الزعيم عبد المحمود أبو معكم على الخط

أولا حمدلة على السلامة أيها الزعيم والقيادي الكبير . ثانياً نحن نعرف أن الصلاة فيها سر وجهر . لكن بالله كيف كنتو بتتغدوا عند الجماعة ديلك؟ وهل عندكم تحلية ولا بتكتفوا فقط بالطبق الرئيسي والسلطات بس ؟ وهل في واحد بيغسل ليكم إيديكم بعد ما تاكلوا عشان تسألوه مثل أهلك من وين والجابك هنا شنو؟ ونورت المنتدى

بعد ما تاخد نفسك بندور نسألك عن مشيتكم للقاهرة والجمعيات غير الحكومية ، أمانة ما حا نسألك ونسألك ونسألك . بس قول لنا أخدت نفسي وجيبو أسئلتكم

العزيز اهل العوض

حبابك و مشكور على الخبر السعيد دا
و حمداً لله على سلامة الشيخ عبد المحمود ابو

لكن شكلك كده عاوز الراجل يشيل شنطته و يرجع بحر ارادته للجماعة و يقول ليهم اسئلتكم و اسئلة اهل العوض

المناضل ابو ما ح نسألك ح نستجوبك بس
لووول
و لا احسن اهل العوض

عقبال عودة الحرية و الكرامة لكن الوطن و اهله الكرماء الاماجد

عارفين الزول الكان حكم على مانديلا بالسجن اسمو منو؟ والزول الكان حارسه في السجن "مع انو اصبح صديقه فيما بعد" وعارفين رئيس جمهورية جنوب افريقيا الوكت داك؟؟ طبعا لا. ودا واحد بس من الفروق الضخمة بين الشرفاء المرفوعي الرؤوس والعميقي الافكار والارواح والنفوس، وبين المهرجين ذوي النفوس الصغيرة المريضة والعقول المراهقة الطفولية الضحلة

وهذا هو الفرق بين عبد المحمود أبو الرجل المؤمن والمناضل الجسور، وبين الحرامية الذين لا يستحون ولا يفهمون، وليتهم اكتفوا بالسقة وستروا انفسهم ولكن الغباء في التبجح، وما صدام منهم ببعيد

وهذا هو الفرق بين الشيخ أبو وبين المجهولين المقطوعين الذين لا يعرف احد من اين اتوا ولا يعرفوا هم انفسهم الى اين هم ذاهبون "الى مزبلة التاريخ ان شاء الله قريبا والى غضب الله حين يسألهم عما فعلوه بالخلق وحقوق الناس" وهذا هو الفرق بين الانسان و ال... هل اقول الوحوش؟ بينما الوحوش نراها تسير بيننا عزيزة كريمة، كلا، هؤلاء لا يشبهون الا انفسهم

حسبنا الله

وحمد الله على السلامة يا شيخ أبو، وربنا يحفظك من كيدهم

ربنا يحفظو و يحفظ السودان من كيدهم

up

up

اهلا العوض سلام


كنت اتوقع منك اولا ان تعطينا نبذة ولو مختصرة عن الرجل حتى يتم النقاش معه على خلفية متفق عليها على الاقل ..

المهم الراجل خلاص فكوه ولا لسع بيمشى ناس الامن يعمل تمام بالصباح والمساء ؟؟

طبعا زى ده تمامه بكون فى القصر الجمهورى اظنو ..

لك تحياتى

حمدعلى السلامة
وسؤالى لماذا اتخذ الحزب قرار
بقاء السيد الصادق خارج السودان