Post: #1
Title: بحبك
Author: sharnobi
Date: 08-25-2003, 11:09 PM
بحبك
صول وتر شاتر
فى الغنا المايل
حرّق جوف المغنى
سكت صوت الكلام
ونشرك فى الخيال
بحه
وكنت الحاضر الغايب
صلاة النوم
وسجع القول
مخرف فى بلاد تانية
وراحل من دلاليك
انداية الحلة
بقيت طرف متنى
وحزن متشبح
سعف نخلا
بقوقى
عليهاقمرية
وفى
امسية
وبحاحى
جوف الجوه
وحراق للروح
وما لقيتك
وكنتى فى احشائى
وحم
بيك
سقط قلبى
وكت ما لقاك
تفاك
جغمة دم
وحارة
خسارة
دافقتك
دفاق
بعد ما حملى مسك فوقك
وكنت الشهوة
والشهقة
وكتمت
الروح
صبرت عليك
وفيك كتير
قالوا ايوب
وكان شاف العلىّ
كان ...
حيرتو فى صبرو
نسوى شنو
مظاليمك
ولكن يا حبيب الروح
شن سويت
ما ما خليت
كتبتك فى سفوح
الراحلات
الرجمات
الصواريخ
وشوشت السماء
برادار حسى
ومضيت اسمى
على حبك
اعيشو جفاك
وكون انى ما
جعلى عشان
اتحدى
هذا الظرف
وانى
ما شايقى عشان اهرب
واغنيك على وتر
طنبور
مسافر بيه فوق تندة
انا الحبيتك
يا
خلاسية
نوبية
ان الفاير سمى فى حبك
ومن قساك علىّ
قسى الدنيا فى وشى
ده
زولا ما بدور خيرك
-حسادة وبس
شال حفارو
شان يهدم
قصر ريدى
ويوسوس ليك زى ابليس
وقدم ليك تفاحة
وشايف نفسك الطيبة
مالت
لى وشاية الخائن
وقدر يلقاك وقت
غبت
مسافر للنجم
واحلم
ابنى
مملكة عشقك
وحبت كل من حولك
وشلت سيف العشر
واترجلت فى ساحات عيونك ليل
وقلت اجيك عديل ببابك
الموصد
ادقو واستنى
يتسرب الى
صوتك
يجر طرف جلبابى
ذى الشيمة
وادحرج اليك
رغم موانع
سلالمك العالية
وخر م الباب
واتمدد فى الغرف الضاقت بيك
امسح من خدك الناعم
دمعة و هم
ياtona
صدودك
لى فات الحد
وبقى مخلاف
بس قدر قدراتى
اقول اليك
و بحبك
بحبك حب
|
Post: #2
Title: Re: بحبك
Author: nadus2000
Date: 08-25-2003, 11:55 PM
Parent: #1
شرنوبي
تخيل نفس الشعور
|
Post: #3
Title: Re: بحبك
Author: tmbis
Date: 08-26-2003, 07:41 AM
Parent: #2
|
Post: #4
Title: Re: بحبك
Author: Kudouda
Date: 08-31-2003, 11:40 AM
Parent: #1
up
|
Post: #5
Title: Re: بحبك
Author: زوربا
Date: 08-31-2003, 08:37 PM
Parent: #4
شرنوبي
نيلينك والأبنوس
همست لمسمع أمراة لم تأت بعد
أني
أحبها وكفي
.
.
.
.
.
.
.
ثم أحترفت الأنتظار
ترافقنـــــــــــــــي
والريد نيلين
|
Post: #6
Title: Re: بحبك
Author: زوزو
Date: 09-06-2003, 00:13 AM
Parent: #1
up
|
|