دكين بت قضيم وميلاد برناد شو سوداني

الموضوع بتاع دكين وبت قضيم دا
طبعا كان واضح انو ما جادي بالنسبة
للكثيرين واذا سلمنا بان البعض راودهم الشك
رغم انني استبعد هذا تماما. لكن اهو دكين
أتأسف بكل أدب واحترام لبت قضيم وكمان لكل
من قال لقد اختلط عليهو الأمر. وانشاءالله بت قضيم
اعتقد ومن خلال معرفتي لها فى البورد هنا
انو تمتلك نفس عاليه وسوف تتقبل اعتذار الأخ دكين بتفهم
بس ياريت الأخوان يبقوا محضر خير بعد كدا
والعايز يبقى برناد شو سوداني ربنا يحقق ليهو مراضو
لكن بس ما على ضهر المسكين الما ترك ليهو
كلمه حلوة يعبر بيها عن أسفه الشديد
للأخت بت قضيم وكل الاخوان

تحياتي

الاخ العزيز السنجك اول مرة اختلف معاك
الاخ دكين خالف شروط العضوية وتلاعب بمشاعر الاعضاء واولهم بت قضيم
حتي لو كان بيمزح ليه يترك هذا المزاح لفترة طويلة كدا

ياخي نحنا دائما نسامح
ليه يا سنجك علينا ردع مثل هذه الاشياء لاننا هنا لحل مشاكلنا العادية والوطنية ولنروح علي انفسنا
فلماذا التلاعب بمشاعر الاعضاء

هذه قمة المهزلة
وانا اقترح توقيع عقوبة علي دكين من الادارة
ولو ترك هكذا سوف يفتح الباب لكل عضو ليفعل ما يريد في المنبر واعضاءه

والله يا السنج قلت الفيها خير
انا زاتي كرهتني ومسخت لي روحي من شدة ما قريت اسمي في البورد ده

وكلامك عين العقل
وخلاص نقفل الموضوع ده ويا دار ما دخلك شر
الأخوان بحصل بينهم مرات مرات مشادات
يعني ما غريب الحصل ده

وتسلم لبوستك الفاهم

مهاجر
انا مقدرة تماما شعورك الأخوي الصادق،، وشايلاه فوق راسي
لكن بما أن دكين قال ان قصده ما كان إلا خير،، فلا داعي أن يعاقب،،، المهم النية وهو نيته طلعت بيضاء
الله يخليك ويكرمك
الموضوع ده بقى يعمل لي جن في راسي
وبقيت محرجة ادخل البورد واشارك
وعندي احساس اني زولة وهم عملوا ليها أهميات من مافي
الله يكرم اصلك
انهوا الموضوع ده خلونا نعرف نكتب شوية ونضحك شوية ونلعب شوية ونجد شوية ذي زمان
ممكن يا مهاجر؟؟

تسلمى يابت قضيم يا اصيلة يا بت ملوك النيل،بت عز الرجال الماكان ابوك بخيل
نحن فى اتتظار مساهماتك الشيقة والمفيدة
تحياتى

مكانك كبير بينا بت قضيم
ويلا نبدا خطوة جديدة مع دكين
وانا ما بيني وبينوا حاجة لكن لا نرضي بالضيم

تاني بقول دكين عواس العجين

بت قضيم ،،

ما العقل السمح دا استكتروا على نون النسوة ،، والدهب بختبروا بالنار .. والله مشتاقيين لتلقائيتك الطاعمة.. وتسلمي يا اصيلة.