عرفنـي ليــه دومك غيــور - هدية لحمزة سليمان

الأخ حمزة سليمان
لك التحية
ارجو محاولة التلحين

عرفني ليه دومك غيور
وين فرحتك وين الحبور
وين تاه عليك الذوق والشعور
حين كنت أنا
طعم الهنا
ولون السرور
حزين وفي غلبك رهين
توافي همك وتستكين
تلازم الشجن المهين
وفي خاطرك أنا
كيف أصبح أنا
لحالك الهادي المعين
نزلت في كهف الهموم
جمعت من شجنك غيوم
وعدك ظنونك كل يوم
وفي خاطرك أنا
كيف أصبح أنا
في ظنك البادئ الملوم

الحبيب المسافر شكرا على الاهداء
وكلماتك رائعه دمت ولك محبتى

العزيز حمزة سليمان،
شكرا لكلماتك،
بس خلينا نسمع ألحانك الجديدة

أضيف ليك خيار آخر




عودتني شوق الحروف
كل ما ارى فيك ابتسامة
احساسي يتغنى ويطوف
في كل اركان الحنايا
ونبضك الحاني العطوف
واستبقى لحظات في كلامك
والذكري فيها من قطوف
ود المقال عبر السنين
عبر المسافة والظروف
عبر اسباب الملامة
والتجافي والعزوف
وتحت الظلال بانت ضياء
فيها الذكرى ما بتسع ابتسامة
والكلمة ما بترجى الحروف
وقبل ما يرحل مساء
انزوت في باطن الأعذار كرامة
واستوى فوق اشراق كسوف