بعض من احلامي والامي وحنيني

مساء الحنين لكل احبتنا الذين رحلوا عن عالمنا ...وللذين ما زالو يقيمون فيه ...فيموما ما سيبتلون بلحظات حنيننا
اليهم ...ندا ارق من وقع الرذاذ على اوراق الورد

************************************

اليوم وبعد تفكيرا طويل ...قررت ان اسرق لحظات حنيني اليك ...فطالما سرقتني هي من نفسي وانفاسي...وقررت ان اغترفها من عيني علها تنضب..وتجف يوما...وعل هذا الجفاف يغريني بالبحث عن رجل اخر...تدق اجراس عينيه عندما ترخي انامل الحب اهدابي


****************
لماذا كان الحلم مشروعا دامت الاقدار هي من ترسم خارطه النهايه؟؟......وانثى خياليه مثلي...تحلم درجه التعطر بنقاء الرؤيا...كم احبها حين تاتيني وتاخذ خيوطي من القدر...وتقول لي افتحي عينيك واحلمي
ارحلي الى شواطئ بعيده ...حيث يستحيل الموج مدا ومدا ....ومدا

*********************
هل انا ما زلت على قيد حبك ام ان روحي ترفض الانتقال الى مرحاه ما بعد الحب....؟
اجبني ارجوك فانت تعلم انني اعشق التذوق ولا اعرف كيف استعيد احساسي بالحياه
*************
ايها الحزن ارحل...من دمي من معصمي....من ابتهالاتي وابتساماتي....من كل اركان حياتي.....فللمره الاولى ...سافتح عيني للحلم الجميل
*****************


يا باقه الاحلام حين تاتي.....ما اجملك
اين اضعك؟ ورودا لا تعرف الذبول......شموسا لا تعرف الشروق ولا الغروب
القا في عيني؟....اخاف عليك من انهطال المطر...ان ترحلي.....لا ترحلي...اخاف ان ابكيك ...رغم حوجتي الشديده للبكاء...في زمن تقلصت فيه معاني الاشياء...وتخاذلت كل الحروف عن استيعاب وجدي

**********************

عندما اهديتك الدقه الاولى...عرفت كيف تشعر الام عند احتضان وليدها الاول....القادم بعد الم...بعد امل ....بعد حب...من رحم الاحلام

*******************
لا ....لا تمسحها ...لا تمسح دموعي...فانا للمره الاولى لا احتاج لمن يواسيني....
جربت دموعا كثيره....ولكني لم ادركاندموع الحنين.....هي دموع خضراءالبراعم

***************
وماذا بعد يا حنين....ماذا لو كان الحب هو المكتوب؟.........لن اجلس واتطلع لفنجاني المقلوب....ففكره انني ساصبح يوما قهوتك ...تغريني ان اعلمك ارتشاف الحياه....لتبقى على شفتيك اطول مده ممكنه.....

***********************
هل اكتفيت....لا ولن.....ولكن رغم بدائيه الكلمات...لن ادعي انها تقتل حبنا......فكل الكلام الذي في الدنيا.....اضعف من يسكت دقه واحده ساعات لهفي اليك.....ودائما كنت اعلم.....ان البقاء للاقوى

الرائعة حنين
حمد الله علي السلامة
آسف لانني لا استطيع التعليق على هذه الروعة
فاي تعليق ينقص منها ولا يطولها ...فلك الصمت والدهشة



جدو

العزيز جدو /:
كيفك يا غالي حمدالله على السلامه لسه بدري عليها شويه...دي حاله تمرد من القرايه
او...اكزامينيشن سيندروم لوووووووول
شكرا ليك وتسلم هالطله

كلمات جميله يا حنين
يلا أمشى ذاكرى
أصلا أنا عارفه الكلمات الحلوه دى ما بتظهر
الى وقت النوم والإمتحانات
حلوه حالات تمردك مادام بتنقلنا الى عالمك الجميل

وجن الحلوه
كيفك انشاء الله بخير وعافيه
عارفه وحده من الحاجات الخلتني اكتب بالجد هو شوقي لكل الرائعين هنا.....دعواتك قالو الدعوه عندكم قرييييييييييبه
تسلمي

عندما يتحول الحنين لطاقةتحشدكثيف اللغة على ريشة القلم دفتر التداعي ،تصبح اللغة هدفا جماليا مقصودا في داته، تسحرك بتناغمموسيقي يقودك بعيدا مع روحك الي حيث لا تدري ان كان كلاما، موسيقي ام كاساعشق يدوزن روحك ، كم انت حنينة يا حنين ، لسنا لولهنا ان نسمع منك الاروع نسأل مُر فراق ولكن " مارسي فينا البراءة مثلما تتألقين" ومن هنا انت تنثرين ورود كلامك مثلما قطر الندى


ونحلم ان نمد الكف نحو الشمس بالدفء

.
.
.

حمد لله على السلامة يا حنين وكيف اخبارك

وانشاء الله ما تنقطعى تانى والله يديك العافيه يا غالية

احلى موسيقى ليكم ياشباب وليك ياحنين
ودالجزيرة
مع احلى الامانى

العزيز محمد
شكرا على كلامك اللطيف جدا جدا جدا
ولك كل التحيه

ود الجزيره الف الف الف مرحب
انت وين واخبارك ايه
بس انشاء الله ما يكون شاكوش ؟ لووووووووول
تسلم يا غالي

هههههههههههههههه
حنين شاكوش بالحجم العائلى ههههههههههههه
قالة شاكوش قالة دة عرس عديل كدة ههههههههه
يديك العافية ياغالية

فوق


يا حنين

سلام مربع

حنين :شكل الرزاز

انتقاء مفردة الحس الراقي
على الارجح هي هاجس اخر نحتاجه
على الدوام لنجتاز به حاجز
الوحده .. الشجن.الشوق
الوجوه التي تشكل الامان
في حياتنا
والابتسامات التي تضيء لنا
الطريق
يا لهذه العذوبة التي رسمت
حدود الاحساس عندك
وهيئته لينضح بهذا الصدق

حنين : كم انت صادقه وبشكل العذوبه
_______
شكيتكم على الله يابوش وبلير وصدام

حنين انت ياخى ما بتجى الا تنزنقى فى الامتحانات بالله ناس الخليج ديل اكتر ناس ما بخافو من الانتحانات دى ودا الحاجة الحيرانى يعنى ناس الشهادة العربيه حناكيش فى كل
حاجة يعنى فى المزيرة حناكيش فى دفسيبة المواصلات حناكيش
فى الحر حناكيش الا فى الانتحانات رجال عديل كدا مابعرفا
شداعة والله ميتت قلب
اها نرجع لى موضوعك انتى حاستك دى مابتجيك الا فى ساعات
القراية والزنقات الرسميه لكن فوقك مشروع دكتورة
بكاية جدا وخاصة لو كنت بتقرى فى طب الاحفاد
متين تخلسى قراية عشان نشوفك كدا دكتورة قدر الدنيا
وربنا يحقق احلامك وذكرياتك وحنينك وكل امنياتنا نحنا
كلنا
ولك ود لا ينقضى وتحيات عراض

تمبوستي الغالي
ازيك وعامل ايه طولنا من كتاباتك اياها شنو يعني عشان عارفها حلوه بتدلع فينا كدا....تسعدني رويتك من الاعماق شكرا ليك

المدهشه شيري
يا بت لا لا لا ما ممكن عقدتينا لكن حسه الناس يقرو كلامي واللا ردك الاجمل.... الله يخليك لينا


ود الجعلي
لك التحيا اولا
غايتو انا لمن جيت الجامعه اول ايام برلومه صغيره ومنططه عويناتي كنت بقعد ورا وبصور الحاصل اها واحده من صحباتي من الشهاده السودانيه قالت لي قالو ليها اقعدي جم وحده من ناس الشهاده العربيه عشان كتابين وما بيفوتو كلمه في المحاضره انت شهاده عربيه من وين من سراييفو
اها كان ماخده الجرسه من ناس سراييفو ما تعرف

وخشت نملة


وشالت حبة


وطلعت


حنين

والله العظيم

لحدي ما حصل الحصل منك

سترة لي الله (انا عادة قاعد القى اللقيتيه دا من ناس تانيين وبعمل العملتيه لكن ما بكون حريص اقول ليهم)عموما شكرا ليك مرة تانية

وانا قايلك ولد
تطلعي بت
وشهادة عربية كمان

وعندك كلام في ناس الشهادة السودانية


احمدي الله انك مالقيتيني في بنشات الجامعة