رابطة ابناء شنب الباعوضة بسودانيزاون لاين

الاخوة والاخوات
بعد كم يوم ح نشوف في البورد روابط اقليمية رابطة لكل من الجعليين والدينكا والفور والدناقلة والشايقية والهدندوة بسودانيز اون لاين
قبل سنة تقريبا ماكنا بنعرف فلان من الوقاق الواق او علان من كاب الجداد
كان همنا الوحيد انو فلان بيكتب شنو
لكن اليومين ديل شايف قبل ما تكتب موضوعك الاهتمام بي جهتك شنو
وكان ده حال الناس المثقفين والعليهم الرجاء
انا ح اعمل لي موقع اسمو كشك الليمون والشرط بتاع التسجيل تكون دارس لحدي الابتدائي كحد اقصى وصدقوني ما ح تشوفو فيهو زول بيقول للتاني انت من وين

زاتووووووووووو

يسلم فمك يا ابولسان
لقد اصبت موطن الــداااااء
فعلا بدأت تطفو على السطح نزعة عصبية قبلية جديدة على البورد
لكل ان يفتخر بنسبه وقبيلته( فقط) من دون المساس بالاخرين
ودعوا الفتنة نــائمة...لا توقوظوها ...دعونا كما كنا اخوان .وطننا الســـــــودان...وبيتنا البــــــورد....نتناقش ,,,نختلف ,,,نتحاجج
نتفق,,,فقط ,,لا نتشتت ,,,لا نتنابز

اتخيل دي ساهلة

ولا صعبة يا بورداب


مع كل الود

جدو
.................................
آآآآآه يا بورداب

العزيز الزول زاتو
حمى وتعدي زي ما قال بلير
صباح الخير

الزول زاتو
التكتل ده فى التركيبة الجينية فى اى مكان فى الدنيا تتعرف على سودانى من سعلات الاساسية
من وين انت
ولو جاوبت بمكان سكنك وكان مدينة كبيرة
انت اصلكم من وين

أسألكم أن تلتزموا الدقة ، هل التعصب القبلي يعني أن ننسى انتماءاتنا القبلية ، وأن ننسى أنسابنا ، وأن نقبل أي اساءة إليها وكانها لا تخصنا ولا علاقة لنا بها ، القبيلة بيت من بيوتنا لا يمكننا أن نتنكر لها ولا يوجد بشر في الدنيا تنكر لها ، وخير مثال لذلك الأوربيون الذين ما زالو يعرفون أصولهم ويتخذون ملوكهم من الأسر الراسخة ، وأليكس هيلي وجد أنه من الضروري البحث عن الجذور والتعرف عليها بالرغم من أن الإمريكان لحم راس ولا يهتمون شكليا على الأقل بالقبيلة والجذور ، ولو فتحوا بابا مثل هذا لظهرت قومية الهنود الحمر ، ولانحسرت سيادة الأوروبي الأبيض ، وفي كندا ما تزال البلاد مقسمة حسب الأصول الأوربية القديمة وكذلك في سويسرا وكثير كثير من البلدان ، ما يجب أن ننادي به هو أن القبلية ليست مؤهلا وليست ميزة وليست منهجا سياسيا أو فكريا وليست انتماء عقائديا ومن لجأ إليها وحدها وتنكر للإنتماء الكبير فهو ذميم
ما أراه أن هناك خيط رفيع بين التعصب القبلي الأعمى والارتباط العلني بالنسب والأجداد ، تبينوا هذا الخيط وابحثوا عن أنسابكم وحافظوا عليها ولا تقبلوا الإساءة إليها ، لكن لا تتخذوا القبيلة مذهبا .

التحيـــة للاخ الزول زاتو وكل الاخوة الذين ادلو بدلوهم ،لكن الكلام مهم شديد ولازم نتناقش فيه بإسهاب وتعقيبا على كلام الاخ ودقاسم ((أسألكم أن تلتزموا الدقة ، هل التعصب القبلي يعني أن ننسى انتماءاتنا القبلية ، وأن ننسى أنسابنا ))

والله انا بفتكر إنو الإنتماء القبلى هـــو هوالتعصب بعينه ، يعنى تفتكر انا بستفيد شنو إنو جدى كان ترهاقا وإلا عثمان دقنة؟ ديل حيفيدونى بى شنو الليلة ؟وإلا بقيت جعلى وإلا حلفاوى ؟ايه يعنى ؟كمان مافى زول فينا إختار إنو مفروض يتولد وين ,وكمان اسألكم سؤال؟ لو كان الواحد بيسالوه قبل ما يتولد داير يتولد ويين؟ كنتوا حتخاروا ويين؟
اجدادنا عملو اللى عليهم، يبقى نحن نشوف المفروض نعملو شنو .

مع تحياتى لكل الزملاء والزميلات.

***
*****
*********

زولنا يا ذاتو يا حنين

رغم بعدي برسل ليك سلامي

نحنا للقومية النبيلة

ما بندور عصبية القبيلة

وسلام كتيرررررررر

البرنس ذاتو