Post: #1
Title: شكواي ضد جدو والسنجك ويحي فضل الله واشراقة مصطفى
Author: فتحي البحيري
Date: 06-06-2003, 02:20 PM
Parent: #0
الاخوة البورداب
السلام والرحمة والبركات
أنا آسف لكن لا بد من وضع معايير للجد والمزاح في هذا البورد
أنا ماجيت هنا عشان أتهزأ
المدعو جدو شبهني في بوست (محضور ) وكان واضح انه يريد لفضيحتي أن تكون مدوية اذ عمد إلىإغراء أكبر عدد من أهل البورد لمشاهدتها شبهني بشخص ما اسمه يحي فضل الله
وحيث أنني أتحلى بالصبر والحلم والأناة فقد بلعتها
فاستمرأ المدعو السنجك (الذي أقرأ مداخلاته وبوستاته بعد أن أغمض عيني اليسرى من قبح صورته) وشبهني بشخص آخر اسمه إشراقة مصطفى
وحيث أنني قد طفح بي الكيل
فإنني أتقدم بهذه الشكوى ضد هؤلاء ال4
أولا جدو والسنجك
وثانيا يحيى فضل الله واشراقة مصطفى
وانا محتج صراحة على تشبيهي على ال2 ديل لانه انا ما قدرن
اي واحد منهم تاسع تسعة في القائمة البقشر بيها المنتدى الانا قاشر
بيه
(راجعوا البانرس بتاعة المنبر في صفحات الموقع التانية)
وانا لا ازال في حضانة ما تخرجوا من جامعاته
وكلهم ابداع في ابداع
دي أمة يشبهوني بيها دي
انا عايز محامي؟؟؟
|
Post: #2
Title: Re: شكواي ضد جدو والسنجك ويحي فضل الله واشراقة مصطفى
Author: جدو
Date: 06-06-2003, 02:45 PM
Parent: #1
مالك يا فتحي
ضايق على الاحتجاج
السنجك دا من الاول كلامو كان واضح
وقال الشكية يوم السبت
الشكية لي الله... يوم واحد ما قادر تصبر
الجمعة دي عطلة
عطلة
يعني تسكت لي بكرة لحدي ما نستأنف الحكم بتاعك
بعدين تعال
انت ليك اكل وللا بحلقة؟؟
والله انا لو منك اقبض قوي
وما اتفك من تولاتهم دي
ابقى ليهم في العزيزة
|
Post: #3
Title: Re: شكواي ضد جدو والسنجك ويحي فضل الله واشراقة مصطفى
Author: فتحي البحيري
Date: 06-06-2003, 03:26 PM
Parent: #2
شوف يازول
انتا بالذات ما داير معاك اي مفاهمة
دا كله من تحت راسك
وبعدين انا ما شاكي ليكم انا شاكيكم
بركة الجمعة دي
الدايروا ليكم
بسسسسسسسس
|
Post: #4
Title: Re: شكواي ضد جدو والسنجك ويحي فضل الله واشراقة مصطفى
Author: جدو
Date: 06-06-2003, 03:30 PM
Parent: #3
هههههههههه
| Quote: دا كله من تحت راسك المقودس دا |
دا شنو يا استاذ فتحي انا راسي مقودس
طييييب
الله يجيبك يا يوم السبت
|
Post: #5
Title: Re: شكواي ضد جدو والسنجك ويحي فضل الله واشراقة مصطفى
Author: فتحي البحيري
Date: 06-06-2003, 03:38 PM
Parent: #4
شوف يا اخينا
انا والله لا قتا مقودس ولا حاجة
وانت الظاهر عليك زول بتاع مشاكل
وانا ما فاضي ليك
ياريت ياريت اكون عندك غنية عقد الجلاد الاسما صرخة
يمكن تنفعك اكتر من امور اللف والدوران بتاعتك دي
وغايتوا كان جبتها ونزلتها هنا
انا يمكن اسقط الدعوى ضدك
يمكن
|
Post: #6
Title: Re: شكواي ضد جدو والسنجك ويحي فضل الله واشراقة مصطفى
Author: جدو
Date: 06-06-2003, 03:46 PM
Parent: #5
يا ريت لو عندي
لكن ان شاء الله اكوسها واجيبها ليك
كان الله مد في العمر
|
Post: #7
Title: Re: شكواي ضد جدو والسنجك ويحي فضل الله واشراقة مصطفى
Author: فتحي البحيري
Date: 06-06-2003, 04:04 PM
Parent: #6
اسمع
انا حدثتك
ما تقعد تجرس
وقد اعذر من انذر
|
Post: #8
Title: Re: شكواي ضد جدو والسنجك ويحي فضل الله واشراقة مصطفى
Author: جدو
Date: 06-06-2003, 05:50 PM
افو افو
ات ما بتعرفني يا ود البحيري
انا اتجرس
هيييع
انا اخوك آ السمحة
انا اخوك آ عازة
الكلام دا والله بجيبلو كلام
|
Post: #9
Title: Re: شكواي ضد جدو والسنجك ويحي فضل الله واشراقة مصطفى
Author: alsngaq
Date: 06-06-2003, 08:49 PM
Parent: #1
اخوي فتحي
شنو يعني التواضع دا
اول شي ليه اشتكينا الاربعه؟؟
يحي فضل الله واشراقة مصطفى دخلهم شنو؟؟
الشي التاني
لو قلعته الماسك بتغير رايك وبعدين بشتكيك
على العموم المحاميين بتاعننا موجودين وعرضنا
عليهم الموضوع وقالوا ما في عليكم اي جنحه
ولو الرجل دا واصل فى الشكوى ممكن تطالبو بتعويض
ومحاولتك للابتزاز الاخ جدو بمطالبتك له بانزال اغنية
عقد الجلاد. تأكد تماما ح نطالبك بانزال البوم كامل
لعقد الجلاد بعد ما نكسب القضية. ونصيحتي ليك من اسي
جهز الساوند سيستم بتاعك لانو ح نكسب القضية ح نكسبها
ولك كل الود والاحترام
|
Post: #10
Title: Re: شكواي ضد جدو والسنجك ويحي فضل الله واشراقة مصطفى
Author: فتحي البحيري
Date: 06-07-2003, 04:01 PM
Parent: #9
لا
يا السنجك يا مسكيين
انا معاي جمهور غفير جدا مساند دعواي
وتاريخ وجغرافيا ومنطق وعربي وحساب
عييييك
انا ما شايف الغنية نزلت
انا ما حاتكلم معاكم تاني
الا بعد ما تنزل
|
|