خلي العواليــق دا يحاسبك ، انشاء الله مايحلق يشربوها

اول الحكي
اول الحكي
عيونك زي سحابة صيف تجافي بلاد
وتسقي بلاد
وزي فرحا غشاني وفات
وعاد عم البلد اعياد
وزي الفرح البعيد العاد ..
وزي كلمات بتااوه ، تتوه لمن يجي الميعاد
بدون عينيك بصبح زولا
قلت ارحل ، اسوق خطواتي من زولا
نسى الالفة ..
الكلام : للتجاني حاج سعيد ، الغناء لوردي
___________________________________

ممعنة في صدها قاومت دخول محارته

بواباتها على الدوام كانت مغللقة في وجهه ومفاتيح مغاليقها لم يستلم منها نسخه على ما يعتقد ..

ذلك ما هداه الى فتق (كبكبته في حضرتها) ورشق صمته بحجر قنوته .. رغم هذا التكنيك (الما راكب عدله ) لم يكن يعرف كيف يحادثها ، حتى عندما افلـت كتابه تحت قدميها .. في محاولة مكشوفة لزرعها في حديقته ، تجاوزته وكتابه وجلست الى طاولة حٌجزت لهما مسبقا بكتابين وفنجاني قهوة وجريدة ..
لكنه عاند واقع الحال وبقى على مقربة منها تأكله حسرته وتئـزه ضربات قلبه ازا.
طّير الهواء جريدتها ..
تخلى عن كرسيه ، خوفه ، حسرته ، حقده وضربات قلبه وهرع يصارع الهواء ومنحازا الى صفحات جريدتها ، ليعيدها الي حضنها مع ابتسامته ومشاعره المضطربتين .
تجاوزته ممعنة في ابتسامتها تسلمها الى ذاك الذي جاء يبشرها بغمام طلة بعثرة كل التزاماتها وهي تنتظرها .
ساعتها فقط اخذ فنجانه وارتشف قهوته بغضب ، موقنا انها لم تكن
تسمع
ولا تشم
ولا تشوف...
ولا زوق ولا رائحة ولا طعم لها
وحينما جاءه الجرسون ، دس في يده دراهم قليلة وهو يساءله
اسمع ، بالله الزول العواليق دا من وين ؟؟
الواحده تشبه الكاكو ، تعمل ليك فيها زيتا جونز ذاتها!!

نفض يديه بغضب ولولوح راس ، واشعل سجارته ، ثم رجع تاني اخد البقشيش
خلي العواليق دا يحاسبك ، انشاء الله مايلحقوا يشربوها .
يا بركة سيدي حسن

العزيزة شيري

والله ضحكتيني من الاعماق

ابو الشباب ده حاسد حسادة عجيبة خلاص، قول ليه خلي روحك الرياضية عالية يعني شنو فتحت ليه ومشت قعدت مع التاني

عااااااااادي


تسسلمي اختي ولي قدام مزيد من الابداع

سلام المبدعة شيري .. ألف حمد على السلامة جيداً شفنا طلعتك البهيه .. وماء شاء الله كلوا ما تغيبي تجئ اكثر إبداع .. مع تحياتي وتقديري وغلى الأمام إن شاء الله

سلام مربع

فيصل النعيمه


ربنا يخليك يا سيدي
والف شكر لسؤالك عني
وعن صحتي
يعافيك ياسيدي

سلمت ايضا للطله البهيه

سلام مربع

ياسر حنا

ترى اين الخلل ؟؟
هل في قصر نظر (ابو الشباب)وعدم اعترافه
بان كل شيء قسمه ونصيب
وعدم روحه الرياضيه كما قلت؟
؟؟
ام في مراية الحب العمياء
وان القسمه اختارت خلاص

لذلك لم تعطي (البنوته) الاموره ديك نفسها
فرصه لتراه بصورة اخرى مغايره
لحبيبها الذي انفقت كثيرا من الوقت وهي تنتظره

سلمت ياسيدي للطله

شيري.
قصتك الجميلة هذه تذكرني بقصة واحد صاحبنا حدثت أما ( عيوني الخلف النضارة الماها تخينة بالحيل ) :
أحب فتاة ، لم تعره إنتباها ، ألح عليها و باراها كالضل أو أكثر إلتصاقا. قالت له ماذا تريد ؟ قال الزواج ، قالت أدخل بالباب عديل . قال أولا إنت موافقة ؟ قالت نعم ، قال أنا ما موافق.
عندما أصابتها الصدمة و الدهشة ، كان صاحبنا يتعالج عند دكتور ( نفساوي )، سألنا الدكتور : ما هي علته النفساوية ؟ قال : هذا نوع من السادية ، تأتي كردة فعل ( للطناش ).
تسلمي

يا شيرى
تحياتى
جفت العيون بلادا
وسقت اخرى
لكن حنبر المطر
مشكله
هناك من ياتوا فى الوقت ده
لكن الاحساس هو هو
حتى لو لونه
بالشده فى الواو
قوس قزح

ايو جهينه

سلام مربع

يعني زولك بعد المعاناة دي كلها
رفض هو الاقتران بيها

طيب مالو متجننن على بت الناس
طيب كويس ماسب ليها ....انا لدى قريبتي جدا
ونحن في الجامعة
وهي ماشاء الله جميله
التقله وصنعتها
عندما اعيته الحيله
كنا انا وهي وصديقة مشتركة
طالعين من المحاضره
وعندما كحلها وهي تمشي معانا
جاء من هناك
والكلام دا على نهاية السنة
والدنيا امتحانات
وكده
اقيفي يا فلانه اقيفي
طبيعي ان نقيف ثلاثتنا
وجاء من هناك هذا المجنتر
واخرج كميات من جمل ســب ...ليهو اول شيء ثم ليها هي
ثم لينا نحن
ومع ذلك لم استطيع ان اكتم ضحكاتي
التي تردد صداها في اذنه
اتخيل الود ما قدر يمتحن
مسكين
لكن مؤخرا شفى من حبها

سلمت ياسيدي
وشفانا الله كلنا
المصابين والغير مصابين
بامراض الهوس

استاذي حمزه سليمان

سلام مربع

الله يكفينا شر
الجيات المتاخرات

ويكفينا اكتر
شر الالوان الداكنه
المضلله
ساعة الاختيار
ويلون ايامنا
بزاهيها وفرهدها

سلمت ياسيدي
للطله البهيه

شكرا يا شيري القصة جميلة
لكن ماتكسري لينا الشعر

................
عيونك زي سحابة صيف تجافي بلاد
وتسقي بلاد
وزي (عيدا) غشاني وفات
وعاد عم البلد اعياد
وزي (فرح) البعيد العاد ..
وزي كلمات بتتأوه ، تتوه لمن يجي الميعاد
بدون عينيك بصبح زول
بدون ذكرى وبدون ميلاد
رحلت وجيت ..في بعدك لقيت كل الأرض منفى..
الكلام : للتجاني سعيدوليس (حاج سعيد) وأظنك خلطت بينه وبين الشاعر المبدع صلاح حاج سعيد
والتجاني هو أيضا شاعر واحدة من لأجمل أغاني وردي
من غير ميعاد ..واللقيا أجمل
في الحقيقة بلا انتظار
صحيتي في نفسي الوجود
ورجعتي لعيوني النهار
وله ديوان وحيد هوقصائد برمائية

سلام مربع

فيصل صالح

شرفتني جدا طلتك البهيه
ياسيدي

انت عارف العتب على الراس
المزعمط دي
والاضان الطرشه دي
عمرو ما حفظ حاجة بتاعة الناس
زي ماهم عملوها
ياسلام لو سمعتك الحاجات الملخبطه في الراس
وعارف كمان الاغنيه دي بالذات
هي واغنيه افتكر بتاعة محجوب شريف
هودج في صحاري الهم

واخت اسمك على صدر الزمان اكليل
وردة صبية
سمعتها مع والدي ، وهو مدمن وردي وعثمان حسين
طبعا بظروف مثل ظروفي ،كان من الممكن ان لا اتحصل على هذه المكتبة
الرائعة ، هو عاشق ومتحيز جدا لاغاني وشعر
الستينيات
رغم اختلافي الشديد معه في بعض الاعمال
بس انا شخصيا بعتبر اغنية وردة صبية من اجمل اغاني وردي على الاطلاق
وهو يرى ان الطير المهاجر من اجمل ماتغنت به الشعراء
على الاطلاق
ومن غير ميعاد واللقيا اجمل في الحقيقة
بلا انتظار
قلت ارحل
وهذه الاغنيه بالذات لم اسمعها كثيرا
وربما نقلتها من الذاكرة لاني اخر مرة سمعتها قبل اربعة ايام فقط
ولم اكن اعرف شاعرها ، فسألته لانني في الغالب لا اسمع اغنيه ما لم اعرف شاعرها
هو قال لي كده ، لكن زي ماانت قلت ربما لانني سمعتها خطأ
..
برضو سلمت لانك ذكرت لي هنا ان من غير ميعاد
برضو حقت تجاني سعيد

سلمت تاني بس اكتر من الاول
للطله

العزيزه شيرى
صاحبة القلم الرشيق الانيق،احييك على هذه الطلة الساحرة الساخرة والتى تخفف دوما من حرارة السجال اليومى فى البورد
ذكرتنى قصة التجانى/حاج/سعيد وصلاح حاج سعيد التى ذكرها الاخ فيصل بلقاء اذاعى مع الفنان الساخر خليل اسماعيل اذ سئل عن شاعر القصيدة التى سيتغنى بها فقال/عبدالرحمن هلاوى ثم استدرك مرة اخرى وقال عبدالوهاب مكاوى وخيرا قال بسخرية/ياخى الشعرا ديل اساميهم كلها متشابهه
ملحوظه؛الشعراء هم عبدالرحمن مكاوى وعبدالوهاب هلاوى
مودتى وتمنياتى بالتوفيق
بشرى

سلام مربع

بشرى سليمان

عارف انا دونا عن الناس كلهم
مصابه بهذه الحالة من الخربطة
مثل ماتتقول بها الخلايجه
وخاصة اسماء الشعراء
فمرات كتيرة بكون عايزه اقول اغنيه
دون ما ادري تلقاني كملتها من اغنية تانية
اما اسامي الشعراء
فحدث ولا حرج
على عاملاة حبوبتي
كلهم بشبهو بعض

هاك الاغنيه دي
ياسلام لو كان جفاك بحسن نيه
ولما ترجع بالسلامه ترجع
ايامنا الجميله
ونحن راجعين في المغيرب

وكتير كتير
ياربت لو اتذكرت ليك منها هسع

الزولة جدا شيري
علي وزن جاياااااك .... راجيييييييك
عندما هطلت عليها كان قد فات الاوان فهي مبللة تماما
همست لها
هل ذنبي أن حضوري كان متأخرا
تمتمت ببعض عبارات
لم اسمعها
وأكتفيت بان افرح لها

الإبنـــــة شيرى كفارة وحمدالله على سلامتك

حقو تسمعى الغنا ولمن تعجبك القصيدة تسألى من شاعرها
وابوكى مافى شك راجل ذواق.

والف حمد على السلامة.

سلام مربع

الزول الشفيف
زوربا السوداني

وانا بدوري ارسل اليها
باقات الورد
على عكس عادتي انا
كسودانية لا تستخدم
البته الورود في التعبير
عن المشاعر الانسانيه الراقيه

واشيل معاهو (الفاتحه) معزية حزنه
سلمت ياطيب لهذه الطله

ترهاقا

سلام مربع


انشاء الله تسلم يارب
من كل ازيه
المشكلة في الذاكرة الغربالية التي احملها
ومعاها كمان حبة شتره
وشوية جنتره وهترشانيه
الله يكون في العون
سلمت ياسيدي للطله القيافه
وسلمت اكثر للسؤال عن صحتي
وانشاء الله ماعدمناك يارب

Up: for the laughter u gave us.00