امدرمان ليست مدينة...................... يا ود المسالمة بطل المتاوقة ادخل واقش على الاعصاب

تمهيد قسري:
شقيقي ( لم تلده امي ) عادل ابن عمي مختار عباس ود الشول ( احد ظرفاء امدرمان- رحمه الله- والذي ساعود ايه لاحقا ان شاء الله)جابولو صبي بعد ان ظن ان زهرة حياته قد ذبلت . فانتابتني له فرحة ثلاثية القوة

مدارج

مدرج اول

من دخل دار ابي سفيان فهو آمن

مدرج مغاير

من تقمصته امدرمان فهو عاشق

مدرج في مطب هوائي:

ظباء مكة صيدهن حرام

ظباء امدر صيدهن محال ...

الا لمن ملك مفاتيح الاسرار

وندخل

امدرمان .. حالة تصل الى اقصاها كما في حالة شيخنا الجليل رحمه الله العارف بالله الشيخ قريب الله

حينما استدعا في هزيع من الليل قيثارة ذلك الزمن كرومة ، وطلب منه ان يغني ما كان يغنيه في بيت اللعبة المجاور.. اضطرب كرومة
وتلجلج

وترجرج

وماج

ثم

صدح

( ياليل ابقى لي شاهد على

نار شوقي وجنوني)

فخر شيخنا مغشيا عليه

وشتان ما بين ليلين

وعالمين

بينهما ولدت حالة امدرمان

تنتشي فتقارب الزندقة

وتطرب
فترقى لمصاف السمو

وملائكية الارواح

ونزاصل

و ليست أي حاجة.

الاخ ملاسي

ليست اي حاجة

ولكننا نعشقها

اتعرف معنى الانتماء؟

اعشقها .. إن شاء الله تطير بيها السما.

آمين

عزيزي د. محمد حسن

صدقت ومن غيرك يستطيع أن يقول أمدرمان ليست مدينة ؟؟؟

أم درمان ليست مدينة بل عالم يموج بالضياء والألق ... حالة استثنائية خلقتها لحظة ولادة استثنائية

فجاءت كما أراد لها سكانها أن تكون أصالة... تجانس ... تكاتف ... حب... مودة ... تماهي ... إنصهار

في بوتقة العشق والوله ... أمدرمان ليست مدينة بل وطن لا يشبه سوى ساكنيه .... وحالة من العشق لا

يقوى عليها سوى عشاقها ... أمدرمان لا تشبه المدن ولا مساكنها كالمساكن هي حالة فريدة خلقت في عصر

فريد ليسكنها أناس متفردون ... تلك هي أمدرمان التي لم ولن تحتضر ...

الاخت عواطف

اعلمي انه سيكون لك اقامة دائمة هنا

مودتي

أخى د. محمد حسن

فيما يبدو أنك عاشق حتى النخاع

للسودان الصغير المجسد فى تلك البقعة

المسماة أمدرمان , من بوحك بعشق المدينة

الأم أيضا يبدو جليا تشبعك بتقديسك لها,

واصل و لا تنتظر كثيرأ

إحترامى.

الاخ ايمن

وبكم يزدهر هذا البوست
انت اضا واصل

مودتي

..
.

بل هى السودان تمثل فى ربوعها؛

________________

انا امدرمان..
أنا السـودان ..
انا الدرة البزين بلدي
انا البرعاكـ سلام وامان
وانا البهواكـ يا بلدي؛

بل:

لا حبذا أنت يا امدرمان من بلد
أمطرتنى نكدآ لا جادك المطر

الاخ الكريم ملاسي ذكر :

(بل:

لا حبذا أنت يا امدرمان من بلد
أمطرتنى نكدآ لا جادك المطر)

نعلم يقينا انها ليست باسطنبول او القاهرة

والجزئية التى ذكرتها فقد تجاوزناها منذ زمن بعيد

اقدر لك متابعتك

تبلدينا

شعور ممعن بالسودان

هكذا هم اهلها

مودتي

..
.
loool@ M

اعصابكـ
غايتو العملتك فيكـ ما هينة :

_______________

امدر يا ربوع سودانا
نحييكـ وانت كل آمالنا
فى غربك عروس الرمال
وفى شرقك آية جمال؛
***

وملاسي حاسدكـ خلاص
زهجان داير الخلاص
كرهان حرك شديد
وغباركـ الما بالايد
***

Quote: صدقت ومن غيرك يستطيع أن يقول أمدرمان ليست مدينة ؟؟؟ أم درمان ليست مدينة بل عالم يموج بالضياء والألق ... حالة استثنائية خلقتها لحظة ولادة استثنائية فجاءت كما أراد لها سكانها أن تكون أصالة... تجانس ... تكاتف ... حب... مودة ... تماهي ... إنصهار في بوتقة العشق والوله ... أمدرمان ليست مدينة بل وطن لا يشبه سوى ساكنيه .... وحالة من العشق لا يقوى عليها سوى عشاقها ... أمدرمان لا تشبه المدن ولا مساكنها كالمساكن هي حالة فريدة خلقت في عصر فريد ليسكنها أناس متفردون ... تلك هي أمدرمان التي لم ولن تحتضر ...

الاخ الواثق

شكرا ولك التحية والتقدير

وهي رحلة

تبدأ بعلايل ابوروف

والمغالق

وقدلة يا مولاي حافي حالق

بالطريق الشاقيه الترام

( واحافي ما حفيان بل محفحف ومقيف وشرط عديل)

د. على المك

في سفره الرائع مدينة من تراب والذي انقه باخراج عميق الفنان الرائع ابراهيم الصلحي ،تجول بنا

بين ازقة امدرمان المتربة والتقط من بين ذرات غبارهابعض تفاصيل حياة مليئة بالاثارة والغموض

والطموح

امدرمان هي كمال عبد الوهاب

هي المساطب الجنوبية حين تصرخ انفعالا جميلا في لحظة التجلي ( وااااااااااااااااااي)

فترد راجمات المساطب الشمالية ( واي يا رشاشات)

وما اروع ان تكون رشاشة في تلك اللحظة

ونواصل

امدرمان حنان و جراءة النيل.
و تاريخ بصبر امتداد الصحارى.
ولانها لغز نبيل ثمرة نخيل مثمر
فليس بغريب ان يقذفهاهذا بحجر وان لايفهمها ذا

امدرمان حنان و جراءة النيل.

الاخ شهاب
امدرمان لا تختلف كثيرا عن مدن السودن ، فهي قرية في المدائن

ولكنها

انتماء

وعوالم نغوص فيها بمعرفة من يبحث عن اللالئ

سلمت ياحنين

امدرمان هسه وزمان

امدرمان الناس الحنان

امدرمان الحب والامان

امدرمان الزوق والتفانى

امدرمان نصرة المظلوم كمان

امدرمان ضريرة وحنة للعرسان

امدرمان قبيل وهسه تحمل السودان

امدرمان ربابة وعود وكمان

امدرمان كفر وادب فنان

امدرمان بيوت عريقة زى الزمان

امدرمان طيف من كل بقاع السودان

الاخ ناجي

شكرا جزيلا على الاضافة

وقفة صغيرة قبل ان نواصل

رحم الله بادي محمد الطيب

كان صديقا لاخوالي

عاشوا معا الزمن الجميل

جدتي

كانت طريبة

كلما سمعت بادي

تاتيها حالة من الدساتير ( وتنزل ظار)

ونواصل

بل هي دوله و الماعاجبو إشرب من البحر

سلام يا عزيزنا ومبروك لعادل الحبيب

المرتضى بهلوى

حمدالله على السلامة

وما يقول اخونا

المودة قواسيب قواسيب

عزيزى دكتور محمد الحسن
سلاماُ قولاُ من رب رحيم
يحلو لكل شخص في الدينا ان يتغزل في مدينته ولكن الملاحظة انكم تتكلموا عن امدرمان موديل قديم وامدرمان الان تختلف كلياُ عن قديم امدرمان من حيث المكان والعلائق حولها، فرجاءاُ الحديث عن الحالي واتركوا الاطلال لعلماء الاثار
احمد التجاني

نعم أمدرمان ليست مدينة..فلا مطار فيها ولا محطة سكة حديد..إلا أنها "تقاطع" طرق..وسلام ياملاسي!

بناديها

حلوة تقاطع طرق دي

( حسب فهمي ليها)

مودتي وتقديري

الاخ الكريم مهدي

ليس الديار من شغفن قلبي

ولكن حب من سكن الديار

فما بالك من ابتلي بالديار وحب من سكن الديار ( كسر مركب)

وليست امدرمان هي التي تغيرت ولكنه السودان ككل ، فسودان الامس ليس سودان اليوم
امدرمان يا اخي نحملهافي دواخلنا في حلنا وترحالنا
وحينما نتحدث عن امدرمان نؤكد انها اطلال لمن يهتم بالمباني والاثار ولكنها عوام لمن يهتم باشياء اخر
بالامس القريب تمت اعادة حلقة تلفزيونية مع الاستاذ الراحل ابو امنة حامد وهو هدندوي من مواليد هيا نشأ وتربى في امدرمان وقطن حاليا في بحري ، ساله المذيع عن انتمائه فقال له انا ( امدرماني ) ولمن لا يعلم فهو متقمص بادرمان وقد تجاوز المكانية
مهدي لك مودتي
وابقى قريب

طريت أم در حليل ناسا وكيف أنساها وأتناسا ومفتون بي ظبي كناسا

الاخ حسام
مرورك معتق

ولي عودة للاغاني ان شاء الله

سعيد الصديق من ابناء النيل الابيض ، ريفي كوستي وتديدا قرية الملاحة ، يعشق الكونكان والهلال
سكن امدرمان في احد احيائها العريقةن يعمل عسكري مرور، في احد الايام ، وكانت فيه مبارة بين الهلال والمريخ ، وقع في يده جاد الله لاعب المريخمخالفا ، استعمل كل مافي جعتهمن قانون، اودعه الحبس او التوقيف او السجن سمها ماشئت وتقاطرت وفود الواساطات لاطلاق سراح اللاعب
والزمن يمضي الى ان جاءت رتبة عاليةوتعهد لسعيد الصديق بانه بنفسه سيعيده اليه بعد المبارة ، وانتهت المبارة بانتصار المريخ على الهلال 4/2 احرز منها جاد الله هدفين، ويقاللا والعهدة على الراوي ان القبطان حاج حسن عثمان اعطى جاد الله عشرة جنيهات فما كان من جادالله الا ان قال له ( امشي افكها)
ونواصل

برعي احمد البشير ( القانون كما يحلو لعشاقه) وهو في عز نجوميته ، اراد احد الاعلاميين ان يتقرب اليه او لغرض ما في نفسه - وكان كمال عبدالجليل ( سينا) رحمه الله في بداية ظهور نجوميته- قال لبرعي ممنيا نفسه بخبطة صحغية - سينا يقول انه العب منك ، فرد عليه برعي
( يا اخي العب مني ، انت مالك) ولم يكن يدري الصحفي ان بين برعي وسينا علاقة جميلة وصداقة قوية

صديقي عادل مختار ، سئل مرة عن قبيلتع فقال ( مريخابي)
لا يحلو له الحديث في الكرة الا ان يناكفني
انتصر الهلال على المريخ بهدف احرزه اللاعب الفنان الريح مصطفى اثر دربكة امام المرمى
جاءني عادل اليوم الثاني وقبل ان يصلني قال لي
انتصر الهلال على المريخ واحد صفر احرزه اللاعب ( كبسيبة)
ونواصل

هم ليسو اساطير

ولكنهم بشر يمشون بيننا ، وخلقت حولهم الكثير من القصص بعضها فيه شئ من الحقيقة وجلها لعب الخيال الشعبي دوره في تضخيمها

موسي ود نفاش

رجل بسيط يعمل في صناحة محافظ الجلد التي كانت تلبسها النسوة في امدرمان ( مفحضة او محفضة) كيفما شئت ان تنطقها، كلن له محل في نهاية شارع الدومة ( شارع السيد عبد الرحمن)
كان رجلا خفيف الظل ومحبوبا ، وربما كان من الذين يتعاطون رحيق الذرة

ونواصل

***********

د.محمد الا يكفى امدرمان فخرا انها تشرب بكرى النيل وبعد ذلك يشرب
بقية الناس التنى والبركة والذى منو....ان شاء الله راجع ليك،،

الاستاذ الموج

ابن عمي
اسعدني مرورك وفي انتظارك

مودتي

-

ألأخ/د.محمد حسن....

ألحديث عن أمدرمان ذو شجون,سيبك من ناس ديك, وديل ماعندهم وطنيه.....

أنا أمدرمان أنا السودان.هنا الوطنيه هنا القوميه.

أمدرمان أبوكدوك والمورده والعرضه والعباسيه(مسقط رأسى)وحى العرب معقل ألفن والحقيبه,وبيت المال والملازمين وحى السوق وألأسبتاليه,وألشهدأ وأبوروف والكابجاب وودنوباوى ووددرو وقلعة الفتيحاب(منها بدور القلعه للشاعر صالح عبدالسيد أبوصلاح من فحول ألحقيبه والذى مازال له الجميل الذى لم يرى النور وأنشاء الله ربنا يهدى أخونا بدوى أبوصلاح ويجود لنا بها.جميلة مداخلات ألأخوان محبى أمدرمان وخاصةألأخت /عواطف أدريس إسماعيل ما دخلت فى شىء إلا زانته وألأخ ناجى أحمد البشير والتحيه لك لموضوعك الجميل وعايزين صديق الموج ألف بينا لفه ويجلى درر أمدرمان لكم الشكر جميعآ.....إسماعيل محمد أحمد عباس

د محمد حسن

Quote: كمال عبدالجليل ( سينا) رحمه الله

بحكى سينة قال والدته قالت ليه أعمل حسابك ناس الحلة كلهم بحكوا عن زول إسمو سينة أبعد من طريقو

كان يدربنا فى نجمة المسالمة رجل عادى وهادى و 90% من القصص مخترعة

دايرنا نحكى عن شنو

طريق الأربعين حى العرب قبة المهدى فريق عباس




ود نباوى المورة وظبية المسالمة ولا علايل أبروف


السكى الطوابى ولا برمبل


الحاج كاك ولا محمد القاضى ولا الهادى الضلالى


أم سلمة سعيد ولا جورج مشرقى


ناس العجبانى ولا قبانى ولا ربيع المحامى


ولا ناس برجوبة وبنات جهنم


حدد

دى ما مدينة دى عالم تانى

>