زكاة المغتربين

الحمد لله رب العالمين ، حمداً يليق بجلاله و بعظيم قدره و بعزيز سلطانه، وأفضل الصلاة وأتم التسليم على سيدنا وحبيبنا محمد صلوات الله تعالى وسلامه عليه وعلى آله وصحبه الأخيار ومن دعا بدعوته واهتدى بهداه. وبعد،
ما معنى الزكاة؟
الزكاة هي قروش تقدرها الدولة على كل مغترب أو مغتربة أو تابع

متى شُرِعَت؟
شرعت في عهد مايو على ما أظن وما زالت سارية

ما حكم من منعها منكراً لها؟
تجريده من الجنسية أو ربما سجنه عند عودته للبلاد

ما حكم من منعها بخلاً و شحاً؟
عدم تجديد جواز سفره وتعطيل مصالحه ومصالح آل بيته

كيف تجبى الزكاة؟
أول ما تعتب مجمع المغتربين أو قنصليات السودان في جميع دول العالم

من تجب عليه الزكاة ؟
كل طائر مرتحل حتى لو كان رضيع

ما هي مصارف الزكاة و من هم مستحقوها؟
الوزير وأهل بيته
القنصل وحاشيته
مرتبات العاملين بجهاز شئون المغتربين
المجهود الحربي
القناة الفضائية
كهرباء المولد
وخيول السواري
صندوق دعم الشريعة

ما هي الأموال التي تجب فيها الزكاة ؟ .
الليرة اللبنانية
النكفا الإريترية
التكا البنغلاديشية
الدراخما اليونانية
البر الأثيوبي
الشلن الصومالي
الأوقية الموريتانية
البات التايلندي
البيزو الفلبيني
الكواشا الزامبي
الدونق الفيتنامي
أى حاجة يمكن التعامل بهاوإعتبارها نقداً عدا الدينار السوداني

يا الملا عمر

انت ما حصل انقطعت في السودان من الدولارات واخدوا منك بالدينار السوداني؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟

يكون نص دينارك رايح

لانو حسبتها بالدينار السوداني
بتاخد يوم وضحوة خاصة اذا كنت من النوع
البيجي كل تلاتة سنين او تلاتة وما جنبو سفارة
وبعدين بتظارفو معاك ظرافة
تشرب شاي وتعد
يجيبو سندوتشات ويدوك معاهم وتعد
تجي صلاة الضهر وتمشي تصلي معاهم وتجي راجع وتعد
ولو حريف تجيب قروشك دينار دينار في كيسين
وتلقي فيهم واحد بيعرف صاحبك وواحد عايز يديك جواب لي واحد
وآخر الشطة وفي النهاية يعفوك من نصهن
مع نصيحة بان تدفع الزكاة بالدولار عندما تستقر