الشاعر محمد المهدي عبد الوهاب يعترض علي مقالات شيبا حوله ..

الأخ شيبا ..
كنت أنت قد كتبت موضوعين عن الشاعر محمد المهدي عبد الوهاب ..
و قد أوصل أحد أعضاء البورد هذه المقالات الي الشاعر محمد المهدي عبد الوهاب و هذا العغو هو الصديق ساري الليل .. و وصلتني رسالة عاجلة من محمد المهدي نصها :

Quote: He destorted what I wrote and intentionally misquoted me. Sometimes he put his own words to my mouth Please ask him to find the real text and rewrite it as it is This is a very weak spelling and readers will count it on me I dont accept such a liability

و قد تجاهلت الأمر في المره الأولي لثقتي الكبيرة بكم ..
و لكن اليوم هاهو الموضوع يطرح مره أخري و بنفس الصيغة الأولي هنا :
محمدالمهدىعبدالوهاب يروى سرالفتاتين الاثيوبيتين اللتين سكنتامع مصطفىسيداحمد
لهذا أرجو من شيبا وضع مصدر هذا الحديث و وضع الاثبات عليه
لأن الشاعر محمد المهدي قد إستاء فعلا من تحريف كلامه بهذا الشكل و لضيق وقته أرسل لي يقول :

Quote: No time to write anything U write on my behalf and ask for my real words and spelling to be rewritten. And ask for deletion of what they already emailed PS Thanks

لذا سأكون شاكرا لو وضعت مصدر موضوعك..

مـــودك

الأخ مودك واتمنى ان اكون قد كتبت الأسم صحيحا
الأستاذ محمد المهدي عبدالوهاب رجل ولا ككل الرجال وهو زميل دراسة منذ المدرسة الاهلية الثانوية بامدرمان وصديق بكل ما تحمل الكلمة من معنى.. لا يمكنني ان اعدد حميد صفاته وسماحة روحه مهما اوتيت من البلاغة وحسن الكلم.. وهو حساس من النوع الذي لا يحب الشكر ولو كان للمثقفين ثيرموميتر لقياس درجة ثقافتهم لكان ود المهدي - وهو الأسم المحبب له- لكان هو ذلك المقياس

سمعته في ندوة للتجمع قدم فيها السيد الصادق المهدي تقديما لايمكنني مضاهاته او مجاراته مهما حاولت وانا الأنصاري حتى النخاع.. اعجب كلامه المنمق احد جيراني في الندوة فعلق قائلا: ناس المهدي ديل ما صنعتهم الكلام.. الرجل كان يظن ان محمد المهدي عبدالوهاب من آل المهدي.. اوضحت له ان ود المهدي من ناس أم درمان ولكنه ليس من آل المهدي وهو ديمقراطي .. ولكني اعرفه رجلا امينا وهو الأمانة تمشي على رجلين.. فمع اختلافه مع السيد الصادق ايدولوجيا إلا انه مدح الرجل بكل صفة حسنة وكل قول جميل ولا أظنه طامعا في شئ... إلا إذا جاء معنا في الأنصارية

وسؤالي هنا لشيبة هل استهلكت المرحوم مصطفى سيد احمد وتريد أن تستهلك شخصا حيا بين ظهرانينا؟ اتق الله يا رجل ولا تحاول ان تفرض اهمية لنفسك لا تمتلكها وشوف ليك واحد تاني قل عنه وفيه ما تريد .. فود المهدي ليس من الرجال الذين تعرف وتحريفك لكلامه ذنب اغترفته فاعترف واعتذر ولك اجران

كباشي الصافي

العزيز عم كباشي ..
جميل هذه الصداقة القديمة التي جمعتك بخالي ود المهدي ..
و لسنا بصدد شيئ سوي إظهار بعض الحقائق ..
فنقل حديثه كما هو من أبسط حقوقه الأدبية ..
كثيف ودي ..

مــودك

الاخ العزيز مودك

تحياتى


كنتونا اطلع انت منها وخليك بعيد احسن
وسيبنى انا ومصطفى فى حالنا يا حبيب
ونصايحك الغالية دى وفرها لى نفسك


الحبيب محمد
احب اطمئنك فى الاول انو انا ما جبت الكلام دة من عندى
ولم ازد فيه حرفا واحدا وهو منشور برمته فى جريدة الصحافة بالنص

ولو استدعى الامر ساقوم بتصوير الصحفة كلها بالاسكانر وانزالها فى هذا البوست
لو كان هنالك عدم مصداقية

ويمكن تكون الصحيفة هى التى انزلت الموضوع باخطاءه

فما هو ذنبى انا


وازيدك ايضا اننى لا يمكن ان افترى على الوالد محمد المهدى
لانو نسبينا واسالو من ناس البركل


تحياتى واحترامى

وساقوم غدا بانزال صورة للموضوع بالاسكانر كما هو منشور

كانتونا-1

ابعد دمك دة من دمى
وخليك فى حالك الله يرضى عليك

وما تخش معاى فى صراعات عشانانت ما قدرى
ما تقول الزول ده طيب وعلى نياتو


وخليك بعيد منى ومن مصطفى الانت مستكتر عليهو الدولارات

ولا نسيت

معليش نذكرك يا حبيب

وبرضو الذكرى تنفع المؤمنين

ومشكور على النصائح الغالية مقبولة منك برضو يا حاج

متذكر البوست دة

انا كنت حافظو وعارف انو بيجى يوم احتاج ليهو
وكان عندى بعد نظر اخوك ما تفتيحة

واهو جا اليوم

تحياتى

شيبا

العزيز موديك - صورة بالاسكانر لحوار محمد المهدى بالصحافة قبل ثلاث اعوام

الاخ الحبيب محمد
تحياتى واحترامى
فجاة وجدت نفسى الان فى موقف لا يحسد عليه واصبحت سخرية من بعض اللذين اعمى الله قلوبهم واغتصبوا شرف الكلام باقلام صدئة ومداد متسلق مما جعلنى انحدر الى مستوى متدنى فى لغة الحوار ما كنت اريد ان اصل لها ولكن..

مما اطرنى البحث طوال اليوم فى ارشيفى الخاص عن ذلك العدد من صحيفة الصحافة حتى تكللت مجهوداتى بالنجاح والحمد لله واقوم بنشر صورة بالاسكانر للحوار الذى تم مع خالك وهو لا يختلف عما تم نشره ولم اقم بتبديل اى حرف فيه
وان كانت الصحيفة هى التى بدلت لغة الحوار فهى مسئولية الصحيفة ويمكن مقاضاتها لو كان الامر يستحق او دعى الامر

ومع حبى وتقديرى واحتلرامى وما بيننا من ثقة ستنمو انشاء الله .. كان يمكن سؤالى مباشرة عبر الماسنجر او الايميل او حتى داخل البوست نفسه عن كل الحكاية والحوار وكنت سارويها لك بكل صدق بدلا من افراد بوست بعنوان مثل الذى قمت بانزاله مما يقلل من مصداقيتى كفرد فى هذا المنتدى كنت وما زلت وساظل احد اللذين سيوثقون للراحل المقيم مصطفى سيد احمد ما كان فى العمر بقية

الحوار كما هو مرفق منشور بصحيفة الصحافة السودانية بتاريخ الثلاثاء 22 ذو الحجة 1420هـ الموافق 28 مارس 2000 م
ولدى ثمة سؤال ماذا سيحدث لو كنت لا اذكر مصدر الحديث اوفقدت تلك النسخة من الصحيفة ؟؟ هل معنى هذا اننى كاذب او ملفق والعياذ بالله ؟؟

اتمنى لك ولخالك التوفيق والسداد

مع حبى
خالد
صحيفة الصحافة التى تم نشر الحوار بها ويلاحظ التاريخ 28 مارس 2000
……………….…………….

……………..………..……..

يا شيبا ... مساء الخير ...
أولا لما وصل الموضوع لمحمد المهدي ... هو ما كان عارف منو الكتبو .. لأنو وصلو من ساري الليل .. فهو ظن أن ساري الليل هو اللي كتبو .. لكن بعداك أنا كلمتو انو ما كتبو ساري الليل ..
و الكلام ده في المره الأولي اللي اتنشر فيها الموضوع ... و لثقتي فيك .. في المره الأولي كنت بس طلبت منك ذكر المصدر عشان أخلص من الحكاية دي و أذكر خالي لو كان ناسي ..
لكن انت اتجاهلتني و ما ذكرت لي المصدر ... و أنا سكت تماما و ما عقبت مره تانية ..لحدي ما اتعرض الموضوع مره تانية ..
فحاولت ألفت انتباهك لي و ما تتجلهاني زي المره الأولي ...
بعدين العنوان ده ما فيهو أي اساءة ليك ... يعني أنا ما قلت انو كذب كلامك أو انو كلامك ما صادق أو كده ..
أنا بس قلت انو اعترض علي مقالك حولو ... و ده فعلا اللي حصل .. وصلني ايميل اعتراض طالبني بايصالو ليك ..
لأنو الرجل كان عاوز المقال يتنشر كامل لأنو كل كلمة تتحذف .. بتعتبر تغيير لكلامو ... لأنو لو رجعنا للمقال في الجريدة و الموضوع .. حنلاقي في اختلاف في الترتيب و بعض الأشياء حذفتها بحسن نيه ..
فما تبقي حساس ... و طلب المصدر ليس تشكيك في المصداقية ... و الاعتراض علي طريقة الترتيب أو الحذف من حق ود المهدي ..

مــــودك

الاعزاء شيبا ومودك
أذا كان الموضوع كدة
أنا أسف شديييييييييد
وما قصدي أنو أفتن بين أي من الطرفين
فتقبلوا اعتذاري