الشجن الاليم / للاستاذ صلاح حاج سعيد
عارفني منك
لا الزمن يقدر يحول قلبي عنك
لا المسافة ولا الخيال
يشغلني منك
وتحرمني منك
والمواعيد لا بتجيب منك تودي
لا الشجن قادر يسوقني عليك يودي
لا التحايا
ولا المشاعر الحية في جوه الحنايا
لا خبر طمني عنك
لا رسالة تجيني منك
وإنت سايق فيني ظنك
رغم....................إنك
إنت عارف
انو منك
لا الزمن يقدر يحول قلبي عنك
لا المسافة ولاالخيال يشغلني منك
وابقى بعدك في الاسى وتبقى إنت الظالم القاسي النسى
وغصب عني ازيح ظنوني
اقول عليك إنت المسامح
وفوق شجوني
اعيش زمان بالفرقة جارح فوق شجوني
وفي احتمالي وبالي إنك
إنت سايق فيني ظنك
رغم إنك إنت عارف انو منك
لا الزمن يقدر يحول قلبي عنك
لا المسافة ولا الخيال يشغلني منك
يا هوانا
يا هوى الالم النعيم
خليك
خليك على الوعد القديم
وخليني في الشجن الاليم
وابقى في كل المدايين
سكتي وسفري الجحيم
تبقى ايه الدنيا من بعدك تكون؟
وابقى ايه بعدك اكون
ما في احتمالي وبالي انك
انت سايق فيني ظنك
رغم انك
انت عارف انو منك
لا الزمن يقدر يحول قلبي عنك
لا المسافة ولا الخيال يشغلني منك
عارفني منك عارفني منك
وابقى في كل المدايين
سكتي وسفري الجحيم
تبقى ايه الدنيا مب بعدك تكون؟
وابقى ايه بعدك اكون
ما في احتمالي وبالي انك
انت سايق فيني ظنك
رغم انك
انت عارف
انو منك