ما بنختلف - كبدة ساجدة - وأشياء أشباه

أن تقضي إجازتك في السودان فأنت حتما أكلت ما وزنه خروف كامل بكل مكوناته .

أن تقضي إجازتك بالسودان فيعني أنك ربما مر بك حوار كهذا أو شبيه

ياخ لو سمحت السلعة الفلانية دي بي كم؟
البائع : شوف طلبك ولا يهمك
أنت : ياخ لو سمحت بتبيعوها بي كم؟
البائع : يا حبيبنا ما بنختلف ، قول انت بس داير شنو
أو

يا أوسطى بتوصلنا للحتة الفلانية بي كم ؟
السائق : يا مولانا اركب وما بنختلف
انت بإلحاح : يا أدفع ليك كم؟
السائق : يا شيخنا الناس الجايين من بلد الرسول ديل نحن بنشيلهم كان ما دفعوا لينا كلو كلو
طبعا النهاية معروفة : الاختلاف

أي نوع من الأكباد تلك التي في جوف ساجدة خير الله ؟ هذه المرأة التي بدأت حياتها عادية ثم هادئة ثم هانئة ثم مليئة بالعظمة ، ثم عاصفة . الذي أعرفه فقط أنها شهدت مصرع أخيها الوزير عدنان خير الله بيد من؟ الله أعلم . ثم مقتل ختنيها - زوجي إبنتهيا وأبناء عمومة زوجها . ثم هي الآن خارج إطار العظمة والسلطة وترى ويرى العالم مذبح وتشنيع ابنيها عدي وقصي .. تعرض جثثهما بهذه البساطة والسماجة

- أشياء أشباه -

الليلة عرب الصبا اتدلو للغشيان
نشوف اللونو يخفى البرق من الصفيان
نية الكنكلو الركاب من الطمحان
تخلي السندقيقة تواقع الصيحان

وسلامتكم

نحيكم في يوم خرطومي بدأ ربيعيا وانقلب إلى مغبر غبار شديد .. ثم عاااادي والقير عايدي ..

نشوقكم كان الله طلق
هاكم الخدمة الالزامية دي
تحياتي لك الما سأل عنا والسألو قبالهم

أهل العوض

ما سألنا منك
لكن شامين فيك ريحت الحبائب

إجازة سعيده يا اهل العوض

وجادعنا مرات مرات

بسم الله الرحمن الرحيم

الغالي أهل العوض
سلااااااااااااااام وشوووووووووووووووووووووووووووووق

مرحب بيك وحمدأ على سلامتك وكيف أخبار الأهل وبجيك راجع إن شاء الله

أهل العوض
تحياتي و تقديري
الحمد آلاف على السلامة. و الجيت منهم عساهم طيبين و سالمين و تامين. و عودا حميدا و في إنتظار سيفك المسنون تقارع به .
تسلم.

سلام مربع

اهل العوض

اهييييلين
ماعايزه اقول ليك هاااااي
تقوم تقطعني ببيت شعر قاطعو من راسك
ما افهم منو اي شيء

لكن وحات الله واصالة عن نفسي
امس اتذكرتك وقلت ياجماعة الزول دا مشي وين
حقيقي مفتقدنك
عشاااان تااااامن

أهل العوض
آزول سلام عليك
خبارك بتسافر ساي كدي برا خبر
أكان فتلينا مسافر كان أديناك مصايف الوليدات
وبعدين تعال آخوي
الخرتوم دي مسكتك من أهلك
خبارك داير تبنيلك بيت هناك وللا شنو
والله آزول كان سويتلنا بيت هناك
تكون ريحتنا وريحت وليداتنا البقرو في الخرتوم ديل
بس آزول كان سويتو سوي لينا في الصحافة عشان لمن نجي يبقى لينا ساهل
أول ما ندخل الخرتوم نقول داك بيت زولنا
وعشان النسوان المرضانات والشايب الكبير والبهيمة المرضانة كلهم نجيبهم ليك
وعاد ما بوصيك علي الديوان ، قدر ما تكبرو بيكون سمح بالحيل
عشان اللمة
آزول لمة اللهل زيها في ؟
والله آزول فقدناه بالحيل أحمد ودأمحمد علي ، بيتو كان نافعنا
لامنا ولام لينا نسوانا ووليداتنا في الخرتوم
لكن آزول والله الغربة
الله لا يغز فيها بركة
شالتو عليك أمان الله متل الكضب
والبيت آزول أجرو على جماعة كدي تقول من الشمالية
أها خلانا لمن نمشي الخرتوم نقعد نتلفت
وآخرتها نمشي عليك أمان الله ننزل في اللكوندة
وناس اللكوندة يقابلونا بي بطنا طامة
والله تقول بنشحدهم
مرات نقول نمشي لي بيت ود الماحي لكن آخوي مرتو
من ناس امدرمان ديل
والله من تشوفك تقول شافت الموت
اصلا ما بتدورناولا بتدور شوفتنا
من تشوفنا تجفل
وهي ذاتها عندها شيتا بندار
والله الكسرة دي في بيتها مافي
مرة نزلنا عندها والله مسكتنا يابوسة من أكل الرغيف
وأكان جابولك براد شاي يسعلوك سعال نكير
كم معلقة سكر؟
كم معلقة لبن ؟
هو ذاتو لبنكن البي المعالق ده البدورو منو
والله اللبن عندنا بالجردل
وأكان جيتونا هناك ودرتو برميل كامل نديكن ليهو
والله الوليد كان شفتو المرة نشفت عضمو
أمانة ما هلكتو هلكة
آخوي هن نسوان البندر ديل ماعندهن شغلة غير الحنة والدخان
لا بعوسن ، لا بحلبن ، لا بسرحن ببهائم ، لا ساعلات في جنا ، لا بفزعن لي حطب
آخوي هن نسوان شنو ديل
يا كافي البلا منهن
تقوم ليك من صباح الرحمن عليك أمان الله تتلبس وتقول لي راجلها أنا ماشة الترحيل مستنيني الشاي في المتبخ شيلو وأسقي ضيوفك
وزولك والله يدخل بالراحة يجيب شاهيهو ويكب لينا
نشرب ونمرق
لا بقول تعالوا اتغدو ولا بسعلنا ماشين وين
يقرب يقول لينا اكطعوا وشكن


أهل العوض كترت عليك
سامحني آخوي
تاني بنتلاقى
كان الله أدانا عمر

كيفك يا اهل العوض وتحياتي ليك
ظريفة حكاية كم ملعقة سكر
وكم ملعقة لبن
قلت لي اللبن عندكم بالجردل
انت مفتكر ناس الخرطوم براهم
والله اهل العوض برضو اتعلموا الفصاحة
اها نحن في حلتنا برضو بقينا نقول كم ملعقة سكر
لكن الملعقة الله لاوراك ليها
قدر كمشة الملاح
مرة جانا واحد وقلنا كم ملعقة
قال تلاتة ملاعق
لمن قام شاف الكباية لقاها مليانه لحد حلقومها سكر
المرة التانية لمن جانا
وقلنا ليهو كم ملعقة سكر
قال اول شيء وروني الملعقة

اهل العوض
افتقدنا حقاً
حلو قولك

ترجع بالسلامة ان شاء الله

واجازة سعيدة

تمبس .. الرجل اللي حبيناه لله في لله .. إنت بس تأمر .. تحياتي للفردة .. دافي – أنا أعتبركما فردة أو فرد (بالكسر يا تفتيحة) .

البدري .. باكر تجينا بدري .. ما عندنا زمن نبشتنو . تحيات وأشواق – أشواق دي طالبة معانا في الجامعة .

أبا جهينة .. الحمد آلاف والشكر آلاف .. العيش الرقد أصناف أصناف .. مشهادنا نفزع مجدنا .. كتر ألف خيرك .

شيري بت ام شيري .. لا بالله كان تقولي هاي .. هاي ورحمة الله . سلمي لينا علي حلل كمونية خرفان جيران أصحابكم وقولي ليهم حا نشوفكم .. بالبطيييء .

ود قاسم .. ياخ لاكيين ما ألقمتني حجراً .. إنت عارف .. نسوان اهل العوض الأنا شفتهن ديل . قبلهن وقبالهن .. والله نسوان بندر عدييييل .. ونستهن بقت تسريحة ماجدة الرومي ، وفستان نانسي عجرم وفقرة نبيل شعيل .. قبل ما تخسمني والله نانسي عجرم دي لو قلت لي بتخدم وين ولا بتبيع شنو ماني عارف . الله يدينا الفاقة ويقدرنا على جزاك .

أبو حراز .. شكرا على التحية .. طبعا الليام دي نحن في ملاواة شديدة مع المطر وانت عارف حبكم للمطر .. إت والمطر خطان مستقيمان .. ست النفر بتسلم عليك وقالت ليك القروش الفي اللحاف ما وصلن .

الجندرية .. شكرا لك .. الاجازة فعلا كانت سعيدة .. نحن وين والقول الحلو وين يا بت الناس .

آ جماعة هي .. والله نحن في هذا البلد الظريف أمورنا ملبختة .. ما عندنا مواعيد مضبوطة ولا بنعرف الزمن .. غايتو كان لقينا إيدنا بنخفس لينا علي كمبيوتر وبنهبشكم بي عنكبوت .. أعملوا حسابكم . الدعت دا معيق خلاص الله يعيقو ..

كتر خيركم .. وشكرن عليكم .. ونستونا الله يانسكم بي الجنة .

ليك وحشة يا بني ادم
وين انتا؟؟؟

ما فهمنا شي يعني غيبتك دي كانت في السودان ولا يا دوب ماشي انتا؟؟

مغروض لي في خبر عندك ما تفدينا فيهو؟؟؟

أهلنا

يا أَحَمدْ

سلام آلاف
والشوق الرقد أصناف

البلد مطرانه والواطا نديانه، تلقاك هسه تساسق من روا لى روا وهجساتك مجيها ونحن القريفه طقت فينا العروق والله

أها، امانه عاد كان ما سلمت لى جملة اهل البلد، وحد من تقابل، واتا جاى صاد، املا هينك بس موية مطره وقبل على القبله واكشحا فينا

واعصر على مطر الضهرى، اللللللللللللللللله، الشمس حيه والمطره تنقع

والله سعيد يا اهل العوض

أدام الله سعادتكم والأهل

والشوق آلاف