تهزيل في شارع النيل

شكرا جزيلا انجليز .برغم علمكم ان لامكوث لكم كثيرا بهده البلاد الا انكم تعاملتم معها با ستراتيجيه انسانيه محكمه ..ادخلتم لنا الثقافه والعلم من بعد عدم المام وجهل ..اقمتم لنا المستشفيات والمدارس والانديه و ال...وبنيتم لنا السدود والخزانات والكباري وطورتم لنا الزراعه والمشاريع وخطوط السكه حديد والكهرباء وعلمتونا معني ان يكون الانسان انسان وال............................................و و و
شكرا لاستعماركم ومعماركم ولمنحنا الحريه ..شكرا حزيننا لترككم لنا وهاهو نصف قرن يمضي ولم ولن نضف شيئا لهدا المليون ميل مشلع مند عهد الخليفه الازهري مرورا بالمساحه السوداء عهد الطاقيه والدمقراطيه المزيفه والشريعه الحمقاء الي عهد سيدنا عمر وما ادراك ما سيدنا عمر .......عر
اخرجنا الانجليز لاننا شعب يعشق الحريه .نعلم تماما لو بقي الانجليز عشرون عام اخريات لكان هدا الوطن جنه ولكن حريه في النار خير لنا من استعمار في الجنه .......عزرا نحن نعيش استعمار في النار؟؟؟؟
مشهد لدلك
كنا اصدقاء اربعه لايدهشنا في هدا الوطن الا اربعه ..مصطفي سيداحمد وتوتيل وجبل مره وشارع النيل نعشق الحريه والترحال في ربوع هدا الوطن تعرفنا علي بعض بالجامعه واقمنا بيننا حسرا من الموده والحنين والحب السوداني الجميل خرجنا في يوم من ايام الوطن الرائعه خرجنا للنزهه بالعشق الرابع شارع النيل ..جينا نقول للنيل سلامات وجانا العسكر قال محظور ...محظور ان نمشي في شارع النيل ونمارس حريه التنزه نعم محظور ان ناخد صور تزكاريه بشارع النيل لم ارى لافته تشير الي دلك ولم اسمع بدلك الا حينما تم القبض علي وايداعي بالحبس وفتح بلاغ ضدي لاني اخد صور تزكاريه بشارع النيل علما بانني اصور اصدقائي تجاه النيل لروعته ولوجود النقل النهري وفندق القصر ليس القصر ياجماعه فندق القصر اكرر ما قصر البشير فندق القصر قصر الصداقه ومدينه توتي رغم دلك اخدوني الي الحبس ومن قبل الي مكتب الامن بوزاره الداخليه ثم الي شرطه امن المجتمع وتم فتح بلاغ ضدي لا ادري باي تهمه لكنهم القوني في الحبس وصادرو مني كاميرتي وقضيت خمسه ساعات بالحبس حتي اتصلت بصديق اخرجني بضمان وطلبو مني الحضور الي محكمه الخرطوم شمال للنطق في تهمتي حضرت الي المحكمه ولم يحضر الشاكون ويطلب مني القاضي في الحضور غدا وغدا يتكرر نفس المشهد وحتي الان لم اعثر علي الكميراء ولا علي براءتي ولا ادري ماهي تهمتي ومن المسؤل عن الدي حدث لي علما بانني لا انتمي الي اي حزب سياسي فقط استطيع ان اميز بين الشاعر والوزير وبين الكاتب والوالي ...ولمادا لم يمنعوا الاجانب اللدين كانو يتصورون بالقرب منا؟؟؟؟ ام تري انهم انجليز وهم اصحاب هدا الشارع لا ادري؟؟؟ام هدا كرم سوداني ؟؟؟

الأسلوب جميل يا ابو الشباب والموضوع مثير
لكن
لماذا لم تحك لي هده التفاصيل؟؟؟؟

بالجد؟

على الرغم من ان الموضوع لا يختمل الهزار يازولة
لكن جد جد بتاعتك دي ضحكتني
بال>ات مع منظرك وانت ماسكة الفارة بي خشمك كدا

تستاهل اكثر من كده
انت ما عارف انو الشارع
دا الت ملكيتو للحكومه
زمان
وبعدين البوديك تتفسح وتتصور كمان شنو
واخوانك المجاهدين فى المعسكرات
وفى الجنوب وهسه كمان قامو عليهم
ناس دارفور

قول الحمد لله ما جلدوك

والله كلام عجيب لكن ما غريب و لا مستبعد

يا اخوانا
حكاية عدم التصوير والإقتراب دى من زمان ترجع لقوانين 1920 مثل قانون الشركات !!! قوانين بالية وعفى عليها الدهر ومستغرب جدا جدا من إستمرارية هذا القانون رغم تقدم العلم الأقمار الإصطناعية الأن تستطيع إلتقاط صور دقيقية جدا لأى موقع على الكرة الأرضية وأذكر أن صواريخ كروز التى دمرت مصنع الشفاء كانت تحتوى كاميراتها على صور لموقع المصنع تماما وتم تدميره
أما حكاية هذا موقع عسكرى وممنوع تصوير الكبارى هذة زريعة يتخذها رجال الأمن والشرطة لإستعراض عضلاتهم السلطوية وأى إنسان يمتلك سلطة تستفزه هذة السلطة لسوء إستعمالها
ومن ناحية سياحية فلا يستطيع أى مسوق سياحى تسويق مناظر الخرطوم الكبارى والشوارع
والله هذة أشياء مضحكة ومبكية أتمنى أن تزول مثل هذة القوانين المقيدة للحريات وأفتكر أن المشرع السودانى كسول جدا فلا يلقى بالا لمثل هذة القوانين البالية ولا يراجعها
نحن مازلنا أسرى الماضى

والسلام

الاخ صفوان
والله نعاني من الألم ما نعاني من جراء هذه الممارسات
ولكنا لانزال نمتهن الدهشة والله
في كل قصة حزينة تعيسة نسمعها تطرق اذاننا
وتقهرها
وتوقظ الذل والمقت في دواخلنا
لا يزال الالم يعترينا والله من كل هذا
واين يكون اخر كل هذاااااااااا؟؟؟؟؟؟؟؟؟؟؟؟؟؟؟؟؟ ومتى يكون؟؟؟
معقولة بس
لا مستحيل
احنا مفروض نقتنع بعد كده
احنا دولــــــــــــة فعلا متخلفــــــــــــة فعليا
متخلفة
الدول بتعمل كورنيش للمواطنيين واحنا كورنيشنا !!!! للدولة؟؟
وهو ياريت اصلا كورنيش يستاهل
البركة في النيل

كمان القصة تحصل لمحاكمة
هم للدرجة دي بيلعبوا حتى بالقانون
ده شي مخيف
في شنو مثلا افهم في الكورنيش اذا صور بيضر بمصالح البلد؟؟؟

هم زمان كانوا بيجبيوا مناظر في قنوات دول تانية عشان يستجدوا العطف
اشياء تخجل والله
كنا بعدها ما نقدر نمشي تاني يوم المدرسة
اسوأ صورة للبلد ويتاجرو بالمواطن
ياخي ده حده بتين بس؟

انشاء الله انت هسه بخير ياخي

خلينا نجيب ليهم حقوق الانسان
ولا نشوف امريكا بالجد تجي تديهم دروس في الحرية
ااااااااااااااااااااااااه ياوطن

up

فتحي البحيري شكرا و اتفضلها الكديسة كان عجباك

يا جماعة هل صحيح الموضوع ده
وليه فعلا مافي اي صور جميلة سياحية عن السودان لا في النترنت ولا في الصحف ولا في كتيبات سياحية راقية
كم هرم وكم فيل حفظناهم من زماااااااااااااااان
بالمناسبة اذا في حد يدلني اكون شاكرة لاني احتاج صور راقية للسودان وبشدددددة هذه الايام

تحياتي
زولة123