تــساؤل

الصمت يغلف احشاءنا
تترقب المدن انطلاق اصواتنا
تتاهب الازقة.. و الشوارع
تخرج آهاتنا حبلى بجرح التائبين
و لا جديد
الى متى تظل مراتبنا متسخة
و اوراقنا ضائعة
الى مـتى يظل ابطالنا شهداء و موتى
و أقزامنا طويلى القامة
الى متى؟
يغلفنا صمتنا
و يقتلما عمرنا
الـــى مـــتى؟؟؟

ان الفجر ليس ببعيد

?

washeekan yarsumu el summaru sharkhan fee jabeen el sharq

washeekan sharnaqat el 3umri 3an fajre el sibaa tanshaq

M.E.Ibrahim.

غدا ستشرق الشمس

لا بد من صنعاء وأن طال السفر

والله لا في صنعاء ولا من يحزنون .. كلّو سفر .. وبعدين أنا بحب السفر .. شنو يعني لو الواحد بقى حياتو كلها مسافر؟ وبعدين يا خواننا الداير السودان أهو داااااك .. والله اي زول داير يمشي يمشي وما في اي قرد ح يعترض طريقو .. خلونا من الكلام الغريب ده

أنا مسافر كده غايتو .. وبحب السفر وبحتار في الناس البيبكوا ديل!! تبكوا على شنو؟ وشروق شمس شنو؟ غداَ شنو .. والله العظيم نحن ديل الله يهدي سرّنا ساي لكن في جوطاتي دي كلها في العالم ما لقيت ناس مثقفاتية زينا

يازول انا ما داير صنعاء دي تب .. هدا طرفي منها

ود الخاتم .. ما تقوم تزعل مني وتقول كلامي ده داير اغيظك بيه .. علي الطلاق لا وستين لا .. بس روحي حرقتني ياخي .. اي واحد يكتب لينا عن المرافئ .. وواحد عن المدائن الحلم .. وواحد عن المطارات والنزوح .. وواحد عن البنفسج .. وواحد عن هجرته العشرينية مع انو ما في اي زول شغال بيه لو رجع السودان أو رواندا!!!! ه

ياخي والله حاجة تجيب المغص .. غايتو انا ما لاقوني ناس بنفسجيين زي السودانيين ديل .. اي واحد ركب ليه مركب قاطعها من راسو .. ويتوجع بطريقة غريبة على الوطن والنزوح والهجرة القسرية!!! علي بالدين 90% كضابين ودجالين .. لانو الباب فااااااتح للسودان وللاي حتة الواحد عوز يمشي ليها. سيبونا من التهويم الذي لا يجلب غير المرض النفسي

انا مسافر .. واحلى حاجة اني أكون مسافر .. السفر ده الأمم كلها بتستمتع بيه وانا مستمتع بيه .. بس بتبوظوه علي بحكاية المنافي والمرافي دي .. الواحد يجي يبكي ويقول ليك الحكومات الدكتاتورية!!! وهو تلقاهو طلع من السودان من عهد الانجليز

أيها الشعب البنفسج .. انت شعب فارغ .. لا أعني الشعب تحديداً .. بل أعني مثقفيه ومثقفاتيته ومتعلميه . .. الشعب أوعى من متعلميه .. والله هذه حقيقة

قال بنفسج ووجع المرافئ وحمى الدريس. ياخواننا اقعدوا في التراب ده أول حاجة .. ملعون أبو السودان لو ما قعدتو في التراب ده وخليتو التهويمات الما عندها معنى دي

ود الخاتم .. والله أنا حقرت بالبوست بتاعك ده قلت اتفشّ فيه بس .. أها ما تاخد فيها حاجة
ولك الود

يا ناس هيييييييي .. والله انتو ناس عديمين شغلة.السودان مفتوح اي واحد عامل فيها خلاص الحنين ملكو يركب اقرب طيارة ويسافر. أها ما تقولوا لي الجبهجية والانقاذ: دي انتهت . . والله كايسين ليكم بالقروش

انا عاوز أغير جنسيتي دي لصيني .. في طريقة؟

يا اخوي شانتير انت الظاهر عليك راكب قطر كريمة

قال عايز يغيير جنسيتو لي صيني يا اخوي استعجل واعملها عشان تجيب ليهم ......... ولا بلاش

هههههههها يا حمزاوي .. يازول أنا ما بجيب سارس ولا ايبولا. يمين السارس الراكب السودان ده أخطر من السارس الصيني
الله يديك العافية .. ويوصلني كريمة .. وبالمناسبة أنا لو اشتقت لكريمة والله من باكر دي اقوم اركب اقرب طيارة وامشي كريمة واجي راجع للسارس بتاعي ده .. بدون اي هلاويس لغوية. الشعوب يا حمزاوي ما بنت نفسها بالكلام الهباب البنسمعو نحن من مثقفاتيتنا .. بنوها بطرق اخرى .. أها بقى خليهم يعرفوا الطرق الاخرى دي

يا حليل كريمي يا حمزاوي .. يا كريمي أنا جاييكي

سلام لكل من اعلن شوقه هنا
و لكل من اعلن تفاؤله هنا
اما انت يا شنتير المجنتر
لك الياسمين
اما بعد: انه ليس انديحا كما تعتقد انتو انا راجع بس عندى اشكال بسيط: القى لى انت شغل هناك , اى حاجة و ما فى مانع
انت فاكر انو غربتنا دى عاجبانا
و لا تفتكر احنا بس مجبورين
منو اصلا الفكر انه يسافر و يغترب
صدقنى ولا زول
لكن المعايش جبارة
و الحرية برضو مطلوبة
ملاحظة: فشة خلقك برضو ظريفة و الياسمين تانى ليك

طيب يا ود الخاتم .. الشغل خارج السودان مالو؟ انا شايف انو عادي الواحد يشتغل ويندعك برة السودان ده لمن زيتو يطلع .. وبرضو بدون موانئ ولا مرافئ ولا بنفسج. ياخي هنا في جزر سليمان الأنا عايش فيها دي .. الصينيين بيمثلوا قريب تلاتين في المية من السكان الأصليين .. والهنود قريب عشرين في المية .. وفيهم ناس عايشين هنا من سنة صفر هجرية .. ومعظمهم أكيد هاجروا لأسباب اقتصادية زي ما كتير مننا سافر للاسباب دي زي ما انت قلت عن حالتك .. لكن والله ما سمعت لي زول في جزر سليمان دي بيتكلم عن البنفسج ولا الموانئ ولا الرحيل ولا الهلوسة بتاعة الافندية بتوعنا ديل. ياخي نحن مثقفاتيتنا ديل ببثّوا فينا ثقافة خانعة مهزومة مفصومة تافهة مثبّطة .. الواحد فيهم لا يبدع إلا في فن البكاء وغرائب المفردات اللغوية الممزّعة. أحسن أبقى صيني والله لأن الصينيين يجيدون فن الحياة .. في الغربة بيكونوا عارفين مفروض يعملوا شنو .. يشتغلوا ليل نهار عشان يعملوا العاوزينو. أها قول لي ناس البنفسج بتاعننا ديل في طريقة عندهم للشغل؟ والله ناس عواطلية جينياً وذهنياً. ياخواننا القادر يقول كلام يحمّس بيه الناس فمرحباً .. أما الكلام التهويمي .. الذي يشجع على الهروب .. فلا والف لا
يا سيدي .. أنا بعرف شباب مفتونين بالبنفسج .. هل تتخيل انهم بيتمنوا يتسلط عليهم اي سلطان يعذبهم عشان يعانوا عذابات تروتكسي؟
علي بالدين .. مثقفاتيتنا أكبر موهومين الله أوجدهم على ظهر هذه البسيطة. وعشان أثبت ليك وهمهم وانفصامهم وانكسارهم تجاه العالم الغربي: أسأل اي واحد قول ليه بتعرف كم واحد صيني وكم ياباني وكم فيتنامي وكم اندونيسي نال جائزة نوبل في الأدب أو في أي شيء حتى؟ ونوعية كتابة هؤلاء الادباء؟ وكم واحد نال جائزة نوبل في اي شيء؟ أسأل!!!!ه انت براك شايف هنا في البورد .. البنفسج .. ما في اي زول كتب عن اي ظاهرة أدبية في اي دولة . لا في افريقيا ولا في آسيا .. مع ان هناك كثيرين في هاتين القارتين نالوا جائزة نوبل في الأدب بالذات .. وبدون أي بنفسج

الأخوة البنفسجيون .. والله انتو ناس محبِطين ومحبَطين .. بالجد محبِطين .. ومفروض الواحد يبعد أطفالو عنكم .. حتى لا تصيبه العدوى. يجب على الانسان أن يكون متفائلاً .. لكن التفاؤل ليس من نصيب الخاملين أصلاً .. ونحن اشتهرنا بالخمول بين الشعوب بسبب خاملين محدودين بنفسجيين

أها يا ود الخاتم .. أنا لقيت البوست بتاعك ده مناسب جداً عشان اتنفس فيه .. فمعذرة .. وإن أردتني أن أتركه فقل لي .. وسوف أتركه للبنفسجيين
ولك الود .. وخالص التحايا

اسامة الخاتم

لك التحية وبعد اذنك

زح لي من ود شنتير ده شوية

يا اخي مالك حامي الناس تتنفسج
في احسن من النفسيج عليك الله كدي عاين لي اللون ده

ما هايم بين لونين

زمان ود عمنا جاء شارد من الخرطوم كان مكري في دكان وجاء راجع البلد نصصصصصصصصصصة نهار

اها يا الجود جيت راجع مالك عمك شاكلك قال لا
جيت مشتهي حبوبتي بتول

فالناس مشتهية حبوبتها بتول لكن ما قادرين يقرروا