غربه وشقي وزله وندم حالاً قالبني اوصفو

يمه في بلداً بعيدي حالي العلي ما بقدر اوصفو
غربه وشقي وزله وندم حالاً قلبني اوصفو
عارف البعاد طول على وشقي سنيني ونشفو
ما غبتوا عن البال يمين يمه بس داير العفو
يومو اليصلني جواب جواب اقر واعيد في احرفو
ابكي زي الرضيع قلنبي اصلاً اوصفوا
عارفك تساسقي على البيجو وتسالي
ما لون ولادنا اتخلفو اوعك تقولي على قسي
يمه الزمن يا هو القسي وحابس قدمنا مكتفو
الجيب على العلي كل ما نتقلو ننسفو
يا يمه انا داير اجيك بي حال قدومو يشرفو
حال ينسيك البعاد
باكر اجيك بين الجنات شال مستفو
باكر اجيك عريس يا يمه بس داير العفو
غربه وشقي وزله وندم حالاً قالبني اوصفو

رد الله غربتنا جميعا
وحفظ امهاتنا وهداء من لوعهن علينا

لك الود صديقي علي هذا الولع الجميل

ورضيت بالغربة يا أهلي .......
رضيت بالغربة شان عزة حروفاَ غالية
فوق أحلامي تتواري وتقول لي ....
ياني راجياك تانى ترجع لي.
.ولو عارف السنين بتهون كفاى الفات ...
وكان اديتك الباقي وبراك عارف الحنان العندى متل اللبنة صافى نقى....
صفا السمحين.. دعاء الطيبين.. مشاتل عامره
بى فرح الصغيرالعبً من رمل الجروف الجاريه شاقه ودى.
.....................
هناك في الغربة يا أهلي ...بشوف الناس غريبة وتايهه
في أحزانا طاويه ألحي ....
بشوف في عيونا نظرات الودار ..مليون سؤال.
.في جوفي تكويني وتخلف الكى....
وحتى القمرا ..ما بتشبه قمربلدى البضوى الساحة صافى لبى....
ووين الخضرة ..وين الخضرة وين راحت ...
ودييك المويه فوق للصخره تصرخ تبكى وووووب وأحي....
.............
وحاتكم انتو يا أهلي ...
ما فىاحنً من أهلي ..منو الغيركم بعرف البى.....
ويقاسمني الزمن لو جاني تارى على......
لكنى خلاص اتيمنت ... واتيقنت ....
ما دام الغربة صبحت نغمه بسمع صوتا فوق أضنى...........
وطعم الغربة في لساني واصابعو تدور تأشر لي....
بسلم أمري للأيام...واجيكم تانى .شان بى شوفتكم أتعطر .واكحل بيه ضى عيني....

الاخ هوبلس
لك التحية والاحترام
ردالله غربتنا وغربة جميع السودانيين سلامين غانمين
امين يا رب العالمين

أغرب الغرباء من صار غريباً في وطنه وهي حالة يعيشها الكثير من أبناء الشعب السوداني في زماننا هذا ، وأبعد البعداء من كان بعيداً في محل قربه. رد الله غربتنا جميعاً سالمين غانمين سواء أن كانت غربة مع النفس أو غربة مع النفس أو غربة عن الوطن والأهل.