Post: #1
Title: **قرنــفل دبلوماسية بعدسة سودانية في خط الاستواء
Author: tmbis
Date: 09-29-2003, 09:40 AM
Parent: #0
الكـــاميرون – ياوندي ، دوالا ، قروا ، مروا
شاد – أنجمينا
الجابون – ليبرفيل ، بورتبختيل ، فرانسفيل ، ماكوكو، اويم ، بنين ، كوتوكو
اثيوبيا – أديس
والعديد من الدول الافريقية والعواصم المختلفة كان قد قام بزيارتها موخرا وفي رحلة عمل ، الزميل ، المهندس قرنفل ، وقد استمتع بالاجواء الافريقية والطقوس المختلفة ، ولمس عن قرب التعامل الراقي والمكان المميز الذي يحتله السوداني ..في دول الجوار مؤكدا مكانتنا كشعب مميز .. وصادف في زيارته العديد من التجارب .وكنا خلال الفترة في اتصال مباشر بشتي وسائل التقنية المختلفة ..
من أهم وأطرف الاشياء تجربته مع سودانيز أون لاين والصعوبات التي واجهته .. مع سودانيز وكيف تعامل معها .
اهلا بقرنفل .. مرحبا به من جديد .. وفي إنتظار اشراكنا في تجربته ..الموثقة ..
|
Post: #2
Title: Re: **قرنــفل دبلوماسية بعدسة سودانية في خط الاستواء
Author: Ahlalawad
Date: 09-29-2003, 09:50 AM
Parent: #1
شكرا تمبس
أهلا بالقرنفل - حامل المسك وروح العطور والبخور
الرائع الذي مزج بين الرقي والفن والدبلوماسية
نعم الدبلوماسي وممثل السودان أنت
عموما كنت أفكر في إفراد بوست طريف لتسمية سفراء (من أعضاء البورد) للسودان بعد الاتفاقية
وكنت مفكر في تعيين قرنفل أحد هؤلاء السفراء
لكن - خلاص حرق ذلك البوست ، فهو دبلوماسي أصلا وليس بحاجة لخطاب تعيين من أهل العوض
منه العوض
|
Post: #3
Title: Re: **قرنــفل دبلوماسية بعدسة سودانية في خط الاستواء
Author: ايهاب
Date: 09-29-2003, 09:57 AM
Parent: #2
تسلم يا تمبس
و في انتظار ابن بطوطه
loOooooooooooooooooooooOOOOOOLZ
والله بختو عديل
اها والصور وكدا كمان
بس الحق تم البوست دا سريع لانو تحت تحت كدا انا شميت انو في جوله تانيه من المفاوضات
ود بطول خط الافق ليكم انتو الاتنين
|
Post: #4
Title: Re: **قرنــفل دبلوماسية بعدسة سودانية في خط الاستواء
Author: قرنفل
Date: 09-29-2003, 10:33 AM
Parent: #3
سلام الاخ تمبس
انها ورطة واتمنى ان احكى لكم تجربتى مع افريقيا وما وجدته
بها وكيف يتعامل الناس وما هى نظرتهم لكل جوانب الحياة
واين السودان الان اى موقعه العمرانى والمعرفى والاقتصادى
شكرا اهل العوض ادهشى كلامك وترحيبك
الاخ ايهاب الموضوع طويل وسوف نقدم لك بعض من الصور
وسوف ابدا من تشاد من العاصمة انجاميتا
سوف اتكلم عن ما شاهدته ولكن الان لكم صورة من سوق وسط
العاصمة التشادية
|
Post: #45
Title: Re: **قرنــفل دبلوماسية بعدسة سودانية في خط الاستواء
Author: ibrahim eldeen
Date: 11-29-2003, 06:05 PM
Parent: #4
Goronful
?will you please include South Africa as well
|
Post: #46
Title: Re: **قرنــفل دبلوماسية بعدسة سودانية في خط الاستواء
Author: ibrahim eldeen
Date: 11-29-2003, 06:06 PM
Parent: #4
Goronful
?will you please include South Africa as well
|
Post: #6
Title: Re: **قرنــفل دبلوماسية بعدسة سودانية في خط الاستواء
Author: tmbis
Date: 09-29-2003, 11:17 AM
Parent: #3
انا مش قلت ليك كان فكيتو بيطير يا هوووبا
loOooooooooooooooooooooOOOOOOLZ
اصطتو ليك قبيل أون لاين ..وتاني اختفي
قلت اشرك ليهو با لبوست ده ..لانو بقيت ما عارف اتجاهاتو وين ذاتوو
والله يتم ل البوست ده ..ما يجي يجدع لينا كلمتين بالسنغالي يا بالسواحيلي
loOooooooooooooooooooooOOOOOOLZ
|
Post: #5
Title: Re: **قرنــفل دبلوماسية بعدسة سودانية في خط الاستواء
Author: tmbis
Date: 09-29-2003, 11:03 AM
Parent: #2
هو كذلك هذا القرنفل يا أهل العوض
تنطبق عليهو كل معاني الدبلوماسية
وياريتك كان من اول قلت لينا .. كان برضو رشحناك سفيرا لعموم آل العوض والعليهم العوض .. في الدنيا ام قدود دي
بس حاولو ..دبلسونا معاكم..ان شاء الله سلاخية
|
Post: #7
Title: Re: **قرنــفل دبلوماسية بعدسة سودانية في خط الاستواء
Author: قرنفل
Date: 09-29-2003, 11:30 AM
Parent: #5
سلام للجميع
شكرا يا تمبس على الاغنية
نبدا بى تشاد اولا اللغة التعاملية بين الفرنسية والعربية ولكن الاغلبية فرنسية حوالى 80%
غير اللهجات المحلية ........ اكثر التشاديين يستمعون الى الاغانى السودانية فقد
تجد فى السوق تقريبا كل اشرطة الكاسيت السودانية التشاديين يحبون السودان بشكل
مدهش ........... اكبر جالية موجوده الان فى تشاد هى الجالية السودانية بكل احزانها
وماسيها وافراحها ......... العاصمة التشادية تتلمس طريقها نحو التقدم والازدهار
فهم الان يعملون بجد وادائهم يدل على تقدمهم فى كافة المجالات .
حياتهم الاجتماعية مفتوحة ....الاسلام فى تشاد مدهش وفى تقدم كبير
حكى احد اللذين قابلتهم فى تشاد وقد عرف انى من السودان وفى زيارة الى تشاد
انه تعلم فى السودان وسيظل السودان محفور فى دواخله طول ما هو حى فى هذه
الدنيا فوجدته يعرف السودان اكثر منى......ز كان يردد هذه الجملة كثيرا ان للسودان
فضل عليه.....فهو تكلم عن السودان قرابة التلاتة ساعات متواصلة
ايضا بى تشاد حركة سياحية كبيرة ......نهر شارى ......بحيرة شاد
|
Post: #8
Title: Re: **قرنــفل دبلوماسية بعدسة سودانية في خط الاستواء
Author: قرنفل
Date: 09-29-2003, 11:54 AM
Parent: #7
سلام للجميع
الرحلة من انجامينا العاصمة التشادية الى قروة مرورا بمروة وهما مدينتين فى الكاميرون
السفر كان عن طريق البر فشاهدت هذا المنظر على الطبيعة فما كان منى الا ان اصوره
وهما مدن حدودية مع تشاد.
الكاميرون اللغة التعاملية هى الفرنسية وهناك ايضا لهجات محلية
الناس فى الكاميرون اغلبهم متوسطو الطول
الكاميرون كلها جميلة بكل ما تحمله كلمة جمال
اميز شى شاهدته فى الكاميرون النظافة
لا يعرفون كثيرا عن السودان
|
Post: #9
Title: Re: **قرنــفل دبلوماسية بعدسة سودانية في خط الاستواء
Author: ايهاب
Date: 09-29-2003, 12:33 PM
Parent: #8
قرنفل حبيبنا انا حاقد عليك والله عديل
شفتا المناظر دي براك
بختك والله بالجد
في انتظار المزيـــــــــــــد
تمبس انت لو تابعتا اتجاهاتو حا تتعب شديد والله
اها واصلو
|
Post: #10
Title: Re: **قرنــفل دبلوماسية بعدسة سودانية في خط الاستواء
Author: قرنفل
Date: 09-30-2003, 00:12 AM
Parent: #9
سلام للجميع
اخوى ايهاب ما تخاف سوف نرسل لك منها اتصبر
مدينة قروة هى مدينة صغيرة هناك قابلت سودانيين مقيميين منذ عشرات السنين
ولهم مطاعم وبعضهم اصحاب بقالات على العموم هم مبسوطين للاخر
الكاميرونيين يحبون البهجة بكل تفاصيلها لا يتدخلون فى اشياءك الخاصة
تحس ايضا بان هناك اختيار فيما تريد ان تفعله
العاصمة ياوندى هذه الصور واحده وسط العاصمة والاخرى انا صورتها
من الجانب الغربى من المدينة
كل المدينة تتكون من جبال واودية كلها خضراء
الناس تعاملهم راقى جدا
ايضا مدينة دوالا وهى مدينة ساحلية مع المحيط لها نكهتها وجوها الخاص
حاولت الدخول عدة مرات الانترنت للدخول الى سودانيز اون لاين
ولكن اللغة العربية كانت هى المشكلة
اتصلت بى صديق وطلبت المساعدة ومدى بعدد من البخرات لعلها تفيد
ولكن برضو فشلت بالرغم من ان خدمات الانترنت فى الكاميرون
سريعة جدا ورخيصة جدا
|
Post: #11
Title: Re: **قرنــفل دبلوماسية بعدسة سودانية في خط الاستواء
Author: قرنفل
Date: 09-30-2003, 08:07 AM
Parent: #10
سلام للجميع
العاصمة الكاميرونية جميلة ونظيفة وهادئة
العملة فى كل هذه الدول واحدة
وهى الفرنك الافريقى ويستخدم فى تشاد النيجر الكاميرون
الجابون افريقيا الوسطى وغينيا اكوادوريا ومالى
كل هذه الدول ايضا توجد بها غابات كثيفة
وجبال طبيعة الناس فى الغالب ودوديين
|
Post: #12
Title: Re: **قرنــفل دبلوماسية بعدسة سودانية في خط الاستواء
Author: ترهاقا
Date: 09-30-2003, 09:53 AM
Parent: #11
الاخ قرنفل
حمدالله على السلامة ونورت البورد نشوفك والاخ تمبس قريبا إنشاءالله
ونشوف الصور دى على الطبيعة.
|
Post: #13
Title: Re: **قرنــفل دبلوماسية بعدسة سودانية في خط الاستواء
Author: قرنفل
Date: 09-30-2003, 12:50 PM
Parent: #12
سلام ترهاقا
الله يسلمك البورد منور بى ناسوا
اتمنى انك ما تشوف الصور بس تمشى عشان تستمتع بالطبيعة
وعلى الاقل تاكل خضارات بدون اضافة اسمده ليها
في الطريق من تشاد الى الكاميرون بالقرب من الحدود النيجيرية
فى القرى الصغيرة لفت نظرى وجود النساء مع الصاج
واللقيمات والشاي باللبن على طول الطريق
وكيف تتداخل القبايل الحدودية كل من تشاد الكاميرون نيجيريا
الكاميرون جميلة
|
Post: #14
Title: Re: **قرنــفل دبلوماسية بعدسة سودانية في خط الاستواء
Author: Raja
Date: 09-30-2003, 03:41 PM
Parent: #1
حمد الله على السلامة يا قرنفل،، أحسدك على رؤية التراب (الأحمر)، شكرا تمبس
|
Post: #15
Title: Re: **قرنــفل دبلوماسية بعدسة سودانية في خط الاستواء
Author: قرنفل
Date: 09-30-2003, 04:52 PM
Raja سلام
الله يسلمك شكرا للطلة
بس التراب الاحمر جبتيهو من وين
اليك هذه الصورة وسط الجابون
على فكرة كل الجابون بهذه الطريقة لا يوجد شبر الا وهو اخضر
لكى مهداة هذه الصورة
هذا الطريق وانا من مدينة الى مدينة حوالى اثنى عشر ساعة
غيم مطر نسيم
|
Post: #16
Title: Re: **قرنــفل دبلوماسية بعدسة سودانية في خط الاستواء
Author: Raja
Date: 09-30-2003, 05:01 PM
Parent: #15
قصدت تراب الأرض "الأحمر" .. وما عنيت اي "كتاحة".. شوف الواطة لونها شنو في كل صورك
|
Post: #17
Title: Re: **قرنــفل دبلوماسية بعدسة سودانية في خط الاستواء
Author: قرنفل
Date: 09-30-2003, 11:44 PM
Parent: #16
Raja سلام الاخت
وانا ايضا اقصد انك قلت الصواب فكل الارض هنا لونها احمر او تميل الى
اللون الاحمر وذلك لطبيعة الاراضى الجبلية
غينيا اكوادوريا جميلة للغاية فهى عبارة عن غابة كبيرة وتجد عليها الطابع
الاسبانى اكثر من الفرنسى فى كل شى وحتى سلوكيات الناس
الناس اغلبهم متوسطى القامة يميلون الى النحافه بعض الشى
يتعاملون مع الغريب بشكل جيد للغاية طيبيين سمحين
وهى دولة صغيرة جدا ومطلة على المحيط
وبهذه المناسبة صورة من طرف المحيط
|
Post: #18
Title: Re: **قرنــفل دبلوماسية بعدسة سودانية في خط الاستواء
Author: قرنفل
Date: 10-01-2003, 01:43 PM
Parent: #17
سلام بطول خط الاستواء
بنين ....كوتونو هى ايضا دولة صغيرة مطلة على المحيط
ايضا التعامل البسيط وفى حدود الممكن لا يتدخلون فى
شئون اى شخص يحبون البهجه
الجابون.....ليبرفيل دلة ساحلية مطلة على المحيط
اللغة السائده الفرنسية ايضا كل الدولة عبارة عن غابه كبيرة وجبال
الناس طيبون سمحون بتعاملون معك وكانك منهم لا يفرقون فى التعامل
بين الناس هنا نموزجين للصور فى الجابون
واحدة فى مدينة اسمها ماكوكو
والاخرى فى رحلة سياحية بى باخرة من مدينة ليبرفيل الى مدينة بورت جنتيل
وكلاهما مدن ساحلية مطلة على المحيط
|
Post: #19
Title: Re: **قرنــفل دبلوماسية بعدسة سودانية في خط الاستواء
Author: ايهاب
Date: 10-01-2003, 05:32 PM
Parent: #18
قرنفل شكرا على الامتاع والله شوقتنا
بالمناسبه الناحيه الامنيه كيف
لانو دي اهم حاجه
بعدين عايزين شرح لي بحبو البهجه دي
و ينن المزك الموعودون به
شفتا الطمع دا كيف
loOoOoOOoOoOoOoOoOlz
تحيه بطو ل ا طول شارع الزلط مر عليك
|
Post: #20
Title: Re: **قرنــفل دبلوماسية بعدسة سودانية في خط الاستواء
Author: قرنفل
Date: 10-02-2003, 00:55 AM
Parent: #19
سلام الاخ ايهاب
الناحية الامنية جيدة للغاية بس يمكن الاعلام ضعيف فى هذه الناحية
انا مشيت ورجعت بشكل جيد دا دليل كافى
|
Post: #21
Title: Re: **قرنــفل دبلوماسية بعدسة سودانية في خط الاستواء
Author: artiga
Date: 10-02-2003, 01:18 AM
Parent: #1
قرنفل
حمد الله على السلامه
وحقيقه رحله تحسد عليها
فى اراضى افريقيا البكر
كل الود
|
Post: #22
Title: Re: **قرنــفل دبلوماسية بعدسة سودانية في خط الاستواء
Author: قرنفل
Date: 10-02-2003, 01:39 AM
Parent: #21
artiga سلام
شكرا لطلتك واكيد الحساد كتيرين واولهم ايهاب
وصاح ارض افريقيا بكر ولا زال امام الانسان الافريقى يطويعها ولكن تحتاج منه
الى اشياء كثيرة منها الاقتناع بانه انسان يمكنه ان يفعل ما يفيده ويفيد
وطنه وبعد اتمنى لى افريقيا ان تنمو وتزدهر
ما رايته فى افريقيا يحير حقيقة
نحن فى غيبوبه
وكفى
|
Post: #23
Title: Re: **قرنــفل دبلوماسية بعدسة سودانية في خط الاستواء
Author: قرنفل
Date: 10-03-2003, 11:43 AM
Parent: #22
سلام للجميع
تقريبا كل الدول الافريقية تتشابه فى كثير من الاشياء
ولكن ما يميز بعضها النظافة وتعامل الناس
ومن خلال احتكاكى بهم وجدت ان افريقية السودان اكثر من يتخيل اى انسان
فالسودان افريقى اكثر من ما هو عربى بل تحس بانه افريقى مئة بالمئة
اما عن ان السودان متقدما على الدول الافريقية الاخرى
فهذا ضرب من اكاذيب كثيرة فالواقع عكس ذلك
................................................................
الجابون..... مدينة ماكوكو وهى مدينة صغيرة فى الحدود مع
الكنغو مدينة هادئة اهلها طيبون تمتاز بانها نظيفة جدا
اذا طلبت مساعدة تجدهم يهبون الى مساعدتك
يوجد بها ايضا عدد من السودانيين مقيميين قبل عشرة الى خمسة عشرة سنة
|
Post: #24
Title: Re: **قرنــفل دبلوماسية بعدسة سودانية في خط الاستواء
Author: قرنفل
Date: 10-03-2003, 02:52 PM
Parent: #23
سلام للجميع
مدينة ماكوكو هى مدينة جذابه لطبيعتها الساحرة
يتعامل معك فيها المسيحى مع المسلم مع اللا دينى
بشكل طبيعى وجيد فعلا تشوف فيها تعامل وتمازج
الاديان لا صراعها
الجابونيين اناس يمكن التعامل معهم بل يمكن ان
تعيش معهم ووسطهم بدون ان تحس انك غريب منهم
|
Post: #25
Title: Re: **قرنــفل دبلوماسية بعدسة سودانية في خط الاستواء
Author: قرنفل
Date: 10-04-2003, 01:29 PM
Parent: #24
سلام للجميع
مدينة اويم بالجابون وهى مدينة صغيرة جدا
فى الحدود مع الكاميرون وغينيا فى الركن يعنى
من اطيب القبائل التى وجدتها فى كل الجابون
نموزج لى شارع بالمدينة ونموزج لى بيت من هذه
المدينة
وهى تصنف على انها قرية
|
Post: #26
Title: Re: **قرنــفل دبلوماسية بعدسة سودانية في خط الاستواء
Author: قرنفل
Date: 10-06-2003, 03:09 PM
Parent: #25
سلام للجميع
هذه هى الرحلة من العاصمة الجابونية ليبرفيل الى
مدينة او ميناء بورتجنتيل عبر المحيط ومدة الرحلة
حوالى اثنى عشر ساعة داخل المياه
|
Post: #27
Title: Re: **قرنــفل دبلوماسية بعدسة سودانية في خط الاستواء
Author: قرنفل
Date: 10-12-2003, 07:34 AM
Parent: #26
سلام للجميع
المراءة الافريقية تعمل فى كل المجالات الحياتية
وما لفت نظرى فى الجابون فهى تقود باصات نقل المواطنين داخل المدينة
|
Post: #28
Title: Re: **قرنــفل دبلوماسية بعدسة سودانية في خط الاستواء
Author: tmbis
Date: 10-12-2003, 07:50 AM
Parent: #27
قرنفل
الكلام...
ده في الجــــابون ؟؟
|
Post: #29
Title: Re: **قرنــفل دبلوماسية بعدسة سودانية في خط الاستواء
Author: قرنفل
Date: 10-12-2003, 08:33 PM
Parent: #28
دى افريكا ياتمبس
لك رائحة القرنفل والابنوس والخلاسيات
ايها المملوء عشقا بى زنزبار
|
Post: #30
Title: Re: **قرنــفل دبلوماسية بعدسة سودانية في خط الاستواء
Author: ايهاب
Date: 10-13-2003, 08:43 PM
Parent: #29
العزيز قرنفل
مازلنا في انتظار المزيد من السرد والصور
يا ريت لو كان في طريقه للمزازيك
تمبس اعمل لينا كم حاجه كدا نحفظا على الاقل
كل الود والتحايا
|
Post: #31
Title: Re: **قرنــفل دبلوماسية بعدسة سودانية في خط الاستواء
Author: tmbis
Date: 10-13-2003, 09:08 PM
Parent: #30
المهم ياهوبا ..الزول ده فكيتو انا..وتاني طاير .. شال شنطتو وحاجاتو
|
Post: #32
Title: Re: **قرنــفل دبلوماسية بعدسة سودانية في خط الاستواء
Author: ايهاب
Date: 10-13-2003, 09:38 PM
Parent: #31
تسلم يا تمبوسه مردوده ليك في الافراح والليلالي الملاح
و للعزيز قرنفل خالص التمنيات يسافر و يجينا بالسلامه
و يجيب لبنا معاهو الضور والمزك والحكايات
كل الود والتحايا
|
Post: #33
Title: Re: **قرنــفل دبلوماسية بعدسة سودانية في خط الاستواء
Author: قرنفل
Date: 10-16-2003, 11:00 AM
Parent: #30
الاخ ايهاب
لك التحية وسوف اواصل فى التعريف بافريقيا
وهى مليئة بالجماليات
|
Post: #34
Title: Re: **قرنــفل دبلوماسية بعدسة سودانية في خط الاستواء
Author: شدو
Date: 10-16-2003, 12:07 PM
Parent: #33
شكرا لك ياتمبس على هذا البوست الرائع حقا
والتحية للمهندس فرنفل وهو يقدم هذا العمل الرائع فنحن فى حاجة
ماسة لمعرفة هذه القارة المظلومة والتى لاتذكر الا عند المجاعات
والحروب والاقتتال والصراعات 0
فى انتظار المزيد
|
Post: #35
Title: Re: **قرنــفل دبلوماسية بعدسة سودانية في خط الاستواء
Author: قرنفل
Date: 10-17-2003, 08:47 AM
Parent: #34
سلام الاخ شدو
حقيقى عبرت عن القارة بصدق فهى مظلومة
هذه الصور جزء بسيط جدا من الحقيقة فالقارة الافريقية بديعة
ولكن اهلنا فى افريقيا لا يعرفون هذا الابداع الطبيعى
|
Post: #36
Title: Re: **قرنــفل دبلوماسية بعدسة سودانية في خط الاستواء
Author: Elmosley
Date: 10-17-2003, 01:52 PM
Parent: #1
مرحب ياقرنفل وفي انتظارك
|
Post: #37
Title: Re: **قرنــفل دبلوماسية بعدسة سودانية في خط الاستواء
Author: haneena
Date: 10-17-2003, 02:37 PM
Parent: #36
مرحب بقرنفل
انا البوست دة اتاوق ليهو من زمااان
هسع غلبني السكات
روعة والله يا قرنفل
فعلا افريقيا الخلابة البكر(الي حين)
انا متاكدة ستطالها ايدي الشركات العالمية والGlobulisation
ويملئونها بالزراعات المضرة والGenetically Modified Food
والذي ثبت انه يضر بالبيئة كضرره بالانسان والحيوان
الا اذا تنبه لها ابناؤها و قاوموا هذا الغزو
والله شوقتني للسفر لهذه الاماكن الجميلة في الاجازة هربآ من الشتاء القارس هنا
شكرآ تمبس
|
Post: #39
Title: Re: **قرنــفل دبلوماسية بعدسة سودانية في خط الاستواء
Author: قرنفل
Date: 10-20-2003, 08:42 AM
Parent: #37
سلام haneena
لكى الشكر واتمنى ان تزورى هذه الدول فهى رائعة جدا
هذا جانب من سوق خضار فى ليبرفيلوهو سوق شعبى
|
Post: #38
Title: Re: **قرنــفل دبلوماسية بعدسة سودانية في خط الاستواء
Author: قرنفل
Date: 10-20-2003, 08:33 AM
Parent: #36
سلام الاستاذ الموصلى
لك التحية
افريقيا حباها الله بطبيعة رائعة وخير وفير
هذا جانب من سوق شعبى فى العاصمة الجابونية ليبرفيل
|
Post: #40
Title: Re: **قرنــفل دبلوماسية بعدسة سودانية في خط الاستواء
Author: ايهاب
Date: 10-20-2003, 08:47 AM
Parent: #38
العزيز قرنفل
والله عذبتنا عديل
اسمع ما عايز ليك مرافق شايفك بتستف في الشنط
اها طبعا عارفني المره دي عايز منك تصور شنو وين
loOoooOoOoOOooOoooooooooolz
تمشي وتجينا بالسلامه
|
Post: #41
Title: Re: **قرنــفل دبلوماسية بعدسة سودانية في خط الاستواء
Author: قرنفل
Date: 10-20-2003, 03:25 PM
Parent: #40
سلام ايهاب
والله تكون معاى مرافق اكيد جميل
ما عندك مشكله الصور المرة دى ما حاقصر معاك
كدى اتصبر بى صور من فرانس فيل
دى مددينة وسط الجابون وتعتبر المدينة التانية بعد العاصمة
|
Post: #42
Title: Re: **قرنــفل دبلوماسية بعدسة سودانية في خط الاستواء
Author: ahmed saeed
Date: 11-29-2003, 04:04 PM
Parent: #41
سلام للجميع
سوف اواصل فى افريقيا
اذا سمحت الظروف الائتمانية
|
Post: #43
Title: Re: **قرنــفل دبلوماسية بعدسة سودانية في خط الاستواء
Author: إسماعيل وراق
Date: 11-29-2003, 04:13 PM
Parent: #42
قرنفل سابقاً
أحمد سعيد حالياً
التحية لك في حلك وترحالك
|
Post: #44
Title: Re: **قرنــفل دبلوماسية بعدسة سودانية في خط الاستواء
Author: Tumadir
Date: 11-29-2003, 04:35 PM
Parent: #43
دة والله ، لعمرى، بوست متحضر وراقى
الواحد لقى نفسو بخجل لانه افريقيا دى خلونا بى سبب المناهج والاعلام..نعيش فيها جسدا لاروحا...وما نعرف عنخا الا اشتات معرفه...
لمن الواحد يطلع من الضجيج العربى الفى السودان دة ...حتى يقدر يسمع صداه فى افريقيا...ويتلمس ملامحو فى ناسها...
اهنئك قرنفل على التجربه الثره...والمعرفه المرئيه الملموسه لجمال هذه القاره فواحه العطر المتاصله فى القدم والسماح...
ولتمبس التحيه...
مع انه ما رفع اضانو الا سكسك شعر بت الجابون
|
Post: #47
Title: Re: **قرنــفل دبلوماسية بعدسة سودانية في خط الاستواء
Author: ahmed saeed
Date: 11-30-2003, 10:45 PM
Parent: #44
سلام للجميع
سلام ibrahim eldeen لم ازور جنوب افريقيا بتمنى انى ازورها
اسماعيل وراق ..... كضبا كاضب
الاخت تماضر.... هناك الكثير من الاشياء والمدهش ايضا منها
افريقيا زاخرة بالجمال ولكن كيفية ابراز هذا الجمال
هى الاشكالية الافريقية
تمبس لمن قال كده قلنا ليهو تعال شيل السكسك
قال لا هو عاوز يمشى......
|
|