Post: #1
Title: طاب مساؤكم- إمرأة من الكركتى
Author: ود العجمى
Date: 09-09-2003, 01:23 PM
Parent: #0
عاشة . صباح النور. هذه العبارة كنت اسمعها فى بيت عاشة بت حسن ابنعوف . هذه المرأة الرجل. كريمة ومضيافة وبسيطة . ومدياها برطوش. البيت به صالون كبير جدا بناه شيخنا ود كرار صاحب الخلوة فى قرية المقل فى الخمسينات . مفسر ومعلم للقران . وتتلمذ على يده شيوخ كبار. كان اعمى اليصر نافذ البصيرة . له كرامات لا يعرفها احد. والصالون الكبير يليق بهامة الشيخ الجليل. يتوسطه (ارنيق) وهو عمود يقوم من الارض ليرتقى الى السقف.مثبتا له. وعادة ما يكون مأخوذ من ساق نخلة . ربما يكون ود كرار حصل عليه من نخلة روكنيه فى سنة من السنين. واذا اردنا التحديد اكثر هب انها سنة البحر. وعاشة صباح النور. اسمعها دائما اصحو عليها بعد سهرة جميلة على الرمال وتحت ضوء القمر. الناس فى القرى الشمالية يقابلون الليل بانفاس الفجر. يتسامرون فى حب ووسامة . لباسهم واحد وكلهم يفعل ما يضيف الروعة للجلسات. فلان يعزف الطمبور وعلان يغنى والكورس متواجد على الدوام. وفى الجلسة تجد الشاعر والمغنى وعازف الايقاع.وهل يعزف الايقاع؟. دعونى اقول مبدع الدليب. والكورس. وغواة الشعر والروعة. والسكون والليل . والقمر شاهد ملك . متورط فى الابداع والونسة. ومبرأ على كل حال.
بيت عاشة بت حسن ابنعوف مثله مثل كثير من البيوت هناك. مطلى بجير ابيض والبنات هناك عليهن طلاء البيوت واحضار الماء من البئر ورثن السقيا منذ عهد قديم ولا زلن يمثلن الريم على القاع بين البان والعلم. ويحللن سفك الدم فى ليالى المدوقة واوتار الطمبور.وملوكية الشاهد القمر.
وعاشة صباح النور. يقولها عبد الرحيم الملقب بالبرعى . كنت حائر لفترة طويلة كيف يلقب رجل بالشيخ البرعى وهو اكبر منه عمرا . ولكنى وجدت الاجابة هم لقبوه بالبرعى الكبير له الرحمة. الناس فى قريتى يهرعون الى الشيوخ ويعتقدون فيهم . ويقدمون لهم تمرات سيدى. يلقبونهم بالاسياد . ويحضرون منهم زرات الرمل والكركتى. ويطلبون منهم مساعدة العيال فى الدراسة. شىء فى تلك المناطق جميل . هناك اشياء كثيرة تشوهها الجغرافية. نعود الى البرعى وعاشة. يثابر الرجل الطيب على مزاورة الناس كل يوم يدخل بيوتهم من كل الابواب . والبيوت هناك لها بابين يسمى احدهما باب السر. فى المدينة يسمى باب الحريم. ولأن الناس هناك اهل يدخل الرجال والنسوة من كل الابواب . والبيوت واحدة. فى كل الاوقات .
كانت محتارة كيف ترد التحية. الشىء الطبيعى ان يقول عاشة صباح الخير فترد هى بصباح النور . لكنه يعكس الاية فيبدأ بالرد. ذات يوم قالت له: عبدالرحيم؟ انت تقول لى صباح النور انا اقولك شنو؟ تفاجأ بالسؤال. لكنهم وجدوا نصف الحل . اصبحت ترد بصباح النور . وفى كل خير
عاشة اليوم تسكن امدرمان ضريبة دخول الابناء للجامعات والخدمة المدنية. فقدت الاشراف على فطور البهائم وقص الواطة وسماع الصائح وصوت الشباب فى الرملة وغناويهم الجميلة .والكركتى. فقدت شهادة القمر على ابداع الناس الذين يعافون الشجار وزحام المواصلات وهجير الخرطوم. وفقدت صوت البرعى وحيرتها فى الرد على التحية الصباحية الحميمة. وعاشة صباح النور
|
Post: #2
Title: Re: طاب مساؤكم- إمرأة من الكركتى
Author: ود العجمى
Date: 09-10-2003, 11:20 AM
Parent: #1
عفوا مكرر
|
Post: #3
Title: Re: طاب مساؤكم- إمرأة من الكركتى
Author: ود العجمى
Date: 09-10-2003, 11:21 AM
Parent: #1
لماذا اكتب عنها. هى انسانة عادية جدا وكل بنات جيلها وابناء جيلها مثلها تماما . هن زوات الشلوخ والشفة الكحلية.-وشعرات الوشى والمشاط - كان دق الشلوفة والشلوخ سمة جمالية عند القبائل السودانية. ولا زلن المشلخات يمثلن لنا رمزا للحنان والدفء. هذا الجيل القادم من الارياف وتحديدا من جهة الشمال جيل غير عادى. فعلوا أكثر مما أخذوا . علموا ابناءهم وربوهم احسن تربية . قنوعين بما اعطاهم الله من نعم حتى وان كانت بسيطة بعكس الجيل الذى تلاه . جيل اكتوبر الذى أخذ أكثر مما أعطى لهذا البلد . هذا كلام سأتطرق له فى مرة اخرى.
فى زمن مضى كنت تجد فى بيت -عاشة- أكثر من ثمانية ضيوف يقضون ايام حش التمر معها وكلهم تستقبلهم وأبنائها بترحاب وتشعر انك داخل بيتك . نقضى معها ما يقارب الشهر وكما استقبلتنا بالابتسامة تودعنا بالابتسامة والدموع الصادقة. كلما ودعتها كانت تبكى . فى عام 1998 والبحر يحيط بمنزلها كان الشباب يدافعون عنه . يجسرونه باجسامهم . اتيت حوالى الساعة الرابعة وجدتهم يصارعون النيل لم يرفع احد رأسة ليصافح . نزلت معهم واستمر الصراع مع البحر حتى منتصف الليل عندها . سمعنا صوتها : يا خرابين تعالوا العشى. اريتو ما ينحبس. ونحن نتناول العشاء دخلت المياة كسرت ما كسرت . لكنها لم تستطع أن تكسر الصالون . صالون شيخنا ود كرار . وما أن عادت المياة الى مجاريها . حتى قام الشباب ببناء ما تهدم فى يومين. والشربوت بانواعه متوفر. والغناء يساعد السواعد ويحمسها على العمل. والقراصة تحملها الصحون الكبيرة . من مكان ألفت الخروج منه كثيرا.والقمر الذى كان يجالسنا فى الليالى الجميلة. ودافع معنا عن بيتها ضد البحر. اليوم يحتفل ويشارك مرة اخرى بالغناء والبناء
وعائشة تسيطر على طابعها المعروف : تسأل : فى زول ما أكل؟ بوجهها الباسم وقلبها الناصع البياض. ومحيها الوضاح .وعاشة صباح النور
|
Post: #4
Title: Re: طاب مساؤكم- إمرأة من الكركتى
Author: ابو يسرا
Date: 09-11-2003, 11:56 AM
Parent: #3
ود العجمي انت شاورت زوجة جدي وخالي قبل الكتابة عنها؟؟؟؟؟؟؟؟
|
Post: #5
Title: Re: طاب مساؤكم- إمرأة من الكركتى
Author: الجندرية
Date: 09-11-2003, 12:13 PM
Parent: #1
ود العجمي
بالله ارفق قاموس د . عون الشريف
عشان نفهم ونجي تاني
لوووووووووووول امازحك على قول شيري
لا بالجد كركتي يعني شنو؟
والله لا ادعى الحنكشة لكن بالجد ما فهمتها
|
Post: #6
Title: Re: طاب مساؤكم- إمرأة من الكركتى
Author: ابو عثمان
Date: 09-11-2003, 12:23 PM
Parent: #1
ود العجمي
يديك العافية
لقد ابحرت بنا الي تلك الزكريات الدافئه والتي لن تتكرر مره اخري
احسست تماما بكل كلمه كتبتها في هذا البوست الرائع
واعدت الينا كل زكريات ايامنا الخوالي المفعمه بالحب والصدق
والخير
عائشه لاتشبه المدن الكبيره ؟؟؟ ولكن المعايش جباره
عاشه الف صباح نور عليك
ياسلام
دنيا
|
Post: #7
Title: Re: طاب مساؤكم- إمرأة من الكركتى
Author: ابو يسرا
Date: 09-11-2003, 12:46 PM
Parent: #6
هلا جندرية
الكركتي هو طين الجروف وبيكون طبقات طبقات ويستخدم في علاج امراض جلدية عدة
|
Post: #8
Title: Re: طاب مساؤكم- إمرأة من الكركتى
Author: ملكة سبأ
Date: 09-11-2003, 01:09 PM
Parent: #1
صباح النور ود العجمي
رائـــــــــــــع
ما ابحرنا ساكت غرقنا عدييييل كدافى تلك الذكريات العذبة
كدى قول لى ربط كم سعفة عند ناس ود الفكى ابراهيم ؟؟؟
ومعقول ما جابت فائدة ؟؟
الجندرية سلام
لو مابتعرفى الكركتى حقك رائح ... واى وحمة اتوحميتها عيدها تاني
الكركتى هو طين البحر ... كثير من النساء يتوحمن عليه .... ورأيته فى مرات كثيرة يعبأ خصيصا ويحضر لهن ... وكما قال ابو يسرا برضو بستعمل كقناع للوجه
فعلا له مذاق رائع جدا كروعتكم تلك
|
Post: #9
Title: Re: طاب مساؤكم- إمرأة من الكركتى
Author: حمزاوي
Date: 09-11-2003, 01:10 PM
Parent: #1
الله يديك العافية والصحة يا ود العجمي
خليتنا نعيش ايام حلوه وذكريات الماضي الجميل
يا ابويسرا كركتي مش طين الجروف
كركتي هو حجارة الطين البيكون موجود علي سطح الأرض بعد الحراته بالمحرات تعرف محرات البقر
أدنقر فوق تراب أهلي واشيل بي أيدي في رحلي
تراب فيه يسوى الكون
وكواريك شفع المغرب يقلبوا في الجمر قنقر
|
Post: #10
Title: Re: طاب مساؤكم- إمرأة من الكركتى
Author: ابو يسرا
Date: 09-12-2003, 06:46 PM
Parent: #9
فوق
|
Post: #11
Title: Re: طاب مساؤكم- إمرأة من الكركتى
Author: yasiko
Date: 09-12-2003, 07:02 PM
Parent: #10
| Quote: والقمر شاهد ملك . متورط فى الابداع والونسة. ومبرأ على كل حال |
ود العجمي
سلام
رائع يا ولد والله
ملكة سبأ
سلام
Quote: كدى قول لى ربط كم سعفة عند ناس ود الفكى ابراهيم ؟؟؟
ومعقول ما جابت فائدة ؟؟ |
انت عارفه انو المطرطِش ود العجمي دا شنو غير عدم اعتقادو في الشيوخ
وبالمناسبة الجماعة ديل اهلي وكنا نمارس عادة فك الصفق المربوط
بعد ان يذهب الزائر المعتقد
مما ادى الى بورة البعض للآن
واذا كنتي قد تعرضتي الى تأخير فنحن السبب
لك الاحترام
|
Post: #12
Title: Re: طاب مساؤكم- إمرأة من الكركتى
Author: kamalabas
Date: 09-12-2003, 07:41 PM
Parent: #1
شكرا ود العجمي
كلامك عن عاشه حسن ابنعوف رائع روعه هذه المراه
الموجوده في كل قريه من قري الشمال وهن من بقايا
الزمن الجميل زمن الحنان والشجن والكرم الاصيل والجود
بالموجود ... افلحت يا ود العجمي بتصويرك الرائع
هذا ان تجعل كل منا كأنما عرف عاشه هذه واكل من
قراصتها وشرب قهوه بعد الفطور معها وتناول الشربوت
بعد الشيه في صالونها ...
لك التحيه ولك عاشه في ربوع ريفنا الحبيب سلام
|
Post: #13
Title: Re: طاب مساؤكم- إمرأة من الكركتى
Author: ود العجمى
Date: 09-13-2003, 10:18 AM
Parent: #1
ابو عثمان عودا حميد . وماكلمتنا عن زيارتك للبلد بعد الجية
يعنى كلما عن هلى منان كمال ابنعوف وعن بيت بنات عبد الحليل وسرورة بت ود جنى لسع تساسق قاطعة درب الجمل مندلى؟ ودكان دحمادى لسع فاتح ؟ ولا اتقفل ؟ اها والتمر كيف السنة دى انشا الله شايق كتير
الجندرية زمان كان عندنا خال لينا كان بيسألنا عن كلمات مثل الديو والللس والحمار والتشق والكشيق والأرتيق واللارميق . ولما نفشل فى اجابة بعض الكلمات يسأل بحيرة انتوا بيقروكم شنو فى المدارس؟ اها الراجل دا اسمو عبد العاطى ملقب بماعون هو والد ابويسرا . تعرفى خفت ابويسرا يقول ليك قروكم شنو فى المدارس. وبرضو امازحك على طريقة شيرى
ملكة سبأ
تعرقى عدم مشينا الكتير للأسياد سببوا نا ياسيكو ديل تخاف تطقها من المقل لخدى ناس شيخنا أحمد يقوموا يسرقوا حمارتك . وتجى المسافة دى كلها مشى. انا غايتو كنت بأسرق الحمير امشى بيها الحفلات فى الاراك والبخيت و
|
Post: #14
Title: Re: طاب مساؤكم- إمرأة من الكركتى
Author: ود العجمى
Date: 09-13-2003, 11:20 AM
Parent: #1
والمناطق المجاور واول ما تصل ساقة السوق شق الصباح تنزل من الحمارة المسروقة وتديها سوط وتتم الباقى بى كرعيق وتانى يوم يتكرر نفس المشهد
حمزاوى يا عزيزى حلينا نساعد بعضنا بالتذكر والذكريات الجميلة واصلها اخرها كوم تراب والرجعة لى وراء بتساعد فى المشى لى قدام
ياسيكو
انت عارفه انو المطرطِش ود العجمي دا شنو غير عدم اعتقادو في الشيوخ
وبالمناسبة الجماعة ديل اهلي وكنا نمارس عادة فك الصفق المربوط
بعد ان يذهب الزائر المعتقد
مما ادى الى بورة البعض للآن
سمعنا بى غنية
جايين من محطة مورة يا سيدى كيف الشورة ؟
ان ما سمعتها اسأل شيخك ابويسرا
ابويسرا تعرف الللس ؟
|
Post: #15
Title: Re: طاب مساؤكم- إمرأة من الكركتى
Author: ود العجمى
Date: 09-13-2003, 11:20 AM
Parent: #1
والمناطق المجاور واول ما تصل ساقة السوق شق الصباح تنزل من الحمارة المسروقة وتديها سوط وتتم الباقى بى كرعيق وتانى يوم يتكرر نفس المشهد
حمزاوى يا عزيزى حلينا نساعد بعضنا بالتذكر والذكريات الجميلة واصلها اخرها كوم تراب والرجعة لى وراء بتساعد فى المشى لى قدام
ياسيكو
انت عارفه انو المطرطِش ود العجمي دا شنو غير عدم اعتقادو في الشيوخ
وبالمناسبة الجماعة ديل اهلي وكنا نمارس عادة فك الصفق المربوط
بعد ان يذهب الزائر المعتقد
مما ادى الى بورة البعض للآن
سمعنا بى غنية
جايين من محطة مورة يا سيدى كيف الشورة ؟
ان ما سمعتها اسأل شيخك ابويسرا
ابويسرا تعرف الللس ؟
|
Post: #16
Title: Re: طاب مساؤكم- إمرأة من الكركتى
Author: الزنجي
Date: 09-13-2003, 01:01 PM
Parent: #1
لك الله والوطن يا ودالعجمى
|
Post: #17
Title: Re: طاب مساؤكم- إمرأة من الكركتى
Author: ملكة سبأ
Date: 09-13-2003, 03:51 PM
Parent: #1
تعرف ياود العجمى طالما يا ياسيكو قدر على سعفنا الربطناهو طلقو .... مابعيدا عليهم
لكن ياسيكو ما بالغت عديل
اسى نرجع البلد ولا كيف ؟؟؟
شكيتك على سيدى
لك اكيد تقديري واحترامي
|
Post: #18
Title: Re: طاب مساؤكم- إمرأة من الكركتى
Author: ابو يسرا
Date: 09-13-2003, 05:08 PM
شخن احمد ود ابراهيم يلحقنا وينجدنا
الغريب ان اهل الحجير وهو من مجاوري الشيخ احمد ود ابراهيم(الاراك) غالبيتهم مساخيط ومنهم ود العجمي وللعلم عندما زار ابناء واتباع الشيخ دفع الله صايم ديمة شيخنا احمد في الاراك لبناء مسجد بهاطلبوا من ناس شيخنا ان يدعو لشيخهم الصايم ديمة بانجاب ولد لان كل ذرية الشيخ دفع الله كانت بنات وهنا استجاب شيخنا احمد ودعا ربه ان يرزق الشيخ دفع الله بابن ذكر وقد كان واختار الشيخ دفع الله اسم احمد لابنه تقديراً لشيخنا احمد ود ابراهيم
ملكة سبأ عندنا شيخ ظهر جديد في الحجير قرية ود العجمي اسمه كمال حسن محمد وهو شيخ شاطر في امور الزواج والطلاق وهو يساعد النساء في القري في التغلب على ازواجهن وكمان عندوا محايات استجلاب العريس
|
Post: #19
Title: Re: طاب مساؤكم- إمرأة من الكركتى
Author: yasiko
Date: 09-13-2003, 05:35 PM
Parent: #18
ابويسرا تسلم
يا الوراريق(المسوداب) ليكن بصيح وجن عقلي بعد كان نصيح
الجن بينداوى كعب الاندراوة
بالمناسة دي انت الاندراوة دي شنو؟
|
Post: #20
Title: Re: طاب مساؤكم- إمرأة من الكركتى
Author: ابو يسرا
Date: 09-13-2003, 05:44 PM
Parent: #19
هلا ابو جمانة
يازول مالك مال الاندراوة؟ نحن كنا مع البركاوي والقنديل والشيوخ
تعرف ياياسيكو عندي عمي على منان الشهير بالجوكر الراجل دة العاصمة واستقر في الحجير لقد ادخل لناس البلد نظام جديد هل تصدق انه باع محصول هذا العام قبل الحش؟؟
اصبح يتفق مع التجار والتمر في امه وناس كثيرة اصبحت تبيع مثله ولايعرف حق العربي والا العجمي البيحش هو ياخذ حق التمر بعد ان تتفق معه انت قبل الحش باسبوعين واصبح التجار يقبلون على نظامه الجديد
|
Post: #21
Title: Re: طاب مساؤكم- إمرأة من الكركتى
Author: yasiko
Date: 09-13-2003, 05:53 PM
Parent: #20
يا الجوكر عند الشدائد
ان شاء الله ما باع تمر ناس سيدي بس
اصلو ناسكم ديل منكرين
زي ود العجمي دا
بالله شوف الوليه البيحكي عنها دي
وشوفو هو
رماد من نار
لك الود يا ود العجمي
وحصل الجوكر واترك
انتهازية الجبهة القاعد تعمل فيها دي
|
Post: #22
Title: Re: طاب مساؤكم- إمرأة من الكركتى
Author: ابو يسرا
Date: 09-13-2003, 05:58 PM
Parent: #21
عشان البوست السمح دة شايف فى ةاحد عامل بوست عن اباحية الشايقية
مالهم لايحبون كل جميل؟؟؟
|
Post: #23
Title: Re: طاب مساؤكم- إمرأة من الكركتى
Author: yasiko
Date: 09-13-2003, 06:08 PM
Parent: #22
الزول ضيع حبوبة ود العجمي
ونسب الجميع لعالم اباحي
|
Post: #24
Title: Re: طاب مساؤكم- إمرأة من الكركتى
Author: ملكة سبأ
Date: 09-13-2003, 08:03 PM
Parent: #1
..
|
Post: #25
Title: Re: طاب مساؤكم- إمرأة من الكركتى
Author: ملكة سبأ
Date: 09-13-2003, 08:03 PM
Parent: #1
عليكم الله خلونا فى الكركتى وناس سيدي
الدينا موسم يعنى افراح
خلونا نعرفهم بالتراث والموروث البتكلمو عنو بالعمل
اتفضلوا لجوا الشاى مارق
ابوى راجيكم بغادي
وبعدين نمرق على حس الطنبور دا
وخلو كلام ناس فايتاهن دا
البجن الحفلة جاهزات بغتاهن
يحجزن البروش قدام براهن
لايرقصن لايزحن للوراهن
يعنى خلونا فى ابراز جمال بلدنا وناس بلدنا والدايرنا حبابو الف
|
Post: #26
Title: Re: طاب مساؤكم- إمرأة من الكركتى
Author: yasiko
Date: 09-13-2003, 08:17 PM
Parent: #25
Quote: وخلو كلام ناس فايتاهن دا
البجن الحفلة جاهزات بغتاهن
يحجزن البروش قدام براهن
لايرقصن لايزحن للوراهن |
ملكة سبا
لله درك
|
Post: #27
Title: Re: طاب مساؤكم- إمرأة من الكركتى
Author: aba
Date: 09-13-2003, 08:32 PM
Parent: #26
أخي ود العجمي
يا سلام عليك وانت تنكأ جراحنا وتبكينا وكما تعلم نحن يقتلنا الحن ونذكر حينما لم تكن بمناطقنا مدارس صناعية كان طلابها حينما يذهبون للدراسة في عطبرة يعتبرونها غربة ويكتبون في ذلك من القصائد ما يجعل الحجر يتفجر من الدمع عيونا. وبي لهجتنا الحلوة بقول يا حليلنا ويا حليل نخيلنا ويا حليل طعم قراصة في قدحا من الدكر ، تشردنا وليت لي عمة أو خالة بقيت رحمهم الله جميعا إذا لقالت (وا شري علي البطان الطفشوا والغربة طايري) ولك الشكر علي كلماتك الحنينة وا اللحن الجميل
|
Post: #28
Title: Re: طاب مساؤكم- إمرأة من الكركتى
Author: ابو يسرا
Date: 09-14-2003, 00:03 AM
Parent: #27
شن طعم الدروس مادام مكانة مشي قطر
كبف ذاتا ترتاح النفوس تقبل قرايتاً في سفر
الكلمات لمحمد الحسن سالم حميد في بداياته الشعرية
عاشة بت حسن ابنعوف تسكت بجوار الفنان محمد جبارة وابنها فنان معروف في المتطقة وهو أمير عثمان وياريت ياود العجمي تجر لينا امير للمنبر الحر خاصة انه زولاً كَتاب خلاص
|
Post: #30
Title: Re: طاب مساؤكم- إمرأة من الكركتى
Author: ود العجمى
Date: 09-14-2003, 12:32 PM
Parent: #1
ابويسرا ما ذكرته عن دعوة شيخنا احمد ود ابراهيم حقيقى جدا ود الحصل بالضبط
أمير ود عاشة هو فنان بمعنى الكلمة يكفى انه اول من سجل أغنية زينوبة فى الربوع وعندها كان طفلا صغيرا. جاء به الاستاذ محجوب كرار الى الازاعة ومحجوب كرار الله يرحمو هو ابن اخ الشيخ محمد عبد الرحيم كرار صاحب الصالون المذكور اعلاه. يا ريت مارد يكلمنا عنه
أمير ترك الغناء وكتابة الشعر وصدقنى لو كان استمر كان أضاف للأغنية الشايقية كثيرا . احيانا يعنى فى الجلسات الاسرية
له عدة اغانى من كلماته والحانه وغنائه تركها تذهب فى مهب الريح
|
Post: #31
Title: Re: طاب مساؤكم- إمرأة من الكركتى
Author: yasiko
Date: 09-14-2003, 07:39 PM
Parent: #30
سمعنا بى غنية
| Quote: جايين من محطة مورة يا سيدى كيف الشورة ؟ |
ود العجمي سلام نق 3
طبعا دي كَلَّة جرا وقوشابي
وهم اهل الشيخ ذاتو
ما سمعت ب:ه
يا كَلَّة حلينا والغرقان بالو لينا
لا اعتقد في ذلك لكن هذا جزء مما اذكر
|
Post: #32
Title: Re: طاب مساؤكم- إمرأة من الكركتى
Author: ابو يسرا
Date: 09-14-2003, 07:52 PM
Parent: #31
ياحوارانا ياسيكو مالك عقلك خرب؟؟
اعد ماكتبت
|
Post: #33
Title: Re: طاب مساؤكم- إمرأة من الكركتى
Author: ابو يسرا
Date: 09-26-2003, 12:42 PM
Parent: #32
فوق
|
|