الدنيا مازالت بخير

الحادث الاول
بالامس وعندما وصلت الحافه منطقه الشهداء وشمس عملت فى اجساد البشر ما عملت وتخطت حتى عقولهم وكل يبحث فى طريق يوصله الى اهله
وقفت فتاه بخجل واضح امام الكمسارى وقالت بصوت خافض ما عندى قروش فقال لها الكمسارى اركبى
وحتى هذه اللحظحه الموضوع عادى
لكن عند وصول الحافه منطقه جامعه امدرمان الاسلاميه طالبات
همت الفتاه بالنزول
وعند النزول حدث ما لم اتخيله
الكمسارى اعطى الفتاه كميه من القروش
اما الحادث الثانى حكى لى
فى مواصلات الشعبيه ركب احد اصداقنا المواصلات وركب الى جواره رجل
وعند تحرك الحافه بدا الرجل يسال الشاب هل انت متزوج
كان لدى صديق الاجابه لا
فساله عن السبب والسبب معروف
قال الرجل انه لديه 7 فيتات ادبهن وعلمهن وزوج ثلاثه وغدا زواج الرابعه ودعا صاحبنا الى الزواج
عندما ذهب صاحبنا الى بيت العقد وجد الناس كالعاده فى انظار المازون
وعند انتها مراسم العقد قام الرجل ودخل البيت وخرج ومعه شويه نسوان وفى يده الفتاه سلمها وكيل العريس وقاله له ربنا يسعدهم
رجع صاحبنا الى اب العروس لمعرفه الحكايه فقال له انا كل بناتى اى رجل يجى يكون شغال واحس انه يمكن ان تعيش هذه البنت ازواجهالا داير شيله ست سته ولا دهب ولا زحمه
يعنى زواج بسيط وكان الزول داير يعمل اى حاجه يعملها فى بيته
ما تقولو البنات شينات سمحات

العزيز ود عقاب
التحيه للكمساري الضكران
وابو البنات الرائع
ولي كل النماذج الجميله و المواقف الفاهمه
و لك يا ملك

الاخ ود عقاب

ياخوى الله يطمنك ويبشرك بالخير

والله ياهو ده السودان البنعرفو مش البشوهو صورته الناس الثانين

الله يديك على قدر نياتك ويسعدك ويهنيك
لانك اسعدتنى فى هذا الصباح الجميل واعدت لى الثقة من جديد فى شعب ارفع من ان يطاله الهمز واللمز

الله يديك العافية
وتسلم يا اخو السمحات
يا مقنع الكاشفات
يا عشا البايتات

لووووووول بس ما تكون دايرتتلت؟؟؟؟؟

ودعقاب يا اخوى الكلام ده بالجد جد و لا من الخيال ؟

الاخ قرشو
الدنياء مازلت بخير
والسودان مهما قيل فيه هو سودانى يرى فى كل امراء امه وكل فتاه اخته
وتسلم
طارق الكلام دا صاح ميه الميه بتاع البت حدث امامى والثانى حكى لى احد الاصدقاء وجارنا فى شندى يعنى اخى
وتسلمى

ايهاب عساك عافيه
عليك الله دا كمسارى يكيف
كمسارى فاهم عديل
وتسلم

اخي ودعقاب
لك التحايا العطره وانت تذكر محاسن شعبنا وتذكر ان الدنيا مازالت بخير
دعني احكي قصة حصلت لي وانا راجعه السودان ..بعد ان جلسنا يوم كامل بمطار دبي نسبه لتعطل طائره الخطوط الجويه السودانيه كالمعتاد وكان يوم الوقفه تعب اخي من انتظاري بالمطار وبعد ان اقنعوه موظفي الاستعلامات بان الطائره غير معروف وقت وصولها رجع البيت وصلت المطار ولم اجد احد بانتظاري وقد كان معي احد اقاربي بنفس الرحله ولكن لان العفش لم يصل معنا كالمعتاد ايضا اضطر للانتظار لحين وصول العفش بطائره اخري كما اخبرونا ناس الخطوط...المهم انه قام بتوصيلي للسوق الشعبي لاني اصريت علي الذهاب للبيت عسي ولعل احصل العيد مع اهلي وفعلا وصلت السوق الشعبي وركبت الحافله وكنت في منتهي السعاده ولكن....عندما بدا الكمساري بالطقطقه تذكرت فجاة انني لااحمل في حقيبتي نقود سودانيه...ياربي ماذا افعل هل انزل وكيف لي ان اجد مقعد في مركبه اخري والسوق الشعبي يعج بالركاب ولا توجد مواصلات ماكان مني الا ان نزلت وذهبت للسائق وكلي حياء يااااااااه لا ادري ماهو احساسي في تلك اللحظه ...المهم تحدثت الي السائق وسالته ان يدلني لمكان لتبديل بعض الدولارات الي سوداني نظر الي باندهاش ولم تودين تحويلها الان فشرحت له انني لااملك نقود سودانيه فما كان منه الا ان امرني بالرجوع الي مقعدي وامر الكمساري بعدم اخذ ثمن التذكره مني الكمساري طبعا مغيوظ مني وماعارف السبب شنو وكان كل مرة يذكره بانني لم ادفع شكيتو وخليتو زي مابتقول شيري...المهم ذلك السائق لم يقف عند عدم اخذ تمن التذكره فقط ولكن عندما وقف بالحافله في كافتيريا علي الطريق احضر لي بارد كمان...لن انسي هذا الجميل ماحييت وكان نفسي اعرف اسمه عشان ارد ليه بعض من هذا الجميل ليته يقرأ ماكتبته هنا

الاخوان الاعزاء
صباحكم خير
بعد حكايه بيت الجزيره دى
اعز مكان عندى السودان من زمان
وتسلمى يابن الجزيره
ودعقاب

المعادن الاصيلة لاتصدا

زماوى
شكرا كتير والتحيه للكمسارى الجدع
ودعقاب

اخي ودعقاب

سبق ان اكدت علي هذه القيم في احد ردودي
وان الدنيا لا زالت بخير في السودان برغم بعض الظواهر السالبة
التي تفشت في بعض المناطق وباسبابها

انا شخصيا اعلم ان جارنا يعيل اسرتين لا تربطه بهما علاقة دم
الا الجيرة وانه في السودان بجيب كل يوم تلاتة اكياس من الصباح
فيها اللحم والخبز والخضار وانه رجل عادي جدا
الرجل المشار اليه في احدي احياء الخرطوم ويعمل برزق اليوم باليوم
وصنعته ميكانيكي سيارات
عرفت هذه المعلومة من الجيران وليس منه هو

اما اهلنا في القري
وتحديدا قري شندي فمثل هذا التكافل واجب
دون الخوض في تفاصيل كثيرة

هكذا انا اري السودان ولن يستطيع احد ان يغير هذه الصورة لاننا لا زلنا احياء

لا هم لنا بحيكومات تجي وحيكومات تغور هي اشياء رضعناه من الصغر ونمنا وتعشينا وسهرنا واستشفينا في بيوت حاراتنا
وقرانا

من ضمن الاشياء الالزامية التي لايحس بالزاميتها احد
هي انواع التكافل المختلفة في الافراح والاتراح
في حالة الفرح انت لا تدري من قام باشياء كثيرة
اما الاتراح وصيوانات العزاء والشاي فاني لم اري اهل الحزن مشغولون
بواجب ما او التزام ما كل ما عليهم هو اجابة الفاتحة لثلاث ليال
والاكل مدور والشاي مدور والجبنة مدورة ولو المتوفي شيخ كبير في السن او مريض ما كان يرجي شفاؤه فالونسة تدور ايضا

هذه قيم كثر ما شرقت وغربت وخالطت من اهل الصحاري والمحيطات
لم اجدها
والله رايكم شنو امكن انا قديم شوية؟؟؟؟؟؟

سلام مربع

القومه بحق وحقيقه
للكسماري الذي فعل مايعجز وعجز عن فعله
كثير من اصحاب الكروش
والسيارات الفارهة
والبدل الانيقه التي لا تشبه الجو العايش فيهو
ولا الشكل ، والحالة التي يحكم من خلالها

التحيه له ، ود البلد
والحمد الاف ، لان السودان مازال بالف خير

القومه للكمساري الشهم الذي ، لم يتردد ولم يشاور عقله
بل اخرج يده التي لا تعلم عن نيتها اليد الاخرى
القومه وهو يثبت لنا . ان الناس بالناس والكل برب العالمين
التحيه له وهو يعلم (الكبار) المنفوخين
بمكستباتنا وهم يرتعون ويمرحون باموالنا وثرواتنا
ثم يبخلون علينا حتى بالتطبطيب على جراحنا
انظروا كيف تركوا بني وطننا معدمين
وهم وزعوا اموالنا وثرواتنا بين مشااكوس
ولجانها ،، واجتماعاتها
وهنا . وهنا .. وهنااااااااك

قاتلهم الله ، لهم اللعنات الكثيرات الماحقات

________________
شكيتكم على الله يابوش وبلير وحكامنا الحراميييه

الاخ نزار حسن
اهلا بيك ابن عمى فانا من منطقه شندى ومازلت هنا فى شندى
وبالبلد ملانه بالف واحد زى الكمسارى
التحيه لكل من يعول اسره غير اسرته
وتسلم نزار
شيرى
عساك عافيه
الناس دى تشيل وتلم فى القروش قايله روحها حا تعيش لى متين
امبارح طردنى من طلها الليله فارقها كلها
وتسلمى

قلنا نحى الكمسارى
والرجل الضكران مع الصباح
ودعقاب

slaaaaamoooz

walaahi 3ajbtni al gisa shadeed,,,al komsari da kan yakon fi 7afltna laman kona binmshi al madrsa walahi kan naf3na 3adeeeel kida .loool

lakin 3la golak,, al donia lisa bi khera wa al shahmat awlad al sudan lisa mojoda fehom (<>_<>)

الرائع شموس
اوعا يكون الاسم غلط
لك كل التقدير وصباحك زين
ودعقاب