Post: #1
Title: برتاح ليك..
Author: عمر الفاروق
Date: 02-13-2007, 05:27 PM
Parent: #0
|
Post: #2
Title: Re: برتاح ليك..
Author: Muna Khugali
Date: 02-13-2007, 05:38 PM
Parent: #1
معاك مني ..
منو قلتي??
مني مني...ألو سامعني?
آي ..أهلا وسهلا
ممكن اشارك?
أيوة اتفضلي..
أنا عايزه اسمع..دقيقة افكر..ممكن أختار?
ايوة ممكن بس من فضلك سريع علشان الزمن!
طيب بمناسبة عيد الحب اهديها لكل الحبان وبما فيهم انت
واهديهال...
آلو ...آلو...
معليش.يظهر الخط قطع!
|
Post: #3
Title: Re: برتاح ليك..
Author: عمر الفاروق
Date: 02-13-2007, 05:44 PM
Parent: #1
الو ..
السلام عليكم..
ممكن أهدي ؟
بهدي الأغنية للأخ أساسي في جدة وأنوه أنو محمود تغنى بهذه الأغنية تحديداً لي أساسي وهو يقول:
شلت خطاي مترقب جيتك .. قلت كلمات بي زمني أساسي..
|
Post: #24
Title: Re: برتاح ليك..
Author: اساسي
Date: 02-18-2007, 10:32 AM
Parent: #3
Quote: الو ..
السلام عليكم..
ممكن أهدي ؟
بهدي الأغنية للأخ أساسي في جدة وأنوه أنو محمود تغنى بهذه الأغنية تحديداً لي أساسي وهو يقول:
شلت خطاي مترقب جيتك .. قلت كلمات بي زمني أساسي.. |
والله مناسبة شديد يا ود الفاروق
انت عارف اخوك ما بسمع كلمتين في الولا حوتة
بس مرة حاضر ليهو مقابلة كدا شفقتني عليهو صوته كان ضارب الطراوة ومصرج عديل
ومن خجله وكترة ما قعد يقشقش في نخرته مع كل كلمة لمن حسيت ليك انه نخرته دي
لو مطاها ممكن تقطع قدامه الظلط لكن الفترة الاخيرة جاته روح معنوية وبقي واثق شوية
وصوته استعدل خاصة في العيد اسع ما عارفه كيف
|
Post: #26
Title: Re: برتاح ليك..
Author: خالد تاج السر
Date: 02-18-2007, 05:37 PM
Parent: #24
برتاح ليك ذاتي
والله اجمل حاجة في البوست دة اني شفت احرف اساسي
تعانق الكي بورد من جديد
اساسي والله انا بكون مرتاح جدا كل ما اقرا لك
|
Post: #4
Title: Re: برتاح ليك..
Author: عمر الفاروق
Date: 02-13-2007, 06:34 PM
Parent: #1
نواصل البرنامج ووصلتنا فاكسات كتيرة من جدة وتبوك وحفر الباطن وعرعر والرياض والمنامة..
أيوة ..معليش يبدو إنو المخرج لقى طريقة للإتصال بي الأخت منى خوجلي اللي إتصلت قبل شوية والخط قطع عليها..
ايوة الو مرحب..
معاك يا اخت منى سامعنك كويس ايوة مرحب اتفضلي..
اهدي اشواقي وتحياتي للاخت انعام بمناسبة الخطوبة والعمة علوية بي مناسبة الشفاء والإبن طارق بمناسبة النجاح في مرحلة الأساس وكمان بهديها ليكم إنتو ..أههها ..
شكراً ليك كتيييييييير يا منى ونتمنى تحياتك وتهانيك توصل للاخوان والاخوات ويكونوا متابعين معانا ..لكن ما وريتيني يا منى رايك شنو في البرنامج ؟
والله برنامجكم ظريييييف خاااااااالص خصوصاً الحلقة الفاتت لمن جبتوا لينا مقطع عن الشمالية ..و ..
تيييييييت تيييييييييت تييييييييت..
يبدو انو الخط قطع ونتمنى انو تتواصل معانا الاخت منى مرة تانية ..
نرجع للفاكسات..
|
Post: #5
Title: Re: برتاح ليك..
Author: Muna Khugali
Date: 02-13-2007, 07:02 PM
Parent: #4
ألو الو..
دي انا مني تاني..
خطكم ده الظاهر عليه عنصري..من سمع اسم الشماليه قطع!
لت ليك..اختي دايره تهدي ممكن?
تعالي ياماجـدة سريع..تعالي اهدي أغنية سمحة لناس سعدية الكنزيه
وام الحسن وولدها هيثم..وخالي حسين جعفر بكريمة وانشاله يفتح الرادي ويسمعها..
دقيقةياها دي جات
|
Post: #6
Title: Re: برتاح ليك..
Author: عصام دهب
Date: 02-13-2007, 07:41 PM
Parent: #5
ألو ..
ممكن أشترك في المسابقة ؟؟
ــ
الإجابة هي الفنان عبد العزيز محمود ..
__
عندي بت خالة جيران ناس عمتي ممكن تشارك !!
ــ
طيب ممكن أهدي لحني الختام ؟؟
ــ
|
Post: #7
Title: Re: برتاح ليك..
Author: Manal Awad Khugali
Date: 02-13-2007, 08:10 PM
السلام عليكم..
أنا اسمي منال آآآآيا
انا اخت ماجـده ومني..
مني دايره تقول ليك منال قالت ليك ماجـده
لخبطه ساكت منها
ممكن ياسيد البرنامج أهدي اغنية مصرية?
قلت شنو?
قلت ليك اتفضلي!!!
آه خلاص كويس ;معليش ماسمعتك بس
الأغنية اسمها نار الغيرة وانا ذات نفسي باهديها بمناسبة عيد الحب
لزعبولة القلة مع امنياتي بسنه جديده فيها راحة بال
قت ليك; ياربي في طريقة اهداء تاني??
آلو?
غايتو جنس مساخة قطع الخط!
|
Post: #8
Title: Re: برتاح ليك..
Author: Hussein Mallasi
Date: 02-13-2007, 09:05 PM
Parent: #7
شكلي كدا يا عمر حأقتنع بمحمود عبد العزيز؛
و حتكون انت الملام جراء ذلك 
____
الإهداء لتراجي .. سجن سجن .. غرامة غرامة!!
|
Post: #9
Title: Re: برتاح ليك..
Author: عمر الفاروق
Date: 02-14-2007, 07:39 AM
Parent: #1
الأخ المتصل من جدة عصام دهب :
الإجابة صحيحة وعندك ارقام الجوائز من 1 لحدي 7 ..
اها قلت لي اخترت الرقم 4 ؟؟
مبروووووووووووك يا عصام فزت بي كتاب رياض الصالحين وكرتونة شعيرية تجي لي استقبال التلفزيون ومعاك البطاقة الشخصية عشان تستلمها ..
لكن يا اخ عصام ما اهديت ..
الو ..الو ..الو ..
يبدو انو عصام فرحان شديد بي الهدية وقطع الخط..
|
Post: #10
Title: Re: برتاح ليك..
Author: عمر الفاروق
Date: 02-14-2007, 08:06 AM
Parent: #1
الو مرحب بيك صديقة البرنامج منى خوجلي..
وبالمناسبة الأخت منى خوجلي صديقة للبرنامج منذ ان كان يبث في الساعة السابعة مساء والبرنامج بقا سهرة بتجي كل خميس..
شكراً ليك كتير يا منى ..
بس يا منى ما وريتنا انتي بتتكلمي من وين ؟؟
|
Post: #11
Title: Re: برتاح ليك..
Author: فيصل نوبي
Date: 02-14-2007, 10:35 AM
Parent: #10
ود الفاروق
صاحبك عمر عبدالخالق جاب الشريط و أقنعني بمحمود
و قال حرفيا انه ما بيسمع لمحمود
بس الاغنية دي بالذات ح تخليو يسمع
و كمان خلاني أسمع.
| Quote: الإهداء لتراجي .. سجن سجن .. غرامة غرامة!! |
|
Post: #12
Title: Re: برتاح ليك..
Author: عمر الفاروق
Date: 02-14-2007, 11:15 AM
Parent: #1
مرحب بيك الأخت منال عوض خوجلي من الخوجلاب ..
طبعاً يا منال نحن في برنامجنا ده بنقدم اغاني سودانية لكن ممكن تضربي لي برنامج " من الفضائيات " بتقدمو زميلتنا نانسي وبيجي الساعة 10 م كل يوم ثلاثاء..
بالمناسبة ذوقك راقي اختنا المتصلة منال وانتي بتختاري اغنية لي الفنانة وردة الجزائرية وجرب نار الغيرة ..
بالمناسبة يا ماجدة المخرج حا يلبي ليك طلبك بس بدل (نار الغيرة) حا يهديك أغنية (النار ولّعت)..
الو ..منال انتي سامعاني؟
تخريمة :
انتو يا بنات خوجلي سارقين الخط ولا شنو ؟؟ ما شايلين هم الفاتورة؟
|
Post: #13
Title: Re: برتاح ليك..
Author: waleed500
Date: 02-14-2007, 11:23 AM
Parent: #12
حتى انا برتاح ليك وبهديها ليك
|
Post: #14
Title: Re: برتاح ليك..
Author: Muna Khugali
Date: 02-14-2007, 11:23 AM
Parent: #12
| Quote: انتو يا بنات خوجلي سارقين الخط ولا شنو ؟؟ ما شايلين هم الفاتورة؟ |
الليييييلة..عرفت كيف?
signed by
alkhojalab clan all over the world
|
Post: #15
Title: Re: برتاح ليك..
Author: خالد المحرب
Date: 02-14-2007, 12:15 PM
Parent: #14
ممكن اكلم الفاروق اصلى انا ماشايف بتكلم
من الرادى انا من زمان بدور عليك اغنية
بدور عليك بهديها لىفلان وعلان وليكم انتو
كمان 00
|
Post: #16
Title: Re: برتاح ليك..
Author: عفاف أبو حريرة
Date: 02-14-2007, 05:36 PM
Parent: #15
الفاروق برنامجك جميل وراقي
خلي علي كده وما تنزل لي خالد
راجل المراه ده حلو حلا
بزعل منك جدخلينا مع الفلنتاين
وكل عام وانت طيب ياطيب
عفاف ابوحريره
|
Post: #17
Title: Re: برتاح ليك..
Author: abubakr
Date: 02-14-2007, 05:41 PM
Parent: #1
انتو يا حلويين خلوكم مع الحلوة عاليمين دي ...
|
Post: #18
Title: Re: برتاح ليك..
Author: عمر الفاروق
Date: 02-14-2007, 06:11 PM
Parent: #1
سحس يا ملاسي:
حا يبقوا عليك الاتنين سجن وغرامة ..
والله يستر عليك ان يهودانك أو يمجسانك ..
يا زول ما لقيت زول تاني تهديها ليهو ؟ إن شاء الله اهديها لي معروف سند ..
|
Post: #19
Title: Re: برتاح ليك..
Author: عمر الفاروق
Date: 02-14-2007, 06:14 PM
Parent: #1
تعرف يا فيصل يا نوبي:
عمر عبد الخالق ده زول رااااااااقي ..
وطالما اشترى الشريط ده فهو الان يتقدم خطوة تانية في الرقي..
اما انت فانا عااااارفك النوع البيشتري شريط نفيسة كمنجات وعوضية جلكسات وحليمة بمبر وفاطنة لستك..
|
Post: #20
Title: Re: برتاح ليك..
Author: عمر الفاروق
Date: 02-14-2007, 06:20 PM
Parent: #1
وليد يا 500:
الراحة متبادلة وبضاعتكم ردت إليكم ..
|
Post: #21
Title: Re: برتاح ليك..
Author: عمر الفاروق
Date: 02-14-2007, 06:36 PM
Parent: #1
خالد الحربي
اتأخرت في الرد عليك كالعادة من الخلعة الدخلتني ..
يا زول انت الوحيد الما قلنا ليك ارفع الصوت وحا نقول ليك :
ايوة يا خالد سامعنك كوييييييييييس ما تنهرنا ..ايوة ايوة يا خالد سامعنك ..
بس يا اخ خالد ما وريتنا ليي انت بتسمع الرادي ؟؟؟محرمين عليك التلفزيون ولا حاجة ؟؟
تلقاك يا خالد اليوم كلو حارس روتانا سينما وما قادر تغمض عينيك فهرشوك هرشة سنينك..
|
Post: #22
Title: Re: برتاح ليك..
Author: أبووجيدة
Date: 02-14-2007, 07:52 PM
Parent: #1
ود الفارق
ممكن أنقد .......
طبعاً عباراتك أصبحت معروفة بالنسبة لي قدر ما أتصل عليك تشبكني ..
برتاح ليك ... مشتاق ليك ... عامل كيف ...
بس ممكن أرجع الكورة في ملعبك وأقول ليك مشتتتتتتتتتتتلق ليك .
|
Post: #23
Title: Re: برتاح ليك..
Author: عمر الفاروق
Date: 02-17-2007, 07:14 AM
Parent: #1
بت ابو حريرة العفاف:
طبعاً أخرت الرد عليك بعد عيد الأوفلتين ولا اسمو شنو داك ما عارف..
يا زولة خلاص نحن غيرنا لي خالد اغنية راجل المرا وحا نطلب ليهو اغنية اب شرا ..
وبي الضرا ..بي الضرا ..
بي الضرا ان شاء الله راجل مرا .. يا ابشرا..
واللحن مهدي للاهل بي المعيلق وضنب الفار ريفي ود حامد بمناسبة بناء مدرسة ثانوية ولي الاهل في كيلو ستة وللاهل والاحباب..
|
Post: #27
Title: Re: برتاح ليك..
Author: عاطف عمر
Date: 02-18-2007, 06:11 PM
Parent: #23
الفاروق عمر
تحياتي والمحبة
هذه المداخلة أوردتها في بوست للأخت العزيزة غادة عبد العزيز خالد رأيت مناسبتها لهذا المقام .
Quote: بمناسبة الفنان محمود عبد العزيز أهديكم هذه الطرفة الحقيقية
تزوجت في عام 1989 ووقتها كان الفنان محمود عبد العزيز قد ظهر حديثاً ونجم كل حفلات مدينة الخرطوم بحري ، أهل زوجتي رشحوه لي لإحياء الحفل ، ونظراً لأنني كنت خارج السودان فقد وافقت على ترشيحهم ، كان اللافت للنظر ( حجمه ) الصغير جداً وملامحه الطفولية . المهم أنه أحيا الحفل بصورة متميزة . الحفل مسجل فيديو وقد درجت مع أسرتي على إعادة تشغيل الشريط في أوقات مختلفة .
كريمتي الصغرى ( أريج ) تمتاز بحس عالي للطرفة ، يوماً ونحن نشاهد الشريط لاحظت أنها تركز على الفنان محمود عبد العزيز وتطلب إرجاع بعض اللقطات التي يظهر فيها وكنا نستجيب لطلبها ونترقب ، إلى أن أطلقت ( قٌنبلتها)
إنت يا بابا لما بقيت على الحفلة قروشك كانت خلصت عشان كدا جبت الفنان الشافع دا ؟؟ |
رجاء أخوي
خفف جرعاتك ( التخويفية ) للأخت الكريمة عفاف أبو حريرة
Quote: بت ابو حريرة العفاف:
طبعاً أخرت الرد عليك بعد عيد الأوفلتين ولا اسمو شنو داك ما عارف..
يا زولة خلاص نحن غيرنا لي خالد اغنية راجل المرا وحا نطلب ليهو اغنية اب شرا ..
وبي الضرا ..بي الضرا ..
بي الضرا ان شاء الله راجل مرا .. يا ابشرا.. |
ياخي من يوم ما قلت إنك شفت البنية ديك شايلا صورة خالد في شارع شنو كدا ما عارف وتغني راجل المرا حلو حلا لاحظت أن الأخت عفاف أنزلت على طول صور بناتها الحلوات حفظهن الله . وفي ذلك إشارة لا تخفى على لبيب مثلك . وفي ذلك أيضاً رسالة لبنات حواء قاطبة
" الضرًه زاتا ولا بنياتا "
و
كل الأشواق
|
Post: #25
Title: Re: برتاح ليك..
Author: عمر الفاروق
Date: 02-18-2007, 05:12 PM
Parent: #1
Quote: والله مناسبة شديد يا ود الفاروق
انت عارف اخوك ما بسمع كلمتين في الولا حوتة
بس مرة حاضر ليهو مقابلة كدا شفقتني عليهو صوته كان ضارب الطراوة ومصرج عديل
ومن خجله وكترة ما قعد يقشقش في نخرته مع كل كلمة لمن حسيت ليك انه نخرته دي
لو مطاها ممكن تقطع قدامه الظلط |
والله يا اساسي جيتك أخير عدمها ..
تمخض الجمل فولد فأراً ..
أسة في ذمتك دي مشاركة تجي بيها المنبر بعد طول الغياب..
والله كان أخير ليك تكون لسة مقاطع ..
يا زول عموماً برتاح ليك ..
يوسف ابو وجيدة ..:
يا زول منو فينا البيكرر كلامو ..
بس كدي أبقا راجل واضرب لي قول لي عندي قصيدة جديدة ..
بالمناسبة انا عندي قصيدة جديدة كتبتها في حال العرب هذه الايام إسمها:
وا معتصمااااااااااه!!!
|
Post: #28
Title: Re: برتاح ليك..
Author: عمر الفاروق
Date: 02-18-2007, 06:38 PM
Parent: #1
استاذنا عاطف:
ياخ قبل كل شي لازم ترسل لي نسخة من شريط عرسك ده ..
انا من زمان بفتش لي محمود موديل 89 ..
دي أجمل فترات الود حوتة وايام تحس صوتو ده بيجيبو ليك من صُرّتو والحزام مشنوق فوق مع البنطلون البوقي أو الفنيلة المخنوقة ..
ايامو ديك كان بيضرب غنا بي الطريقة الصاح لمن تحس الساوند حا يتشرط ..
اها يا زول انا بكرة بحرس ناس الDHL أو الفيديكس..
أما بي خصوص وصيتك لي بت ابو حريرة فأبشر يا زول حا نخفف من العيار شوية
عشان كده حا نهديها الاغنية دي :
شعارنا العالي بيرفع ..
والعالم كلو بيسمع ..
فالنأكل مما نزرع ..
والنلبس مما نصنع ..
أها كده كيف؟
|
Post: #29
Title: Re: برتاح ليك..
Author: عاطف عمر
Date: 02-18-2007, 09:16 PM
Parent: #28
Quote: دي أجمل فترات الود حوتة وايام تحس صوتو ده بيجيبو ليك من صُرّتو والحزام مشنوق فوق مع البنطلون البوقي أو الفنيلة المخنوقة ..
ايامو ديك كان بيضرب غنا بي الطريقة الصاح لمن تحس الساوند حا يتشرط .. |
حولااااااا
ياخي بعد دا الشريط عاوز بيهو شنو ( مع تأكيد تشرفي بارسال نسخه منه لكم )
والله نقشتو نقشة ياعمر
إنت كنت في الحفلة ولا شنو ؟؟
|
|