
ياغرق ياجيت حازمة ساقرشو الله اكبر على الحلم دة،

سمندلاوى انت وين؟
سمندلاوى ، انت فى؟

فوق لمن سمندلاوى يجى

الو ...خدر
معاك غدى

خدر ما سامعه على صوتك شويه

انا مع ناس تماضر قربنا نصل السودان
وقروشك خليتها ليك عند محسن الصلحابى

اوكى
باى خدر سلم لى على خدره

.
.
.
تماضر
نحلم ونحلم بى وطن سامق
بى بحر وضفاف مويه
بى لغات طير
وروح تخضع للون الريح
ونشيد اخضر
ولون صباح مكتوب على الجناح
وعصافير مارقه من لون البحر
ومراكب سارحه فى بحر الغياب
فقد طال الا نتظار

لك حبى
غدى

أنا خايف الجماعه لسه نايمين و بيحلموا بي حاجات تانيه.

يا ربي ح نصحى متين؟

at least we are not. I am researching hard.

بالله شوف القطر كان داير يفوتنا
وانشاء الله نحنا السابقون وانتوا اللاحقون
وما تحلموا كتير
اتوكلوا علي الله وارجعوا ما بتجيكم عوجه
وحلم جميل ياتماضر بس ما صعب يتحول لي واقع

سمح الريد نساني .. متين العوده تاني يا

الاخت تماضر...
والله انا ماعندي حلم غير انه اشوف السودان..انا جيت البلد دي عمري خمسه سنوات ولي تغريبا عشرين سنه ماشفته السودان لكن رغم السنين دي مانسيتو ...وزكرياتي عن السودان محتفظه بيها حتي الان...لكن حا امشي معاكم وحااسوق حـلـــيـمــه تو معانا ...ولا شنو ياحليمه كلنا فقدنا اماتنا نعمل شنو ده حال الدنيا....ربنا ارحمهم جميعا ...يلا ياتماضر نحنا حاهزين.

طيب نحنا هسى وين
فى تحويل الحلم الى حقيقة
اقترح تكوين لجان عاجلة لتبدا فى رسم الخطوط العريضة
يعنى الشغل يجب ان يكون جماعى
فى حاجة مهمة انو احنا ما راجعين عشان نرتاح و نلقى شغل و نروق يعنى
احنا راجعين عشان يا دوب نبدا نتعب بى مزاج
نتعب عشان نرتاح بعدين
و اول لجنة مفروض تكون لجنة متابعة
ولجنة دراسات
و لجنة اساسية لارجاع الديمقراطية
بدون ديمقراطية يبقى مافى فايدة
انا قصدى انو الناس كلها مفروض تعرف انو احنا راجعين لا انقاذ انفسنا اولا و انقاذ الوطن ثانيا
و المسالة دى عايزة تضحيات حقيقية
و اهم عامل للنجاح هو التضامن بين العائدين . التضامن و الروح الجميلة
دى مهمة بتاعت انقاذ حقيقية و لن تكون غير ذلك
و للحديث بقية

بقينا وين؟

عزيزتنا تماضر، من حقنا جميعا أن نحلم، بالأمس كتبت تعليق صغير عن حلمك الجميل قلت فيه ما معناه: ياليتنانسطيع أن نحقق كل أحلامناوتحدثت عن الممكن تحقيقه في ظروفنا التي نعيشها في المنافي والشتات. أوردت أمثلة لما يمكن أن نشارك فيه جميعناكدعم لمدرسة منهارة أو مركز ثقافي يهتم بقضايا الناس مثل مركز عبدالكريم ميرغني،أو دعم أطباء يقدمون خدماتهم للأطفال والفقراء وكذلك دعم الأسر التي قدمت تضحيات كبيرة لبناء سودان ديمقراطي متعدد الثقافات. للأسف لم أقرا هذا التليق في البورد، وربما وربما.
التوم

رحلة الألف ميل تبدأ بخطوة واحدة

اها نحن وين واصلوا المسير واصلو موسم الهجرة الى شمال جنوب غرب شرق الوطن

up up my precious dream, you might come true.

انه توصيل امين لرسالة الوطن قادرة على الوصول رغم الكونكشن والحصار المضروب انه حلم يتباهى بحالة كونه واقع خطوة تمشى طريق الملاذات فى وثوقها المطمئن
تحياتى
ودعزة

ايوة ايوة تماضر , انا عندى مشكلة فى النت , وهسى خايف انقطع تانى ,بس عايزين نعرف تخصصات كل واحد من المجموعة البلورية العائدة ,, ها ممكن ياجماعة؟؟؟

انا رسلت ما يقرب من الخمسة وعشرين ايميل لمنظمات ما حكومية بتهدف لتطوير وتعليم وصحة سكان افريقيا ، الجزء الشمالى، وكلمتهم عن المعانا، هنا وهناك، مش اسماء طبعا يعنى.

نحن هنا دايرين ناس
اقتصاد
صحة
وتعليم
وتكنولوجيا

كبداية فمن يانس فى نفسو الكفاءة فليتقدم

طيب
فـــــوق فـــــق ســــودانا فـــــــوق

مبدعتنا...
أنشطتك عبر المنظمات غير الحكومية ...تفتح عين حلم المجتمع المدنى ودوره
هذا حلم يتناسل
تحياتى
ودعزة

طيب ياودعزة ما تساعدنى وانت خبير فى الانترنيت، رسل رسل رسل ما معروف الرد والفتح يجى من وين؟

صباح الحلم الكبير

احمد امين
مالك الجاك
بخاف
سجيمان
خالد عويس
عاطف عبد الله

ممكن ابدا بيكم، انتو الناس الشككونى فى الحلم بحب،

ممكن نتناقش فى المصاعب اولا والسلبيات؟ كما نقاش، نقاط واحد اتنين، لو سمحتوأ عشان خاطر الحلم الجماعى ؟

الحلم دة يكون صاحى وفوق ، وانا بلملم فى اطراف الغيم وجاية
سمندلاوى


الناس الكتبت اساميهم ديل استحثهم على التامسك لى الطرف التانى من المجرة، ماشة الشغل

الناس الكتبت اسماهم ديل جيبهم بالماسنجر، او بابوست، عشان يقروا ويردوا لينا، ناس البحث وناس السلبيات، طيب، انا فى الشغل ما عندى حرية كبيرة للحركة واللغة مشكلة تانية وانا ما دايرة اكتب بالانجليزى، طيب؟

احلامكم محضورة ان شاءالله

up

تماضر انا داير
ارجع
فلسان
حيران
كحيان

بس ارجع
ان شاء الله اقعد اشاغل البنات
في الشارع
بس ارجع


في مكان ؟؟؟؟؟

الاخوان تماضر والمجموعة التى سبقتنى بالموافقة
أنا معاكم قلبا وقالبا اذا مالقيتونى قدامكم حارسكم فى المطارات والموانىمرحبا بقدومكم
ملحوظة صغيرة ياستاذة
فى اطار الفهم التجارى وخوف الانسان من المجهول بفتكر انه الناس ممكن تعمل شركة مساهمة ليها قلب وتستوعب مايمكن ان تستوعبه من العائدين وتشغل قروش الغير مستوعبين والعاملين فى بناء الوطن من مواقع اخرى-(مجرد اقتراح لتقليل هاجس البعض ) ولا شنو

Abushakosh:
thanks,
take it a step forward, would you sponsor the project, would you?
I can assign helpers for you,
I will be supporting it, just take the initiative and do the first step?
let me know.
Thanks again.

Tumadir
done
Just give me sometimes
would like to know our team

I work for a financial group, they are broad to new ideas,
if you give me a firm proposal, I will help pass it to the CEO. I can, it will go through, certainly will.

الاخت تماضر
حاكتب بالعربى عشان كل الاخوة ممكن يشاركوا-ده مجرد تصور مبدئ وليد
لحظات الكلام وممكن نطوره او ننقصه او نعدل فيه او نجيب واحد جديد يتلائم مع نطلعات السواد الاعظم منا
الشكل القانونى شركة مساهمة عامة يمتلك كل منكم فيها بعدد اسهمه
باقى التفصيلات القانونية متروكة للاخوة جهابزة القانون من قوانين ولوائح وهى متاهات هم اهل لها
الهدف منها توفير الوظائف للعائدين كل حسب تخصصه فى اطار اعمال الشركة(ده عمل تجارى بحت وليس من كل يمتلك اسهم يحق له العمل الا اذا كان هنالك وظيفة تتناسب ومؤهلاته)و
يمكن ان ينقسم نشاط الشركة الى نشاطين رئسين
انتاجى
خدمى
الانتاجى ممكن يكون (زراعى -حيوانى-صناعى) و
خدمى (يجب ان يكون خدمى ذو عائد ) بنوك-مدارس-مواصلات- مطاعم-فنادق اي توع من الخدمات المتكاملة
يراعى فى كل منها العائد الربحى لاصحاب رأس المال والفائدة العامةللوطن والمواطن
يتم تحديد قيمة السهم والمشاريع المطروحة للتنفيذ
تجديد مبدئ للمكتتبين لمعرفة رأس المال لتخديد المشاريع الاولية التى يمكن الدخول فيها بناء على دراسات الجدوى المقدمة من الاخوة الماليين بالتعاون مع اصحاب الحبرة فى المجال
وكلام قرشو مانسيتوا الاخوان فى الداخل يمثلون قرناء الاستشعار للمشاريع والممكن ينجح شنو اضافة الى الفى الخارج بالافكار الجديدة الممكن طرحها
يلا ياجماعة قولوا حاجة نمشى خطوة للامام
تماضر انا موجود بس حبة وقت خلى الامور تتخمر شوية

دريمز وديامى بالداخل، وكلنا بالخارج يابو شكوش، ابدا

ابشرى يا بت الشيخ

مالو نرسل...نرسل
وطلباتك أوامر
تحياتى
ودعزة

انا حمشي معاكم كان ما لقيت شغل هنا...اكيد حمشي معاكم

Recieved on October 2, 2002

Background Analysis

SUDAN GOVERNMENT AGAIN BLOCKS RELIEF AID:
A FAMILIAR TACTIC WITH TRAGIC RESULTS

For the ninth time in 14 years, the government of Sudan has banned
emergency humanitarian relief to needy civilians. The
Sudanese government's latest aid ban, imposed Sept. 27 and scheduled to
continue through Oct. 6 or beyond, effectively
blocks most emergency assistance to the entirety of southern Sudan and
its estimated 5 million people, aggravating
humanitarian conditions that already are abysmal.

Although Sudanese authorities have attempted to justify the aid
shutdown as a measure to protect aid workers from
entering dangerous areas in Sudan's civil war, the new restrictions in
reality expose Sudanese officials' continued willingness to
use food as a weapon against their own people.

The new aid restrictions forbid all relief planes based in
northern Kenya from landing in or flying through two key regions
of southern Sudan, effectively shutting down most relief flights to all
areas of the south--an area approximately the size of
Texas. The ban imposed by Sudanese authorities also applies to
humanitarian vehicles on the ground used by aid workers to
deliver supplies and monitor the population's humanitarian needs.

Planes operated by the UN and other humanitarian agencies
routinely transport some 150 tons of food per week to
targeted populations in southern Sudan, where 19 years of civil war and
government oppression have left an estimated 2 million
people dead and approximately 4.4 million people uprooted. Military
offensives by the Sudanese government army and by
rebels have intensified in recent weeks, with both sides attempting to
gain ground before another round of peace negotiations.

International reaction to the new aid ban has been muted so far,
as relief agencies negotiate behind the scenes to evacuate
staff members from areas suddenly made inaccessible by the new
restrictions. The United States and other governments
should not hesitate to condemn the aid blockage, which has become an
all-too-familiar tactic used by Sudanese authorities to
support their military objectives against rebels. Sudan's government
has imposed sweeping bans on relief deliveries at least
eight previous times during the country's civil war, often with
devastating results:

-- In April 2002, the Sudanese government denied humanitarian workers
access to 43 locations in southern Sudan, preventing
more than 1.5 million people from receiving assistance, including "some
of the most vulnerable populations frequently displaced
by insecurity," the World Food Program (WFP) reported.

-- In 1998, Sudanese officials prevented all UN relief flights to the
south's Bahr el-Ghazal Province for two months despite
massive population displacement caused by heavy fighting and human
rights abuses. The aid ban helped trigger a famine that
killed 30,000 to 50,000 people, according to some estimates.

-- In April-May 1997, the Sudanese government barred all aid flights by
WFP and the UN Children's Fund (UNICEF) for
three weeks.

-- In March 1997, Sudanese authorities refused to give flight clearance
to humanitarian planes attempting to reach more than
30 locations in Bahr el-Ghazal Province.

-- In 1996, the government of Sudan blocked relief deliveries "to
locations severely affected by the spread of cholera and
diarrheal disease," a UN agency reported.

-- In 1995-96, Sudanese officials halted virtually all flights by large
UN cargo planes throughout southern Sudan for nine
months.

-- Throughout the 1990s, Sudanese authorities blocked humanitarian aid
to some 200,000 people in large sections of the
Nuba Mountains region of central Sudan, scene of heavy warfare and
large-scale population upheaval.

-- In 1989, the Sudanese government blocked all food flights after the
International Committee of the Red Cross protested the
government's bombing of a humanitarian site.

Even during "normal" months, Sudanese authorities routinely have
blocked relief agencies from providing humanitarian aid
to 20-30 locations in southern Sudan. The government has subjected
relief officials to increasingly cumbersome clearance
procedures each month before granting approval for routine aid
deliveries.

The U.S. Committee for Refugees has recommended for many years
that major donor nations, including the United States
and European countries, should exert more pressure on the Sudanese
government to loosen or eliminate restrictions on
humanitarian aid deliveries. The history of previous aid bans has
repeatedly demonstrated that Sudanese officials' brazen
manipulation of humanitarian relief produces tragic consequences for the
people of southern Sudan.


The U.S. Committee for Refugees (USCR) is a public information and
advocacy program of Immigration and Refugee
Services of America, a nongovernmental, non-profit organization. Since
1958, USCR has defended the rights of
refugees, asylum seekers, and internally displaced persons worldwide.

END DOCUMENT


--
Jemera Rone
Sudan researcher, Counsel
Human Rights Watch
1630 Connecticut Ave. NW, suite 500
Washington, DC 20009
202-612-4328
fax 202-612-4333; reception 202-612-4321
email [email protected]
Sudan page: http://www.hrw.org/africa/sudan.php
Sudan - World Report chapter 2001:
http://www.hrw.org/wr2k2/africa12.html
Sudan Maps: http://www.RightsMaps.com/html/sudmap1.html

فوق ياحلم فوق حلمك نمت احلامنا

العزيزة تماضر
انا قايتو مشيت ناس فورسكوفون بتاعين الديم للساوند وغشيت عادل شروم للصيوانات برضوووو من الديم عشان نجهز للاستقبال الكبييييير بس بى شرط انكم تدونا فرصة نغنى ليكم ....الليلة جيت شايل الفرح قدصك تعوضنى الفات ....بعد مافترنا من غنية روح معاك عمر الهناء يالفرقتك تمت سنة

ودالديم

وجيناكم يا حبايبنا....
بالله بالمرة. اوعكم تطفوا النور، انحنا جاييييييين.

up to the top.
I dream, therefore, I exist.

احلامكم اعلامكم

البت الحديقه انا قررت ما امشي السودان الا بعد تردي علي الايميل بتاعي وأقعد هنا بس كده

ياتو ، ووين؟
لازم تمشى معانا انا دايراك تساعدنى فى شيل الشنط

ولن ننسى حقائب الروح والوطن المحول برا وبحرا وجوا...
كيف يسكن الوطن الوطن..
that is the question.


تحياتى
ودعزة

رسلتو والله لكن بمشي معاكم
واشيل الشنط الفيها القروش

وانا كمان ابتديت اتصالات مع منظمات طوعية نرويجية , وح اشوف مدى استعدادهم للمساعدة والتنوير.
بس انا ح اغيب من البورد شوية اليومين ديل , عشان عندى امتحانات بتاعت سميستر مهمة جدا , لكن بدخل مرة مرة بشوف الحاصل شنو

اوكى

تماضر
الناس الجوه السودان قولو حاجة عن المشاريع الجيدة ذات المردود الجيد عشان ندى من المردود لينا ولغيرنا -لازال الباب مقتوح للاقتراحات

موفق يا سمنلاوى،
ابو شاكوش كلم دريمز فى السودان هى منتظراك،
موصلى رسل لى بياهو
[email protected]

hotmail will delete your message immediately because you are not on my address book.

ود عزة، البطلع من جلد الوطن عصبوا بتشبك فى سلك الغربة الشايك وبتفرتق جملة جملة.

تحياتي الاخت تماضر

هل انتم جادون ام ان الامر لا يعدو ان يكون موضوعا فقط للنقاش او الاماني السندسيه ,,,,

دقنه البجاوي

جادين
كلنا جادين
جدية شديدة

كيف الكلام دا
المسالة واضحة يادقنة
ونحنا هسى بدينا الخطوة التانية
انت كان معانا خليك معانا
ماتكب الزوقة ,, افو
لك حبى وودى

تحياتي للاخوة الجادين شديد سمندلاوي والخاتم

ماكابي الزوغة وانا اتحدث بكل جدية والامر لا يحتمل الهزار الثقيل ,,,, مقترحات
1. تقسيم العائدين لفئات متعددة ثم حصرهم
2, هناك طلبة يدرسون بالخارج ويريدون العودة ولكن في
وقتا لاحق وانا منهم
3, عمل لجان قارية لتفعيل هذا الموضوع

دقنه البجاوي

دقنة
نحن جادين
والشغل البنعمل فيه كتير،
دايرين مساعدة،
انت ماتقسم لينا العائدين لفئات، واعمل لينا اقتراحك، نساعدك بشنو، بناس؟ عندنا
يلا يادقنة، ارفع صوتك هيبة وجبرة، داير منو فى الناس، جوة ولا برة؟

دقنة نحن جادين شديد
انت ما تبدا تعمل لينا لجان قارية وتقسم لينا العائدين لفئات، مش واحد مننا

داير ناس يساعدوك؟
حنساعدك
داير منو؟

سلام ياناس العودة للوطن الحبيب
ورونا وصلتوا لى شنو اخر حاجة وبالنسبة لى الناس البتقرا ربنا يوفقا نحن بنمشى وبعد مايخلصوا يحصلونا المهم مادايرين تراجع
ولا شنو ياتماضر

ايوة يارؤى،
بس انا مادايرة الناس يفرحوا بالحلم بس، دايراهم يتعبوا ليه
دايرة تتعبى معاى يارؤى؟
عاملة اسمك الزى على السقيد دة؟

عزيزتى تماضر
احنا اصلا غير التعب عندنا شنو
ادينى و انا بشيل
عاملة لى توكتك دى

انتى فى التوكة ولا فى الكركار؟

التوكة و الكركار و ملاح التقلية و رؤى و تماضر و على السقيد كلهم فى دفار السودان
انتى ماشى السوق الشعبى ولا سوق امدرمان
تحياتى

الثورة بالنص يارؤى، انا الثورة بالنص.

اها يا جماعة النقوم نتقدمك الجماعة ديل كترو ودايرين المشى
ما شايف النسوان ديل اتناكفن يا اسامة الظاهر الموضوع سخن ودارو المشى عشان كده تلقونا قدام مع العفش والشنط الفيها حاجات العالم طبعا اكيد ما ويكة وشطة وفسيخ المهم العندو وصية لاهلو قبل مايرجع يقولها

ايوة شايف يا ابو خالد
انا شخصيا المرة دى ما شايل شنط
شايل روحى دى بس
و لا حتى عندى جواز سفر
انا و بس

انا اول العائدين .... مرحب بالسودان

والله ياتماضر وسمندلاوى شهيتونى فى المشى , بس انا يادوب جاى الليلة حتى نظرية رد الترحيب بى شايفها ماسخنت , لكن ادونى شوية وقت عشان انظر شوية واضربها اخماس فى اسداس .

لكن نظرية مبدئية ,, يانى ماشى يانى ماشى , كان ما معاكم هسه بكون بعدكم بى كم شهر كدا .

بلدا راجعة ليها تماضر وسمندلاوى والموصلى , مااااااااابتردد ارجع تب

نرجع ونص وخمسة.

ابشر بالخير يا نظرية ،
لكن اسمك خترى، اسم الدلع " مثبتة"؟

زى حنظلة وابن ابى ربيعة وكدة؟

ابشر بالخير ،
اما عن ترحيبك، نحن نتقسم؟ نرحب بيك ولا بى اما بعد ولا مين ولا مين؟

بهظر معاك ساااى

الف مرحب.

وطن بالفيهو نتساوى
نحلم نقرا نتداوى

الحلم قرب، وردى حيبقى كويس

الحبيبة تماضر
يازولة انا راجع معاكم اذا وفرتوا لى DSL ولا Cable Modem ولقيتى لى زول يدفع المورقش الهنا

اوووو بكرى الحبيب دا اسعد خبر الواحد اسمعو, وبالنسبة للدى اس ايل , دا واحد من المشاريع الانا مخطط ليها هناك لما نرجع باذن الله , مبدئيا هناك فى ال ISDN وانت عارف الحقيقة دى , لكن بك لينا الحيرة لغاية ماندنكل الدى اس ايل

ابشر بالخير

بكرى الداير يدفعوا ليه المورقيج دة ما ماشى ، دة مؤجز وجايى،

بكرى والله امس كنت عايز اقول ليك تماضر بالبوست بتاعها ده حتقفل البورد شوف عدد الزوار وعدد الراجعين وبعدين احكم بت شيخ الدين دى مسلطة وناقزة فى موضوع الرجعة ده والجماعة مسخنين معاها حتى انت تانى مالك ومال البورد يابوى نتلاقى فى المساطب والضللة والحلاقين وكلام بره والما عجبك تحمر ليهو مش تشتكى للادارة

انا لن اعيش متشوقا... انا لن اظل مهاجرا
يا شوقى عليك الله يا شوقى .. خذنى الى و طنى
سوقنى فوق الرياح العاتية
اجعلنى نيلا يتبختر
اه يا غربة حارة ومؤلمة
اه يا اهلى المشتتون .. كيف السبيل الى لقاء
ايها الشوق اللعين.. انى امقتك
لن تستطيع ان تفعل بى اكثر مما فعلت
انى عــائــد

ود حبيب ...بس التلاته ديل؟؟؟...
يلا يامبدعتنا تماضر ..حققى لى التلاته ديل بس..الزول ده لو جاتو ليلة قدرLOOOOl
حيطلب منها استمرار الموقع بس..
ده كده ودحبيب محب لوطنه صادق ونبيل...ونتمنى نلقاك فى بحرى شارع الظلط
تحياتى
ودعزة

نحن نمشى ننوم لكن الحلم يصحى، وتصبحوا على وطن مشروع.

الامسـية شاعريـــة
الجلسة خرطومية بحريـــة
اكواب الشاى بسكويتيـــة
اهل و صحاب
ونسات سودانيـــة
و همبريب يتعالى .. يداعب نيمة نيليـــة
احلامنا تنتقل من زول الى زولة الى زول
حب و هيام
ضحك و وئام
قمر... و ... دوام
* دوام.. دوام*
افيق من احلامى فجاة
اغلق الساعة الحمقــاء
اتوجه صوب المــاء
و اركض نحو الباب
الدوام - الدوام
" متى بس نرجع "

صباح الحلم الاسمر،
صباح الشوق الخدر وازهر
صباح الوطن اللابس بلدى ... ومافيو عسكر

"There are those who look at things the way they are, and ask why... I dream of things that never were, and ask why not?"
- Robert F. Kennedy

Keep dreaming, and always ask "why not?"

اها يا استاذتنا

وصلنا وين هسع

الركشة لقيتوها لى ولا لى هسع

انا ماشى بس بى ايديى العشرة وما شايل التكتح معاى
عشان اريح موظفين الجمارك وما اخليهم يحقدوا على اى مغترب عائد

شايل بس اشواقى للبلد واصرارى ابنيه معاكم

up and high.

ايوة انا السودان , وجاييك فرحان , ماشاء الله الكوم كبر , وقابل للزيادة كمان

<BGSOUND src="http://www.anwarking.com/music/alwaten/7nan%20al%20niil-%20ana%20al%20sudan.wma" style="color:black;background-color:white">

صاحبة الحلم سلام
من قلتى خير الهم اجعلوا خير.....رأيت فى مايرى (الهائم) و حلم الهايم وطن, وانا (بكتب فى سرى)..خير الهم اجعله خير, العوده الجماعية نفخ فى جزوة النضال التى خبت......وتعميق لمعانى التضحية فى حق وطن رايح. يلاكم نطلع من خدر النعاس الصحو الساطع, الموصلى يوقع لحن العودة و انغام الكفاح من وحى كلمات ود عزة ونحنا ماشين لدار الحبيبة.

ارجعوا الحبيبة حفت، من المساسقة بتقص فى درب اليغباها ما جو،
اللمات عروقن نشفن من موية الشوفة، دماعن َحسن
وياقرشو خليك خفيف، بس كتر الفكة

ويانصار
الغنية هينة بتنتم بلحن الرجوع،

بس كيف الحلمة تبصم فى دفاتر الممكن والحقيقة، بالعشرة؟

ودة سودانى من جوة رسل لينا اللينك دى للحلم:

http://www.gnpoconline.com/access/gnpoconline/indexmain.asp

شكرا يا مرسال الحلم الجايى من جوة الحلمة زاتها ،
والهجرة العكسية

معاك بحلم
بأنى على فرس طاير بحلم

.....يطير عبر السما الممدود
سما الوطن اللى مالى حدود
حمامة جناها لاطاير ولا مفقو
سلمت سلمت
حلمت حلمت
وقبلك كنت لابحلم ولا موجود
محجوب شريف (وردة صبية)


حلم المشتاق وطن....مبدعتنا تماضر فى مثل بقول كده؟
تحياتى
ودعزة

اشرق الحلمو
وها نحنو
مع النوووور التقينا

يااخوانا انتو صحيتوا من الحلم ولا شنو ولا الدفار سافر من غيرنا ياسمندلاوى وتماضر

الاخت رؤى
اسعد بمخاطبتك اليوم
لولا امانى النفس وهى حياتوها لما طار لى فوق البرية طائر
هو حلم صحو..... نتتبع فيه خطى حبيبة ود عازة
امه عازة....حبيبتنا كولنا.....مابنفرق بين خطاها و بين خطيوات القمارى......ندرك مسالكها فى فضاءات تحليقها عندما تعاف دنس الارض
ما عرفتن نورة انتن؟ قولن عرفنها عرفناها هل يخى القمر.

آآآآى يا رؤى،
هو حلم بس صاحى من الاول،
الدفار البدفر فى يقيننا، وعزة ام ودعزة وحبيبتو زى ما قال اخوى نصار وكلنا، مانحن الا شهقة بس فى عمق الحلم.

معاك لآخر الضفة، وبين مد الرؤى وجزر المسافة بيلمع الف ميناء للوصول،

ماتشفقى.

ارفع لى الحلم دة،
وهو برفع ليكاقدرك الآدمى

صباح المحطة الوسطى امدرمان

دريمز
رسلت ليك 2 ماسنجر مافى رد

احلى مافى الحلم ده انو نحن دايرينو يتحقق وبى تكاتف الجميع انشاء الله بتتحقق وياتماضر انا عازماك فلم هندى فى القاعة ولا فى القصر ولو معاك اى زول جيبييهو انا منتظراك

يا سلام ياحبيب الكل
على الجمال والتصميم واللوحة

انا دايراهو يكون شعار للحلم، بتقدر؟؟؟

يا احلا دريمز انتى وين وابوشاكش بسال منك عشان يتعاون معاك.

ياحبيب الكل انت ممكن تتكلم مع ابوشاكوش برضو؟ لآنو هو بفتش فى زول من جوة البلد،
ابوشاكوش اقدم ليك حبيب الكل، جحبيب الكل ألاخ او شاكوش،

كدة كيف ياجماعة؟

صباح ام بدة بالردمية

it seems like I am the only one who is dreaming, now!!!!
hope not.

ماتحلمى براك البحلم براهو بخنق
مبدعتنا تماضر...ده حلم شايلنو للتقيلة
تحياتى
ودعزة

وح يكون على طول حلم
دة سؤال

الاخت العزيزه تماضر
تعرفين حيرتني من امر هذا الموضوع الحيوي الخطير وما زلت في حيرتي الا أن أسعفتني أبيات الشاعر الثائر الأسقف البرازيلي
اذا كان الحلم وحيدا
بأن تحلم أنت وحدك
فهذا مجرد حلم...
أما اذا كان الحلم مشتركا
بأن نحلم أناوانتي والأخرين
فهذه أول خطوة في تحقيق الحلم

Tumadir
Keep Dreaming
Because if you don't deram you Die

Dr. Mutwakil

ها نحن، الاخرون وانا
نقتسمم الحلم
ونقتسم شكه واليقين
ونقتسم الترقب
ترقب ما يستبطنه الحلم من خواص الانفجار
ونقتسم
البكاء على حائط الاحتمال،

وسنفيض حلما حتى نتدفق فى واقعا فى وديان الآتى
البكرة
الغد

فما اكثفنا بالحلم، ،
نتعدد فى ردهاته

نتوسدقبة السماء، ونحصد النجم ضوءا بعد ضوء

فيا دكتور:

معانا ولا ما معانا؟
مع العلم بان كومك يكبر كومنا
معانا ولا مع غانا؟
تجاوزا

"God wisely designed the human body so that we can neither pat our own backs nor kick ourselves too easily."
~ Author Unknown

مازلنا فى اول ساعات الليل
لكنا فى منتصف الويل
حسب التوقيت المأساوى
للمدن الصماء البكماء





هل انت بخير؟

نحن لسنا بخير
لم نكن بخير عندما كنا فى الوطن.. عندما غادرنا اصلا
و لسنا بخير الان و نحن خارجه
تماضر حلمك يبقى فقط اذا علمنا الى ماذا نحن راجعون
انا اريد ان اعود الى
وطن خير ديمقراطى
و هذا لن يكون الا برجعة جماعية
موت الجماعة عرس
الجماعة هنا الكيزان و العرس عرسنا و لنا
قبل ان نبحث عن عمل هناك
يجب ان نبحث عن ديمقراطية
ولا شنو ؟

فوق فوق سودانا فوق

الحلم دة قاعد يحتضر يا اسامة وسمندلاوى؟

ايوة يا تماضر
الظاهر مفروض بعد دا ننقلو الانعاش
عشان ينتعش
و ينعنش
و نقدر احنا نعيش
لكن يا ربى لماذا الاحتضار الان و حتى قبل الولادة؟
انا بس زى ما غنى مصطفى....... خايف يكون شالو الهوى
يا ســمــنــدلاوى الحقـــــــــــــــنــــــــا

تماضر

ابوشاكوش

كل الحالمين بالعودة

صباحكم ورد بتوقيت الخرطوم


عذرا للانقطاع ولكن غصبا عنى ..معليش

ابوشاكوش رديت على رسائلك اتمنى يكون وصلك

لك كل الاسف على التاخير


الحلم ما بموت يا تماضر ..مادام قليبنا الفينا حى ..مادام عريق العشق حى

ولى قدام

القامة الفنية السامقة تماضر لك التحية وانا الان سوف اعمل بوصيتك انو قدر ما اشوف البوست بتاع الحلم دا الا ارفعه فوق
سجلي عندك في دفتر العودة
الاسم ابراهيم
الجنسيةالاولى سوداني درجة ثانية
الجنسية الثانية ما في داعي ليها لوقتها
المهنة حاجة كده
المؤهل جامعة فوق ليها شوية
غايتو شوفوا لينا طريقة لو امكانية بتاع عودة للسودان بس يكون الجو بقي نطيييييييييييييييف

What a dream!!! & what a dreamer!!!

You know I fear dreams! Sometimes they make me indulge into mesmerizing illusions, they make my judging illogical and in my world this is not the preferred way!!


Dreams... Sometimes I dream of family back home, of me here alone, just facing walls,books &... the monitor...


Wish ur dreams become a reality one day!!

Aburas Kabeer!

ابراهيم على
واسمك مسجل عندنا،
نشوفك وانا بتدى الحلم قزازة دم وفصيلة راى ومعنى ،

ابوراس،

شكرا على مخاوفك على الحلم،
خاف علينا بس ما تخوفنا،
انا شايفة الوعر، وشايفة المتاريس وبرضو ماشة، حفيانين والطريق مزروب قزاز مكسر وشوك، بردانيين والتلال فيها صقيع وجليد، جيعانين ونارنا مطفية والزاد كمل،

وبرضو ماشين فىالحلم شايلين تقابة ، لهبة واحدة من ايمان بالوطن وعارفينهالما تتعب من توحدنا واصرارنا بتبق نار تلهلب وتدوب التلج الفى الهضاب وتسيل موية زلال تملا خيران البلود وترتع الماشية ويخدر زرعنا،

لانملك غير الحلم،

ومن حرصنا عليه بتحقق،
خليك قريب،

Fears... Forget about that. Let me dream now (just for this time)!

I dream of...
"Smiling faces everywhere, caring lovely and honest!"

I dream of...
"That young child Playing and laughing all the time... I miss 'm"

I dream of...
"Me in Friday sleeping under that old tree not anxious, not stressed... "

I dream of...
"That city so lovely & so calm at night. Watching lights far from above. How calm it was!! & how lovely!!"

I dream of...
"The smell of Earth when it rains in that city. It's never the same smell here!!"

Think this is enough for now. Tomorrow I continue...

Aburas Kabeer!

مالو حلمك بشبه حلمنا
مالك التقول واحد مننا؟

Tumadir, Same inputs with Same factors produce Same results. Our dreams are the results of same experience so they should be the same :-), However my fears come back again... Now I'm unable even to dream!!!!!!!

Aburas Kabeer!

نمسكك من يد خوفك ونربطك بى توب الثقة والفعل الخرافى ونربط طرفو التانى على زواملنا ورحالنا، ونمشى بيك، لمن تشترد نفسك ، نفس الشجاعة والعطاء والتحقيق، وتبقى قايدنا لكن نتعب ولى قدام،
نتلاقى فى الرصيف

الاخت الفاضلة تماضر
بعد التحية
حقا الفكرة رائعه بس كيف يمكن تحقيقها مع حفره جهنم الفي السودان
الكل ما ان يذهب الي اجازة حتي ياتي مهرولا ويقول جحيم الكفيل ولا جحيم البشير
لو بقدر بشيل من الزمن عمرى بموت في لحظة واوهب للسودان شقا عمري
مع العتزار للشاعر
وكما قال احمد مطر
الناس ثلاثة اموات في اوطاني
والميت معناه قتيل
قسم يقتلة اصحاب الفيل
وقسم تقتلة اسرائيل
وقسم تقتلة عربائيل
وهي بلاد تمتد من الكعبة الي النيل
والله اشتقنا للموت بلا تنكيل
والله اشتقنا واشتقنا
انقذنا يا عزرائيل

والله يا سونيل
تليت لينا همتنا لى تحت،

مالك علينا؟
مش ياهو السودان الحار البنبردو بى كوز موية بارد من اى سبيل دة ولا غيرو؟
تانى فى شنو؟

تماضر
معذرة للتأخير-غبت لى كم يوم يعنى اسبوع اجى افتش للحلم
بنرجعه فوق وفــــــــــــــــــــــــــــــــــــــوق
دريمزسلامات ماشقت حاجة

شكرا على تسليم نفسك بعد العودة يا اباشكوش،

هل من جديد،
النبض ما توقف
ولاشمعة الحلم انطفت،

على الاقل من اتجاهنا

احلم ..احلم ..وفى خيالك سوى واقع

تلقى نفسك ضاوى بهجة وكم قمر فى سماك طالع

تلقى نفسك زول خرافى قادر يتخطى المواجع

تلقى بكره الجاى اخضر جايب الافراح وراجع


الناس الهنا ..كل سنة وانتو طيبين بتوقيت خرطوم اكتوبر






ابوشاكوش..رسلت ليك تفاصيل ...ما وصلتك!!؟



تسلمو

والله يا اخت تماضر انا خائف لما ترجعي السودان ما حا تلقيحتي الكوز الفي السبيل وبعدين الموية الباردة بيقت عند الباعين في الشهداء والسوق العربي والبلدية ما مريحاهم عموما السودان جميل وخيرو كتير ولكن مع التيران البي تتناطح في الجنوب والشرق دي يعملو ليها شنو دا الانقاذ والحركة الشعبية بقو زي الديوك الاتناطحت وفترت والايقاد عاملة مديدة حرقاني
والله يسوي الفيهو الخير برضو

من زمان ما قلتي ليهم الكلام السمح ده لييي ؟

10.01.2002
انا ما كنته نايم من الزمن داك .. لي يومين بس..

انا حسع بمشي .. وشي ده بغسلو في..شارع النيل.مع الخدرجيهه البجيبو الجرجير من توتي.. 100 عربية كارو بنتظركم
في مطار الخرطوم ..
واحد واحد بحسبكم..
شوفي معاك ناس كندا ديل...

يا سلام عليك تماضر يا سلام.....

برضو انت منو؟

استاذة تماضر
ســـــــــــلامات تاني

سآله خلاص انت ... ومثاله بشكل

خليني أشم نفسي

كان سألتيني تاني معناته ما دايراني ارجع معاكم معناته بننقص واحد ...

انا ماصدقته لقيتكم ..

يــــــ اروع ـــــا نــــــاس

سونيل وتمبس،
انتو ارهابيين ولا شنو؟
اللتنين سكتونى،

للاول اقول
ماطال فى بحرك مى ...
موصول ياسودان

ولتمبس بقول ما بسال من انت منو؟ لكن بقول ليك آخر مرة اتلاقينا وين ومتين؟

السكات .. ما اظنو بعرفك

وانت بتفتشي في البورد من بوست لي باب
عامله كده زي ام الواحد.. حفيانه وتوبه جاري بالواطه وبتدقدق في بيوت الناس.. بتسأل عنم..

ح نرجـــــــــــــــــــــــع
ولا ما ح نرجــــــــــــــــــــــع

هنالك فئتان من المغتربين فئة تغربت بحثا عن دخل اكبر وهؤلاء في الغالب يعودون بعد أن يكونوا قد حوشوا ما يمكنهم من العيش في السودان بعد عمر طويل وهذه الفئة يعيش غالبية منسوبيها في الخليج العربي وهم على صلة شبة دائمة بالوطن من خلال الإجازات السنوية
وهذه الفئة بالقطع غير معنية بالعودة الجماعية التي حلمت بها
أما الفئة الأخرى فهي تمثل الغلبة وهي تلك الفئة التي غادرت السودان بعد الإنقاذ وهؤلاء ما غادروا السودان إلا بعد أن تيقنوا أن مكوثهم في البلد قد أصبح يهدد بقائهم في الحياة أو أن السلطة قد جففت منابع رزقهم حتى أصبحوا لا يستطيعون الكسب الحلال فشدوا الرحال إلى بلاد أخرى منحتهم جوازاتها لكنها بالقطع لا تسطيع أن تمنحهم الانتماء إليها فأصبحوا كالمنبت لا أرضا قطع ولا ظهرا أبقى وهذه الفئة هي التي تعاني حقيقة ويعاني أبناؤها بشكل يومي مما يجعل أفراد هذه الفئة هم المعنيين بهذا الحلم الرائع بالعودة الجماعية لحضن الوطن
ولكن هل يا ترى زالت الأسباب التي اضطرتهم للهحرة الإجابة قطعا بالنفي
ولكن رغم ذلك يبقى حلمك رائعا ومشروعا فالوطن ليس حكرا على تلك الذقون المهترئة وكلنا يستحق أن يعيش فيه بدل العيش في بلاد لا تزال عيون مواطنيها تمتلئ بالسؤال كل أبصرت واحدا منا يحمل جوازا لا يتسق وملامحه

ولك السلام والقيام

دالي

القامة الفنية السامقة تماضر ومازال الحلم قائما

دالى واسامة وابراهيم على،
حنرجع
حندرس وقاعدين ندرس فى اسباب رجوعنا ويادالى النقطة الاخيرة فى نقاشك هى المحرك الاساسى للحلم،
من حقنا نستمتع بوطنا ونعيش فيه،
واحلم احلم

يللا ارح

لقد ازفت ساعة الخلاص،


فلنتوكأ على اكتوبر

ونهش على على بعوضهم

ونركب المستحيل

ونمضى


ارح

الحلم

اكتوبر

ومظاهرات فى جامعة الخرطوم



.............؟


جاهزين؟

يالبت الحديقه انتي من تلاته صباحا صاحيه
الليله ما شغاله ولا شنو نعلك لحقتي مريض البورد الموصلي الله يكون في العون

لالالا
الانترنيت فاتحة طول الليل ، ونحن نايمين
لمن يجينا داخل حرامى بالشاشة دى حتى نتوب، وماشة الشغل هسسسسسسسسسسسسسسسسسسسسسسسسسسسسسه دى

يللا الاقيكم بهناك




الحلمة ما تنوم

فوق فوق

فوق

وب وي وب وبوووووووووووووب اااررححكم

نجم الليل الوصل جميل
ليل الغربة لسة طويل
حلم العودة اوتارو تنادى
نحن مشينا الخطوة الاولى
مشوارنا بيقصر
بكرة بنحكى الشوق للذكرى
نار الريدة الغابت تظهــــــــــــــــر

الشكل فى البورد بيدور ينسينا حلمنا

القامة الفنية تماضر ما زال الحلم مستمرا ولكن هنالك من ينغصون علينا هذا الحلم فسامحهم الله

الحلم واقف فى حد السيف
فى افق الترقب
مستنى نجمة النصر تظهر فى الافق عشان يحتفل
الحلم بدا يوزع
شرايينو على النازفين فى حقل الدم
وبدا يوزع جسمو الحالم فى خيالات الثوار عشان يتوسدوهو
تعويزة وتميمة
ويحرضهم على الوصول،

اهو الحلم زى سفن الموانى بدا يصدح بلحن الوضول وبيارقو ظهرت فى الافق

الحلم فى الم المخاض، قاعد يتولد، وصراخو هسع بشق عتمة الصمت الاتكثف ووقف حيطة بينا وبين غنانا،

الحلم صباح داير يشرق وبلملم فى خيوط الضو والوان الشفق


الحلم زرعة بتشق فى التراب دار تتولد تمرق وترمى ثمارها للاجيال وللتاريخ،

الحلم سيل وكاسح جايى على الجدب والصى يقلبو خصب

الحلم هديرو ونغمو وبكاهو وصراخو وضحكتو وهتافو كلهم بقوا سيمفونية واحدة بيعزف فيها شعب جبار ما غريب عليه الابداع

الحلم جايى ارح نساعدو يبلغ زروتو شيلو المناجل والرماح والشعر وعيون احبابكم ودعوات اماتكم وفرشة الوانكم وعدسات شوفكم ووعيكم وطباشيركم وسماعاتكم ودفاتركم وتعالوا
نساعد الاجساد النحيلة البتعارك لينا فى الغول عشان يجتازوا الصعب

فوق تانى للحلم

..
.
تماضر
سلامات
***
احلف واقول
اصله الفرح أحساس وهم
حاضنه التعيس
غمّض عيونه ونام حلم
واصبح عريس
يعرض ويهز
فى الناس عموم من دون فرز
والليل يسيل رقة ونغم
والسمحة تاهت فى الرقيص
لكنه الصباح
بلقى الِلِم طوبه اتهدم
ويرجع يشيل غُلب الندم
....
هاشمنا
عارفة ساعة بقرا فى البوست الطويل دا
قلت اكيد الحلم تحقق
جاى من السودان وبحلم بالعودة
لكن اصلو الفرح احساس وهم


تحياتى واحترامى
داومى

up

فوق فوق
سودانا فوق

فوق فوق
مريخنا فوق
فوق فوق فوووووووووووووووووووووووووووووووووووووووووووووق
تماضرنا فوق

يا تماضر ممكن الناس ترجع ؟
على العموم مافى نموزج قدامنا
كلهم قالو سنة سنتين وحنرجع
ولحدى حسع مافى زول رجع

فوق فوق
سودانا فوق

فوق فوق
مريخنا فوق
فوق فوق فوووووووووووووووووووووووووووووووووووووووووووووق
تماضرنا فوق

يا تماضر ممكن الناس ترجع ؟
على العموم مافى نموزج قدامنا
كلهم قالو سنة سنتين وحنرجع
ولحدى حسع مافى زول رجع

تبلدينا
دة ما الحلم الوهم
دة الحلم الحق المنزوع


حلوف

حلمنا فوق

Quote: وكـل ما أكون مع نفسي أحوم جواي ألاقي الدنيا مختلفة الاقـي الشمعة والشرفة ألاقي الونسة والعرفة ألاقي النور أمل ضوّاي أنادي الناس وما بفرز وألقى اليمة حبابّـة والــقى العزة في يابا الاقي القلبـهُ ما نسـّاي ألاقي بلادي وترابـها والاقي الإلفة جـوّابة واعود أضحك واقول بــي فرحة شفافة وفوق أحلامي طوافة أنا والله معاي أهلـي وماني براي وايامي غادية ضـُراع وخريفي ما ونـّاي بــرق قبــلي وسيل طرفة

هــذه إضــافة للوطــن يا تماضــر وهـــي جزء من قصيــدة ســانشــرها قريبــاً
حتمـــاً سنلتــقي
في ربـــوع سودانا

قصيدة شفافة وجميلة يابت الخليل
ان شا الله نشوفا مكتملة قريب
وان شالله معناها يكتمل اول




والحلم ياهو اشرق مع الصباح زى الوطن

اجيكم ماني زاير ...... اريت رزقا يغرب سيدو طاير

الرائعة تماضر

هذا ليس بحلم بل يجب ان يكون هدف جميع الموجودين في الشتات ,نحتاج الى نية صادقة وتخطيط دقيق وسليم , وكل ما الغربة طالت العودة بتكون اصعب .... لي قدام

اجيكم ماني زاير ...... اريت رزقا يغرب سيدو طاير
يسوقني الشـــــــــوق

الرائعة تماضر

هذا ليس بحلم بل يجب ان يكون هدف جميع الموجودين في الشتات ,نحتاج الى نية صادقة وتخطيط دقيق وسليم , وكل ما الغربة طالت العودة بتكون اصعب .... لي قدام

الرائعة تماضر

هذا ليس بحلم بل ( هدف ) المفروض ان نسعى جميعا لتحقيقه ولا مستحيل تحت الشمس خاصة اذا انعقدت النية الصادقة والتخطيط السليم المدروس , درب الالف ميل يبدا بخطوة صغيرة وانتي خطيتها

اجيكم ماني زاير ... واريت رزقا يغرب سيدو طاير

يسوقني الشــــــــــــــــــــــــــــــــــــــوق