حبيبتى تيسير افتقدك كثيرا واشواقى لك تؤلم احساسى

كانت الثالثة واربعين دقيقة بتوقيت الخرطوم عندما عدت راجعا من الموقع الى البيت فى حى المغتربين ببحرى اوقفت عربية اخى التى كنت اشدها تلك الفترة كانالسخانة فى
اوج عظمتها والواطة دايرة تبلعنا عديل كدا المهم
مشيت عديل على البيت مارا بى كبرى برى ليس لدى اى
مزاج فى التحدث مع احد عشان كدا ما ملحت لى اى زول
طبعا على غير العادة لكن طبعا بعملا فضل ظهر وكدا والله
جد لكن اليوم داك حصلت لى اجمل قصة حب فى حياتى وعشان
الليلة مزاجى عكران عايز احكيها ليكم
عند وصولى الى البيت وجدتها تنتظرنى بلهفه عارمة ولم يخفى
على اثر الدموع على عينيها الواسعتان الجميلتان
بادرتنى بالسوال ان كنت احبها فاستغربت جدا ونظرت لها
بتوجس مالك فى شنو ووين اهلك قالت لى بابا مسى
المستشفى وماما نايمة فوق وفجاه باغتتنى بسوال مفاجى
تانى انت اليلة داير تنوم معانا قلت ليها ايوا خير
بدون اى مقدمات قالت لى انا دايرا انوم معاك عشان ادىلى ماما درس اصلو ما تنساهو وانا طبعا ضعفت اما
عيونا الواسعه ديك وبدون ما اقول اى حاجة مسكتنى من
يدى وجرتى على اوضتا كانت الكهرباء قاطعه والجنريتر
ما بشغل المكيف بس التلاجات والمروحات عشان كدا طوالى
بديت طلعتا قميصى وبقيت بالفنلة فما كان منها الا ان
فعلت مثلى وبدات بخلع ملابسها ولم تبقى الا قطعه واحدة
من ملابسها الداخلية قبلتها قبلة كانت اطعم قبلة فى
حياتى استسلمت ليدى وانا اضعها فى احضانى واردتو انا
ادردش معها قليلا ولكنها كانت قد استسلمت للنوم على
زراعى








كانت هذه هى تيسير بنت اخى ذات الثلاث سنوات وكانت
امها قد حرمتها من الذهاب مع والدها خوفا عليها من
السخانة لكنها قررت الانتقام من والدتها بعدم النوم
معها وانتظارى لتنوم فى صدرى على حد زعمها
كتبت هذه الخاطرة وقد مرت بى لحظات من الشوق العارم
لاهلى ولى السودان
وزى ما بتقول شيرى شكيتكوم على الله يا البشير ويا على
عثمان

يا حليلنا فيها الغربه
والولف كتااااااااال يا ود الجعلى
الله يرد غربتنا
ويديك الفى بالك

شكيتك لى الله ياود الغالى دى عمليه تسويها
فينى..قطعت قلبى عديل كده..وخاصة الاسم زاتو
طلع عينى ..ولو ماقريت النهايه كان جيتك عديل
كده شايل سكينتى وفرارى وقطعتك حته حته بس ربك
ستر النمره غلط....ارجوك المره الجايه عرف اسم الاب

كاهن آزول اسمك دا جبتو من وين والقطعو ليك منو آجنا انتا متوك تب ترا الخواد مو براهو لكن والله الجن الحب حلو بلحيل نحن عدينها نساكك فى حاجات الناس الكبار
ولما اتلفتنا نشوف روحنا لقيناها اووششك الحكاية صبحت
عويش لكن احمدالله انو النمرة طلعت غلت ياخوى نحن خلاس
قررنا نستقر ونكمل نص دينا امش لى غادى شوفلك زولا
تبجنو بى خوستك دى
لك تحياتىاخى العزيز كاهن

وجونة يا عسل مستاقين والله وكدا كيفك انتى انشاء الله اخو غدى مايكون قصر معاك وين كتاباتك التى تدمى القلوب ديك ولاخلاس لقى احبابو ونسى اصحابو لكن برضو
ما مشكلا برضو هناك هنايا مش برضو نحن اهل وكدا
لك ودى وكل الحب

ود الجعلي

بابا مسى المستشفى
دي ماركبت راسي ههههه يكه
يازول والله الحنين كاتلنا وربنا يرد غربتنا

زاتوووو

والله يا زاتو اشتقنا لى كتاباتك انت مالك بقيت كعب كدا ياخى والله كضاب البقوليك قرا ليك موضوع والله رد وما ضحكو والله اتليست عجبو ياخى عليك الله ارجع
لكتاباتك الساخرة والهادفة وما تحرمنا منها وكلم ديكو
يرجع برضو والله كنتما تمثلان القا خاصا للبورد ودا
كلام جادى جدا والله وخالى من اى نوع من المجاملة والنفاق
اها قلت لى كيف ماداخلا فى راسك ليهنو يا ربى انا غايتو
نقلتها زى ماستها قالتا لكن انت كان مادخلت راسك
ياخوى يبقى دا حاجة تانية والفى راسو حرقص براهو
دانص يامان
لك تحياتى وكل الاشواق

ود الجعلى

اول تحية

واول زيارة

حديثك اخذنى لنفس صغيرتك تيسير

وهذا ما تفعله الغربة بنا ..كميات من الحنين

ودبرسة ما بعدها لمن نستعيد بعض التفاصيل الصغيرة

ومشكلتنا .. لا وصلنا .. لا عارفين درب الرجعة

ليك الود

اخى العزيز ارتقا كيفك يعمينى عمى الطوب ما شفتك انت قاعد من امس فى بيتى وانا ما شايفك والله عاد اتلومتا فوقك لوم العدو انت آزول الزيك معقول يفطوهو
والله يا مان الغربة تافهه لكن بينى وبينك الناس شابكنا
داير اكون نفسى وداير اعرس عشان كدا لا لمو فى اهلن لا
كونو نفسن الا آجنا انت سويت شنو والله زى اخوك الكاشف
ساكى القراية
المهم ربنا يزيل كل العواقب ويرجعنا اهلنا بى صمتنا
ولمتنا
ولك من تحياتا ملؤها المحبة والتقدير

الشكيه لي اب ايدا قويه ياود الجعلي

استاذنا الموصلى لك التمجيد الآف الاف الناس ديل ما وقفو حالنا وحال اهلنا يا استاذ لكن يمين يوم نرجع نربها ربه ما يعلمها الا الله
الموصلى فى قاعة الصداقة وسيف الجامعة فى الميدان الشرقى
وهمزه وانورفى قصر الشباب والاطفال وعمر بانقا ونهله فى
الجمعيه التاسيسية وعلى السقيد فى ميدان الشهداء
والماعاجبة يمشى القطينة وتمادر فى المسرح القومى ورشا فى
المركز الفرنسى ونحن نلقت فى الورود والجكس مجان
والعزابة بى دولار ودار الاذاعه نحولا من امدرمان نوديها
شندى والعندو كلام يمشى يناقشو مع ناس الاداره انتو دحين
بالمناسبة دى وين انسانه الكانت فى الاداره طيرتوها وين يا بكرى
الشكية لى ابيدن قويه اوكما قال الموصلى امتعه الله
بالصحة والعافية

علي الحرام ياود الجعلي اليوم داك نربها ونخلي المصانع تدور
المزارع تبقي خدره والضماير تزدان بياضا ابشر بالخير

وتعرف يا ابوهديل نسيت حاجة مهمة اول حاجة مجانية التعليم واعدام الخونة لكن عشان خاطر البلد ممكن نحاسب بالقانون لكن الناس الكتلت دى واسطتا الوحيدة
الاستشهاد لكن بينى وبينك الناس النفعين نسوى فيهم شنو
والناس المشو مع التيار عشان يوكلو وليداتم ياخى والله
معادلة صعبة جدا لكن والله ان طقو راسن بى السماء عفى
الله عنما سلف ما يكجوها
لك الود وانت دوما تحلم بخلاص البلد

ود الجعلي نمبر فور.... الله يجازي محنك ياخي ما قطعتا قلبنا... انت يا زول تغتس و تغتس بعدين تجينا بالكلام ده يشهد الله دمي نشف عديل...
تحيه ليك و للناس الظراف المعاك ديل

ياسر محجوب كيفك وتحياتى لك اخى الكريم انا والله موجود لكن تعرف انتا يا هو زاتو ضربنى بكى وصبقنى اشتكى ياخى انت غتستا لحدى ما قلنا الزول حردان مالك
انشاءالله المانع خير كان اشتهينا والله مجادعتكم انت واهل
العوض وسنجاوى وشانتير مالكم والله التقول لمى فيكم
رباطابى نتحكن انت طفشتا واهل العوض تغا ساكت اظنو
لابدلو فوق شيتن تقيل اما سنجاوى من يوم طهر ولدو
ماشفنالو مشاركتن بقولو عليها مستنين ابداعاتكم والله
ولك منى الود الخالص وعودا حميدا اخى الحبيب

ود الجعلى

فطيتنى عديييييييل

ود الجعلى

فطيتنى عديييييييل

ما تفقد عزيز يا حنين

ود الجعلي
وبقيت براي حاضن اساي
غير الموع ياملهمه ..الغربه مره ومولمه
حزنت تيسير لعدم مصاحبتها لوالدها. تخيل هجرة الاباء الاجباريه وبعدهم عن فلذات الاكباد
لك الامنيات ولتيسير الحب

نهوية كيفك مشتاقين وكدا انتى صحى ناسكم ديل زمان كانو دايرين يسرقو الحجر الاسود من مكه والله دا زول بهتن ساكت
وبرا الحنية دى نحنا زاتو الماكل طايوقنا شنو
انت مالك الايام دى خليتى الكتابة والله ما
فاضية من النقه فى التلفون اقصد المسنجر
لك تحياتى وكل الاشواق وانتصار بتسلم عليك

اخى العزيز ارتقا كيفك يعمينى عمى الطوب ما شفتك انت قاعد من امس فى بيتى وانا ما شايفك والله عاد اتلومتا فوقك لوم العدو انت آزول الزيك معقول يفطوهو
والله يا مان الغربة تافهه لكن بينى وبينك الناس شابكنا
داير اكون نفسى وداير اعرس عشان كدا لا لمو فى اهلن لا
كونو نفسن الا آجنا انت سويت شنو والله زى اخوك الكاشف
ساكى القراية
المهم ربنا يزيل كل العواقب ويرجعنا اهلنا بى صمتنا
ولمتنا
ولك من تحياتا ملؤها المحبة والتقدير

غربه تحياتى تفيض اليك فرحا بمقدمك اسمك جميل لدرجة الايلام والله انتى شكلك كدا متوهجه الما من الغربه بس اوعا يكون معاها شوق زى اخوك
اها الموصلى عمليك شنو فى موضوع الغنية تعرفى الموصلى
زول رايع لدرجة التوهان لكن مشكلتو نساى ياخى مرة
قالو جاى راجع من الجامعه نسى عنوان بيتو لما هديل
ضربت ليهو فى السل فون ووصفت ليهو البيت لكن محال ثم
محال يخلف ليهو ميعاد بس اتلحيهو تلفونات مع انو
تلفونو الخاتيهو فى الصفحه بتاعتو ما شغال لكن اضربى لى
بكرى بديك نمرتو
لك منى الود الكامل

ودالجيلى اربع ونصف
كلك احاسيس ومشاعر ..شكرآ للسخانة وانعدام الكهرباء
شكرآ
ما قلتا ليه ردودك ناعمة على الجنس الناعم
وخشنة على الجنس الخشن
انشاء الله ما تكون نأوى على مشروع ريدة
لاننا سنكون لها كالمرصاد..الا اذا كنا الوزير

بلير لازم ياخى الواحد يكون كدا عشان هسى خطيبتى قالت لى نفس الكلام والمسنجر زعلان منها عشان كدا قالت ماشه تحضر ليها بارطى وخلتنى فاتح خشمى
ما عندك اى مشكلة ياحبة تبقى وزيرى ونص لاكين اول
حاجة خلينى ارضى الخطيبة دى وشرطها انى اعمل ادتنق لى كل
الردود ماعدا ردى للجنس الخشن وخصوصا الموصلى
اصلهامكسرا فيهو شديد مع انها قدر هديل بتو لكن
ماعارف اسوى ليها شنو لاكين شكلى ما حقدر اسويليها
حاجة عشان انا زاتو مكسر فى ابداعو والله
لك التحاياالعطرة

ودالجيلى اربع ونص
بعد ان وعدتنا خيرآ
اليك الخطة الاولى
اعمل لخطيبتك باك أب
BACK UP
وما تقول لزول انا قلتا الكلام دا

يا بلير حرام عليك والله مش كفايه المسكينه حظها المهبب بستين هباب وقعها في ود الجعلي مالك عليها يا يابا كمان بتخطط
بيك اب دي شنو يا شباب كدي نورونا عشان لمن يقولوها قدامنا نفهم لووووول

حنين انتى اكيد جابك الحنين لك تحياتى وكل الاشواقق والله الواحد لو ما خايف يجيهو زول طاير كان يتغزل فيك كيتن على بلير دا لانو قالى بترد ردود ناعمه لى الجكس عليك الله
يا حنين فوقا حاجة دى
اذا كان حب الجمال جريمة فليشهـــد التاريخ انى مجرم
اما الباك اب يا حنينى فهى والله اعلم واحدة تانية تكون احتياطى دا اذا اخدنا فى الاعتبار توفر النيه
السليمة عند عمك بلير
لك تحياتى وسلمى لى على ناس دبى

ود الجعلى

عديناها يا مان

وانا يا خوى عامل قراية

لقينا مافيها فايدة قلنا نقرا احسن

لكن بتلم القراية وخطيبتك دى كيف

كل الود

طبعا يا اورتقا نحن ناس اهل عوض كانت كل احلامنا نمشى الخرتوم ونقعد جنب البحر فوق النجيلة مع انو فى شندى البحر زمن التساب بدق فوق عتبتنا اها جينا الخرتوم
لقينا اهلنا ساكنين فى احياء راقية عشان كده كان صعب
جدانتأقلم معاهم اها آزول قمت لى التعترنى دخلت الجامعه
وكلو عشان نحاكى ناس الخرتوم وحبيت بت الجيران وهى
كمان حبتنى وكانت عجاباها لهجتى البدويه ولكن لما بقينا
فى الجد قالت لى لازم تقرا ولازم تجى اول الدفعه وحاجات
كتيرة ناقصاك عشان اهلى يوافقو وصاحباتى يقتنعو اها
من اليوم داك واخوك ساكى القراية وعليك امان الله
زولتى ديك فكيتا عكس وعرست ليها واحد وهم كدا حابى
ليهو خمسة دا غير ناس الملح الغريبه لاقيتا مرة برة
السودان معاها واحد صاحبها عملت فيها ما بعرفا لكن
بيى وبينك شديدة
تعرف يا اوتقا انت داير تخرب بيتى عشان كدة اختانى لانو
الكلام دا انا ماكلمتابيهو خطيتى

ود الجعلى

انت زولتك دى لمن شديدة كده

فاكيها عكس الهوا مالك .. الله

يكون فى عون خطيبتك دى الماعارفة حاجة

بعدين اسمى دا بشتنتو كده مالك

ارتــــــــــيــــــــــــقه

عشان تقعدو كويس المرة الجاية

كل الود

الجعلى اربعات

Quote: لاقيتا مرة برة السودان معاها واحد صاحبها عملت فيها ما بعرفا

قول الحقيقة...هى العملت
ما بتعرفك

اتخيل منظرت فى الوقت داك

اورتيقا

Quote: فاكيها عكس الهوا مالك

هو الفكوا عكس الهوا...ما شايفوا حايم حول الطرح والتيبان....ربنا يسهل ليهو

ود الجعلي

لكن ما انا اتهجمت عديل من الاسم ده لوقعه الخاص علينا بالله تاني حاول تفرز الكيمان اول شي

كمان بموضوعك ده فتحت علينا جروح لينا زمن نشيل ونكمد فيها بالمراهم ونحزم فيها بالشريط الابيض واللصقات ودابها مشت تبرا احاسيس مريرة وذكريات حلوة تلك التي تجرها علينا مثل هذه الومضات التحية لك ولتيسير الصغيرة والكبيرة كمان .

ومن شرووم ليك التحيات بالكوم

ود الجعلي اريتها غربه وبس اكيد انت بتعرف يعني شنو قلبك يكون واجعك من الشوق بس دي حالتي ,زمان كنت بفرغ في الكتابة والشخبطه لكن حتي دي بقت صعبه ,شفت حالتي ذي الزول الرايح وعنده خريطة ماقادر يفهمها علشان يصل.. واهه واخخخخخخ بس خليني
بخصوص الاغنيةابو هديل مابقصر يديه العافية والدولارات الكافية وعودة حميدة للبلد الدافيه وانا ح اكون في رصيف الانتظار... ولك الود

الرايع شرووم البكاى ياخى اثبت ليك على واحدة تيسر والله بت عمك عرجم انت آزول عينك طايرة كدى مالك كدى قول بسم الله وخت الرحمن فوق قلبك
تعرف يا شرووم انا زاتو مرات بنسى حتى انى عندى بعض
الجروح لكن فجاءة كدا واحد ينقذك لمن تحسبيه فوق نص
راسك معليش اخى الحبيب المرة الجاية بفرز الكيمان تب
ولا بقول تيسير بت الملازمين ولاشتين
بى زيارتك بيتنا نور وصارلو قيمة

بليير

والله الزول فاكيها فينا

فكيتا عكس الهوا

لقيتا وين ما عارف ليك وعملت ما شايفا

والمؤمن صديق يا اخوى

تعرف يا بلير انا ما كذاب والله لكن كنت ماشى مع خالتى وزوجها وهى كانت لابسة ماحلو عشان كدة طنشتها لكن كان براى وحاتك ما بفوتا عشان سببين واحد انها ما
بنتفات انت ازول ما سمعتا الغناى بقول انت انتا
بتتنسى بعدين يامان دى عشرة واخوك عارفو ما بنسى
العشرة
السبب التانى انى ماكنت حا افتح ليها لو كنت براى انو
الزول المعاها ماكان زوجها وعلى الاقل غريب لى
غريب اولى انا والله شن قولك
حبيبنا اورتيقا ازول اسمك دا قدر من سدرتو ودليتو ما
لفق معاى اها شن اسويلو بعدين بلير دا زول لخبات ما
تصدقو اصلو حاقد على لانى فورتو كم مرة

معقولة جدآ ،،لكن هل إكتشفت القاص الكامن جواك
ارى الإهتمام بموضوع القصة القصيرة
وتقديم طلب لي ناس عادل القصاص ،لإعتمادك قاص متمكن

يا ابو ساندرا تتعلى ماتدلى
والله رفعت معنوياتى لما قربت تقع تتكسر
ياخى طيب ماتجى تقنعلى خطيبتى بى الكلام دا ياخى دى قدر
ما احاول اكتبلى خاطرة تقولى ياخى ماتقدنا
لك الود العميق وعواطر التحيات

رجعتا اقرا فى الموضوع دا فلقيت كتير من الشباب العملو مداخلات معاى اختفو اسال الله ان يكونوا بعافيه
هسى ينطلى واحد يقول داير يرفع الموضوع بتاعو برضو
ما فيها حاجة والله شنو يا شباب

ود الجعلى

انا من الشباب الغابو .. وما باليد

لكن ساكين القرايه زيك كده واليومين

ديل عصره شديده .. وبجى بتاوق من وقت

لى اخر ..عترت فى موضوعك ده وقلت النجى

داخل ونسلم عليك

اها اخبار الزوله الطنشتها شنو ( انا لى هسى مصدق انك طنشتها ) تقنع بليير كيف

لينا عوده بعد تتفك الزنقه دى

كل الود

اورتيقه سلامات وكيف الكسر انا يا اخوى خلاس بقيت عقابات لكن تعرف البلد دى القرايه ياها فترة الجمه والله يا حبيب تدخل الشغل والعرس تانى الا نشمك قدحه
لكن بينى وبينك البت ما بتطنش لكن الشلاقه وانقطاعة
القسمه شن نسويلن
خلاس يا حبه نشوفك بعد الزنقه وبلير داك قالو من يومو
المشى اريزونا تانى ما رجع اظنو يكون ضهب آزول الزول
ماك عارفو منظراتى تلقاهو راح فى صحراء ارزونا