Post: #1
Title: دا شاكوش.. ولا.. بيعة ___وكيف ..حكمها..فى.. الشريعة
Author: abuguta
Date: 06-05-2003, 01:36 PM
اول القصة
زيد من الشباب مغترب ’ خطب ليه واحدة يادوب دخلت الجامعة وقت ذاك .
وبقى الشاب المغرم يغدق عليها الهدايا’ وتطورت الهدايا الى مصاريف عبر البنوك واخرها الحولات الفورية واختنا تنساب فى الدراسة انسياب
مياه النيل وقت الدميرة’ وسبل الاتصال بينهم سودتل واخر جوالات نوكيا التى كانت يرسلها خطبها من دار الغربة.
كل القصة لو عارفين عبر الاتصال ماشة زى الحلاوة.
لكن هى تراها البنت مظبطة حالة مع واحد تانى زميل دراسة وكدا
ووبعد التخرج على طووووول دخلت قفص الزوجية مع زميلها وتركت اخونا
صايع فى دار الغربة ’ والجدير بالذكر هى بتدرس فى كلية خاصة وكل مصاريف الجامعة كانت ترسل من صاحبنا المغترب من بداية اولى جامعة الى
لحظة الزواج.
ياجماعة الخير الشاب لما سمع بالبيعة الحارة دى’نزل السودان ومعه جميع حوالات البنك وفتح بلاغ فى محكمة شرعية واختنا فى اول اسبوع عسل
القاضى قال لاخونا اجارك الله فى مصيبتك ... القصة حقيقة رايكم شنو
|
Post: #2
Title: Re: دا شاكوش.. ولا.. بيعة ___وكيف ..حكمها..فى.. الشريعة
Author: alfatih
Date: 06-05-2003, 02:07 PM
Parent: #1
الراجل يفتح خشمو عشان اغطس بيهو الواطه دي
وهم كروور
تزرعوا في الوهم
ياما في ناس بتدقا شواكيش عينه
القصص دي كتيره جدا ...بالذات مع المغتربين..
بس لكن الضمائر مشت وين ؟
دي حكاية تستاهل الوقوف عندها.....و البنات عايزات اطباء نفسانيين
عشان نخلص من عقده البيع الكتيره دي
قال زيدان
في الليله ديك و الناس تشارك فرحتك
حسيت بأني غريب هناك وغريبه إنت في دنيتي
الله يبعدكم من الشواكيش...
قولوا آمين
|
Post: #3
Title: Re: دا شاكوش.. ولا.. بيعة ___وكيف ..حكمها..فى.. الشريعة
Author: ايهاب
Date: 06-05-2003, 02:37 PM
Parent: #2
بيع شنو دي حرمنه عديل
حاره والله
لكن ربنا في
يمهل ولا يهمل
هو الزول التاني داك زاتو كان راجل صحي كيف يرضى بالحكايه دي
يا سيدي الطيور على اشكالها تقع
ربنا يعوضو
و ربنا في
|
Post: #4
Title: Re: دا شاكوش.. ولا.. بيعة ___وكيف ..حكمها..فى.. الشريعة
Author: ensana
Date: 06-05-2003, 03:10 PM
Parent: #3
لكن زولة غريبة..دي اهلها وين؟
كيف اساسا يصرف عليها ..هو ما زوجها..و هي كيف تقبل على نفسها
|
Post: #7
Title: Re: دا شاكوش.. ولا.. بيعة ___وكيف ..حكمها..فى.. الشريعة
Author: abuguta
Date: 06-05-2003, 03:38 PM
Parent: #4
الاخت انسانة
تحياتى
الموضوع فى غاية الغرابة
انا ما بعرف كان اتفاقهم كيف ’بس البعرفه انه هو عايزها تدرس تخصص معين
مسكبن الولد ممكن عايزها تجى تساعده فى بناة حياتهم الجديدة’ لكن الليلة خلت خشمه ملح ملح. اهلها موجدين فى السودان من اصحاب الدخول المتوسطةوما بقدرو على الدراسة الخاصة.
تشكرى على الطلة
|
Post: #6
Title: Re: دا شاكوش.. ولا.. بيعة ___وكيف ..حكمها..فى.. الشريعة
Author: abuguta
Date: 06-05-2003, 03:25 PM
Parent: #3
اخونا ايهاب
تحياتى
والله دى مش حرمنة دا قلع عديل كدا
وعندى ليك واحدة بتاعة قلع حصلت لواحد من قريبته لكن اخونا كان بتاع عضلات قلع فلوسة وبعد كدا طلقها..وهو كان عاقد عليها وبصرف. فى النهاي
تنكرت وقالت الا يطلقوها .هو قال الا يرجعو له فلوسه كلها..فى النهاية
انتصر واخذ فلوسه
وتشكر على الطلة
|
Post: #5
Title: Re: دا شاكوش.. ولا.. بيعة ___وكيف ..حكمها..فى.. الشريعة
Author: abuguta
Date: 06-05-2003, 03:11 PM
Parent: #2
اخو الفاتح
الاسرة لو كانت سليمة ومتابعة لبنتها ما كان دا حصل
عندنا واحد اخونا بحاول يرسل لخطيبته فلوس البت بتقول ليه انا ما عايزة وعندى ’ واهلى ما محوجنى لحاجة واخونا شايف الموضوع دا زى البنت
حطير منه لكن لما عرف الحكاية دى بقى يقول لى خطيبتى دى كان كدا بت ناس
|
|