Post: #1
Title: رسالة ترحيب أولي
Author: سودانوبس
Date: 05-24-2003, 06:55 AM
جينا نقول ليكم سلام
سوداني اغبش بس همام
عايش هناك من( الترام)م
أنا من زمان بقرأ الكلام
هنا او هناك بي إنتظام
شغلتني آفات الأيام
أن اكتب الكلمات عظام
أو من حديث فى العظام
والسوس يسوس نخر العظام
اليوم دخلتا تمام تمام
من بعد جهد أو سقام
انا برفض العنف...اللطام
أنا برفض الكلمة الحطام
كلماتي زي صاروخ وسام
حب الوطن تاج والوسام
بعشق جمال ليلى وسهام
ورضعت موية النيل غلام
ثم الصلاة على الإمام
احمد شفيع ساعة الزحام
ناس المنابر والمقام
داير تقولو لي سلام
ابوبكر يا فارس اللطام
أنا عندي ليك كل إحترام
هذا الكلام..أهديكمو مسك الختام
|
Post: #2
Title: Re: رسالة ترحيب أولي
Author: ايهاب
Date: 05-24-2003, 07:45 AM
Parent: #1
حبابك الف
مرحبتين سودان وبس
|
Post: #3
Title: Re: رسالة ترحيب أولي
Author: زهره
Date: 05-24-2003, 07:48 AM
Parent: #2
حبابك عشره بلا كشره
وألف مرحب بيك
زهره
|
Post: #4
Title: Re: رسالة ترحيب أولي
Author: الجندرية
Date: 05-24-2003, 07:54 AM
Parent: #1
حباب السلام
|
Post: #5
Title: Re: رسالة ترحيب أولي
Author: cola
Date: 05-24-2003, 07:54 AM
Parent: #1
مرحبتين سودان وبس
ادخل لى جوه الراكوبة
كلامك حلو بالحيل
|
Post: #6
Title: Re: رسالة ترحيب أولي
Author: سودانوبس
Date: 05-24-2003, 08:32 AM
Parent: #1
يا سلام..أخجلتم تواضعنا والله,...مال الناس هنا رقيقين هكذا..الحمد لله الذي جعل في قومي مثل هؤلاء..إن شاء الله ما تشوفوا شينة...
وبه انجمعنا يوم جمعة وصله وتفرقت احزاننا ايدي سبا
يا مرحبا يامرحبا...هذا الحبيب أتي وكان مغيبا
فتبينت أنواره في ذاتنا....لما فنينا فيه وانكشف الخبا
يا طالما قد كان عنا عائباً ....فينا ولم نشعر به فأتى النبأ
هذه المليح وهذه اوصافه.....كم أطلعت منه لقلبي كوكبا
وسرى نسيم الروح في أحشائنا.....فامالنا طرباً كأغصان الربا
وبه انجمعنا يوم جمعة وصله.....وتفرقت احزاننا أيدي سبأ
|
Post: #7
Title: Re: رسالة ترحيب أولي
Author: أبوالزفت
Date: 05-24-2003, 08:54 AM
Parent: #1
أهلا ومرحب بيك
|
Post: #8
Title: Re: رسالة ترحيب أولي
Author: elsharief
Date: 05-24-2003, 10:52 AM
Parent: #1
يا مرحبتين فى حوش بكرى
|
Post: #9
Title: Re: رسالة ترحيب أولي
Author: عبدالأله زمراوي
Date: 05-24-2003, 10:59 AM
Parent: #1
مرحب بيك يا سودان وبس....
فى أنتظار مساهماتك
|
Post: #10
Title: Re: رسالة ترحيب أولي
Author: قرشـــو
Date: 05-24-2003, 11:09 AM
Parent: #9
اخى الكريم
الفين سلام
وحبابك فى دارك وبنى وطنك ونرجو ان يطيب لك المقام بينهم
مع تحياتى
|
Post: #11
Title: Re: رسالة ترحيب أولي
Author: سودانوبس
Date: 05-24-2003, 03:12 PM
Parent: #1
يا سلام.يا شباب..أنا متابع ليكم من زمان ومعجب
يقولون لي بالله...هل أنت عاشق....وهل يوماً خلوت من العشق
شربت من الحب في المهد شربة.... حلاوتها الي يوم القيامة في حلقي
....................................................
نحن أهل الشمال.يقولون لنا كيف صرتم تقرضوا القريض...
نقول لهم....الخضرة...والوجه الحسن
قرشو.. والآخرين الذين هنأوا والأخريات الكريمات المريمات القانتات
|
Post: #12
Title: Re: رسالة ترحيب أولي
Author: almohndis
Date: 05-24-2003, 04:48 PM
Parent: #11
|
Post: #13
Title: Re: رسالة ترحيب أولي
Author: zumrawi
Date: 05-25-2003, 06:25 AM
Parent: #1
مرحبتين سودان وبس ادخل لاجوة
الشمس حارة برة
حبابك الف
|
Post: #14
Title: Re: رسالة ترحيب أولي
Author: سودانوبس
Date: 05-25-2003, 07:29 AM
Parent: #1
شكراً يا شباب...
شتيلة (المشرق) العلولو زربو
بلقط وحدي واتنين ما بخربو
البرضى على تعرفي وتابي دربو
.........................
الحياة جميلة..تحتاج لفكر جميل يجتمع حوله الناس كلهم..ليسعدوا بتطبيقه لإسعاد الجسد والروح.. حيث لا قيود ولا جسور للإبداع..عمر الجسد قصير.في عالم الأجساد.فإذا وفرنا له الحياة الكريمة من غذاء الجسد والروح إنطلقت الإبداعات منه تضئ سماء الروح وتفيض قطراتها على الجسد.. ويحترم كل منا الآخر.. ولا يخافه بل ويحبه.. الحياة بالجسد قصيرة...( متي إستعبدتم الناس وقد ولدتهم أمهاتهم أحرارا).) صدق رسول الله راوياً عنه عمر... الحياة بالجسد قصيرة.. ولكن لا يزال هنالك اناس يبحثون عن( كباية الشاي الحمرا) ليستمعتوا بها.. واناس حذفت مائدة العشاء من حساباتهم مع أنها موية فول بوش)واناس تذهب الي قبورهم وقد قضت فترة الحياة بحثاً عن القوت الضروري كما يبحث النمل عن مؤونته في فصل الشتاء)...
وشكراً يا كرام
|
Post: #15
Title: Re: رسالة ترحيب أولي
Author: robenson
Date: 05-25-2003, 07:35 AM
Parent: #14
اهلا بي شاعر البورد الهمام... ادخل لي جوة كان ما شالك بورد بكري نشيلك في عيونا
|
|