يا سجيمان وأساسى ألحونى وأنجدونى

[prown]
أول شىء لا زم تعرفيه أنكم ما أصحابى ولاشيتين عشان استنجد بيكم


وتانى شىء داير أحكى ليكم العلى وفى النهاية ح أوريكم السبب شنو فى أختياركم انتوا بالزات - هى الزات دى بالذاى والزال- المهم
انا عندى بنية رسلت ليها أجمل الرسائل وسألتها عن أحوالها طنشتنى وتانى رسلت ليها أجملة رسالة وبرضو سألتها عن أحوالها وبرضو طنشتنى
يكون دا من شنو يا ربى ؟؟

سألتكم أنتوا تحديدا لأنكم ثقلاء


وهسى أنا حاسى أنى ثقيل

رايكم شنو ما نجى نعمل نقابة الثقلاء بالبورد

اها بالمناسبة هى ما ح تدخل وتعلق على البوست دا عشان تزيد فى نفورا

brown

bبروبن بال
ولا
pبال

اوعى أكون اتثاقلت عليكم وتقوموا ما تردوا على

سلاااام مربع

مع انك لم تحشرني في الموضوع ولا الاستنجاد
لكن جيت ماشه بي جمب بيتكم سمعت الكوراك
وبما اني شمشاره برتبه لواء نقيب استخبارات
فعليه دخلت
واسمي باسم الله الاعظم ثم اقول واتكالي على الله
راجع كرت الشاشه .. اكيد النيستلويششن بتاعة الوندوز 2000
ما ظابطة مع الداتا بيز

اصلو مرارت مرات الاشتراك في النيت بقطع من غير سبب
دا برضو يكون من احدى الاسباب

الاخ ود العجمي
ينجدك رب البيت بي صاج حار ملان زيت كان انحنا ثقلاء
ويمكنك تسميتها المواظبة والملاحقة المستمرة او الدائمة لابراز قبح الجمال وليس الثقالة كما اسلفت
نصائح اسعافية للتجاوب الطرف الاخر
1/ واصل في تتابع رسائلك اليها ولا تكل ولا تمل
2/ محاولة استفزازها في اكثر من بوست بي سبب وبدون سبب
3/ متابعة تعليقاتها علي البوستات وايضا بوستاتها والرد عليها واظهار نقاط الضعف التي وقعت فيها حتي تجعلها تنفجر غيضا وتطر للرد عليك لتحسين صورتها امام الجميع
استغلال هذا الانفجار لصالحك بشتي السبل الممكنة وذلك
أ- سحبها للايميل والماسنجر لتوضيح وجهات نظركم في موضوع الخلاف المسبب بالبوستات
ب- للتواصل المباشر يمكنك طرح امكانية اضافتها في ماسنجرك الخاص ليكون النقاش مباشرا
ج- الاقتناع التام بوجهة نظرها مهما كانت تافهة وبدء التطبيل لها
د- ابدا في استخدام السنة الناعمة في الحديث والتغزل في اتفهة كتاباتها سزاجة في البورد
ه- طنش منها يوم يومين اكيد ستفتقدك وتفتقد كلماتك وتعكس الاية ستجد الماسنجرات والاميلات تسال عنك تباعا
وختاما الان هي جاهزة لاخز الشاكوش

عليك الله في اظرف من كدا تقول ثقلا
يلا اعمل رابطتك دي وابقي رئيسها والاعضاء براك

شيرى

شكرا ليك يا ملكة

وانا لو عارف كدا كنت استنجدت بيك انتى على الاقل أخير من الجماعة الثقلاء ديل - سجيمان وأساسى - تصورى انا شايفهم دخلو وطلعوا تانى بدون ما يعلقوا على البوست عليك الله فثقالة أكتر من كدا

طيب لو ما دايرين يعلقوا دخلوا وطلعوا تانى ليه ؟ أكيد دايرين يفقعوا مرارتى


والله يا ود العجمى أنت أثقل منهم البيشوفك بتقول عنهم كدا يقول أصحابك

ود العجمي..... شكرا لانعامكم علينا بلقب ثقيل............وبعدين لنل خايف تكون رسلت للبنية صورتك بالغلط

اوعا تهاجمها في يوستاتها وارائها لانوا حانكشف نومتكم

مهاجر

انت الصادق انا هسى كشفت نومة أساسى بيحب ود عزة


سجيمان أنت من أتعرفت أنك رباطابى موضوعك اتعرف الثقالة انت فطموك عليها

يالنبي يا ود العجمي انت شايقي؟؟؟؟ فيك قطامتهم

اها ما حرقت لسع يا ود العجمي؟

يا ود العجمى
بالرغم انوا ما لي دخلن في الموضوع لكن كراجل برفض بشدة وبوت اشوف وليدن قلبوا انحرق بسبب حب بنية مطنيشاهو
بما انو ان كنت لعيب حريف في هذا الميدان قبل الاعتزال بسبب العملية الجراحية فى القلب حيث استاصل التمرجية بالخطأ مشاعر الريدة
المهم...عندى نصيحة كروية
لعمرك اذا داخل غزو غرامى خليك عندك بلانB عشان اذا فشل بلانA
حسى البلان A بتاع الكروت فشل ادخل بلان B
جرب رسل ليها اغانى عاطفية
اذا ما نفع قول لي عشان نديك خطة الطؤارئ
اخيرآ
خلى من بعض النصائح ...اذا ما طفشوها منك ما بقربوها ليك.....آياك...ثم اياك عن تنضم لنقابة الثقلاء لان دا بطير النحل وببطل رائحة الازهار
فتك بعافية

مكرر

لووول يادومة.. والله انتى فعلاً حصيفة وعندك فراسة ماعادية لأنك نقشتيوهو طوالى ، وحبوبته الله يرحمها كانت شاعرة شعبية لاذعة جداً كمان..

انا يا ود العجمي ما مطنشاك
انا بس قلت اتقل شويه

لوووووول يا مارد بالله هو شايقي؟؟؟!! انت عارف انا لازمني تغيير نضارات . هي يا راويه دي انتي المطنشه ود العجمي ؟؟؟؟؟لووووووووووووووووول

وتانى لووول @راوية
خالتو دوما
مشتاقين

اهلاهلوله السمحه قولا شنو رمضان غيبك منناتماما والعجب ناس الرياض

ود العجمي
بتك الما مهبباك في قناة النيل الازرق يا منقة
تابع البرنامج عقب الافطار لو صايم ذي الرجال
ولو ما صايم تابعو بعد الرجال مايفطروا

بس ذي ما قلتا ليك دي مرهبة
بكسر الميم والهاء

يعني ماحتشتغل بيك وان سويت ليها محطة ارضية تجدع فيها ذات الملمح البديع..

وجعت قلبي الرشيقة في اجازتي
الهي توجع قبلك انتابرضو يا بتاع الهنتر

بالذا القصيرة ياود العجمي
وبالمناسبة ماجيت اعلق على البوست
بس عشان درس الإملاء
لوووووووووووووول ثم لوووووووووووووووول مولولة
النبى فوق خشيمك الكلام دا ياهو يادكين ؟؟
انا ذاتى قلت كدا
وسلافة الفن وماتعرف شنو
غايتو ياود العجمى لقيتك واطة بس
يا ام احمد دقى المحلب

انتي بالذات يالملكةانا حافتو ليك
فت من لا يخشى الفقر


زولك ود العجمي ده طلع هبوب ساي

مصاب في يقينه وبحلم بي عوالم اكبر من قدرتو ومستوى استحضارو
عايز يعاين فوق ويكسر رقبتو ورا المرهبين
ًٍُِ

لمزيد من التفاصيل رجاء الميسنجر ياملكة
اصلا ود العجمي من يوم جانا القرين فلدج شادي هكرة صاحبو ام دخاخين ديك..عمل لينا فيها ود عز وعايز يناسب الما بتلحقو..

سؤالى (برئ) ياود العجمى

ليه إنت فى البروفايل

Single

وبعدين أم احمد (ماقاعدى) تشوف جنس كلامك ده !!؟

كان تقلته شوية .. بطلته خفه .. بيكون كويس
وبعدين تعال .. اهو عندك أخوانك كتيرين مطنشنهم ... اشتكو يعني والا اشتكو ؟؟
الواحد فيكم ما بقدر علي ..الحاجات ويجي ..يتعبنا انحناأنصاص الليالي ويحميناالنوم ..
نصيحة من اخوك .. كان تنفع فيك ..
وعن تجربة
اساسي ده بيغطس حجرك .. ابعدو نهائي من المسالة دي ..حسع كان اتصلت علي كان مشكلتك محلولة .. لكن يارب .. يطنشوك كده ..لالالالالامن تعرف حاجه ..

شكرا على هذا المؤامرة اللذيذة
وعلى هذا الكرم فى التبريح اقصد التجريح

اول شى يا اساسى رفعت البوست دا بعد مرور نصف السنة على انشائه ليه ؟؟؟

لكن حلوة منك ما دام الحكاية دخلت فيها راوية العباسى بالله شوفوا النجفة دى زى النسمة فى عز الشتاء كيف ؟ تموت يا ود العجمعى عباسى وما ليك وجيع

مارد مرة هفت لى انا وصاحبى نصلى الجمعه . قام الامام شبكنا حق الزوج على الزوجة وحق الزوجة على زوجها . المهم الكلام الكتير المكرر داك تتذكرو ؟؟ اهاقريبتك ملكة سبا امامة جامع ولا شنو

دكين الشين والله البوست دا كان ناقصك وتم اصلك ما بتظهر غير فى المآتم وبعدين حكاية استدراج الناس للماسنجر الخاص دى البند الرابعة فى الخطة - الاساسية- يعنى قديمة العب غيرها
هالة قوتة انت عارفة اسباب اساى وسر بكاى ما تكلمى زول وخصوصا خالتك دومة دى اظنها بتحب الشمار - قال هلولة السمح قولا قال
تمبس المبدع :الحسنة الوحيدة في غرامياتى انهاما بتسهرنى ابدا واقوك افضل كائن حى بينوم من المغرب - عليك الله هسى انا لو حبيت البيخلينى اساهر الليالى شنو ؟ انت لسع من زمن الحب البيساهروا ليهو؟

راوية باجيك بتفصيل بس نمرق العوازل ديل من الموضع
انت متاكدة انك راوية ؟؟
اموت عباسى

لووووووووووول ود العجمي تصدق كلموني وانتهوا وانا قلت اجي يا بنات امي!!!!!!!!!!!!!! جوابات شنو وحب شنو الراجل بعد بكر بالوليد لسه عينوه طايره الا ما براك كتار الماسكاهم الرطوبه اصلوا ود ادم قالوا عينو ما بملاها الا التراب !!

ود العجمي
الإمام تحت الشجرة


بالمناسبة تعرف شوكة الحوت ؟؟؟

ود العجمي

ما تشتغل بالعوازل كتير

اها ياود العجمى بختك

لكن ياراوية فتح عدييييل كدا

راوية

اخاف من هيبة لقاك
خوفة الخايف المروع
واجاهد واسرع خطايا
وطيفك خطواتو اسرع

العوازل ديل داير يلحقونى اسماعيل ود بت حد الزين . لكن هيهات

ملكة سبا
انت عارفانى ما زول شراد. لكن البت نار. وهيبة لقاك صعيبة

الى الشيخ الامام ملكة سبأ
هل يجوز الجمع بين الشعر المساير والشعر الغجري المجنون؟؟
افيدونا افادكم الله

لايجوز الا بامر الفكى لاتباعه المقربون
اها ياود العجمى تدفع كم عشان تكون من المقربين

ياملكة حدث ان حضر شخص للشيخ عبدالله الترابي والد الزعيم حسن الترابي وهو كان شيخ يفتي للناس وقال له ياشيخنا لقد طلقت زوجتي ثلاث مرات وان نادم واريد ان ارجعها لعصمتي فحاول شوف لى فتوي بجواز ذلك من اى مذهب كان فقال له الشيخ الترابي الكبير عليه رحمة الله والله ياولدي انا ماعندي ليك اي فتوة بارجاعها قبل ان يتزوجها آخر وهنا ادمعت عين الرجل فاضاف له الشيخ كدي امشي لى داخل بتلقي ولدي شيخ حسن يمكن يلقي ليك فتوى وفعلاً هرول الرجل لمجلس الشيخ اليافع حينها حسن الترابي ولاداعي لمواصلة الحادثة
هذه الحادثة لاعلاقة لها بردك السابق

**************
احب عيون يسرا وشعر امها