Post: #1
Title: يا ناس---- شوفوا لي حلل
Author: haneena
Date: 06-07-2003, 12:56 PM
Parent: #0
سلام يا الحلوين
الحديثين منكم و المخضرمين
عايزة حلل--بفتح الحاء- مش بالكسرة
يحلنا الحل بلة
أنا من عرقت دربكم دة--خلاص خليت كل شي
صاقرت المصيبة الإ سمها الإنترنت والمنبر دة
الشغل بمشيهو بدون نفس
في البيت--لاصقة في الكرسي مقابلة الشاشة دي -أكل أشرب أتكلم في
التليفون -أشاكل -برضوه ملصوقةهنا
حانطرد من الشغل والبيت يعني حأشحت وما ألقي لي سقف يقيني الحر
و البرد---أعمل شنو؟ وروني إنتو بتوفقوا كيف
عايزة أتعلم من تجاربكم ---ينولكم ثواب
المفصولة و المطرودة قريبآ- لو ما لحقتوني
حنينه
|
Post: #2
Title: Re: يا ناس---- شوفوا لي حلل
Author: Mayada
Date: 06-07-2003, 01:02 PM
Parent: #1
والله اخير انتي بتمشي الشغل وتسيبي البورد شوية لكن انا حتى جهازي الفي مكت عاملاهو على الهو بيج بتاعتي ولكي ان تقيسى على ذلك..
احلنا الحلة بلة
|
Post: #8
Title: Re: يا ناس---- شوفوا لي حلل
Author: haneena
Date: 06-07-2003, 01:40 PM
Parent: #2
سلام يا ميادة
يعني الحال من بعضو
طيب برضو لازم نشوف حل
نعمل جمعية ونسميها---
المطرودين و المطرودات من أعمالهم ومن خشوم البيوتات
وطبعآ نعملها جمعية خيرية--ونلم ليك تبرعات تمام
موش برضو فكرة؟
|
Post: #3
Title: Re: يا ناس---- شوفوا لي حلل
Author: Ahlalawad
Date: 06-07-2003, 01:06 PM
Parent: #1
والله كان فينا نصحية نقول ليك أختي شي يهبش الماهية وضل البيت . لأنه عدم الوظيفة يعني عدم الصنعة ، وعدم البيت يعني الهملة . دحين أول ما تدخلي البيت المبشتن دا أقري السبع المثاني وقولي بسسسسسسم الله
البارح قريت سبع المهمه مهجع
اصبح فاقد الهرع الضحوتو تنجــع
نياح البلبل الفوق راس فروعو مسجع
سيتو جديد علي اللي اسراري ما بتفجع
|
Post: #4
Title: Re: يا ناس---- شوفوا لي حلل
Author: alfatih
Date: 06-07-2003, 01:12 PM
Parent: #1
يا رايعه
في اربعه خطط
الاولي ...إنك ما تكتبي بوست جديد كل يوم
التانيه...حاولي شاهدي اخبار في التلفزيون....او فيلم
او اي حاجه تلفزيونيه تشغلك عن الكمبيوتر
التالته...اعملي زيارات لاصحابك وانشغلي معاهم شويه
الرابعه...حاولي اكتبي خارج الجهاز....مذكرات او شعر او قصص
او إذا عندك جكس بكون خفف عليك زحمه الكمبيوتر شويه
ونحنا بنكون عليكي حنينيين اكتر منك يا حنينه
وده الحلانا من كل شئ
اما إذا ما إتوفقت يحلك الحله بله تاني
|
Post: #10
Title: Re: يا ناس---- شوفوا لي حلل
Author: haneena
Date: 06-07-2003, 02:02 PM
Parent: #4
سلام يا الفاتح
الخطة الاولي-انا ما بكتب بوست كل يوم-4 بوستات من يوم جيتي وواحد فيهم لبكري و دق مني طناش
لكن بدور كلامكم وباقراهو
الخطة التانية-تلفزيون واخبار؟إنت دايرني أموت بالذبحة؟
الخطة التالتة--أصحابي أكعب مني-وحسح أهن ديلاك مدلدلين الرجلين ومستنيين الحل
الرابعة-فشلت
اما الجكس- فطار من الشباك عندما دخل الكمبيوتر من الباب
|
Post: #5
Title: Re: يا ناس---- شوفوا لي حلل
Author: بدرالدين شنا
Date: 06-07-2003, 01:18 PM
Parent: #1
بسم الله الرحمن الرحيم
الحنينة حنينة
سلام وحنيّة
وما ألقي لي سقف يقيني الحر
هو يا ربي إسمو المنبر الحُر ولا المنبر الحَر
|
Post: #6
Title: Re: يا ناس---- شوفوا لي حلل
Author: Tumadir
Date: 06-07-2003, 01:22 PM
Parent: #5
هاك الحلل دة
البورد دة ما بتخلى
|
Post: #12
Title: Re: يا ناس---- شوفوا لي حلل
Author: haneena
Date: 06-07-2003, 02:29 PM
Parent: #6
تماضر
سلام يا حبيبة
قريت - تراها المشكلة مزمنة
أها لكن إ نت حسع لقيتي حل؟و اللا مصاقرة الشي ده لسة؟
أنا غايتو بقول التانية-موش؟
أها أنا غايتو جمعيتنا دي--خلاص ماشة أسجلها
تجي معاي؟
|
Post: #11
Title: Re: يا ناس---- شوفوا لي حلل
Author: haneena
Date: 06-07-2003, 02:16 PM
Parent: #5
بدر الدين شنا
مرحب للزيارة
عليك الله شوفت الحر واللهلبة الكانت هنا قبال إسبوعين في المنبر؟
في حر يا أخوانا أكتر من كدة
دي قصة حب ما عارف إيه ارددها-المرحوم أبو داؤود-
أسامة الخاتم
يعني ح تنضم للجمعية المذكورة أعلاه-
يا حليلك
|
Post: #7
Title: Re: يا ناس---- شوفوا لي حلل
Author: اسامة الخاتم
Date: 06-07-2003, 01:24 PM
Parent: #1
| Quote: أعمل شنو؟ وروني إنتو بتوفقوا كيف |
و منو القال ليك احنا بنوقف
|
Post: #9
Title: Re: يا ناس---- شوفوا لي حلل
Author: haneena
Date: 06-07-2003, 01:45 PM
Parent: #7
أهل العوض
تسلم يا أخي
-بسم الله
لكن ما عرفت السبع المثاني
وريهم لي ينولك ثواب
|
Post: #13
Title: Re: يا ناس---- شوفوا لي حلل
Author: ابو جهينة
Date: 06-07-2003, 02:44 PM
Parent: #9
الأخت حنينة : تحياتي
عاوزة حل نهائي بدون خيارات أو إتصال بصديق أو حذف بوستات ؟
إليك الحل :
هاتي دفتر محاضرات من أبو مية ورقة و أكتبي عليه من برة ( بوستاتي المقترحة )
ثم أكتبي في هذا الدفتر ما يحلو لك ، و خاصة تلك التي تريدين أن تعمليه كبوست. و خلي هذا الدفتر معاك الحجل بالرجل ، يكون معاك أينما ذهبت و أينما حللت. و عند ذهابك فقط للكمبيوتر ، أفتحي الدفتر و أنقلي منه الموضوع المراد طرحه.
تاني يوم ما تجيبي معاك الدفتر ، بس راجعي البوست ، لو في مشاركات ، ردي على المشاركات بما يتناسب ، و لو مافي ، تاني يوم جيبي الدفتر ، و هكذا دواليك.
لو الخطة دي ما نجحت ، برجع ليك حق الإستشارة التي لم تدفعيها أصلا ، و لو نفعت ، أرسليه لي بعنوان قرجة أبو عكاز.
شكرا أختي الكريمة و تسلمي.
|
Post: #14
Title: Re: يا ناس---- شوفوا لي حلل
Author: haneena
Date: 06-07-2003, 03:07 PM
Parent: #13
أخي أبو جهينة
كلامك معقول
لكن---
أنا ما بخطط للبوستات--مرات حاجة تكون وجعتك ولازم تكتب وإلا
يعني بوستي دة مثلآ
جيت راجعة من الشغل ومساهرة الليل كلو
بدل ما أنوم قلت كدي أشوف إيميلي-أصلي كنت مستنية رد من ناس عزاز
طنشوني أمبارح
من الايميل لسودانيز اونلاين--و الله العظيم بدقس و نعسانة ما شايفة القدامي وما قادرة أقاوم
قلت لااااااا
لازم الناس ديل يشوفو لي حلل
ومن هنا جات فكرة البوست و النعسة الله يرحمها ويغفر ليها --
|
Post: #15
Title: Re: يا ناس---- شوفوا لي حلل
Author: ابو جهينة
Date: 06-07-2003, 04:15 PM
Parent: #14
الأخت حنينة
الله يرجعك ليك النومة و تنامي نوما قريرة العين و و هادئة البال. قولي آمين.
البوست الطاريء لا قاعدة ثابتة له. أما فكرتي فتنطبق على الأفكار التي ستطرح على التوالي ( مش التوالي حقة صاحبنا ).
أنا مثلك ، البوستات لا أخطط لها ، بل تأتيني أحيانا من بوست أقرؤه فأتذكر شيئا ، و يا كي بورد جاك بلا.
المهم ما تهضمي حقوقي الإستشارية
و دمت
|
Post: #16
Title: Re: يا ناس---- شوفوا لي حلل
Author: ensana
Date: 06-07-2003, 04:24 PM
Parent: #15
الحالة واحدة
الحل انك تقطعي خدمة النت من بيتكم
و كان دايرة تجيكي ايميلك امشي نت كافيه
انا مرة او مرات النت قطعت عندنا في البيت طبعا ما كان عندي حل
خليت البورد و بقيت بمشي النت كافيه مرات
و بالتالي ممكن تحافظي على و ظيفتك..و تنضفي البيت..و تسوي الاكل..و تذاكري و تعمل اي عمل مؤجل عندك
كيف معاك الكلام دا
و دا حل مجرب يعني مضمون
|
Post: #17
Title: Re: يا ناس---- شوفوا لي حلل
Author: ايهاب
Date: 06-07-2003, 05:11 PM
Parent: #16
حاولي ابعدي عن الاتنين
البيت والمكتب
كيف الحل دا معاك
حل مخستك مووش
يا ستي يحلك الحله بله
البورد دا زي الهيرووين
و دخول البورد ما زي خروجو
خلاص لقد دقستي
|
Post: #19
Title: Re: يا ناس---- شوفوا لي حلل
Author: haneena
Date: 06-07-2003, 07:19 PM
Parent: #16
سلام إنسانة
حبابك عشرة
النت في بلدنا دي ما بقطع نهائي
بعدين بنستعين بيه في أي شئ-من مواعيد القطارات-أقرب المطاعم
نحجز بيه تزاكر وحتي شراء لوازم البيت عند المشغولية
وشغل البحوث---الخ الخ--والقائمة لا تنتهي
غير التواصل مع الأهل و الأحباب اللي بقوا منتشرين في أصقاع الأرض
غايتوأجرب فكرتك دي وأشوف بصبر قدر كيف
تحياتي
|
Post: #18
Title: Re: يا ناس---- شوفوا لي حلل
Author: haneena
Date: 06-07-2003, 07:04 PM
Parent: #15
الأخ أبوجهينة
حقوقك محفوظة
أنا لم أفهم قصدك ببوست طارئ-
في رأي المهم إنو يحمل قضية
مشكلة أو فكرة-والناس تساعد في الحل
شكرآ للإهتمام
حنينة
|
Post: #20
Title: Re: يا ناس---- شوفوا لي حلل
Author: haneena
Date: 06-07-2003, 07:24 PM
Parent: #18
سلام إيهاب
فعلآ نمت حوالي 4 ساعات-
دعوات أخونا أبو جهينة وصلت
يعني إنت ما لقيت حل للإدمان دة
والله مشكلة عويصة
تحياتي
|
Post: #21
Title: Re: يا ناس---- شوفوا لي حلل
Author: فيصل النعيمه
Date: 06-07-2003, 07:56 PM
Parent: #20
الحنينة
بس لو خليتي عملك وطردوك كدا حتكوني خسرت علينا البورد وبدل يساهم في تنمية المجتمع يكون بخرب في بيوت الناس
البورد والله ما بتخلا .. غايتو أنا من أجي م العمل أول الحاجة قبل ما أتغدى أفتح البورد اشوف فيه شنو حتى بعد ذلك أمشي اتغدى وأنوم وبعدين أذهب في الخارج واعود كمان اشوف البورد فيه شنو .. وأنا مما دخلت البورد بس قاعد أشارك في البوستات ما عملتي سوى بوست واحد .. وطبعاً البورد أخذ الوقت المخصص لمشاهدة التلفزيون .. وبعدين كمان المدام بقت الأيام دي شوية نقة من القعاد الكثير في البورد وقلتليها خلاص إت شارك في البورد عشان أشغلها شويه ودي مقدمات ليك يا ود البكري بكرة تلقاها رسلت ليك إيميل بطلب المشاركة
|
Post: #24
Title: Re: يا ناس---- شوفوا لي حلل
Author: haneena
Date: 06-07-2003, 09:05 PM
Parent: #21
الأخ فيصل
سلام
طيب و الحل شنو؟أنا حاسة بيها مشكلة حقيقية-وحتأثر علي عملي و حياتي
يا ربي
دة واحد من تمن الغربة ال بندفع فيهو
في غياب الأهل و الخلان
وهل بورداب السودان مدمنين زينا كدة؟
مجرد سؤال
|
Post: #32
Title: Re: يا ناس---- شوفوا لي حلل
Author: artiga
Date: 06-08-2003, 01:22 AM
Parent: #14
حنينة
والله كلنا فى الهم شرق
مواعيد الشغل بعد 5 ساعات
وانا لى هسى مدلدل رجولى والله
عالم لى متين
غايتو احجزى لى مقعد معاك
ويحلنا الحلا بله
|
Post: #22
Title: Re: يا ناس---- شوفوا لي حلل
Author: Hozy
Date: 06-07-2003, 08:10 PM
Parent: #1
الغالية حنينة
دايرة تعملي شنو وتمشي وين اكتر من كده؟؟؟
مافي طريقة معانا بس
ومابنتطردي حاشا
وماتشيلي هم
وماتفكري في حل
ماعندك طريقة خلاص ولا حيكون عندك
|
Post: #25
Title: Re: يا ناس---- شوفوا لي حلل
Author: haneena
Date: 06-07-2003, 09:14 PM
Parent: #22
هوزي الرقيقة
سلام
لكن أخلي المشكلة كدة؟
بدون حل؟
أنا عملي داير تركيز شديد
والبيت داير إهتمام-ولكن؟
أها إنتي ما تجي تشجعيني نسجل الجمعية دي
رأيك شنو؟
حنينة
|
Post: #23
Title: Re: يا ناس---- شوفوا لي حلل
Author: SAdo7
Date: 06-07-2003, 08:30 PM
Parent: #1
حنينه تحياتى
والله الشغلانيه دى علاجها اصعب من علاج السارس
ربنا بس اكضب الشينه وما تترفدى وانتم السابقون
ونحن اللاحقون
|
Post: #26
Title: Re: يا ناس---- شوفوا لي حلل
Author: haneena
Date: 06-07-2003, 09:23 PM
Parent: #23
SAdo7
سلام ليك
أنا لو إترفدت يا كم اللاحقون
بما فيكم بكري--
عشان ح أطالبوا بتعويض مادي ومعنوي
الا يبيع البورد دة عشان يسددو
وبكدة--تكون المشكلة حلت نفسها
يا سلام-- أنا ما فكرت في دي ليه من قبيل؟
|
Post: #27
Title: Re: يا ناس---- شوفوا لي حلل
Author: SAdo7
Date: 06-07-2003, 09:46 PM
Parent: #1
ههههه حنينه يابتاعت المصالح
عايزه تبيعى البورد مره واحده
انا بقيف معاك لكن نصيبى فى البيعه
لازم اكون محفوظ لانى حااجيب ليك
الزول المشترى وهو جاهز لانو اشترى قبل كم
يوم ساعة بج بونج من سجيمان بس شوفى محل
الاستلام حتكون وين
|
Post: #28
Title: Re: يا ناس---- شوفوا لي حلل
Author: فيصل النعيمه
Date: 06-07-2003, 10:47 PM
Parent: #27
الحنينة
الحلل لا بد من موازة ما ين العمل والبيت والبورد دا أحسن حلل لأنه لو فقدتي العمل حتفقدي البيت وبالتالي حتفقدي البورد واحسن مما تفقديهم كلهم توازني بينهم ..
مداخلة ..
تماضر جيداً شفناك مع الحلل(بكسرة الجيم)
حلل أهلاً ونزلت سهلاً وخبرينا عن الإجازة كيف نحن قادمين عليها
|
Post: #29
Title: Re: يا ناس---- شوفوا لي حلل
Author: ABUHUSSEIN
Date: 06-07-2003, 11:05 PM
Parent: #1
يا حنينة يا ختي شوفي قدامك حـل واااااااااااااااحد
ما في غيرو الباشمهندس بكري دا إعينك معاه هنا
|
Post: #30
Title: Re: يا ناس---- شوفوا لي حلل
Author: haneena
Date: 06-08-2003, 00:17 AM
Parent: #29
SAdo7
شوفي
الأسجم من سجيمان الباعو ليهو بيق بن دا ما بنفع
نحنا داير نبيعو لزول بفهم
جيبي لينا زول تاني وحقك محفوظ
فيصل النعيمة
كلامك حكم
حنينة
|
Post: #31
Title: Re: يا ناس---- شوفوا لي حلل
Author: haneena
Date: 06-08-2003, 00:29 AM
Parent: #29
يا أبو حسين
ما دايرة بكري يعييني و لا حاجة
يعني هو أحسن مننا في حكاية ادمان البورد دي؟
ماأظن
قاعد يتفرج علينا اليوم كلو
بعدين حكاية بيع البورد دي خلاص دخلت راسي
ح أمشي أشاور المحامي بتاعي وأجيكم
|
Post: #33
Title: Re: يا ناس---- شوفوا لي حلل
Author: bushramk
Date: 06-08-2003, 05:55 AM
Parent: #1
حنـيــــنة
أنتى فى الخرتوم؟
طيب
تجى نعمل جمعية وتاخدى الاولى؟
وبعدين تشترى ركشة ...وتشتغلى نقل موظفين...لما توصلى آخر زول وانتى راجعة تشترى بتيخة تقيلة...طبعا حتكون حارة...والكهرباء قاطعة..حتمشى تفتشى تلج..وحتكوسى البلد كلها...حتاكليها حاره؟ طبعا لا وابدا لا ...كسناهو ...كسناهو...حتجى راجعة تلعنى سنسفيل أبو التلج ...والمزاج كرت أحمر جاهز ...تشوتى الجهاز ...تقعدنى فى الحوش والكتمة...وعلى حظك الكهرباء تجى مع نشرة الاخبار يقدمها لكم عمر الهزلى ... آسف عمر الجزلى...بدرية سليمان تحضر توقيع سد مروى ..دا حينقد ما يتسد...تشوتى التلفزيو ...(بالفرنساوى)دمك يفور تنعسى تتخمدى تنومى
أها رأيك شنو؟؟ ...
|
Post: #34
Title: Re: يا ناس---- شوفوا لي حلل
Author: haneena
Date: 06-08-2003, 06:24 AM
Parent: #33
أرتيقا سلام
خلاص حنحجز ليك معانا في البص الماشي للمحامي الحيرفع القضية
عشان أثبت إنك من المتضررين
موش قالوا--علي المتضرر أن يلجأ إلي القضاء؟
اها يا بكري --شيل شيلتك
بصنا ركابه كترو
حنينة
|
Post: #35
Title: Re: يا ناس---- شوفوا لي حلل
Author: haneena
Date: 06-08-2003, 06:38 AM
Parent: #34
سلام bushramk
ما عرفت اكتبها بالعربي
إنت قريب بسمارك؟
شفت سودانا كيف ؟
الحلول ناجعة--ودائمآ تنتهي ب الخمدة بالرمدة
لكن--يا حليلي
أنا في بلدآ طيرها عجمي
لكن--بجيكم قريب
حنينة
|
Post: #36
Title: Re: يا ناس---- شوفوا لي حلل
Author: جدو
Date: 06-08-2003, 06:57 AM
Parent: #35
حنينة
انت عارفة انا لاحظت للحكاية جي من اول ايامك
في يوم كدة كنت مساهر في البورد
لحدي قريب الصباح
وقدر ما اتاوق في الناس القاعدين اون لاين
القاك قاعدة
لكن قلت الزولة دي جديدة والجديد شديد
اتريه الحكاية ادمان عديل كدي
بالمناسبة البورد دة مفروض يسجلوهو في قائمة
العقاقير المخدرة والقابلة للادمان
والمفروض تعاطيعهو يكون بحرص شديد
وتحت اشراف الطبيب
لانو لو فكو الشغلانية ساي كدة المدمنين حيكتروا
غايتو الله يكون في عوننا وعونك
|
Post: #37
Title: Re: يا ناس---- شوفوا لي حلل
Author: haneena
Date: 06-08-2003, 07:11 AM
Parent: #36
جدو
مراحب
تأكيدآ لإقتراحك ولمنع الإدمان
أطالب بتحديد ساعات الإرسال البوردية
زي تلفزيون السودان
و ما يخلوها فاكة كدة زي القنوات الفضائية الشغالة 24 ساعة
حنينة
|
Post: #38
Title: Re: يا ناس---- شوفوا لي حلل
Author: HOPELESS
Date: 06-08-2003, 07:24 AM
Parent: #37
يحددوا مواعيد الارسال البورديه..؟
واللهيا حنينا بعض احيان لو علق الجهاز بنتوتر انو فصلنا عن البورد
يا اختي العزيزه همك نص همي والله
انا مدمن علي البورد لدرجه جنونيه
والله قد يصادف اكون مساهر يومين علي التوالي مع البورد
تصدقي الشئ دا
لو لقيتي حل ورينا ليهو
بس انا شخصيا مبسوط كدا يعني ما داير اتحله خااالص
|
Post: #39
Title: Re: يا ناس---- شوفوا لي حلل
Author: haneena
Date: 06-08-2003, 07:42 AM
Parent: #38
هوبلس
الإسمك علي غير مسمي
أها دي حالة دي؟
قولت لي يومين سهر؟
والشغل كيف؟ وناس البيت رأيهم شنو؟
خلاص سجلناك في جمعيتناعشان ح تنطرد قريب
حنينة
|
Post: #40
Title: Re: يا ناس---- شوفوا لي حلل
Author: shiry
Date: 06-08-2003, 07:44 AM
Parent: #37
سلام مربع
حنينه
غايتو اجمل من الحل بتاع بشرى ماشايفه
بس المشكلة ما بخلونا نشتغل في الركشااااات
انا غايتو ..كل اللي حصل معاي غصبا عني زادت اشغالي
يعني بالاضافة الى اشغالي القديمه
زاد عبء البورد
وكنت بتمني لو انو اخلي الشغلات القديمه واصاقر البورد بس
لكن للاسف بقن علي كلهن
يحلنا الحلا بله
وماعارفين يا اهل العوض
بله دا اتحلا كيف
|
Post: #42
Title: Re: يا ناس---- شوفوا لي حلل
Author: ابو جهينة
Date: 06-08-2003, 08:04 AM
Parent: #40
الأخت حنينة
صباح الخير
( بوست طاريء ) يعني بعد ما تسيبي حكاية ( إدمان النت ) و يكون إستعمالك خفيف ، لو جاتك فكرة و إنت بعيدة عن الكمبيوتر ، يعني حاجة ملحة شديد و ما تقدري تنتظري لتاني يوم أو حتى أكثر من الوقت البتصلي فيه الكمبيوتر ، بمعنى آخر لا بد من كتابة الفكرة التي في رأسك دون تأخير ، فتقومي تسيبي الدفتر و جري على النت.
أرجو أن أكون قد وضحت نقطتي.
تسلمي
|
Post: #41
Title: Re: يا ناس---- شوفوا لي حلل
Author: elsharief
Date: 06-08-2003, 08:00 AM
Parent: #1
حنينه
بس ما احباط والعلاج صعب وربنا يكون فى عونك
|
Post: #43
Title: Re: يا ناس---- شوفوا لي حلل
Author: haneena
Date: 06-08-2003, 08:20 AM
Parent: #41
شيري--وعين الله ترعاك
قلت لي ممنوع نسوق ركشاااات؟
قادر الله
وليه يخلونا نسوق عربات و ممنوع الركشااات
إنفصام شخصية غايتو
لكن أنا لو منك-- أخلي كل البتسوي فيهو دة
وأمشي لأصحابك بتاعين سوق الحرامية
ناس الكاسوري---متذكراهم؟
أكيد ح يلقوا ليك ولينا حل
وبعدين--لينا الحلاوة
إتفقنا؟
حنينة
|
Post: #44
Title: Re: يا ناس---- شوفوا لي حلل
Author: haneena
Date: 06-08-2003, 08:24 AM
Parent: #41
الشريف
إحباط مافي
وكلنا إيدينا في يدين بعض بنلقي حل
إيد علي إيد
تجدع بعيد
تحياتي
حنينة
|
Post: #45
Title: Re: يا ناس---- شوفوا لي حلل
Author: قلقو
Date: 06-08-2003, 09:53 AM
Parent: #1
الأخت حنينـة
انت بالمناسـبة مصابة بداء اسـمه داء الكنكشـة والداء دة منتشـر اوسـاط السـودانيين وخاصـة الوزراء والمسـئولين والذين سـلطهم الله سـبحانه وتعالـى على عباده من افراد الشعب السـودانى. يعنى تلقى الوزارة او المؤسسـة التى على رأسها امثال هؤلاء المكنكشين قمة فى الفشـل وسـوء الأدارة لكن الواحد فيهم يكون مكنكش فى الوظيفةمتمتعا بأمتيازاتها حتى النخاع ولايسـال نفسـه حتى مجرد سـؤآل عن سبب خراب تلك الوزارة او تلك المؤسسـة ولا يفكر مجرد تفكير فى تقديم استقالته كما يفعل باقى المسـئولين المحترمين فى باقى انحاء الدنيا.
وبما ان الناس على دين ملوكهم فأراكى لم تشذى عن القاعدة وكان الله فى عوننا.
|
Post: #46
Title: Re: يا ناس---- شوفوا لى حل وليس حلل
Author: EXORCIST7
Date: 06-08-2003, 09:59 AM
Parent: #1
الأخت حنينة
لقد صحح دكتور عبد الله الطيب كلمتك : ياناس شوفو لى حلل بقوله يا ناس شوفو لى حل لأن الحلل هو فى اللغة ..........لا أستطيع البوح به هنا
على كل إبحثى عن قول الدكتور وسوف تجدين الإجابة
والسلام
|
Post: #47
Title: Re: يا ناس---- شوفوا لى حل وليس حلل
Author: 7abib_alkul
Date: 06-08-2003, 11:04 AM
Parent: #46
والله يا حنينه تحلك حاجه واحده ود الحلتني انا
وهي انك تتنقلي لمحل مافيها تلفون حتي عشان انقطع معاك مرة واحده بس
|
Post: #48
Title: Re: يا ناس---- شوفوا لي حلل
Author: حنين
Date: 06-08-2003, 12:36 PM
Parent: #1
الغاليه حنينه سلام خاص جدا
طبعا انا طولت ما خشيت البورد وفي ناس كدا وصلو لي الشمار قالو لي اجري شوفي في زول اسمو قريب من اسمك على كل حال طلعت ازكى مني لانو من زمان الشباب ديل قايلني تبعهم لحدي ما قررت الصق تاء مربوطه في اسمي لكن بعد دا حالجا للحل التالي وامشط النمله بتاعتي
انا ستى كنت زيك كدا بما انو كلنا الحنيه كاتلانا لكن امي داعت لصقتي قدام المصيبه دا لحدي ما الكمبيوتر جاتو نفسيات ولحدي حسه ليه اكتر من شهر راقد وماعارفه اخبارو شنو وبعد دا قوم يا خط تلفونا اقطع وبقينا سك في ناس سوداتل وما ادراكم ما سك ناس سواتل
وتعالي يا الكهربا وتعالى...... غايتو شغالانه مخستكه كدا لحي ما حردتني
اها ايه رايه في دا مش اكتر وسيله فعاله
|
Post: #49
Title: Re: يا ناس---- شوفوا لي حلل
Author: haneena
Date: 06-08-2003, 05:34 PM
Parent: #48
الأخ قلقو
سلام
كنكشة؟؟!!
و الكنكشة لزومها شنو؟ و علي شنو؟
أنا لا وزيرة و لا رئيسة--علي شنو أ كنكش
علي كدة- إنت أكبر مكنكش
لوووووول
حنينة
|
Post: #53
Title: Re: يا ناس---- شوفوا لي حلل
Author: قلقو
Date: 06-09-2003, 07:40 AM
Parent: #49
الأخـت حنيـنة
انتـى الأربعة وعشرين ساعة ماسـكة الكيبـورد زى الدركسـون دى عنـدها اى تعريـف غيـر داء الكنكشـة ؟
|
Post: #50
Title: Re: يا ناس---- شوفوا لي حلل
Author: haneena
Date: 06-08-2003, 05:41 PM
Parent: #48
EXORCIST7
لك تحياتي
أ نا بتكلم سوداني
و حلل في لهجتنا السودانية معناها معروف وما فيه أي تورية
أما مسألة عبد اللة الطيب دي إنشاء الله نمشي نشوف المعجم
منكم نستفيد
حنينة
|
Post: #51
Title: Re: يا ناس---- شوفوا لي حلل
Author: haneena
Date: 06-08-2003, 05:51 PM
Parent: #50
سلام يا حنين
بركة الوصلت بالسلامة
وفي قصة الإسم زي ما قلت قبل كدة
إنتي الصفة و نحن الموصوف
إنت عربي ونحن عنجليزي
شفت كيف بلدنا قدمت حل ناجع للمشكلة؟؟!!
يا سلام
حنينة
|
Post: #52
Title: Re: يا ناس---- شوفوا لي حلل
Author: haneena
Date: 06-08-2003, 11:24 PM
Parent: #51
حبيب الكل
معليش يا خوي ما شفت مداخلتك قبل كدة
العتب علي النظر
أعذرني
لكن زي ما قلت قبيل البلد دى الإنترنت فيها عصب الحياة
الله يعينا
حنينه
|
Post: #54
Title: Re: يا ناس---- شوفوا لي حلل
Author: haneena
Date: 06-11-2003, 01:05 AM
Parent: #52
سلام قلقو
شكرآ للزيارة التانية
عارف يا قلقو- كنكشتي في الكيبوردزي كنكشة التعلب حقك دة في جدادتو دي
ملحوظة
تأخر الرد لأني مشيت مصحة العلاج من إدمان البورد
ما أستحملت وياها دي الشردة
وحأواصل
يا الحلوين
حنينة
|
Post: #55
Title: Re: يا ناس---- شوفوا لي حلل
Author: haneena
Date: 06-15-2003, 03:33 PM
Parent: #54
up
رفعناه-شايفة ماجد بعاني من نفس المشكلة
ساعدونا يا جماعة-لقد طفح الكيل
والطردة شكلها حاصلة حاصلة
والمحامي جاهز يا بكري
حنينة
|
|