Post: #1
Title: الليسن وما ادراك ما الليسن
Author: zola123
Date: 09-12-2003, 04:38 PM
اول شي قولوا مبروك
اخيرا اخذت اللييييسن
والليسن بلهجة الاماراتين بتخفيف الام وفتح السين يقصدون به رخصة القيادة
وساترك لبورداب الامارات وخصوصا ابوظبي ليشرحون لكم صعوبة الحصول عليه
طبعا المقدمة دي عشان مافي زول يقول لي يا داااابك يا زولة اخدتي الرخصة
انا ذنبي شنو, ما كنت فاضية في السنوات السابقة
شفتوا الزولة المهمة دي؟
طبعا مستعدة اسمع كل التعليقات
وما مشكلة المهم بقى في جيبي
ويا شوارع ابوظبي جاكي بلا
تحياتي
زولة123
|
Post: #2
Title: Re: الليسن وما ادراك ما الليسن
Author: رقم صفر
Date: 09-12-2003, 05:14 PM
Parent: #1
يقال ان رخصة القياده للمراة تعني
(ادقشي الناس وقولي ليهم سوري )
يازوله الف مبروك ، ما نسمعه هنا عن الرخصة في الامارات وصعوبة
الحصول عليها يجعلنا نعشم في انك تعزيمينا علي الضبيحه
وطالما ما عندك رخصة ما تهتمي ادقشي سوري ادعمي وقولي معليش
|
Post: #48
Title: Re: الليسن وما ادراك ما الليسن
Author: saif elnasr elmubarak
Date: 09-16-2003, 01:43 PM
Parent: #2
مبروك يا زولة والف مبروك لا لا بل مليون مبروك
الرخصة فى ابوظبى بالجد تسل الروح سل
لكن المهم انت اشتريت العربية ولا لسة؟؟؟.
انصحك لله كدة
اوعك من تمويل البنوك ، والعربات الكورية ،،
تمويل البنوك بشيل المرتب
والعربية الكوريه بتشيل الروح
______
واشكرك جدا لانك خليتى رقم صفر يكتب فى البورد بعد طول غياب
والله ليكم وحشة يا رقم صفر وناس الدوحة عموما
______
وتحياتى الخالصة يا رقم صفر توصلها الى الرائع ود رملية
|
Post: #3
Title: Re: الليسن وما ادراك ما الليسن
Author: abas
Date: 09-12-2003, 05:30 PM
Parent: #1
العزيزه زوله
الف مبروك الرخصه ويديك خيره ويكفيك شرها انشاء الله
ومنو القال انها صعبه ده بس لانو السودانيين متعودين علي سواقة الخرمجه في السودان لكن الواحد لو اخد تدريب تمام بينجح علي طول عموما انا جبتها في مرتين
|
Post: #4
Title: Re: الليسن وما ادراك ما الليسن
Author: zola123
Date: 09-12-2003, 05:53 PM
Parent: #1
رقم صفر
شكرا كميات
وما عندك مشكلة في الضبيحة
انا الباسمعه عن سواقة النسوان انهم بسوقوا لقدام بس
يعني الواحدة من ما تقول ليها اعملي باركنج بالخلف تنزل وتخلي راجلها يركن العربية
انشاء الله ما نكون منهم
عباس
الله يبارك فيك
وياخي ما تفضحنا
نحن لا سقنا في السودان ولا بره السودان يعني على الزيرو
انا اربع مرات مش كويس كدة؟
بابا قال حاكون متطمن انك بتسوقي كويس حسي
اكتر من لو اخذتي الرخصة من السودان
يا جماعة شنو مهنين اتنين بس؟
يعني ما نضبح؟
تحياتي
زولة123
|
Post: #6
Title: Re: الليسن وما ادراك ما الليسن
Author: ghurba
Date: 09-12-2003, 06:02 PM
Parent: #4
sorrrrrrrrrrrrrry
|
Post: #5
Title: Re: الليسن وما ادراك ما الليسن
Author: Hozy
Date: 09-12-2003, 05:58 PM
Parent: #1
الزولة اللذيذة زولة
ويينك مختفية
ده كله بتتدربي لليسن ولا شنو
ياستي الف مبروك
في حاجة اسمها دوار بتقيف للناس في نص الشارع
اوعكي تشوتيها يوم
طيب
الله يحفظك
ويكفيك شر المرور
تمنياتي
|
Post: #7
Title: Re: الليسن وما ادراك ما الليسن
Author: ghurba
Date: 09-12-2003, 06:03 PM
Parent: #5
sorry , i dont know what happen , tani mabroooooooook!
مبروك Zola 123
..بقينا ثلاثه الخروف متين ؟ واياك تفطيني لانو بصراحه لساني متبري مني واصحابي معاكم في الامارت كتار معاكسه في السواقه ساي بطقوق غرامات.. اهه قلتي شنو؟
مبروك تاني وكل خط عبور لاي خطوه نجاح ..لك الفرح
|
Post: #8
Title: Re: الليسن وما ادراك ما الليسن
Author: bint algazeira
Date: 09-12-2003, 06:04 PM
Parent: #5
مبروك دكتورتنا
الف مبروك الليسن والله انا عارفه ماساهل
لكن بعد كده نتوقعك تجينا زياره بقي ماعندك عذر خلاص
تعالي لينا نحن في انتظارك عشان نضبح ليك
الف مبروك زوله 1234
الاربعه الزياده دي عشان الليسن
|
Post: #9
Title: Re: الليسن وما ادراك ما الليسن
Author: WAD ELGAALI#4
Date: 09-12-2003, 06:49 PM
Parent: #8
الف مبروك يا دكتوره وعقبال البكارى بسم الله اقصد الرخسه بتاعت الزماله الطبيه
والله عندى اخوى بسوق فى السودان من عمرو خمستاشر سنه
ساكى البتاعه دى قريب السته شهور ودخل ليهامعهد حتى
اخدا عشان كده والله ليك حق تفرحى ونحن كمان بنفرح بى
فرحك يا دكتور لك كل المعزه والتقدير ومبروك تانى
|
Post: #10
Title: Re: الليسن وما ادراك ما الليسن
Author: zola123
Date: 09-12-2003, 07:49 PM
Parent: #1
هوزي العزيزة
الغطسة اسبابها كتير
الله يدينا غطسة زي حقتك لوول
الدوار ده كويس معاي, مسلي وبرنامج يعني بدل السواقة لي قدام
بس انا ما باحب الناس المابيدوا اشارات
والتكسيات اهم حاجة
غربة
انت كان كدة طلعت اهم زول
بس وصي اصحابك كويس
بت الجزيرة الحبيبة
يا زولة من قولة بسم الله انط عمان؟
خلينا في ابوظبي دي سنة ولا اتنين وبعدين نفكر
الله يخلي الطيارات
شكرا ليكي يا غالية
ود الجعلي
يعني صدقت بعد اخوك
والله يسمع منك اصله الرخص ده وقتها
طبعا زولة ما صدقت ولافة من ساعتها تتفرج في العربيات
كل زول يسألني ناوية على عربة نوعها ايه, اقول ليهم ما فكرت
عشان والله ما كنت مصدقة اني حاخد الرخصة
الذ حاجة في الموضوع , طبعا مع بابا واخوي في جولاتنا
باقيف قدام اي عربية يعجبني لونها
وهم يضحكوا فيني
بكون ما عندي مانع اي عربية اشتريها بس لونا يكون ظريف لووول
ومن جوة فرشها كويس والاستيريو كمان
في واحدة كدة يا هوزي والكلام ليكي, لونها اخضر فاتح والصدفة كنت لابسة وقتها فستان اخضر
فضلت جنبها وناس بابا يتكلموا مع ناس المحل يسالةوا في المواصفات وانا اقول ليهم ما تتعبوا روحكم دي خلاص عجبتني من اول نظرة
لا بودي, لا محرك لا يحزنون, اي شي بيمشي وشكله قيافة لوول
واتخيلتها ليكي مع 3 كيلوا كدايس ودباديب خضرا وبيضا تكون حاجة تمام مش كدة؟
بس يا ربي السر في كترة الكدايس في عربات البنات شنو؟
تحياتي زولة123
|
Post: #11
Title: Re: الليسن وما ادراك ما الليسن
Author: Hozy
Date: 09-12-2003, 08:04 PM
Parent: #10
يازولة
يكونوا البنات ديل خايفين من الفيران ولا شنو
طبعا انا عندي مشكلة اصلية في حياتي
وهي انه انا بخاف من الكدايس وما بحبهم
مستحيل افكر اختهم عندي
كان زمان عندي نمر مخيف جدا في العربية
بس هسه ولا حاجة
المهم ياستي خلي بالك تاني
تمنياتي
|
Post: #12
Title: Re: الليسن وما ادراك ما الليسن
Author: فقيري
Date: 09-12-2003, 11:28 PM
Parent: #1
د.زولة
الف مبروك الليسن و عقبال (السيارة) - العربية بالسوداني
بس حاسبي من الرادارات .. ما تلقطك
و من الحساد
مع تحياتي
--------------
هام ذاك النهر يستلهم حسنا
و اذا عبر بلادي ما تمني
طرب النيل لديها .. فتثني
|
Post: #13
Title: المهم أنا شخصيا أخذت الرخصة بعد سنتين
Author: elhilayla
Date: 09-13-2003, 00:27 AM
Parent: #1
الأخت زولة
مرة أخري تحياتي لك
تجربتي طويلة جدا مع الليسن أو الرخسة
عموما سأحكي لك قصة صديقي أستاذ ميرغني
الله أذكره بالخير
لو قلت ليك جاب الليسن في كم سنة ما حاتصدقي
أكيد مية المية
لكن بقول ليك بأختصار
بالتمام والكمال عشرة سنوات
طبعا دي حقيقة
المهم أنا شخصيا أخذت الرخصة بعد سنتين
تقريبا بعد 17 أمتحان
ودا كله كان مشفوع بي شهادات من الشركة وأعتبار الوظيفة
ليسن الأمارات معي الآن وهو يشبه عندي تماما شهادة الجامعة
وأواصل
أها تحياتي لي الأمارات البلد الذي يضم كم من الأصدقاء الأعزاء
بالمناسبة
بذكرك
دي جملة دعائية!!!!وتحياتي لي بابا الذي أطمئن عليك بعد ليسن أبوظبي
|
Post: #14
Title: Re: المهم أنا شخصيا أخذت الرخصة بعد سنتين
Author: haneena
Date: 09-13-2003, 01:17 AM
Parent: #13
مبروووك يا زولة123
إبرة الخياطة
عارفة والله زكرتيني أيام إمتحان رخصتي...الانجليزية طبعآ
إمتحانهم برضو صعب نظري وعملي
و طبعآ فلسوا بي من قروش الحصص
كان عندي مدرب(driving instructor)
غياظ.. وكنت بغيظوا اكتر
أعمل الغلط مخصوص لما يقرب يمعط شعرو
اها ما نجحت اول مرة... قلت لناس المدرسة غيرو
بتشاءم من خلقتوا
غيروا... نجحت بعد اسبوعين
طبعآ من الفرح تلفونات لأي زول بعرفو وما بعرفو
وجماعتنا يعجبوك...كروت تهنئة بالكوم
طبعآ عندهم كروت جاهزة..
congratulations for passing your driving test
اما عن السواقة..ماتقولي لي راجل ولا شي
والله اختر مني مافي--والباركنج بالاخص
reverse parking
دة حقي وتخصصي--حتي اسالوا تماضر وانتهازي
وبالمناسبة هم وييين حيهم الناس ديل
غايتوا اتفسحت في بوستك جنس فسحة
اها طالباك تفسحيني بعربيتك الخدرة-مش هي برضو كدة؟
تاني ألف مبروك وعقبال الزمالة
|
Post: #15
Title: Re: المهم أنا شخصيا أخذت الرخصة بعد سنتين
Author: ahmed babikir
Date: 09-13-2003, 01:32 AM
Parent: #14
الف مبروووووووك الليسن وعقبال العربيه.
الحمد لله انا ما في الامارات والا الواحد من الليله كان قعد في البيت!!!!!!!!!!!!!0
|
Post: #16
Title: Re: الليسن وما ادراك ما الليسن
Author: الكيك
Date: 09-13-2003, 04:57 AM
Parent: #1
مبروك يا زولة يا رائعة
بما انى فى ابو ظبي وابحث عن الليسنس فاننى احتاج الي خبراتك فى هذا المجال مع انه انا ما عنديش ملف ولا زلت فى هذه المرحلة
تانى اقول مبروك وعقبالي
|
Post: #17
Title: Re: الليسن وما ادراك ما الليسن
Author: Moradabi
Date: 09-13-2003, 06:24 AM
Parent: #1
Mabrook
|
Post: #18
Title: Re: الليسن وما ادراك ما الليسن
Author: AlAraby
Date: 09-13-2003, 09:01 AM
Parent: #17
الاخت الحبيبة زوله
الف الف مبروك والله اديك خيرها وكفيك شرها
بس سؤال يادوب اختي الرخصة قولي لي المشكلة فيك ولا الامتحان صعب
بس حابب اقوليك ابوظبي كلها اشارات ضوئية للعربات طبعا مش للطائرات اعملي حسابك شديد وخلي بالك من نفسك.
بعد في حكمة قال لي الوالد الله اديه العافية السواقة زوق وادب وفن يعني الزوق اول وبعد الادب وبعد الفن بتاع السواق وزمان كانو بقولو الناس الماشين على رجولهم والساقين عربات كلهم مجانين وانتي العاقلة اتصرفي على هذا النحو
والله يحفظك من كل شر
العربي
|
Post: #19
Title: Re: الليسن وما ادراك ما الليسن
Author: بت قضيم
Date: 09-13-2003, 09:18 AM
Parent: #1
الحبيبة زولة 123
الف مبروك
خبر مثل لهذا لمثل المقيمات زينا في السعودية،، بيحسرنا
غايتو لو فتحوا لينا الموضوع هنا،، طوالي اشتغل سواقة لي سواقي واشيل قروشي منو
اقصد أخوي الزاليني مبهدلني
نعمة انتوا فيها احمدي الله بس وربنا يغطيك
ودي
|
Post: #20
Title: Re: الليسن وما ادراك ما الليسن
Author: الزنجي
Date: 09-13-2003, 12:46 PM
Parent: #1
تهانينا الحارة وعقبالنا ، ودعواتك لينا
|
Post: #21
Title: Re: الليسن وما ادراك ما الليسن
Author: مهاجر
Date: 09-13-2003, 12:48 PM
Parent: #20
الف مبروك
بس امشي اسرحي لي مع اغنية
ولا يجيك موبايل من رباطابي مسيخ
تنسي نفسك
|
Post: #24
Title: Re: الليسن وما ادراك ما الليسن
Author: قلقو
Date: 09-13-2003, 01:29 PM
Parent: #21
الأخت زولا
قبل ما نقول مبروك عايزين نعرف..كم كان عددالمصابين اصابات خفيفة؟عاهات مستديمة؟المتواجدون الآن بالعناية المركزة؟ الراقدون بأحمد شرفى الأمارات؟ العربية ذاتا فى عضمها فضل فيها حاجة؟
والله يستر
|
Post: #22
Title: Re: الليسن وما ادراك ما الليسن
Author: zola123
Date: 09-13-2003, 01:21 PM
Parent: #1
فقيري
شكر ا ليك و ما تخاف علي
العربية دي ليها خروف تاني
عشان نكفي شر الحساد لوول
الحليلة
والله الظاهر الموضوع قلب عليك المواجع
ومعاك حل الرخصة دي زي شهادة الجامعة
كدي ادوني فرصة تطلع البطاقة واعلقا ليكم في البروفيل حقي في البورد لووول
حنينة الحنينة
تعرفي ناس هنا بسمحوا ليكي تسوقي برخصتك البريطانية هنا مع انه يعني الدنيا مشقلبة عندك يمين مكان شمال
وطول عمري القصة دي محيراني , لاكن يكفي انك تكون خواجة عشان تكون احسن من الناس هنا
لاكن خطيرة, قلتي لي حريفة في الريفيرز باركن؟
اها كيف بتركني وعيونك مغمضة؟
عندي ليكي فايل ظريف حافته وارسله قريب
الكيك
الله يبارك فيك
في الحتة دي اعترف انه الليسن للسيدات اسهل على الاقل بتعفيك من حكاية التقييد بمهن معينة
انا اقامتي لسة مكتوب فيها طالبة
يوم الامتحان من زهجي كوركت في الراجل قلت ليه والله العظيم انا دكتورة ما طالبة
اها ناس ماما قالوا لي ما كان توريه من اول تراي
لووووول
موردابي
الله يبارك فيك انشاء الله
|
Post: #23
Title: Re: الليسن وما ادراك ما الليسن
Author: zola123
Date: 09-13-2003, 01:24 PM
Parent: #1
العربي
الدعوة والله حلوة شديد فعلا الله يدينا خيرا ويكفينا شرها
الفن والزوق والادب ما نحنا ناسه ولا رايك شنو؟
بت قضيم
شكرا ليكي يا ستي
والله يسهلا عليكم, حاكم عدم السواقة ده بيزل جنس زلو
اسأليني انا
الزنجي
الله يبارك فيك وانشاء الله التراي الجاي ناااااااجح
مهاجر
والله برضو نظرية
انشاء الله حاخلي بالي
تحياتي
زولة123
|
Post: #25
Title: Re: الليسن وما ادراك ما الليسن
Author: serenader
Date: 09-14-2003, 01:09 AM
Parent: #1
مبروك الزميلة زولة123، وبقول ليك زميلة باعتبار بلد الاقامة
قصص الليسن ومعاناتها ضخمة جداً، ورغم إنو شخصي الضعيف جبتها من أول مرةن وفي رمضان كمان، لكنني أعرف معاناتها جيداً
أذكر أنه ونحن ننتظر استلام الرخصة نفسها، تبادلنا حكايات المعاناة، وأذكر أن أحدهم حكى عن باكستاني، أو بتاني- لا اذكر بالضبط أيهم، ظل يمتحن لليسن حداشر سنة بالتمام والكمال، لحدي ما جنّ وتعالج لمدة سنة ونص في مشفى أمراض عقلية، ويبدو أن أحد الواصلين عرف بأمره، وحن عليه، فمنح الليسن... وقيل أن صاحبنا بلغ به الفرح مبلغاً جعله يتصور مع الرخصة حتى في صور الباسبورت
وحكى أحدهم عن سوداني اتفق أن صادف يوم امتحان الطريق مع يوم عقد قرانه، وكتب له النجاح، فأخذ الرخصة وعمل حفلة لأصحابو في فندق، ونسى عقد القران، ولم يستطع أحد الاتصال به لأنه نسي هاتفه النقال في مكاتب المرور، وسرح مع حفلة الليسن لحدي نص الليل، ولمن اتذكر ومشى لي أهل العروس لقى الحفلة طرشقت... هذه القصة تبدو بعيدة عن التصديق، لكنني استطيع تخيلها واقعية إذا قرنت مع صعوبة امتحان الرخصة
عموماً: مبروووووك
|
Post: #26
Title: Re: الليسن وما ادراك ما الليسن
Author: serenader
Date: 09-14-2003, 01:09 AM
Parent: #1
مبروك الزميلة زولة123، وبقول ليك زميلة باعتبار بلد الاقامة
قصص الليسن ومعاناتها ضخمة جداً، ورغم إنو شخصي الضعيف جبتها من أول مرةن وفي رمضان كمان، لكنني أعرف معاناتها جيداً
أذكر أنه ونحن ننتظر استلام الرخصة نفسها، تبادلنا حكايات المعاناة، وأذكر أن أحدهم حكى عن باكستاني، أو بتاني- لا اذكر بالضبط أيهم، ظل يمتحن لليسن حداشر سنة بالتمام والكمال، لحدي ما جنّ وتعالج لمدة سنة ونص في مشفى أمراض عقلية، ويبدو أن أحد الواصلين عرف بأمره، وحن عليه، فمنح الليسن... وقيل أن صاحبنا بلغ به الفرح مبلغاً جعله يتصور مع الرخصة حتى في صور الباسبورت
وحكى أحدهم عن سوداني اتفق أن صادف يوم امتحان الطريق مع يوم عقد قرانه، وكتب له النجاح، فأخذ الرخصة وعمل حفلة لأصحابو في فندق، ونسى عقد القران، ولم يستطع أحد الاتصال به لأنه نسي هاتفه النقال في مكاتب المرور، وسرح مع حفلة الليسن لحدي نص الليل، ولمن اتذكر ومشى لي أهل العروس لقى الحفلة طرشقت... هذه القصة تبدو بعيدة عن التصديق، لكنني استطيع تخيلها واقعية إذا قرنت مع صعوبة امتحان الرخصة
عموماً: مبروووووك
|
Post: #27
Title: Re: الليسن وما ادراك ما الليسن
Author: بدرالدين شنا
Date: 09-14-2003, 05:06 AM
Parent: #1
بسم الله الرحمن الرحيم
الحريفة زولة 123
سلام ومباركة
مبروك الليسن وعقبال غطسة هوزي
سؤالي جبتيها في التراي رقم كم؟؟؟
لأنه أنا وبحمد الله 12 تراي بس
تحياتي
|
Post: #28
Title: Re: الليسن وما ادراك ما الليسن
Author: أبوالزفت
Date: 09-14-2003, 08:36 AM
Parent: #1
يا زولة
الف مبروك
وما تنسى دعاء السفر
فى كل مرة تنوى قيادة السيارة
ربنا يحفظك ويكفيك شر الحديد
|
Post: #29
Title: Re: الليسن وما ادراك ما الليسن
Author: zola123
Date: 09-14-2003, 02:27 PM
Parent: #1
قلقو
لحد حسي مافي حاجة يا زول مالك علينا
وبعدين أحمد شرفي ده منو؟
هو قال ليك بعرفني؟
سيريندر
قصصك مبالغة
ضحكت فيها لمن بكيت
والله ممكن اصدق قصة العريس مع الليسن
ولولا الملامة كان ختيت ليكم صورة الليسن في البوست ده انا زاتي
اعملها؟
بدر الدين شنا
الله يبارك فيك
كدي خلوني اغطس غطسة شيري
وباجيكم بخروفين في البوست مش واحد
يا سيدي انا اتطقيت 4 مرات
ياخي كلمة حارة مش؟
يعني في الحساب بتكون خامس مرة
لاكن ما كنت فاكرة ناس عمان كعبين زس ناسنا, التراي الجاي ناجح من قبل ما تسوق
يقول ليك الممتحن انت راجل طيب وامير وما حاتعبك حتى
ابو الزفت الف شكر
بس العربية تجي وباعلقه مع الكدايس
انشاء الله
تحياتي
زولة123
|
Post: #30
Title: Re: الليسن وما ادراك ما الليسن
Author: عادل فقاد
Date: 09-14-2003, 02:35 PM
Parent: #29
زولا تحياتي
مبروك الليسن وانشاءالله تتليسن عليك بالعافية
تعرفي قعدته اضحك لانه اخوك حصل ليه الفلم زااتو وانا جاركم طبعا في سعودتينا العامره
اسمك عادل مين ؟؟ وليش تبي تطلع رخصه ؟؟ وايش يعني فقاد هذي ؟؟ واشلون بتصلح سيارتك اذا عطلت؟؟؟ وايش وايشات كتييره غايتو كان فلم فمبروك مره تانيه
ـــــ.....ـــــ......ــــــ
انتي مهما تغيبي عني
لحظه ما بتفوتي مني
|
Post: #31
Title: Re: الليسن وما ادراك ما الليسن
Author: HAMZA SULIMAN
Date: 09-14-2003, 11:40 PM
Parent: #30
يا زولة مبرووووووووووووك
ونتوقعك بعد ده فى اى وقت
|
Post: #32
Title: Re: الليسن وما ادراك ما الليسن
Author: بدرالدين شنا
Date: 09-15-2003, 04:58 AM
Parent: #1
بسم الله الرحمن الرحيم
زولة 123
سلااااام
طبعاً تيرمومتر الكعوبية عند العمانيين لا يصل لدرجة 12 تراي ربما كان العيب فيني أنا
فأنا ياستي مثلك لم أسوق في السودان بل كنت أخاف ولا أعرف في السيارة غير السائق
لووووووووووووووول
|
Post: #33
Title: Re: الليسن وما ادراك ما الليسن
Author: مهيرة
Date: 09-15-2003, 09:35 AM
Parent: #32
الغالية د.زولا
مبروك الليسن وعاد شيلى شيلتك اول ما نصل مطار ابوظبى بنديك آلو.عندى واحدة قريبتى فى دبى لما اخدت الليسن طوالى اشترت معاه -جوانتيات-عشان يديها ما يسودوا من الشمس اثناء مسك الدريكسون
طبعا ناس البيت كلهم بعد داك بعتمدوا عليها فى التوصيل
تحياتى
|
Post: #34
Title: Re: الليسن وما ادراك ما الليسن
Author: بت القبايل
Date: 09-15-2003, 10:11 AM
Parent: #1
بسم الله الرحمن الرحيم
زولة بتنا العزيزة اول شي
مشتاقييييييييييييييييييييييييييييييييييييييييين كميات ما عادية
وتاني شي يا بنتي الف الف الف مبروك والشافني اتفسحت في ابوظبي لما الله غفر ليا ما كضب الله يجيبك يا الاجازة
وتالت حاجة يا زولة انا طبعا حاتضبحي ليا جدادة لاني ما باكل اللحمة
ووممكن تضبحي سمكة برضو
خلي بالك من نفسك وبشدة
تحياتي
|
Post: #35
Title: Re: الليسن وما ادراك ما الليسن
Author: Rose
Date: 09-15-2003, 01:56 PM
Parent: #1
الحبييبه زولة123
ألف مبروك الليسن ، ويلا شدي حيلك و جيبي السيارة. وبعد كده نتمنى نشوفك في العين قريبا.
ربنا يحفظك من شوارع ابوظبي الزحمة . وأسمعي وصيتي دي سمح ، في البداية حتلخبطي شويه ، يعني شوية اخطاء على شوية تجاوزات وحتلاقي السياات كلها من حولك بتضرب ليك بوري ، اعملي كأنك ما سامعة حاجه واديها طناش مع ابتسامه خفيفة لاعتذار  ، وكمان أديك النصيحة اللي ماشه عليها انا بتوجيهات من الوالد ، في أي لحظة السيارة خسرت معاك او إطار السيارة بنشر وما لقيتي زول يساعدك قفليها وخليها في مكانها وأقرب تاكسي للبيت .
وربنا يحفظك من كل شر
|
Post: #36
Title: Re: الليسن وما ادراك ما الليسن
Author: سودانوبس
Date: 09-15-2003, 02:06 PM
Parent: #1
مبروك يا زولة والله يكفيك شر البتان
......................
شايفك رديتي عليهو.. قلتي ليهو يا زول احمد شرفي دا شنو هو قاليك بيعرفني والله شنو
..................ز
كدي اسألي ابوك من أحمد شرفي دا... ووقاك الله وحفظك
منصوري
|
Post: #37
Title: Re: الليسن وما ادراك ما الليسن
Author: zola123
Date: 09-15-2003, 02:30 PM
Parent: #1
عادل فقاد
الله يبارك فيك ياخي
بس تتليسن دي شنو؟
حمزة سليمان
الله يبارك فيك
اي وقت اي وقت, نحن حاضرين
بدر الدين السمح
يا زول برضو لو ما سقت قبل كدة ما توصل لي 12, الحمد لله بس انها في عمان
مهيرة
بت حلال والله ذكرتيني الجونتيات دي
اصلها يدينا ما بتستحمل, بعدين غير اللون عشان الكورنز وكدة
ما تبقى زي يدين ناس البدي بيلدنج
ده راس مالنا في الحياة يا زولة
اما عن ناس البيت ما حاشتغل ليكي بزول, بس ماما عشان هي الوحيدة الفضلت ما بتسوق
بت القبايل الحبيبة
وييييييييييييينك يا زولة
تراكي بتقري في البورد وتقولي ما بتجي؟
لمن تجي عازماكي خمستاشر لفة في ابوظبي ما لفة واحدة بس
روز الحبيبة
نصايحك ذاكرتها كوييييس
اما البوري فانا من النوع البتجرس منه سريع
يعني لو زودوها شوية باعمل بنصيحتك التانية , اقفل العربية وانزل
خصوصا مع الباركنج في الشوارع الضيقة
الناس بقى ما عندها صبر يا بتي
سودان وبس
الله يبارك فيك
وكفانا الله وكفاكم شرهم ورائحتهم
الذ تعليق سمعته يوم ما اخذت الرخصة من مريضة كندية
Congratulations,No more bad taxi smells!!
احمد شرفي ده عننا يبقى شنو يا ربي؟
خليفة بن زايد؟
انا كدة بالاحساس عرفتها اسم مستشفى بس حبيت اتفاصح على وزن نكتة العتود
مالك علينا,ناس البورد ديل عارفيني حنكوشة وراضين بكدة
تحياتي
زولة123
|
Post: #38
Title: Re: الليسن وما ادراك ما الليسن
Author: سودانوبس
Date: 09-15-2003, 05:46 PM
Parent: #1
والله رفعتي راسنا يا زولة بي حكاية الرخصة دي
لقساوتها هنا....لكن قلتي لي بي إحساسك كدة لما سألك أخونا عن أحمد شرفي..قلتي عرفتي بي إحساسك كدة إنو أحمد شرفي دي اسم مستشفي في السودان..طيب أيه رايك اقول ليكي كضب الكاضب.إحساسك دا غلط مائة وتمانين درجة؟
زولة إنتي ما شفتي السودان والله شنو..؟ اي زول في السودان بيعرف أحمد شرفي دي
..............
طيب انا اقربا ليكي شوية وأدردق ليكي الكورة....يقول ليكي مثلاً ... والله هسه اضربك بونية أوديك أحمد شرفي؟ معناهو شنو الكلام دا؟
منصوري
|
Post: #39
Title: Re: الليسن وما ادراك ما الليسن
Author: الجندرية
Date: 09-15-2003, 06:04 PM
Parent: #1
يا زولة الف مبروك
|
Post: #40
Title: Re: الليسن وما ادراك ما الليسن
Author: zola123
Date: 09-15-2003, 08:51 PM
Parent: #1
سودان وبس
محاولة اخرى
ده الكود نيم بتاع جهنم؟
المرة اللجاية حاستعين بصديق
الجندرية الحبيبة
الله يبارك فيكي
زولة123
|
Post: #41
Title: Re: الليسن وما ادراك ما الليسن
Author: Nada Amin
Date: 09-15-2003, 09:08 PM
Parent: #1
زولة 123
و الله فرحت ليكي من جوه قلبي على الانجاز الحلو ،لكن بصراحة كده و همسة في أذنك أنا غيرانة شوية لأني بعد الفصاحة دي كلها ما بعرف أسوق كويس و ما عندي ليسنس لسه. برضه الحكاية هنا في أمريكا صعبة جدا و مشيت امتحنت مرة واحدة...و سقطت و خلاص جاتني عقدة و أبيت أمشي امتحن تاني، و ربنا يخلي لينا المترو و يهدي بن لادن ما يقوم يفجره و يحيرنا، أصله صرح و قال أنه شبكة مترو الانفاق في واشنطن حتكون هدفه الجاي ...و الخاذوق لو عملها و احنا جوه المترو...
|
Post: #42
Title: Re: الليسن وما ادراك ما الليسن
Author: AL GURAIR
Date: 09-15-2003, 09:14 PM
Parent: #41
ألف يا مبروك يا دكتورة..وعقبال الليسن التقيل..
|
Post: #43
Title: Re: الليسن وما ادراك ما الليسن
Author: 7abib_alkul
Date: 09-15-2003, 10:07 PM
Parent: #42
زوووووووووووولة
مبروك يا بنية الرخصه الجديده
ونشوف في نص الظلط سايقه الحديده
بس بدور اوصيك اوعي من السواقه الشديده
|
Post: #44
Title: Re: الليسن وما ادراك ما الليسن
Author: ABUHUSSEIN
Date: 09-15-2003, 10:10 PM
Parent: #1
الأخـــت زولا123
مـبـروكـــة الـرخـصـــة و عـقـبـال الـلـكــزس
|
Post: #45
Title: Re: الليسن وما ادراك ما الليسن
Author: bit barber
Date: 09-15-2003, 10:53 PM
Parent: #1
الف مبروك يا زوله ,, وانشاء عقبال ما تسوقي لوري
بس نصيحتي ليك
ما تخلي راجل يحكم ليك علي سواقتك لانه لو كنت بتسوقي ليك خمسين سنه برضو في نظره بت و ما بتعرف للعربات
عشان كده ولا يهمك منهم و للامام
بكره نسمع بيك سايقه طياره انشاء الله
|
Post: #46
Title: Re: الليسن وما ادراك ما الليسن
Author: garjah
Date: 09-16-2003, 08:04 AM
Parent: #45
الزولة الاصيلة
كيييف احوالك.....مبروك البتاعة الكاتباها في العنوان دي
وربنا يقدر بابا يشتري العربية الفور وييل درايف....ويكون عندها
صدام مارق برة مترين وتكون حوافو زي الموس لزوم سوووري وكده
مبروووووك ليك ونسمع عنك كل سمح
|
Post: #47
Title: Re: الليسن وما ادراك ما الليسن
Author: عادل فقاد
Date: 09-16-2003, 01:43 PM
Parent: #46
زولتنا تحياتي
مبروك مره تانيه
والله تتليسن دي انا زاتي ما عارف معناها لووووووول
بس ممكن تقولي انها من باب
التوب تلبسيه بالعافيه
العربيه تسوقيها بالسلامه
الشبشب تقطعيه بالعافيه
مش في دعوات من هذا القبيل
بالمناسبة طبعا الايام دي تلاقيك لافه الواطه كلها بالعربيه
وتتمني يلاقيك بتاع المرور يقول ليك وين رخصتك
ربنا يحفظك ويغتيك قولي امين
ــــــ......ــــــ......ــــــ
سوق يا سواق اللوري سوق يا سواق
|
Post: #49
Title: Re: الليسن وما ادراك ما الليسن
Author: zola123
Date: 09-16-2003, 04:12 PM
Parent: #1
ندى امين
يا زولة ما تتعقدي
انا زمان قالوا لي حتقعدي سنين في الليسن
لاكن بس قلت افتح الملف وكل ما يجي موعد امشي
لا باخت ي راسي اخدها ولا ما اخدها
واغلب الناس البعرفهم لمن اخدوها ما كانوا متوقعين
فما تكسلي بس
القرير
سعيدين بطلتك
الله يبارك فيك
ثقيل دي من رخصة ثقيلة
ولا قصدك رخصىة تانية
والله لو قصدك رخصة طبية دي آمين كبييييييييييييييرة
حبيب الكل
الف شكر
وعقبال كل العندك الما بيسوقوا لسة
ابو حسين
الله يبارك فيك
لكزس حتة واحدة؟ قول باب لكزس ولا دركسيون لكزس
ما تغيظنا بالله
بت بربر
الله يبارك فيك
وانشاء الله الطيارة على قولتك. يا زولة انا ما شغالة بيهم
والله النسوان ديل احسن ناس بسوقوا
والدليل اسالي ادارة المرور
قرجة
يا زول تسلم
الفورويل كبيرة وعويرة
وبعدين طلوعها صعب خصوصا مع الاسكيرتات
واهم حاجة الوانا ما بتمشي مع لبساتي
مش نظرية برضو؟
عادل فقاد
عرفت كيف متمنية القى شرطي مرور؟
ما بين نجاحي في الامتحان الى استخراج البطاقة
ناس البيت حموني اسوق, قالوا لو لاقاكي شرطي بيحرمك من الرخصة ذاتا
وانا صدقت
عشان لي في ابوظبي دي 23 سنة ما شفت شرطي وقف زول يشوف رخصته
تحياتي
زولة123
|
Post: #50
Title: Re: الليسن وما ادراك ما الليسن
Author: Abd-Elrhman sorkati
Date: 09-18-2003, 03:19 PM
Parent: #1
مبروووك زولة
وربنا يحفظك انشاء الله
ويلا بعد كدة مشاركاتك حا تكتر في العمل العام
ومافي اي اعذار بسبب ضيق الوقت وكمان مبروك السيارة مقدما
|
|