Post: #1
Title: جائزة أكتب كتَاب في كِتابات الناس البِكتبوا في البورد
Author: اساسي
Date: 06-17-2003, 11:37 AM
والله في ناس كتابين كتابة في البورد دا
انا شخصيا بستمتع ايما متعة بكتابة المدعو الملا عمر
في الهزل وفي الجد يملك ناصية البيان
والله الزول دا اقروا ليهو
وما تضيعوا بوستاته ساي
وكان علي انا بديهو الجائزة
بارغم من عدم الود الظاهر
طبعا في كل الضروب هناك متفرد في البورد بكتابة معينة
الكتابة المقالية طبعا خالد عويس بالرغم من بوستاته الطويلة المابتمها غالبا لكن متفرد
وتاني في الكتابة التنظيرية عادل الامين
والكتابة النصائحية مبدعتكم تماضر جنها نصايح تقول وكيل مدرسة
في الكتابة الانشائية
بواصل بعدين الدوام لله خلص
|
Post: #2
Title: Re: جائزة أكتب كتَاب في كِتابات الناس البِكتبوا في البورد
Author: HOPELESS
Date: 06-17-2003, 11:49 AM
Parent: #1
ومع التأمين علي من ذكرت
اضيف استاذنا ابوجهينه
والستاذ ابكر آدم اسماعيل
ومن النساء اضف للقائمه ايضاً مع تماضر الرائعه بنت قضيم والأخت عديلة المتوهجه
والقائمة تطول
ولكن تمعنوا في كتابات هؤلاء فهم بحق مبدعين يجبرونك علي متابعة كتاباتهم
وبوست ابوجهينه عن التركين خير دليل
وايضا رسائل بين ملتنا المله عمر والاستاذ ابكر آدم اسماعيل
تحتاج منا التأمل
|
Post: #3
Title: Re: جائزة أكتب كتَاب في كِتابات الناس البِكتبوا في البورد
Author: Ahlalawad
Date: 06-17-2003, 11:52 AM
Parent: #1
|
Post: #4
Title: Re: جائزة أكتب كتَاب في كِتابات الناس البِكتبوا في البورد
Author: Ahlalawad
Date: 06-17-2003, 11:53 AM
Parent: #1
أساسي .. دخلت نفسك في مشاكل
قبل ما تمشي لي قدام أرجو أن تنظر البوست المعنون : في نقد المشهد البنيوي ، وشوف ليك عربي عاد . الناس ديك كبوا جنس لغة تحير الفيل
|
Post: #5
Title: Re: جائزة أكتب كتَاب في كِتابات الناس البِكتبوا في البورد
Author: adil amin
Date: 06-17-2003, 03:21 PM
Parent: #1
سلام اساسى
ان شاء الله يكون تقييمك ده علمى وتكون قريت من اول بوست الى آخر بوست...........لانه كلمة تنظير دى مدح يشبه الذم اما نحن فليس لنا راي فيما تقدمه انت فىهذا البورد ولم ناتى هنا للتعريض باحد وبخس احد..نحن نؤمن بحرية كل فرد ولكل بضاعة شراى وسوق ذى ما قال المطرب السعودى محمد عبده
|
Post: #6
Title: Re: جائزة أكتب كتَاب في كِتابات الناس البِكتبوا في البورد
Author: اساسي
Date: 06-18-2003, 10:18 AM
Parent: #5
هوب لس
ابو جهينة دا انا جايهو براهو
فعلا عنده طريقة متفردة جدا في الكتابة خاصة بيهو في اخز المواضيع التي قد تمر علينا مرور الكرام واخراج منها تحف كتابية جميلة
اهل العوض
ياخي الجماعة ديل ما نصاح والله ديل زي ما قلت تقول في مخرطة بتاعة كلمات والله فعلا ردموا جنس عربي يحير ابو الاسود زاتو
عادل امين
يازول والله ما قصدت التهكم وامكن خاني التعبير شوية كان المفروض اكتب الكتابة التحليلية بدل التنظيرية ولكن كان قصدي بالتنظيرية الكتابة التي تناقش نظريات ثابته وتحللها يازول والله بتمها لكن هههه علي مضض بس لانك زول كتاب
اها نواصل
بالنسبة لاخز مواضيع جادة بطريقة هزلية متفردة ابدع سجيمان الرمدان وشيري النضامة وابو حراز وبدر الشين برضو ديل برصو العربي رص
هناك الكتابة الصعبة عديل كدا والزول محتاج يقراها مرتين عشان يفرز الحاصل شنو طبعا دا الضرب من الكتابة المتفرد فيهو اخوانا صلاح ضرار وود عزة انا شخصيا بطلق علي كتابتهم امائية بالرغم من انه ما متاكد ايمائية يعني شنو لكن متخيلها جاية من الايماء او الاشارة وصدقوني امكن كلامي صاح
بالنسبة للكتابة القصصية طبعا الرحيمابي ماخز ركن براهو وسابقا كان الاخ ايمو ولكن اراه ترك التطرق لهذا المجال كثيرا وايضا عادل امين ينحو كثيرا هذا المنحي
اهل العوض متفرد بالاتمام بالتراث الوسطي وادب الوسط الشعري اي في الدوبيت وشعر البادية
المهتمين بالكتابة في علاقة الدين بالدولة والعلمانية علي راسهم عبد الله وعاطف عبدالله ورقم صفر موضوع الدين بالدولة دا فارق معاهم فرقة تاريخية كبيرة جدا ودايما لهم وجهات نظر في الموضوع دا
الجندرية عندها مشكلة كبيرة جدا متفرغة ليها وهي تهميش المراة وعلاقات الجندر والموضوع دا بالنسبة ليها بدور حوله معظم بوستاتها
ياسر حنا ايضا مشغول جدا بالهجمة الغربية علي الاسلام والمسلمين يجزاه الله الف خير
نها ودريمز ورحيل وغدي يملن للرومنسيات في الكتابة والادب المعاصر او الحديث
شرنوبي (وين الزول دا) حالة خاصة في ادب المهجر كما اطلق عليه انا وادب الوحدة والشوق والالم
انسانة مهوسة جدا بالوظائف والتوظيف ولها بوستات جادة وجميلة جدا
بت الاحفاد وسودانية الفين وروعة بالانجليزي الدين هو وقودهم المحرك في الكتابة ربنا يوفقهم
واواصل
|
Post: #7
Title: Re: جائزة أكتب كتَاب في كِتابات الناس البِكتبوا في البورد
Author: adil amin
Date: 06-18-2003, 10:59 AM
Parent: #6
الاخ العزيز اساسى
تحية طيبة
فقط كت اريد ان اوضح لك انى بكتب بواقعية شديدة جدا ومعظمها سيرة الناس العاديين فى الوطن من خلال خلفية سياسية معينة........لان السيرةالذاتية لانسان العادى هى السيرة الذاتية الحقيقية للوطن...ونحن بهذه الكتابة غير المباشرة نستهدف وعى الناس...لجمع قطع الموزايك السودانى المهشم بفعل الايدولجيات الوافدة الى السودان من اقصى اليسار الى اقصى اليمن وانعكاساتها على الانسان البسيط ممكن ناخذ البوستات
الاتية.آدم,عم سعد خفير حوض السباحة, صرخة ميتا ومتىيعلنون وفاةالشمال
وانت لو عايز تقيم انسان تقييم حقيقى والدال على الخير كفاعله اقرا كل ماكتب وبعدين بترفع العتب لان كلمة" تنظير" فى السودان عندها معنى واحد زول فارغ وما بخدم اى قضية وقد يكون خانك التعبير او الكى بورد ومادام الاسف وعزرك مقبول وهذه نفس طيبة عندما نكون قادرين على الاعتزار وحتى ان لم يكن مطلوب مننا ذلك وذى ما قلنا ليك نحن هنا ما جينا نقيم الناس ولكل بضاعة شراى وسوق
**********
ونحن بنرحب بيك فى دربنا الاخضر ولك مطلق الحرية فى تقييم ما نكتب
|
Post: #8
Title: Re: جائزة أكتب كتَاب في كِتابات الناس البِكتبوا في البورد
Author: بدرالدين شنا
Date: 06-18-2003, 11:11 AM
Parent: #1
بسم الله الرحمن الرحيم
صديقي أساسي
سلام وإحترام
Quote:
بالنسبة لاخز مواضيع جادة بطريقة هزلية متفردة ابدع سجيمان الرمدان وشيري النضامة وابو حراز وبدر الشين
|
غايتو أنا بضمن ما لايقل عن 69 راكب في هذا البوست
|
|