Post: #1
Title: تماضر يا اقحوانة المحنة.. نشتاق طلتك
Author: Ishraga Mustafa
Date: 09-18-2003, 09:34 PM
Parent: #0
مرات بدخل الحوش
وبدخل لجوه
وجوه اخوانى الحميمة تملانى بالطمأنينة
واخواتى
وبت قضيم
وشيرى يضحكونى من جواى المهترىء
الجندرية تصحى فينى جذوة البحث التى لاتهدأ
مايا وندى امين يرصفن معى الدروب الوعرة
بيان تنفش ريشها الجميل وترش نارا لاتحرق وترتاح يومين وتنفشوا تانى بطيبة وشراسة
لنا مهدى تنفض عنى تعب الحروف القاسية
ميرفت حنينى الدائم
رقية والحرف الذاهى
دومة امرأة من رحيق الشمس
بنات العباسى حنينات ومجتهدات
ومعليش لباقى عقدنا الفريد
لكن مرافىء محتجة وانتن سارقاتنى منها
لكن قولوا لى ووين اقحوانتنا الفريدة
تماضر
الا تفتقدن حرفها
وودفئها
ومنطقها
وحنانها
والله انا فاقده ومحتاج ليهو
وانتن كمان
لنبحث عنها والا لا تعتبن على هديج الروح
ام مرافىء
|
Post: #2
Title: Re: تماضر يا اقحوانة المحنة.. نشتاق طلتك
Author: Outcast
Date: 09-18-2003, 09:56 PM
Parent: #1
We really miss her...
|
Post: #3
Title: Re: تماضر يا اقحوانة المحنة.. نشتاق طلتك
Author: bayan
Date: 09-19-2003, 06:03 AM
Parent: #2
| Quote: بيان تنفش ريشها الجميل وترش نارا لاتحرق وترتاح يومين وتنفشوا تانى بطيبة وشراسة |
لوووووووووووووووووووووول
يا اشراقة طلعتينى اى كلام
انا هنا باسس وبعبد فى طريق انه الناس ما تستهدفك وتقلل من قيمتك عشان ما عندك كوم وعشان ما مشهور و عشان ما رأجل
ضد الحقارة الذكورية و الحقارة الشللية
والحقارة الاستعلائية لانك راعى
ما قاعدة انفش ريشى الجميل ساكت
و اقذف نارى الباردة ساكت
المسألة لدى مسألة
وجود
وبما اننى ابدا لا ابادر بالشر لكن برضو ما بفوت حاجة صغيرة ولا كبيرة
اذا اتحدفت على ودى ما بتخلينى منفوشة على الفاضى
وما بس انتو المهتمين بوضع المرأة السودانية المغلوبة على امرها
مرقتينى من ناس قضية المرأة و مرقتينى من البحث العلمى
خليتينى رباطية
على العموم مشكورة جدا طبعا دا رأيك انا من صغيرة عودتا نفسى أحترم الرأى الاخر
واقدره
واقبله قبولا تاما
|
Post: #4
Title: Re: تماضر يا اقحوانة المحنة.. نشتاق طلتك
Author: عشة بت فاطنة
Date: 09-19-2003, 06:56 AM
Parent: #1
غايتو يا بيان واشراق ما بقدر على المحاجزة من الصباح بس حاقول صباح الخير واضم صوتى للسؤال عن تماضر صراحة البورد دا يتيم من غير ها وانا ايتم واحد وينك يا تماضر انا جيت من السودان وما سالت عنى لاتلفون ولا مسنجر ولا طلة في بالبورد ترد الروح ورينا وين دروبك .
|
Post: #5
Title: Re: تماضر يا اقحوانة المحنة.. نشتاق طلتك
Author: bayan
Date: 09-19-2003, 08:10 AM
Parent: #4
لا يا عشة هى ما حصلت للحجازة
اى زول يقول رايه
وهى قالت رايها وانا قلتا رأى والموضوع خلص لا حجازة لا غيرو
انا ذى الدينكا حربتى ما بضرب بيها زول من قبيلتى
|
Post: #6
Title: Re: تماضر يا اقحوانة المحنة.. نشتاق طلتك
Author: ميرفت
Date: 09-19-2003, 12:34 PM
Parent: #5
ام واصل ازيك ، وكل سنة وانتي اكثر اشراقا وحنية
طبعا مفتقدين تماضر
الزولة الحريفة ، اللامة الناس
حريفة لغة ، وحريفة ذوق
شجرة ظليلة ، وثمارها للكل
تماضر دي زي نسمة جاية من البحر
تذكرك انك كائن حي
وتملاك حيوية ، وتحببك في الحياة
طبعا مفتقدنك يا ام سارية
لأنك بتجي باصالتك ديييك
زي جارات مارقات لى صفاح
او بيريك نجاح
او ساعة حزن
نرجوكي ، ما تغيبي اكتر من كده
|
Post: #7
Title: Re: تماضر يا اقحوانة المحنة.. نشتاق طلتك
Author: Ishraga Mustafa
Date: 09-19-2003, 03:02 PM
Parent: #6
بيان يا ذات الريش الجميل المنفوش
لم اعنى مطلقا ما فهمتيه فكيف اطلعك كلام ساكت؟
كيف لم تصلك الرسالة بان ليس الكل يتستطيع نفش ريشه بطيبة وشراسة
لك اضافاتك التى لا ينكرها احد
فيكف اعمى عن ذلك يا رحمة الروح؟
كل كا عنيته بان العصفور الحنين الجواك يتحول الى صقر ذات ريش صلب يدافع عما يؤمن
بشراسة طيبة
شكرا لردك لانك اضفتى لى جديدا
هو انك حساسة
ودة قدر كل النساء فى الطريقة التى يبدعن بها
طيب الله خاطرك
ولنبقى من الدينكا، تعبير جميل وفى مكانه
تسلمى وترجع لينا تماضر
ام واصل
|
Post: #8
Title: Re: تماضر يا اقحوانة المحنة.. نشتاق طلتك
Author: Tumadir
Date: 09-19-2003, 11:34 PM
Parent: #7
الحبيبة شروق
آوت كاست
عشة بت فاطنة
ميرفت
شغلتنى منكم مشاغل الدنيا بس
التعب والكمبيوتر الكعب
بكتب ليكم هسة بالقطاره
بجيكم لما احفظ الف با تا ثا بالكيبورد الجديد دى
وتعالى يا بيان
مالك بتنفشى ريشك فى اقحوانتى؟؟؟
المهم يا جميلين انا بخير وصحة جيدة...ولا افقد شىء سوى مشاهدتكم الغاليه
وحمد الله على السلامة يا شوشة...حقك على..
اشراقة يا ماهلة.... بجيكم
|
Post: #9
Title: Re: تماضر يا اقحوانة المحنة.. نشتاق طلتك
Author: HOPEFUL
Date: 09-20-2003, 00:12 AM
Parent: #8
يا زوله بالقطاره لشنو؟؟
عشان مشتاقين متغلين؟
تعالوا يا الحلوين
تعالوا راجعين
نحن وهم وهن مشتااااااقين
مع انو البوست اشراقه فيهو اتجندرت
بس بنقول ليها شكرا للبحث عن الجميل
يا جميل واصيل
|
Post: #10
Title: Re: تماضر يا اقحوانة المحنة.. نشتاق طلتك
Author: مارد
Date: 09-20-2003, 07:29 AM
Parent: #9
لم أكن مشمولا بالدعوة .. ولكن مع ذلك اقتحمت البوست عنوة لأقول
العود .. تماضر
عناقيد حب
وورد وأزاهر
ورائحة فُل وأريج عاطر
|
Post: #11
Title: Re: تماضر يا اقحوانة المحنة.. نشتاق طلتك
Author: الزنجي
Date: 09-20-2003, 08:05 AM
Parent: #1
لية الجفا دا تماضر
فى انتظارك
فى انتظارك
فى انتظارك
ولك كل الود اشراقة
|
|