Post: #1
Title: مدخل6
Author: dabeep
Date: 05-14-2003, 06:20 AM
كانت قبل أتذكرك بثانيتين
نضمت مشاعرى مع الروئ
وجات سيرة الشوق والحنين
بكت الأمانى المترعة
وهاجت جراحات السنين
ونبذت القلب
قالت مساحات الأنين
إتجاوزت كل المداخل ومنطقا
وإستمرأت خنق العروق
الجاية منك وماشة لباقى الكمين
مات الفرح
الضحكة ماقادر تقوم من منبعا
مارضت الهتافات الكلام
ساقت ذهولا وشفعا
ومرقت تئن
مرقت تجن
واقف مع الحلق الحلق
أفكارى فضلت السكات
باعت نبيح كل الجهات
وبقت عليك
يامنبع إحساس الثبات
كم آهه طلعت من تعب
وحزن أليم
خليتا لرب السماء
شكلة مشاعرى مع الروئ
وجريت تفاصيلك علي
وإنتا المعاى ذى مستقر
حاضر مقيم
بتوزعك فى كل يوم ذى دين قديم
وأملا المسافة البينى بينك بالحجا
أقعد معاك ونفرشا
وذى نعرشا
بالجنبتين
خلينى أكتب كلمتين
يا وطن
إشتقتا ليك
|
Post: #2
Title: Re: مدخل6
Author: coolcom
Date: 05-22-2003, 01:53 PM
Parent: #1
عزيزي دبيب
كلما تدور الدوامه وتدور وتدور بعيده عن مجال البورد المغنطيسي
تجزبي مداخلك
الجايه منك وماشه ليها
اقعد عافيه
|
Post: #3
Title: Re: مدخل6
Author: Elmosley
Date: 05-22-2003, 01:59 PM
Parent: #1
مداخلك رائعه يادبيب
|
Post: #4
Title: Re: مدخل6
Author: HAMZA SULIMAN
Date: 05-22-2003, 09:36 PM
Parent: #3
يا طويل العمر
يا دبيب
|
Post: #5
Title: Re: مدخل6
Author: dabeep
Date: 05-23-2003, 05:39 AM
Parent: #1
كوول كم العزيز
مازلت تحاصرنا بجمال هذا القلب البرازى
وان أعجبتك هذه المداخل فأنت من العائلة
ونهديك
السلام من الدبابيب عامة
أسياد الشجر أبان بطون لامة
زاحين بالبحر قاصدين ملوكا هامة
ومن الدبيب كسوة وإنشاء الله حاجتك تامة
تسلم ياملك
دبيب
|
Post: #6
Title: Re: مدخل6
Author: dabeep
Date: 05-23-2003, 05:43 AM
Parent: #1
المبدع الموصلى يا أستاذ
الأحترام مدكن
ولازلنا نوكد تقديرنا لإضافاتك لنا كجيل
I mean it
وجيتك شرفتنا
وأستمتعت جدا بظن المعادل الموضوعى لكل المطر فى راجمات الغائب المقيم مصطفى
وتسلم ياملهلب بالمزازيق والجمال
دبيب
|
Post: #7
Title: Re: مدخل6
Author: dabeep
Date: 05-23-2003, 05:48 AM
Parent: #1
أستاذنا حمزة يامبدع
رغم أنى لا أحب الألغاب لكن والله أعنيها حين أقولها
وأنت تهدينا الرجعة للبيت القديم
أولا اللحن من النوع البجيب أخرنا
الصوت متين وصلنا لكل الجخانين والشجن
والقصيدة وما ادراك ما القصيدة
حميد طبعا بفتح فينا مزدات التشرد وببيعنا بأغلى وأجمل المشاعر
تسلم يا باشا
وتحياتك وصلت للفنان أسامة الشيخ ومعك الشديد الصديق منعم
وشكرا للسؤال عن أحوالنا
دبيب
|
Post: #8
Title: Re: مدخل6
Author: dabeep
Date: 05-23-2003, 05:51 AM
Parent: #1
الأستاذ/ بدر الدين
خالص الود
الكميرا الخفية مكنة قوية
والنقاش بتاع القبة كان أقوى
يأخى دى ضحكتنا ليك يومين
بس الصورة القديمة أجمل من مستر بيين رغم إعجابى بشابلن العصر
شكرا يا أستاذ
|
Post: #9
Title: Re: مدخل6
Author: dabeep
Date: 05-23-2003, 05:52 AM
Parent: #1
الصديق منعم الشديد
شكرا على القصيدة الشديدة
ووعدا سابلغ سلامك للفنان
تسلم يا عزيز
دبيب
|
Post: #10
Title: Re: مدخل6
Author: HOPELESS
Date: 05-23-2003, 06:00 AM
Parent: #9
الاخ دبيب
صاحب المداخل الذهبيه
لك التحيه
علي امتاعك لنا بمداخلك الرائعه
ومزيدا من المداخل وياحبذا تشوف لينا معاك مخارج بالمره
لك الود
|
Post: #11
Title: Re: مدخل6
Author: hasan_6
Date: 05-23-2003, 10:34 PM
Parent: #1
وإنتا المعاى ذى مستقر
حاضر مقيم
بتوزعك فى كل يوم ذى دين قديم
وأملا المسافة البينى بينك بالحجا
أقعد معاك ونفرشا
وذى نعرشا
بالجنبتين
خلينى أكتب كلمتين
يا وطن
إشتقتا ليك
إشتقتا ليك
الصديق الشديد دبيب
تحلق بنا عاليابكلماتك الانيقه المفعمه والمعبره عن احوالنا
ومن ثم نعود لواقعنا ويبقي شوق دفين
وبحث عن طريق واحد يوصلنا الي وطن الدفء والوصال
تذكرت اول مره استمتع فيها بهذه الكلمات
كان جو الغرفه رومانسيا وانشده الحضور كانهم في حضرة الملكوت وسادصمت لم يقطعه الا رنات(24
ليك التحيه والتجله والموده
وهينين مشرق
وكيلة قنديل
|
Post: #12
Title: Re: مدخل6
Author: lana mahdi
Date: 05-23-2003, 11:51 PM
Parent: #1
دبيب
عندما قرات بوستك اليوم جرت اعينى لتاريخه فوجدته انزل منذ ايام و لمت نفسى كيف فاتتنى كلماتك الدافئة و مفرداتك الثرة ؟؟
لك اسلوب فى الكتابة و النظم متفرد و يستحق التوقف عنده و تامله مليا
ارجو الا تحرمنا من كل هذه الروعة و الى الامام
|
Post: #13
Title: Re: مدخل6
Author: EMU إيمو
Date: 05-24-2003, 06:46 AM
Parent: #12
أنت من عائلة الدبابين يا دبيب؟
صدرق لو كنت جئت عبر مدخل خمسة
لوجدت العجب حبيبي
الحركة فيهو بالقطّارة
عليّ الطلاق زي مبارة هلال مريخ الأخيرة
نهاية الصف عند الإدارة
|
Post: #14
Title: Re: مدخل6
Author: dabeep
Date: 05-24-2003, 07:30 AM
Parent: #1
هوب لس العزيز
التحية ليك والله وأنت تخصنا بالود
وأشكر مداخلاتك فى المداخل
لكن مخارج ما عندى
ولو لقيت ليك مخرج ماتنسنا
خالص الود
دبيب
|
Post: #15
Title: Re: مدخل6
Author: dabeep
Date: 05-24-2003, 07:33 AM
Parent: #1
الصديق الشديد حسن 6
حضورك دائما بفتح فينا مشاعر الإلفة ومطر الشوق
وأضيف الشديد منعم
وأنت تسحبنا الى أعزاء نخصهم بالود
وما نحن إلا صدى الذكرى لذلك الصالون الفخم بما يحوى
وأحى عبرك 24 وود الشيخ وكل الأعزاء ولاأريد أن أعدد حتى لاأسقط كنزا
كان زمن جميل , وأقسم أننى كنت جميلا ساعتها
أقسى مانعيشه اليوم يصبح ذكرى جميلة غدا وألايام تسحبنا الى صحراء
ومازلت فى ضحكة أعلق فرحتى
وفى الأشجار فجر بدايتى
لفم بسيط كالطفوليين
أين صار الماء
فى صيف بطيء
طبعا هيجت فينا كمية من الأمواج لا أستطيع إلا أن أنسحب هنا
والتمر وصل
ومرسولة ليك بسكويتات للعيال وطقم كبابى
وكويس إنك جاي و معاك حقت مهدى الرائعة
تسلم ياشديد
دبيب
|
Post: #16
Title: Re: مدخل6
Author: dabeep
Date: 05-24-2003, 07:40 AM
Parent: #1
الشاعرة لنا مهدى
تسلم المداخل البتجيبك لينا
طلتك فرحة الأولاد
أحترم جدا ما تكتبن ويشدنى الحس العالى والنفس الأمين
وأحترم كلماتك فى حميد
وللأمانة أول ماوجهنى الى كتاباتك حسن6 والخواض وهولاء حين يؤاشرون أذهب مغمض العينين
تسلمى يا أستاذة وتسلم نفسك من اللوم
فكم وكم لمت نفسى وأنا لاأستطيع أن أرد على كثير من الأعزاء الكتاب والشعراء فى البورد لضيق الوقت ولرداءة التكنولوجيا التى أستخدمها
نشكر كلامك الدافى
وتسلمى يامدردمة بالشعر ومجلبطك سمح الكلام
من نسى أن الطواغيت المهيبة تحت أقدام الشعوب يكن لسطوتها انتهاء
وان من يركع يقع من شرفة التاريخ والأبطال والأبرار
والماضين قدما كمضى الشهداء
يا أيها التاريخ صه:
.........................
حقت مهدى
دبيب
|
Post: #17
Title: Re: مدخل6
Author: dabeep
Date: 05-24-2003, 07:41 AM
Parent: #1
العزيز إيمو
يأخى شكرا على طرق الأبواب
ويسعدنى أنك قادم من الباب الخامس
وكشفت نومتك يا بكاي
وبأمانة نحن نكتب لنتواصل ولو إتنين زيك زارونا نكون سعيدين جدا
أما عائلة الدبابين فقد أزعجت كل الدبايب
وأنت تخلط بين خطين متوازيين
تسلم يادكتور
دبيب
|
|