Post: #1
Title: كــلام ما اتقـــــــال قصيدة لصلحــة الكارب
Author: bit-alkhaleel
Date: 05-07-2003, 04:20 PM
كل ما أقـــول باقــي الكــلام تميـــتو
يهــف لي من جـــديد زي التقــول ناديــتو
زي هبــة نســيم تفتح بابــاً ســـديتـــو
واشــوف درباُ جــــــديد ما اظنـــــي كنـــــــت مشيتــو
يجــفاني الغميــد ليــل الســهر خاويــتو
زي جاهــــلي الصحى يــومي النســيت غتيــتو
أســـافر لي بعيــد أزور الحبيـــب في بيـــتو
والقانـــي قاعــدة هنــاك كأني ما غبيــتو
والعجــب العجيـــيب زعلي كان ما لفيــتو
زي طفـــلاً بيبكــي ويضحــك أكــان رضيـــتو
ســـري الــداني زي حبوبتــي كم حجــيتو
يا بيـــتي الكبيــر توب الغـُتــا الفريــتو
يا ريحـــة الهــدم جديـــد وما فشـــيتو
يا الشــوف والسـمع ملء السمــع مليــّتو
أهــلي العقاب حارســـنو ما طشــيتو
أمــي العزيــزة ليــك منـي الســلام اهــديتو
حقك علي كان الجــواب ما مامضيتــو
حقــك علي إن فاتني شيــتاً سيــتو
حقــك علي كان في الصبــاح ما طريــتو
وكان بالليـــل نٍعســــتٌ قــبُـــل ما اقـــول أمســـيتو
وكـــان طولــت الغيــاب ودينــي ما حليــتو
ونسيــت الحســـاب والعنـــدي ما عدَيــتو
وحيـــات النبــي مغبـــــــونة من خليـــــــتو
الله يجـــازي للســفر البعيــــــــــد مارضيــتو
أريتـــــٍك كـان حٍــــــــــضرتًي يـــــــوم قلت لا ولاويتـــــــو
واريتني كان ختيــــــــــــت مشــــــــــرعي العــديتو
أتلفــت وراي زي القليــــــبي نســــــــــــيتو
كمـــلت اليقيــــن فتشـــــــــتو مانـي لقيتــو
لحنـــت الحنيـــــــــــن في شـــعري كم غنيتــــو
ساهرت الليــــــــــالي ونــوم العيون جافيـــــــــــتو
والطاعـــــــــم مٍســــــــــــــٍخ والمٌــــــــر براكٍ حســـيتو
مشـــــــتهياك يمـــــــــة وشوقي ليـــــــك مديتـــــــــــــــــو
وجايــــــــأك بُكــــــــــــــرة أحكيلــــــــــك القاســـــــــــيتو
أتونــس حٍــــــــــــــــداك قولاً كتيــــــــــــــــــر ما حكيتـــو
واتنفــــــــــس هــــــواك يا داب النفــــــــس ختيـــــــتو
|
Post: #2
Title: Re: كــلام ما اتقـــــــال قصيدة لصلحــة الكارب
Author: سجيمان
Date: 05-07-2003, 04:48 PM
Parent: #1
حسي يجو الجماعة ويشبكوكي يا مبدعة... القصيدة فعلا سمحة...... لكن انا بيحطموني ليه؟
|
Post: #3
Title: Re: كــلام ما اتقـــــــال قصيدة لصلحــة الكارب
Author: KOSTA
Date: 05-07-2003, 07:38 PM
Parent: #1
بت الكارب
كلام سمح من زول سمح لزولة سمحة
الله يديك و يديها العافية
حمد لله على سلامة العودة للكتابة مرة اخرى بعد طول غياب
و فاقدنك البورد و بالذات فى بوست لقطات تراثية و عبارات دارجة .. و افتقدنا مشاركاتك الدسمة
و نطمع فى العودة
سيجو
يارائع
انت مبدع حتى و لو لم تقال لك تلك الكلمة
صدقنى ان الكتابة فى هذا البورد هى تعبير عن الذات و تنفيس عن الدواخل
فان وجد ذلك صدى لدى الآخرين و تفاعلوا معه .. فذلك مما يثرى الكتابة بلا شك
و ان لم يجد ما كتبته القبول او المشاركات المتوقعة ، فيكفيك انك قد اخرجت ذلك المخاض من الحشاشة
و يكفيك انك قد قرأت ذاتك
واصل و أكتب ولا تبتئس
|
Post: #4
Title: Re: كــلام ما اتقـــــــال قصيدة لصلحــة الكارب
Author: ودرملية
Date: 05-07-2003, 10:07 PM
Parent: #3
سلامات
والله يابت الخليل
تمام التمام بس ملاحظة بسيطة
| Quote: زي هبــة نســيم تفتح بابــاً ســـديتـــو |
لو كان البيت دا كدا رايك شنو
زي هبة نسيم تفتح بابا عليَ سديتو
....
الشوق غلاب
|
Post: #5
Title: Re: كــلام ما اتقـــــــال قصيدة لصلحــة الكارب
Author: bit-alkhaleel
Date: 05-08-2003, 01:17 PM
Parent: #1
سجيـــمان حبـــابـــك ولك التحيـــة
كوســـتا كم اشـــتاق مشـــاركاتك إياي ومســـاهماتي معك
فتشـــت لي بوست كلمــات تراثية ومطارحــة شعـــرية ولم أوفق في العثــور كـــدي جيبـــهم ليـــنا خليـــنا نمــد ايـــدينا
لك التحيـــة
ود الرمليـــة
حبـــابك
اقتـــراحك جميـــل
بس البـــاب ما ســديتو علي ســـديتو ساكـــت يعني تاكيــــتو
أنــا بابـــي مفتـــوح دومـــا لك ولأمثـــالك من مموسقــي الكــلام وصانعــي الجمـــال
لك التحيـــة
|
Post: #6
Title: Re: كــلام ما اتقـــــــال قصيدة لصلحــة الكارب
Author: ودرملية
Date: 05-08-2003, 09:43 PM
Parent: #5
سلامات
شكرا يااصيلة
والحقيقة انني مصاب بقصر النظر ودلالة علي ذلك انني ماتوصلت الي روح بيت شعرك فشوهته تماما بفكرتي
اذا فليكن بابك مفتوح ولـ يهب النسيم ماشاء من الهبوب
دمتي
|
Post: #7
Title: Re: كــلام ما اتقـــــــال قصيدة لصلحــة الكارب
Author: bit-alkhaleel
Date: 06-13-2003, 02:55 AM
Parent: #1
wad ramlia
taslam
ta7ayaaaaaaaati
|
Post: #8
Title: Re: كــلام ما اتقـــــــال قصيدة لصلحــة الكارب
Author: omdurmani
Date: 06-13-2003, 04:58 AM
Parent: #1
bit -elkhalieeel
bit gada3a wallahi...
da kalam zaiiin 3deel kidda,
allah ideeki el3afia,
shereef
|
|