بكرى يا اخوى الباندوث ده شنو ؟

Quote: يا شباب الموقع الان يستهلك حوالى 90 GB فى الشهر و الكلام الما بودى لقدام ده حا يقصر عمر الموقع و حقوا الناس تفكر فى كيفية استخدام الباندوث فى القضايا المهمة بدلا من تضيعيه فى القضايا الانصرافية و التى لا تهم قضايا شعبنا

بكرى ده كلامك فى البوست السابق لكن عليك الله يا
بكرى يا اخوى والله غلبتى تب معرفة البتاع ده هو شنو ؟
يعنى قبل الاكل و لا بعده
الباندوث ده ؟

لوووووووووول


معليش يا اخوى اخدنا على قدر عقولنا واشرح لينا عشان نستفيد والله يديك العافيه

وان شاءالله بعد داك بنسويه

آآي والله صحي انت البتاع دة شنو يا بكري؟؟؟
انا قبل ما يدوني الشارة(ان شاء الله ما يسحبوها زي دكين)وابقى ريجسترد
اقرا البوست والكلام يحرقني ويقيف لي في حلقي واجي ارد يقول لي ما مسجل اجي اسجل القى البتاعة بتاعة الباندوث واقفة لي زي الخازوق ما عرفتا ليها دبارة كلو كلو الا بعد داك الاجاويد ويا بكري عليك الله وكتر خيرو بكري استحمل لياقتنا وادانا الشارة ..
بس الا لي هسع ما عرفنا الشي دي شن ياها ...
انا غايتو متخيلها براح كبير كل زول يدوه حتة يبني فيها ...بس لاكن الناس ابو كم الف بوست زي ناس قرشو والموصلي وود عزة واساسي
ديل يا ربي بكونوا مأجرين من زول ولا كيف؟؟
كدي يا بكري اشرح لينا واحدة واحدة ونحن بنحاول نفهم

الحبيب طارق
الباندوث اغلى حاجة فى الويب و كل ما زاد بزيد سعره يعنى هو زى الكهرباء و تعريفة هو
باندوث، تعبير عن كمية المعلومات التي تستطيع نقلها وسيلة اتصال معينة في الثانية الواحدة و تقاس سرعة الباندوث بالبايت على الثانية
Bandwidth has a general meaning of how much information can be carried in a given time period (usually a second) over a wired or wireless communications link. For example, a link with a broad bandwidth - that is, a broadband link - is one that may be able to carry enough information to sustain the succession of images in a video presentation.

شكرا اخى بكرى