Post: #1
Title: تصدقوا وزارة للشحذة عديل,,
Author: kofi
Date: 08-02-2003, 10:42 AM
صديق عزيز ابلغنى من بروكسل انة التقى شخص عجيب يحمل صفة وزير شحات(شئون انسانية) طبعا جاى يشحذ(موش مشكلة) لكن ديل موش ناس ناكل من ما نلبس!!!
ولا غيروا الشعارات(الفواتير الاتقطعت)
بس ان شاءاللة القروش تمشى السودان
|
Post: #2
Title: Re: تصدقوا وزارة للشحذة عديل,,
Author: shammashi
Date: 08-02-2003, 11:20 AM
Parent: #1
أمبارح الوزير الشحات دا جابوهو في التلفزيون قاعد جنب الجامع الكبير وبيشحد في كل الناس (ناس جوا وناس برا) وكل دول العالم بأن تمد يد العون لكسلا المكلومة.
والحكومة في تبريرها للكارثة قالت إن توتر العلاقات مع أرتريا وقفل الحدود جعل من الصعب التنبؤ بمستوى المياه الجاية لنهر القاش.
عيكم الله اسي الواحد يضحك ولا يبكي. القاش دا كل سنة بيجي يخلي عاليها واطيها في كسلا ونحن بنصرف على احتفالات الإنقاذ بالملايين.
ليكم يوم
|
Post: #3
Title: Re: تصدقوا وزارة للشحذة عديل,,
Author: شدو
Date: 08-02-2003, 11:21 AM
Parent: #1
الاخ كوفى تحياتى
اسمح لى ان اشاركك بهذه المعلومة
وكالات دولية تتحدث عن وجود عشرون مليار دولار من اموال الشعب السودانى بدول اوربا الغربية فى حسابات واستثمارات سرية
فلا غرابة فى الشحدة
كلها وسائل للسرقة باسم الشعب السودانى
وربنا يكون فى العون
|
Post: #4
Title: Re: تصدقوا وزارة للشحذة عديل,,
Author: haleem
Date: 08-02-2003, 12:02 PM
Parent: #1
صديق عزيز أعيته السبل في السفر إلى إحدى دول أوروبا الغربية حيث طالبوه بكفالة شخص ملئ وذلك في بداية التسعينات...وكان على صلة ما بأحد الجماعة الذين تم تمكينهم حينذاك في كل شئ..البنزين التجاري والعيش التجاري ...الماء والهواء ..كل شئ..بالرغم من أنه أقل من الواحد صحيح..حين ذهب صديقي له ..تبسمل وتحوقل وتلفت يمنة ويسرة وقال لصديقي...نعم لدي حسابات خارج السودان وكافية جداً لأغراضك..ولكن أصدقك القول ولن أكذب لأن المؤمن لا يكذب(خصوصاً المؤمن الغني) ..قال لن أستطيع تزويدك بأي شئ لأن العين علينا ويمكن إستخدام كشف الحساب بواسطة أي جهة خارجية معادية للإسلام والتوجه ..و...و...والشيوعيين..والحاقدين ...وحاسدي النعمة..و.. وجزاك الله خير
|
Post: #5
Title: Re: تصدقوا وزارة للشحذة عديل,,
Author: قلقو
Date: 08-02-2003, 12:22 PM
Parent: #1
الأخ كوفى
انت من زمن الفواتير الأتقطعت.ياصديقى دى اضيقت ليها فواتير العنب والتفاح وصدق او لا تصدق فواتير موية الشراب ولبن الحليب.ومن وين؟ من السعودية اى والله من السعودية وازيدك كمان بقينا نستورد الطماطم اى نعم ا ل ط م ا ط م من الأردن ذلك القطر الصحراوى الذى يكابد من اجل ماء الشرب والتوم من الصين والهدوم المستعملة من الأمارات.
تقول وزارة للشحدة ياكوفى.دة مجلس الوزراء بى حاله بقى شحات
حقيقى الأختشو ماتو
|
|