الخرطوم عاصمة الغنم

البورد هذه الايام يا صحابي أصبح هدفا لكتابات عجيبة.... فمن حب الجامعيين للبنات الغير مختونات الي مناداة بعرقي التمر الي دعوة للتجكيس الي شماتة علي واحد مشوكش الخ من ثقافة المنطقو الصناعية او حارات التثاؤب في وطن أصبح مصدرا لمثل هذا السأم. والحقيقة حبيت أشارك في هذه الفوضي فأطرح عدة أسئلة في مستوي ما هو قائم الان ومنها :
*هل هناك علاقة بين الدعوة الي أن تكون الخرطوم عاصمة للثقافة العربية وكونها عاصمة الغنم فيها تعيش علي ورق الجرايد؟
* ما هو مصدر أكياس النايلو التي تتشعلق في البيوت وما هو ضررها علي الصحة البيئية والغنمية ؟
*طيور الكودي والبخيتة حرمه المصون من الملاحظ وجودا في لندن وأمريكا وكمان لاقتني في الفلبين فهل برضو الكودي في هذه البلاد أسمو ود ابرق؟

*هناك كلمات محلية مثل قولة عي للنعجة وتك للغنماية وحاو وش للحمار وفس للكديسة وجر للكلبة ... الكلمات دي مصدرا شنو ؟

* لماذا يحب الرئيس نميري الاستشهاد بالغنماية في العديد من مقابلاته السياسية ؟

هل صحيح انو الحلة لحم والريحة فرير دمور واللبس سكروتة وال.....؟

*ما هو تاريخ العواسة في السودان ؟

حاجات كتيرة شاغالاني جدا قلت لخير نتبادل الراي حولها

أخي الكريم
يبدو أن الزمن والمسافات باعدت بينك وبين الخرطوم فلم تعد الخرطوم تلك المدينة التي تصفها بعاصمة الغنم أيام أن كان للغنم تيساً يحرسهن وقت القيلولة ولهن أى الغنم متكأ بالقرب من براميل الكوش وأيام أن كانت الجرائد صحافة وأيام ورأي عام ، فالأغنام أخي أحجمت عن أكل الجرائد منذ زمن لا لأنها وصلت حداً من الوعي الصحي يجعلها تتمثل بالقول المأثور الوقاية هي الغاية لكن لأن أوراق الجرائد والصحف والطباعة أصبحت رديئة جدا إضافة إلى أن ما يكتب ويثار على صفحاتها لا يقل رداءة عن ورق الصحف الرخيص أصلاً الأمر الذي لا يرضي حتى ذوق وطموح الغنم في بلادي.
أما في مجال الأكياس فإنه ومنذ أن هجرنا نحن سكان الأحياء الشعبية والشعبية جداً العمل في مجال بيع الأكياس الورقية التي نقوم بصناعتها بأيدينا ومصدرها هو أكياس الأسمنت وهي في تقديري عملية تدوير لمخلفات يمكن أن تضر بالبيئة كنا نساهم وبطريقة غير مباشرة في التخلص من تلك النفايات لا رغبة في الحفاظ علي البيئة وإن كنا نفعل إنما محاولة منا المساهمة في دعم صندوق الأسرة. ولأننا نفتتن وننبهر بقشور الكثير من الأشياء حتى قشور السمك البلطي كان لابد لنا أن نمارس التسوق في أكياس النايلون شأن جميع دول النفط في المنطقة وحتى قبل إنضمامنا لمنظمة الدول المصدرة للبترول. وأضرار أكياس النايلون هي في أكثر وأخطر من أن تحصى في هذه العجالة.
عن ود أبرق وبخيتته فأنا لم أتشرف بزيارة بريطانيا العظمي أو أمريكا الأعظم وأحسب أن أسباب الهجرة ربما تعود إما لهجرة البشر لتلك الأصقاع من العالم ومن ثم نقل كل ما يخص العواسة ومشتقاتها إلى تلك البلاد الأمر الذي يتطلب ضرورة وجود طواحين لطحن الفترتية وبالضرورة لابد من وجود أبناء أبرق وبناته أنى وجدت طاحونه وفتريته والإحتمال الثاني ربما تكون هجرة تلك الطيور المستضعفة في الأرض هجرة قسرية لأن السودانيين لم تعد للفتريتة والكسرة والقراصة مكانة في موائدهم العامرة بالبيف بيرجر والناقت جيكن والشاورما وبالتالي لم يعد هناك أى شئ تقتات عليه تلك الطيور والإحتمال الأخير ربما يكون لجؤ الطيور إلى الغرب عامة لجؤ سياسي ولأمريكا على وجه الخصوص يكون دخولها بضربة حظ في اللوتري.
وكل ما أعرف عن حلة الملاح أنها بصل وليست لحم لأن العدس يطبخ في معظم الأحيان بدون لحم وعلى ننار هادئة.

like this goat

أخي سنتمينتال
مثل هذه الغنماية لن تستطيع أن تتجول بهذه الطريقة حتى لو حرستها الفرقة ثمانية عشر المحمولة جواً ، ومليون واحد ممكن يلحس ليك الغنماية المسكينة في لمحة عين ، ويا حليل لمن كان الغنم بطلعوا الصباح ويرجعوا عند الغروب وفي هذا الزمان أى غنماية تطلع ما بترجع.

أخي سنتمينتال
مثل هذه الغنماية لن تستطيع أن تتجول بهذه الطريقة حتى لو حرستها الفرقة ثمانية عشر المحمولة جواً ، ومليون واحد ممكن يلحس ليك الغنماية المسكينة في لمحة عين ، ويا حليل لمن كان الغنم بطلعوا الصباح ويرجعوا عند الغروب وفي هذا الزمان أى غنماية تطلع ما بترجع.

أخي سنتمينتال
مثل هذه الغنماية لن تستطيع أن تتجول بهذه الطريقة حتى لو حرستها الفرقة ثمانية عشر المحمولة جواً ، ومليون واحد ممكن يلحس ليك الغنماية المسكينة في لمحة عين ، ويا حليل لمن كان الغنم بطلعوا الصباح ويرجعوا عند الغروب وفي هذا الزمان أى غنماية تطلع ما بترجع.

الغنم بقوا زاتوا متعنطسات على الادميين جنس عنطسة الغنماية بالله تعاين ليك بطرف عينها ،،، لانو بتلاقى الادمى ماشى معاها فى الواطة وبياكل ويشرب معاها من نفس الارض انه ياكل اى شئ بدون ادنى فرز ، لاكنها لاتكل بعد ان تشم وتتفحص الغذاء جيدا ، كما انها تكره الشماشة لانهم يسبقونها الى براميل الوساخة فى وسط الخرطوم ، وطبعا لانهم يفكرون بعقلهم فهم يسبقون الغنماية دوما ، لاكنها ولخبراتها وتقنيتها المعمولة اصلا لهذه الاجواء فانها تستطيع ان تظفر بنصيب الاسد الذى اصبحت لا تخاف منه مثل ايام زمان ، لان الاسد جائع دوما وهى فى حالة تخمة .
وهى وافرة وترقد فى احياء الخرطوم عموماً فى الظل وتحت السبيل والازيار ، وتشرب من الازيار ولا تكسرها ، فانها اصبحت غنم فاهمة ومثقفة ، لانها تتناول الصحف بالنقد وتتابعها بصورة يومية ، خاصة فى حى السكة حديد بالخرطوم تجدها نائمة تحت القطر وفى وسط الحى وفى نادى السكة حديد تأكل الباسطة وتشرب الحليب ، قالوا مرة من ذات المرات جاء وفد حكومى من دولة مجاورة وجاء مارى بشارع بيويوكوان الذى يشق السكة حديد بالخرطوم ، واعترضت الوفد كمية من الاغنام ، لم تكن مستقبلة للوفد ولكن كانت ذاهبة لمباركة العتوت الجديد لصديقتهم غنومة فى الضفة المقابلة من حى السكة حديد ، واوقف هذا القطيع الذى يشبه قطيع الهتيفة فى الخرطوم فهى قد تعملت منهم التجمع والسير فى مجموعات ، اوقفت هذه الاغنام سيارات الوفد وكان من ضمن الوفد وزير الزراعة ، فقال ماهذا قالوا له هذه غنم السكة حديد ، قاليهم وهو زاتو السكة حديد دى الساكن فيها منو ، وين السكة حديد انتهت هسع ، قاليهو فى ناس الورشة والسواقين ساكنين هنا ، قاليهم طلعوهم ودوهم الجيلى ، قالوا ليهم ديل قالوا ما بطلعوا من هنا الا يدوهوم بيوت او تعويضات مالية ، قال ليهم خلصونا طلعوهم وادوهم تعويضات مالية مافى مشكلة ، بس غنمهم ديل ما يسوقوهين معاهم ،
الغنم وتيسهن ديل مشهورات فى حى الموردة جنب سوق السمك ، ولا تيش العشرة دا ماسك اى غنماية مديها حقها .. والغنم مخصوص بجوهو من احياء الخرطوم المختلفة فهو مجرب

فى تونس يعدمون الاغنام لانها تؤذى الاشجار والبيئة الخضراء .
فى التلفزيون مسلسل لزيز اسمه ياطالع الشجرة ، فيهو غنومة وبهومة.
زار نميرى عطبرة فاخرج ناس عطبرة الغنم فى الشارع استقبالا له ، غضبا منه .
اشهر غنماية فى التاريخ غنماية المهاتاما غاندى التى كان يتغذى على لبنها ، ويغزل صوفهاللبسة ودخلها التاريخ معاهو

الملا عمر وسنتيمنتال

تنعدل عليكم وتنسهلكن يا الله والله با ملا كلامك بالحيل سمح لكن خطرت لي اسئلة تاني القيردونة كلما امشي بلد القاها تلولح في صنبا وتعاين لي عيين معرفة

staggering its tail and looking at me as if she knows me

تصدق فهمت كلامي وضحكت وطارت بعد أن غنيت لها :

القينقرد يا الحاجي
بحرك ورد يا الحاجي

فما عارق القينقرد , والكودي والبخيتة ديل دايرين مني شنو والجاب القينقرد لي امريكيا هني شنو لجوء برضو يا ملا والله شنو؟

يا الله الزول منو يا خلايق الله الزول منو

جنا الوادي الزول منو
الحارق فءادي الزول منو
اللهلو بي غادي الزول منو

ودي هدية ليك يا ملا ويا سنتمنتال

والله يا رحيم في حاجات كده اختفت من الخرطوم ويبدو ذلك من نتائج قانون التطور، واللا انقطاع البركة ما عارف ـ ومنها اختفاء الغنم والكلاب الضالة ـ يالنسبة للغنم طبعآ البلديات لقتها مصدر دخل فبدأت حملات الكشات و رفيع الغنم في دفارات البلديات ـ واهو اصبحن من ضحايا التفرقة العنصرية و لكنهن المسكينات ما قالن بغم ــبالمناسبة كنت يومآ جالسآ في راس الشارع في حينا الشعبي ـ و أمام ناظري غنماية ترعي في الخور مع سخيلاتها في أمن و امان ــ فجأة جاءت عربية طايرة بسرعة مليون ، و فجأة ايضآ قرصت فرملة مثيرة غبارآ للسما ـ وفجاة وسط الغبار نزل شباب من العربية ، وفجأة و بسرعة مليون خموا الغنماية المسكينة و رفعوها في الضهرية ـ و بسرعة مليون اختفت العربية وسط العجاجة تاركة كل الحاضرين فاغرين خشومهم من الدهشة ـ و طبعآ الضحايا كانن سخيلاتها الائي اصبحن يصرخن ما ..ما.ماما..ماما ،،
،عملية اختطاف نص النهار !!!ـــ،

و حكاية ود ابرق الأغبش دا حكاية ـ عندي احساس انه سوداني اصيل صنديد ـــ

انا كنت مفتكر الحكاية /الخرطوم عاصمة النغم/فقلت ندخل بحكم صلتى بى ناس النغم،لقيت الحكاية غنم وطبعا انا زول حلفاوى مابعرف فى قصة العواسة لانو العربى لغة اجنبية زى الانجليزى،فمعليش اذا ماقدرت اعرف ليكم المصادر لكين بحاول افتش فى الدكشينرى عسى ولعل بس ادونى فرصه

الاخ بشري ــ احيي نظرتك المتفائلة للدنيا و تمسكك بـ كن جميلآ تري الوجود جميلآ ــ ــ وآسفين ياخي دا مراح الغنم ـ ــ خش يمين تلقي بوست النغم علي شمالك في الناصية ــ

مرحبا بانضمامك

يا جماعة عندى غنماية هنا شفتوها لى وين.

سلام
للآخوة الذين سبقوني بالكتابة في هذا الموضوع
ما قادر افهم سر نبذالسودانيين لكل ما هو سوداني والسودان والمدن السودانية
هل هو الشعور بالدونية الملازم لمعظم السودانيين

وهل هو الشعور بالاحباط مما يحدث في السودان

وإذا كان كذلك هل هذا مبرر لللإساءات هنا وهناك وايضا الرسمية منها مثل التي تنشر يومياً بالصحف
اتمنى ان تتذكروا موقف الاستاذ ايوب صديق
حينما قال هنا ام درمان
وكان يقصد هنا لندن
وتدارك الامر ببيت الشعر التالي

وطني وإن جارت علي عزيزةٌ أهلي وإن ضنوا علي كرام

رجائي ان لا تسخروا من هذا الوطن فإن به ما يكفي

سلام للجميع

لا أحسب أن هناك شعوراً بالدونية أو الدونكيشوتيه أو الدي إن أيه في هذا المقال فنحن نذكر واقعاً وهذه النكات نطلقها فيما بيننا والأمر يضيق بنواصيه حتى لا نجد مفراً أو بداً من التنكيت للتنفيس ولابد مما ليس منه بد ، والتنكيت هو ضرب من ضروب النقد للظواهر الغير مستحبة في المجتمع ، فالخرطوم وبخاصة في الأحياء الشعبية تجد أن بكل بيت كمية من الغنم والدجاج والحمام وهي في تقديري مضرة بالصحة العامة وهو مظهر غير حضاري أن تجد الأغنام تعبر الطريق هنا وهناك وتبرطع في معية الكلاب وهو واقع لا ننكره. كما أنه تكثر ظاهرة إنتشار زرائب الأغنام أمام المنازل وهو أيضاً مظهر غير حضاري وإن كان ظاهرة الأغنام بدأت في التلاشي لا لزيادة الوعي وإرتفاع الحس الوطني للمواطن لكن لأن تربية تلك الأغنام أصبحت باهظة التكاليف وأصبح من الممكن الإستعاضة عن حليب الأغنام بحليب الإغاثة الكامل الدسم ، كما أن وجود الأغنام يتطلب وجود حارس لها على مدار الأربعة والعشرين ساعة في اليوم خوفاً من لصوص الغنم أو همباتة الماعز وهي عملية مرهقة خاصة إذا علمنا أن الغنماية يا دوب تعمل رطل لبن في اليوم ده لو أكلت برسيم أما إذا تركت ترعي أوراق الصحف وأكياس النايلون والدلاقين أيام أن كانت برميل الكوشة يزخر بهذه الأشياء فإن الغنماية قد يصل معدل حليبها اليومي ربع رطل غير صالح للإستخدام الآدمي. ومع شديد الأسف برغم إختفاء الماعز والأغنام من الشوارع إلا أن زرائبها وحظائره ظلت باقية وتستخدم من قبل صاحب المنزل كنوع من الإكستنشن للحوش أو البيت ففيها ينوم بعض أفراد الأسرة وفيها ساعات القيلولة ونصبت بعضها مطاعم لتقديم وجبات العشاء
نعم أخي قال الشاعر:
بلادي وإن جارت على عزيزة وقومي وإن ضنوا على كرام وبلادنا لم تجر علينا ويقيني بأنها لن تفعل ونتمنى أن لا تفعل.
ويقول شاعر آخر:
بلادي إذا أنكرتني وجارتْ، فليستْ بلادي !
وقومي إذا ضيعوني وضنّوا، فلا خير فيهم
أنا لا أُسمي البلاد التي شـرّدتْ عاشقيها... بلادي !
أنا لا أسمّي البلاد التي تأكل الآن من لحم أطفالها ثمّ تحنو على قاتليها... بلادي !
ولا، لا أسمّي نهاراتها، غير ليلي وميلادها، غير موتي وأعراسها، غيرَ معزوفةٍ للـحِـداد!

كما ذكرت فى البوست السابق وجدت انه وبعد البحث فى كام ديكشينرى ان الغنم جاية من غنم يغنم/بكسر النون/وعشان كده ناس الجبهه خلوها عاصمة الغنم عشان الغنيمة تبقى اكبر لانو ناس النغم والغنا بقوا تعبانين مع حالة الطوارى وناس النظام العام والضرايب وباقى اللستة الطويلة من الخراجات ..ودى زاتا بتصب فى مصلحة الغنم اقصد النهب آسف الزكاة وعلى كل حال كما يقول الشاعر
رضيت من الغنيمة بالاياب

فاهمين حاجه ياجماعة؟؟؟

أخي الكريم بيشو
طيب إذا إقتنعنا بي ديكشنري ويبستر بتاعك ده أو لونقمان الحكيم أو النيو ويرلد ديكشنري وأصبح غنم بكسر النون حتى لو كانت النون بالبون أها قرون الغنماية بإعتبارها أداة حادة حا تعمل فيها شنو كتب الترجمة إياها.
بعدين تعددت أسماء الغنم والنطحة واحدة فهناك غنماية وهي أيضاً عنز وفي ذات الوقت ماعز أو معزة والجميع لهن عتوت وسخلة وتيس يرعى شئونهن ويتم جز صوفهن في فصل الصيف على طريقة قصة المارينز التي سرقوها من قبائل البحر الأحمر وقصة رونالدو في كأس العالم الأخيرة والتي سرقها من قبائل الرشايدة ، نطالب بحقوقنا الأدبية والنوهاو – المعرفة الفنية – في هذين الإختراعين وإلا سوف ننسحب من منظمة التجارة العالمية والصحة العالمية والسياحة العالمية والخطوط العالمية المتحدة.

اخوى الملا
المشكلة انو كل ديكشينرى بيغنى على هواهو،وهوهوا ماياهو قام فتش دواهو
اهو بقت اغنية ورجعنا تانى لى قصة النغم مع الغنم والامور بقت دائريه،وماعاوزين ندخل فى علم الرياضيات والحكاية تتشربك يقوموا يجونا ناس الضرايب،زمان كان الواحد فينا لمان يعمل غلط يقولوا ليهو ضريبة تضربك والظاهر ناسنا اخترعوا أو فى الحقيقة استنبطوه/ظريفه استنبطوه دى/من ضريبه تضربك الكانوا حبوباتنا بقولوها لينا ومنها بقوا نازلين فى الناس خبت،شى زكاه وشى تلفزيون وشى طرق وأخر ماسمعت انو فى حاجه اسمها زكاة الحور العين عشان يجهزوهم للعرس مصيبه

الحمير الفي الخرطوم زعلانة من ناس البورد خالص لانو تركيزنا كلو علي الغنم . صحيح وكما ورد في الذكر الحكيم ، انكر الاصوات هو صوت الحمير لكن نحن مالنا ومال صوتا ؟ نحن جايبنها تغني ؟ يكفينا في الامور" بتضديد الميم " انو بيحمل براميل الموية ويوديها للبيوت الفارهة البنوها المغتربين عشان المغتربين كمصدر للنقد الاجنبي يقدروا يسحموا في اجازاتهم. الحمار في وطني مظلوم مظلظم ومهمش جدا رغم اهميتو. يا جماعة الحمار اصبحت اغنيتو المفضلة مظلوم في حبي مالي ايه ذنيب الجنيت.

انني اضيف الي سابق تساءلاتي ليه السودانيين حاقرين بالحمير؟ يا ناس شوية عدل يرحمكم الله .

يا رحـيم كدي خلينا بالاول ندي الغنم حقهم ـ بعدين انت اسع زاتك ما حقرت بالحمير؟؟ ديل يعني ما بيستاهلو بوست براهم؟؟ يعني البوستات السايبرية المنفردة دي حلال للغنم وحرام للحمير ؟؟ــ

الأخ الملاعمر استمتع دائمآ بكتاباتك ــ الله يديك العافية ــ

غنم بضم الغين......