البنات الكتابات ديل مشن وين ??مع الاعتزار للبوست

قد لا يخصكم الموضوع . وقد يضايق ادارة البورد التى تعانى الامرين لتوفر لنا كيلوبايت لنكتب عليه موضوع مثمر . لك التحية أخى بكرى
ولكنى أعانى هذه الايام من نفرة الجكس على الماسنجر وعلى الهواء مباشرة. وأسوة ببوست الأخت الجندرية رأيت أن أكتب البوست بإقتباس للعنوان. لكن بجد هل تشعرون بأنكم تفقدون شىء عزيز حينما لا تجدون الجكس على الماسنجر أو على الهواء مباشرة ؟

الجكس ملح النت.. ان زاد بيمسخ وان قله بيمسخ

تعرف يا هوبلس

كلامك صاح هن مش ملح النت هن ملحه وشماره

بالمناسبة البوست انا كتبت عنوانه البنات الكضابات ديل مشن وين ولقيتنى بدون ما أشعر كتبت الكتابات. أيا كان عزيزى هوبلس

هن رفيقات الدرب وونستهن جميلة جدا

تصور لدى أصدقاء كثر لا أحن اليهم

مثل ابويسرا وابوعثمان وشنتير وكوكى

يكون دا من شنو يا ربى

سلام مربع


نحن كضابات يا ود العجمي

؟؟؟؟
قاااادر الله

الصدقنه (دي من العملنة)خليانها ليكم

شيري

الصدقنه من العملنه؟؟
والمرغنه من المردقه في التربنه
وتصبح الحكايه قرقنه

حكمه والله وحكايه

معقول تكون انت السبب يا ود العجمي
تكون لميت فيهن ماسنجرات لمن طفشن
طيب ممكن تكون قدرت على الجكس
لكن نديداتي من القواعد مالن ؟ !!!!!!

احن لها حن القماري
تقوقيبا اوتار ربابي
محل قبلت الاقي طيفها
شاغل فكري وصوابي
احن لمتين ليها ارجع
اخاف ما يطول بي غيابي
اليك ايتها تجلسين كل يوم مع ود العجمي وانا بعيد اقاسي كثيراً
ومع هذا ود العجمي يشتاق للجكس؟؟؟
ياحبيبي ود العجمي ام يسرا معك فلم كل هذا؟؟؟
تحياتي لك ام يسرا ولكل بنات المنتدي

شيرى هسى انت راس السوط لحقك فى حكاية الكضابات دى ولا شنو

هوبلس الصدقنة دى الله يورينا ليها الناس بقت مليانة بكميات كبيرة من الكذبنة والفهولوة والمرضنة

الجندرية

تعرفى الله جاعل فى البنات ديل سر

يعنى الطويلة سمحة والقصيرة سمحة والصفراء سمحة والخضراء سمحة والصغيرة سمحة والكبيرة سمحة . واتحدث ليك بلغة ناس الشمال

يعنى الدريفينة سمحة وأجمل التمور التمر الروكنى

بالمناسبة السطر الأخير لو ما فهمتيه أسأل التربال ياسيكو الله يطراه بالخير

أبو يسرا أنا بشكى منك وليك

أم يسرا برضو مكرهانى وكل يوم تسأل عليك يعنى البحر خلفى والعدو أمامى . بالله أنا ذنبى شنو أكون خال اولاد ؟ الله يلزمنا الصبر