Post: #1
Title: اجمل بيت غزل من الشعر السوداني عجبك
Author: ابو فاطمه
Date: 04-15-2003, 10:23 AM
Parent: #0
وكتبت ليك لا بيني بينك ريدة لا قصة غرام
إخترت ليك أجمل حروف وأصدق فواصل نادرة
في لغة الكلام
لا قصدي ألهو معاك بي كلمات غناي
لا حروفي ليك مرجيحة من شعر الغمام
|
Post: #2
Title: Re: اجمل بيت غزل من الشعر السوداني عجبك
Author: ابو فاطمه
Date: 04-15-2003, 10:36 AM
Parent: #1
شنو يعني ولا واحد فيكم حافظ ليهو كم بيت شعر في الغزل
ولا لازم الواحد يتكلم في السياسه عشام تجوهو طايرين تردو
ده شنو البورد ده ياخي
|
Post: #3
Title: Re: اجمل بيت غزل من الشعر السوداني عجبك
Author: ابو فاطمه
Date: 04-15-2003, 10:42 AM
Parent: #1
والله جميله يا ابو فاطمه الله يديك العافية
وبي المناسبه دي شوف الابيات دي انشاء الله تعجبك
اجل اني سأفديها
وان رحلت سأبكيها
فتاة تملك الدنيا قلوباً في اياديها
فتاة حلوة البسمات تنشرها وتطويها
فقد كانت تبادلني مشاعرها وتخفيها
|
Post: #4
Title: Re: اجمل بيت غزل من الشعر السوداني عجبك
Author: Ahlalawad
Date: 04-15-2003, 10:46 AM
Parent: #1
أقيس الليل بشعرو وألقى الفرق شاسع
أقيس الفم بودعة وألقى الودع واسع
لود الرضي
أما أبو صلاح
يشتاق الهلال ينصاغ لقديمك حجل
|
Post: #72
Title: Re: اجمل بيت غزل من الشعر السوداني عجبك
Author: kahin
Date: 04-20-2003, 09:33 PM
Parent: #4
|
Post: #5
Title: Re: اجمل بيت غزل من الشعر السوداني عجبك
Author: ابو فاطمه
Date: 04-15-2003, 10:50 AM
Parent: #1
اخوي اهل العوض
والله ردك ده افرحني شديد
وشكراً على الابيات الجميله دي
والله يسمع الباقيين ويشاركو معانا
|
Post: #6
Title: Re: اجمل بيت غزل من الشعر السوداني عجبك
Author: ابو فاطمه
Date: 04-15-2003, 10:54 AM
Parent: #1
أعزريني كنت اصغر
في حياة الحب شيئ ليس يذكر
بعد عام وليال ليس اكثر
صار عمري قمة العشرين عام
بل واكثر
لم اعد يا اخت طفل
قد وجد الحب في عينيك احلا
طعمه شهد وسكر
|
Post: #7
Title: Re: اجمل بيت غزل من الشعر السوداني عجبك
Author: abas
Date: 04-15-2003, 11:09 AM
Parent: #1
لقد زكرتك والجمع في نشيء وطي
كل بغلب حبيبه يرنو بمقلته الي
ولما افاض بي الحنين غدوت اسال اين مي
|
Post: #8
Title: Re: اجمل بيت غزل من الشعر السوداني عجبك
Author: ابو فاطمه
Date: 04-15-2003, 11:33 AM
Parent: #1
abas الاخ
مشكورين على المساهمه
ويا اخوان سعدونا
|
Post: #9
Title: Re: اجمل بيت غزل من الشعر السوداني عجبك
Author: Tumadir
Date: 04-15-2003, 11:38 AM
Parent: #8
احب انسانك الجواك
|
Post: #10
Title: Re: اجمل بيت غزل من الشعر السوداني عجبك
Author: قرشـــو
Date: 04-15-2003, 11:41 AM
Parent: #8
يلوح للعين من نورك نور
شعاع الشمس على البلور
جهرت عيونا كفاك يانور
قلوبنا رميتهم فى التنور
|
Post: #11
Title: Re: اجمل بيت غزل من الشعر السوداني عجبك
Author: Tumadir
Date: 04-15-2003, 11:50 AM
Parent: #10
الشجر اقلام جميع والنيل مداد
لوكتب اشواقى ليك ما عددا
|
Post: #12
Title: Re: اجمل بيت غزل من الشعر السوداني عجبك
Author: saifkeli
Date: 04-15-2003, 12:09 PM
Parent: #11
فرج يا صبا برائحة المحبوب
كما فرّج قميص يوسف على يعقوب
|
Post: #13
Title: Re: اجمل بيت غزل من الشعر السوداني عجبك
Author: Tariiq
Date: 04-15-2003, 12:12 PM
Parent: #11
Quote:
الشجر اقلام جميع والنيل مداد
لوكتب اشواقى ليك ما عددا |
الاخت تماضر
اول ما قريت عنوان هذا البوست خطر فى بالى هذا البيت ولكنك كالعادة كنتى السباقة ، وبهذه المناسبة فق قرأ احد الشيوخ السعوديين والذى لديه اهتمامات ادبية (عضو فى مجمع اللغة العربية) هذا البيت عند صديق يعمل معه فى شركته فاعجب به جدا وطلب القصيدة كاملة الامر الذى جعل صديقى يتجند بمجموعة من السودانيين للحصول على القصيدة وهى فى نظرى تعتبر من اروع درر الحقيبة.
الاخ ابوفاطمة
للمساهمة ما رايك فى قول الفيتورى
في حضرة من أهوى
عبثت بي الأشواق
حدقت بلا وجهٍ ورقصت بلا ساق
وزحمت براياتي وطبولي الآفاق
عشقي يفني عشقي
وفنائي استغراق
مملوكك لكني
سلطان العشاق
ولكم جميعا تحياتى
|
Post: #14
Title: Re: اجمل بيت غزل من الشعر السوداني عجبك
Author: الزومـــــــه
Date: 04-15-2003, 02:43 PM
Parent: #13
ما رأيك في الكلام ده يا ابو فاطنه
لو مني مستني الملام
يا سلام عليك يا سلام
دى الورده لو غاب الفراش ما اظن تلومو مع الندى
ما بتجرح احساسو الجميل
ما الريده يا حنين كده
منتهى الرومانسية لله دركم يا سودانيين
اتمنى من الاخ شيبا ينزل باقى اغنية الملام للاستاذ مصطفى سيد احمد
|
Post: #15
Title: Re: اجمل بيت غزل من الشعر السوداني عجبك
Author: BousH
Date: 04-15-2003, 02:44 PM
Parent: #13
عيون المها بين الرصافة والجسر *** جلبن بالهوى من حيث أدري ولا أدري
|
Post: #16
Title: Re: اجمل بيت غزل من الشعر السوداني عجبك
Author: BousH
Date: 04-15-2003, 02:51 PM
Parent: #15
معليش ... استعجلنا شوية
ودي السودانية
شعر المقبول سيد أحمد المقبول وغناء المرحوم مصطفى
ماكل القصيد .... اخترت مقطع منها
روح يا نسيم روح قابلا .... تلقاها نايمة وغافلة
داعب لخصلات شعرها .... وألثم ضفايرا مسدله
وأرفع كتيفا الهادلا ... وكلل خدودا وقبلا
وقول ليها من بعدك .... خلاص شفنا الفريق أصبح خلا
|
Post: #17
Title: Re: اجمل بيت غزل من الشعر السوداني عجبك
Author: ود عقاب
Date: 04-15-2003, 03:36 PM
Parent: #1
ياريتنى لو اقدر اقول فيك الكلام الما انكتب
واجلى المقاطع بالدهب
وافرد صباح حسنك وشاح يمسح عذاب عمرى الصطر باللهب
بريدكككككك
ابو فاطمه كمل الباقى عشان اتذكرتها
ودعقاب
|
Post: #18
Title: Re: اجمل بيت غزل من الشعر السوداني عجبك
Author: ابو فاطمه
Date: 04-15-2003, 04:38 PM
Parent: #1
الاخوان والاخوات
تماضر
قرشو
saifkeli
طارق
انا بقدر اقول حاجه في الفيتوري يا طارق عاد
الزومه
BousH
ودعقاب
الولا اشكركم من جوه قلبي على هذا الاثراء الرائع
واشكركم على مجهودكم البزلتوه عشان تكتبو هذه الابيات التي تعبر على مدا حس وشاعريه ورقة الشعر السوداني في التعامل مع الغزل
الله يديكم العافيه وانشاء الله نشوف من باقي الاخوه في المنبر ده المزيد
من أجلك إني استطعمت القول الحار
وبلعت الغصّه
وحملت كثيراً
وبنيت قصوراً
صليت شعائر مجداً غابر
فوق النار
لتظل كما ربيتك في متن الأسفار
حلماً يشفيني من ألم التكرار
|
Post: #19
Title: Re: اجمل بيت غزل من الشعر السوداني عجبك
Author: bamseka
Date: 04-15-2003, 05:01 PM
Parent: #1
عزايا فيك ... انو الخيال يجمعنى بيك اطلق سراح اشواق فى يوم بتحلم .. تحضن عينيك
|
Post: #20
Title: Re: اجمل بيت غزل من الشعر السوداني عجبك
Author: ودبري
Date: 04-15-2003, 05:36 PM
Parent: #1
بت ملوك النيل أحدى اللواتى جاد عليهن القدر بالخلق والأخلاق... فكانت آية التكميل ( ومراية الجمال الفيها كل جميل ) ومثلما أتت هذه الأغنية محتوية للنيل والأصالة السودانية فقد عاصرت نقيض ذلك من أخلاقيات دخيلة علينا ، فنسب آخرون صياغتها لأنفيهم والبعض أرجعها لأبائهم ومهما يكن فأنها بنت ملوك النيل ولا يمكن أن تكون يتيمة وحيدة وانما هى منظومة فى عقد ..)
يا بت ملوك النيل يا أخت البدور
مين لى علاك ينيل فى البدور والحضور
الجبرة فيك بتخيل محمية الحما
الما حام حداه دخيل
ما أبوكى بخيل بت عز الرجال
أهل الدروع والخيل
والهنا... والسرور
يا السامية ست الجيل طرفك من حياء
فى عصر السفور خجيل
حسنك وضع تسجيل فى صحف الدهور
يتلوه جيل عن جيل
لى يوم النشور
الهيفا يا الخنتيل حروف آيات محاسنك
أرتلن ترتيل
يعجبنى فيك تمثيل أخلاق الملاك
فى سطوة القتيل
الفارس الجسور
غضنك رطيب وعديل شعرك ليل
جبينك يخجل القنديل
النور عليكى سديل يا معنى الجمال
الما أتوجد له عديل
فى ناس ولا حور
فقتى الكانوا قبيل ما خدات فى الجمال
جائزة نوبيل
حيرتى كل نبيل عيناك سحرهن
يسحر سحر أبابيل
يخترق الصدور
يا صاحبة الأكليل ما أظن النهار
العين تدور له دليل
محياك نوره جليل كنت أقول شمس
لو ما الزمان كان ليل
أن عليك نور
لا زلت ليك أميل يا رمز السعادة
الما أتوجد له زميل
يا آية التكميل يا مراية الجمال
الفيكى كل جميل
ريحانة العصور
|
Post: #22
Title: Re: اجمل بيت غزل من الشعر السوداني عجبك
Author: اساسي
Date: 04-15-2003, 05:59 PM
Parent: #20
|
Post: #21
Title: Re: اجمل بيت غزل من الشعر السوداني عجبك
Author: انور عمر
Date: 04-15-2003, 05:49 PM
Parent: #1
السلام عليكم ورحمة الله وبركاته
قالوا لي بتهوي شافعه قلت ليهم لو بترضع
قالوا لي صباك ضايع قلت ليهم بيها بيرجع
وصوا ساكة توصوا شوف العين شن بيسوي لجايعنا قصدو يشبع
|
Post: #23
Title: Re: اجمل بيت غزل من الشعر السوداني عجبك
Author: ابو فاطمه
Date: 04-15-2003, 07:34 PM
Parent: #1
علي النجيلة جلسنا
طربنا وتأنسنا
عن الهوي تحادثنا
قضينا ليلة لذيذة
نراها برهه وجيزة
|
Post: #24
Title: Re: اجمل بيت غزل من الشعر السوداني عجبك
Author: ابو فاطمه
Date: 04-15-2003, 07:36 PM
Parent: #1
اينعت في الروضة زهرة
واكتست سحرا ونضرة
وبدت تزهو جمالا
فاح منه الطيب نشرا
فهي للنفس امان
وهي للالهام سحرا
|
Post: #41
Title: Re: اجمل بيت غزل من الشعر السوداني عجبك
Author: Ahlalawad
Date: 04-16-2003, 10:16 AM
Parent: #24
أبا فاطمة
سمعت والله أعلم أن هذه الكلمات هي رثاء - يرثي فيها الشاعر ابنته
لك التحية
|
Post: #25
Title: Re: اجمل بيت غزل من الشعر السوداني عجبك
Author: Abdalla Gaafar
Date: 04-15-2003, 07:37 PM
Parent: #1
ابو فاطمة
يازوق
سلام
انت السماء بدت لنا
واستعصمت بالبعد عنا
عبدالله جعفر
|
Post: #26
Title: Re: اجمل بيت غزل من الشعر السوداني عجبك
Author: ابو فاطمه
Date: 04-15-2003, 07:39 PM
Parent: #1
ابو جعفر يا ملك حبابك
ومرحب بيك في دوحة الغزل دي
ويا اخوان هاكم دي كمان
شايقاني فيك بسمة
سمحة ومليحة لون
عجباني فيك قامة
ساحراني فيك عيون
|
Post: #27
Title: Re: اجمل بيت غزل من الشعر السوداني عجبك
Author: karim
Date: 04-15-2003, 07:47 PM
Parent: #1
مـــا بــأ يــد ى
لــو بــأ يــد ى
كــنــت أ هــد يــك
عــيــو نـى و أ ســقــيــك
مـــن و ر يـــــــــــد ى
يــا هــنــا يــا و جــد يــد ى
يــو م أ شــو فـــك يــبــقــى
عــــــــيــد ى
|
Post: #28
Title: Re: اجمل بيت غزل من الشعر السوداني عجبك
Author: Abdalla Gaafar
Date: 04-15-2003, 07:47 PM
Parent: #1
السيوف الحاظك تشهرا
علي الفؤاد المن بدري انهري
تظلمني والايام قد تنصف الانسان
يشاهد المحبوب
عفوا
عيان وبيان
عويناتك ترع لولي وبحار ياقوت
|
Post: #29
Title: Re: اجمل بيت غزل من الشعر السوداني عجبك
Author: مهاجر
Date: 04-15-2003, 07:57 PM
Parent: #28
لك عزيزي
حاول يخفي نفسوا وهل يخفي القمر في سماهوا
ابدا وطبعا لا
شفناهوا شفناهوا
حاول يخفي نفسوا وغير اتجاهوا
سطع النور في بسموا وكل انسان راهووا
دا طبعا كان عمل جماعي
|
Post: #30
Title: Re: اجمل بيت غزل من الشعر السوداني عجبك
Author: ابو فاطمه
Date: 04-15-2003, 08:01 PM
Parent: #1
كانت ذراعاك
لرأسي مرقدا
عجبا اتنساها وتنسي المشهدا
|
Post: #31
Title: Re: اجمل بيت غزل من الشعر السوداني عجبك
Author: KOSTA
Date: 04-15-2003, 09:01 PM
Parent: #1
ابو فاطمة
كن كيف شاء لك الدلال
فاننى بك معجب
|
Post: #32
Title: Re: اجمل بيت غزل من الشعر السوداني عجبك
Author: KOSTA
Date: 04-15-2003, 09:04 PM
Parent: #1
عربدت بى هاجسات الشوق اذ طال النوى
و توالت ذكرياتى عاطرات بالهوى
|
Post: #33
Title: Re: اجمل بيت غزل من الشعر السوداني عجبك
Author: Mehaira
Date: 04-15-2003, 09:13 PM
Parent: #32
الغريبه الساعه جنبك تبدوا اقصر من دقيقه
والدقيقه وانت مافى مره وما بنقدر نطيقها
دي الدنيا بي قربك يفرهد كل طائر يحي فوقها
والجنه من بعدك يذبل كل مخضر فيها ناضر
غناء:الاستاذ محمد الامين
|
Post: #34
Title: Re: اجمل بيت غزل من الشعر السوداني عجبك
Author: DEEK_ALJIN
Date: 04-15-2003, 09:16 PM
Parent: #32
العفش داخل البص على مسؤلية صاحبه
ديك الجن
|
Post: #35
Title: Re: اجمل بيت غزل من الشعر السوداني عجبك
Author: DEEK_ALJIN
Date: 04-15-2003, 09:52 PM
Parent: #34
ضامر الحشا اب خصيرا زيرو *** خصامى معاهو اخير لى من محنة غيرو
******************
احبك وانسى فيك ذاتى
******************
الحقيقه التايهه بين قلبى وعيونك انى لا قادر افوتك لا اجيك
**********************
ويانى اكتر زول بريدك ويانى صفوة عاشقيك
**********************
المتعرج فى جسد الحله ده زقاق ولا وريدك ..... اريدك
************************
لا السكه بيك بتنتهى ... ولا معاك مليت طواف
***********************
ادفقى ماتبقى رقراق ابقى ياضل ياشموس غطى المساحات بالوضوح
************************
يا هذه البنت التى تمتد فى دنيايا سهلا وربوعا وبقاع
************************
ديك الجن
|
Post: #36
Title: Re: اجمل بيت غزل من الشعر السوداني عجبك
Author: ABUHUSSEIN
Date: 04-15-2003, 10:00 PM
Parent: #1
و الله لكن يا ديك الجن دي قلبت فيها هـوبه
كـمــســـاري دفـــار إنت و لا شــنـــو ؟؟؟؟؟؟؟
أنـا بـهـدي لـيـك الحــب حــب مـن فـــؤاد مـــجـــروح
حـــب الشـحــيــح للـمـــال حــب الـجــبــــان للـــــروح
|
Post: #37
Title: Re: اجمل بيت غزل من الشعر السوداني عجبك
Author: جدو
Date: 04-15-2003, 11:07 PM
Parent: #1
يشلع نور جبينك يضوي اخفيتي القمر في تمامو
شعرك لونو زاد في سوادو زي ما ليلي زاد في ضلامو
حاجبك نونو يحكي الهل شافوهو الخلايق صامو
ود عينك يجيد تهديفو شقيش ما جدع بسهامو
|
Post: #38
Title: Re: اجمل بيت غزل من الشعر السوداني عجبك
Author: elmahasy
Date: 04-16-2003, 00:48 AM
Parent: #1
حقيقة أنا معجب جداً بتشبث الشاعر في الأغنية
بوفاء حبيبته بالميعاد للدرجة الذي يجزم فيه
وبعد أن انتظرها كثيراً وعندما بدا يشك في مجيئها بقوله:
وأقول يمكن أنا الما جيت
|
Post: #39
Title: اجمل بيت غزل من الشعر السوداني
Author: Abd-Elrhman sorkati
Date: 04-16-2003, 09:03 AM
Parent: #1
الاخ ابو فاطمة لك التحيات وهاك دة
عن من احبه انا غير خاطري فرقت
هايج بي غرام عن حالي كلي سرقت
لو لا ادمعي بي ناري كنت حرقت
ولو لا ناري من كترت دموعي غرقت
|
Post: #40
Title: Re: اجمل بيت غزل من الشعر السوداني
Author: saifkeli
Date: 04-16-2003, 09:52 AM
Parent: #39
كم سهرت الليل شقاوة .. سرت ليك مشوار يفتر
كان بينفع ..ولا بشفع .. شوقي في دربك يخدر
كم غلطت وقلبي سامح .. تاني يوم ألقاك مقصّـر
والله مسكينة المحبة .. تمشي لى ناس ما بتقـــــدر
|
Post: #42
Title: Re: اجمل بيت غزل من الشعر السوداني عجبك
Author: Ahlalawad
Date: 04-16-2003, 10:20 AM
Parent: #1
غزل منته الصلاحية
فوقك عهود براءة وطه وياسين وهود
لي شلاخك وقفن شهود وأثمر فرعك جوز النهود
طيبك عبق وسنك براقا يسوي بق
ترنع تشبه مهر السبق
وفوق اردافا صديرا انطبق
تتجلي نار
قنديل وجهك يخفي الفنار
ساكنة فؤادي وما ليكي جار
سكني روحي معاك بالايجار
أبوصلاح
|
Post: #43
Title: Re: اجمل بيت غزل من الشعر السوداني عجبك
Author: ebrahim_ali
Date: 04-16-2003, 10:52 AM
Parent: #42
وهاك دي من الشعر الحلمنتيشي
لحمادة اللكلكندي
إلى من قلت فيها
أنا كنت قبلك فارس وللرجال بتحدى
ومن يوم ما عرفتك جافيت لحاف ومخدة
كل الشاف عيونك عقلو روح وعد
يكون ماشي الكلاكلة يركب بكاسي أمبدة
|
Post: #44
Title: Re: اجمل بيت غزل من الشعر السوداني عجبك
Author: nazar hussien
Date: 04-16-2003, 10:52 AM
Parent: #42
حاول يخفي نفسه
وهل يخفي القمر في سماه
ابدا وطبعا لا شفناه شفناه
حاول يخفي نفسه ....وغير اتجاه
سطع النور في افقه....وكل انسان رآه
خلنا البدر اشرق.... كامل في علاه
وخلنا الزهر فتح....من انفاس شذاه
جذاب حسنه رائع...لادن خلقه مايع
رقص البان مشيه...تحب تنظر وشيه
عيونك تختشيه
من قوة ضياهو
ومن شدة حياهو
ابدا وطبعا لا شفناه شفناه
القصيدة دي مليانة لا حدها يا ابو فاطنة
لما ابوصلاح كتب يتغزل فيها الا ان
عجز
قال
كل وصفا تراه اقل من مستواه
وفي جزء آخر
يتلقاك باسم كالزهر المنسق
في زمن المواسم
|
Post: #45
Title: Re: اجمل بيت غزل من الشعر السوداني عجبك
Author: Ahlalawad
Date: 04-16-2003, 10:58 AM
Parent: #44
الله عليك يا نزار
بالله عليك دا كلام بقولوه ناس عاديين
كل انسان تراه
اقل من مستواه
****
يتلقاك باسم
كالزهر المنسق
في زمن المواسم
|
Post: #46
Title: Re: اجمل بيت غزل من الشعر السوداني عجبك
Author: ابويوسف
Date: 04-16-2003, 11:10 AM
Parent: #45
الله يجازي محنك يا اهلي اهل العوض
اتاريك غرقان لي شوشتك
بالله عليك ادينا تاني من ماعونك المليان
لو وشوش صوت الريح في الباب يسبقنا الشوق قبل العينين
وياريتني لو اقدر اسافر في بريق لحظك وما ارجع
وزي وطننا وكت اشتاق برجع ليهوا من غير زاد
بدون عينيك بصبح زول بدون زكرى وبدون ميلاد
|
Post: #47
Title: Re: اجمل بيت غزل من الشعر السوداني عجبك
Author: ابو فاطمه
Date: 04-16-2003, 11:15 AM
Parent: #1
الاخوان الفوق ديل كلهم بدووون فرز
اشكركم من عميق قلبي وامد يدي لاصافحكم فرداً فرداً لما اثريتم به هذا البوست المتواضع لاخوكم الفقير ده
ونشوف الباقيين عندهم شنو
ولقدام
|
Post: #48
Title: Re: اجمل بيت غزل من الشعر السوداني عجبك
Author: Munir
Date: 04-16-2003, 01:35 PM
Parent: #47
بطراك والقميرا معاي تشاركني الهموم تسهر ــ
نعسان انت يا محبوبي ضوها في وشيك نور ــ
يا الناسينا ..ــــ
|
Post: #49
Title: Re: اجمل بيت غزل من الشعر السوداني عجبك
Author: brakat
Date: 04-16-2003, 05:52 PM
Parent: #1
أتفق مع الأخوان أساسي وعبد الله جعفر في اختيارهم لهذا البيت
أنت السماء..... بدت لناواستعصمت بالبعد عنا
وأضيف أيضاً
أقيس الفم بودعه وألقى الفرق شاسع
بركات
|
Post: #50
Title: Re: اجمل بيت غزل من الشعر السوداني عجبك
Author: Kabar
Date: 04-16-2003, 10:22 PM
Parent: #1
اللخو..ابو فاطمة ..حبـابك
مالك يا اخوي فاتح علينا باب البشكـات على مصراعيه؟
غايتو يا اخوي هسه العيال قاعدين والحكومة ماده قدومه..
المهم اعتمد لي أي حاجة قالها المبدع العتيق الجاغريو ..انشاء اللـه السلام عليكم ساكت..لمن اجيك صادي..كتر خيرك على هذا الفرح الأصيل
ودمت
كـبر
|
Post: #51
Title: Re: اجمل بيت غزل من الشعر السوداني عجبك
Author: Ahlalawad
Date: 04-17-2003, 10:38 AM
Parent: #1
أيها الرافل في مجد من الحسن دواما
ماست الأغصان لما عشقت منك القواما
تتحدى البان ميلا واعتدالا وانقساما
وتفوق البدر حسنا وضياءا ووساما
يا سقيم اللحظ يا من أورث القلب سقاما
|
Post: #52
Title: Re: اجمل بيت غزل من الشعر السوداني عجبك
Author: ابو فاطمه
Date: 04-17-2003, 02:34 PM
Parent: #1
اخواني الفوق
حبابكم وحباب مساهماتك
افتقدتك
افتقدتك يا صبا عمرى وشبابى
افتقدتك لما زاد الشوق عذابي
افتقدتك فى غيابى وفى اغترابي
وافتقدت الابتسامه
والعيون الساحره يوم يسحر كلامها
ويا حبية عمرى فى الدنيا وزحامها
اكتبي لي عن سنينك
وكل يوميه بتمر بتزيد حنينك
واكتبي لي عن مشاغلك
وقولي لي عن أي شي فى
الدنيا شاغلك
واي زول في الدنيا لو سألك عليا
قصدو يعرف ايه علاقتك انتِ بيا
قولى باكر ايوه راجع جاي ليّا
أبو أحمد
|
Post: #53
Title: Re: اجمل بيت غزل من الشعر السوداني عجبك
Author: ابو فاطمه
Date: 04-17-2003, 02:37 PM
Parent: #1
تسألنى عن حالى
تسألي عن حالي أنا حالي ما بسرك
حالي العلي يا جميل خليهو فى سرك
أضحك امام الناس وأداري دمعاتي
وأنا ببكي فى جواي بكتم معاناتي
الناس تشوفنى سعيد بتمنو بسماتى
يا ريتو لو عارفين همي وعذاباتي
وأنا في انتظار الشوق
راحت صباحاتي
شجن
|
Post: #56
Title: Re: اجمل بيت غزل من الشعر السوداني عجبك
Author: manubia
Date: 04-17-2003, 02:50 PM
Parent: #53
abu fatma ،كيف الحال،هذه ابيات علي ما اعتقد للحلنقي
يا حبيب ورد الاماني الحلوة في اعماقي فتح
و ابتدي القلب اللي عاشقك عمرو من آهاتو يفرح
والزمن ما اظنو بعدك يرجع تاني يجرح
|
Post: #54
Title: Re: اجمل بيت غزل من الشعر السوداني عجبك
Author: ابو فاطمه
Date: 04-17-2003, 02:43 PM
Parent: #1
غربة ومطر
الدنيا ليل غربه ومطر
وطرب حزين وجّع تقاسيم الوتر
شرب الزمن فرح السنين والباقي
هداهو السفر
يا روح غناى الغربه
ملت من شقايا وغربتى
وبقيت براى حاضن اساي
والوحشه ملت من سايا ووحدتي
لا غنوه لا موال يبدد حسرتي
غير الشجون يا ملهمه
الغربه مره ومؤلمه
قولو للنيل ضفه ضفه
والعشيات لما تصفى
والنسيمات البتاخذ من
عفاف ريدتنا عفه
انو شوقي يفيض بحر
شوقى شوق انسان مضيع
ضيعو الليل والسهر
لا ينابيع ريدى جفت
لا ولا اشواقى خفت
كل يوم فى غربة زايده وبيها
كل الدنيا عرفت
شجن
|
Post: #55
Title: Re: اجمل بيت غزل من الشعر السوداني عجبك
Author: ابو فاطمه
Date: 04-17-2003, 02:49 PM
Parent: #1
المزار
بعد ما عز المزار
الليل سهى وملت نجومو الانتظار
والشوق شرب حزن المواويل وانجر
خاطر النهار
وبقيت اعاين فى الوجوه
وأسأل عليك وسط الزحام قبال أتوه
يمكن الاقى البشبهك
مالليل براح والشوق تعالى بيندهك
شايلاهو وين النيل معاك
عصفوره جنحاتا النجوم
وأنا بى وراك
بسأل عليكى مدن مدن
واعصر سلافة الليل حزن
وأسأل عليك فى المنفي فى مرفا السفن
يمكن طيوفك أخريات الليل تمر
تملا البراحات للحزين طول العمر
ما نحنا بينا الامنيات والتضحيه
بينا المعزات والعذابات فى الحيا
بينا الهوى
اخلاص على قلب انكوى
وكلام قديم قلناهو آخر
الليل سوا
انو راح نتلاقى
لو طال النوى
لكن كلامنا الكان وكان
خايف يكون شالو الهوى
|
Post: #57
Title: Re: اجمل بيت غزل من الشعر السوداني عجبك
Author: ابو فاطمه
Date: 04-17-2003, 02:55 PM
Parent: #1
عينيك مدن
عينيك مدن منسية فى كتب التواريخ والزمن
عينيك وطن مشدود على وتر التباريح والشجن
ممدود على حروف الكتابة
مكدود عنا ومكتول صبابة
وفيه حط النيل سكن
عينيك سفر مكتوب اعيش فى غربتو
واعشق عذابو وحرقتو وليلو الطويل
واتخيلك يا حلوة زى نسمة سحر
جيتى ومعاك حلمى المطول
منتظر وعدو الجميل
عشقك زمان جواى رحل
وإتناه فى الأعماق أمل
ضمَّخ رؤاى إحساس نبيل
اذهل طيوف خاطرى القبيل
جاشت ملامح روعتو
ضج السكون فى وحشتو
والكان أمل فى عيونى لاح
ذوب مدارات فرحة الوهج النضير
والمزدهر بالإرتياح
فجأة انحصد قبضة رياح
وسكت الكلام يا حلوة فى القول المباح
وغاب الصباح بعدك رحل
والكان أمل فى غيم سماك
ايقنت إنو عدم بلاك
وإنك قدر
وإنو البيحلم بى علاك
بختار ظروف أحلاها مر
عينيك لو تصدق معاى الأمنية
عينيك لو أعرف ختام الاغنيه
بدء الكلام والمنتهى
والمستطاب والمشتهى
كل المباهج فى المواويل والغنى
والعاشقين قلبى وأنا
هزتنا فى عينيك تصاوير المنى
يا امنيات من كم سنة
يا اغنيات كل الأماسى المستحيلة وممكنة
يا المستحيل عينيك تهون
والمستحيل قلبِك يخون
ما الغدر ما طبع الوفا
والصدق ما شرط إنتفى
وانا حالى من بعدك كفى
وأنا حالى فى بعدك
كفاهو المغنى والحب والشجن
والوحشة والشوق للوطن
ما العمر قبلك ضاع سدىً
والعمر بعدك ايه يكون
لو يبقى بحساب الزمن
|
Post: #58
Title: Re: اجمل بيت غزل من الشعر السوداني عجبك
Author: ابو فاطمه
Date: 04-17-2003, 03:00 PM
Parent: #1
سطوة محاسنك
كان نفسى اقولك من زمان
بالكاتمو فى سرى
ومكَّتمْ فى حشاى.. مدسوس سنين
كان نفسى اقولك من زمان
بالشايلو فى عينى معزة
وفى القلب ريدا بخاف الغربة
والشوق والحنين
زاملنى زى خاطر الفرح
وكتين يقاسم الهم عزا
وكتين مدامعى تكون جزا
تفتح مباهج الليل ظنون
كان نفسى اقولك من زمان
سطوة محاسنك عندى ماكسرة جفون
وكت العيون تعبرنى زى خاطر المسا
سطوة محاسنِك ما الرخام الفى الحرير
وكت الثغير يفجعنى بى حرفاً قِسى
سطوة محاسنِك عندى وكتين كبريائِك
ينهزم لى طيبتى بى لفظة حنان
وكتين مشاعرِك تنسجم فى عمرى
تنفح قلبى بى رعشة أمان
سطوة محاسنك عندى وكتين شوقى
يصبح فى هواك
ليل عزة ما بتعرف هوان
كان نفسى اقولك من زمان
عينيك وحاتك غربتى وأهلى وبلادى
الفيها ضايع لي زمن
عينيك وحاتك شوقى لى زولاً ولوف
من بعدو ساب عينى سهن
وانا الكنت داير من زمان
أشرح حكايتى معاك الف
احكيك وازيد القول ولف
واتمنى لو قلبك عرف
كان من زمان
من قبل مافى قلبى يتحكر
زمان الحرقة فى جرح الأسى
من قبل ما حرف الحقيقة الحلوة يتبدل عسى
ويصبح أمانى كسيره فى خاطر الحنان
كان نفسى اقولك من زمان
|
Post: #59
Title: Re: اجمل بيت غزل من الشعر السوداني عجبك
Author: ابو فاطمه
Date: 04-17-2003, 03:17 PM
Parent: #1
عدا فات
عدى فات زمن العيون الالفه
والحضن الملاذ
ورهافة الحس البِلوّنْ
ضحكة الناس العزاز
بعد الحنان الكان زمان
استوطن المطر الحراز
روّح زمانى وفى رجاك
عانيت قساوة الانتظار
فى ضل شبابيك السفر
صادقت ليلات الموانى
الساكنة فى بحر الأماسى بتنتظر
لو يوم طيوف لحظك تفوت
تعبر خيالاتك تمر
قلق المواعيد الضجر
سهر العيون الاحتراز
واتعزز النوم الخزاز
واتمدد الشقى فى العمر
مليت تباريح الجراحات
البقت بعدك اسى
وزمنا قسى وحالا اسيف
ومشيت افتش عن خطاويك القبيل
واضارى من زمنا وراك ملانى خوف
احتجت ارتاح فى عيون
فيهن ملامحك ذاتا من غير اى زيف
واشتقت لى ضحكة صباحك
والدعاش عطَّر رزاز مطر الخريف
وانا وانت والدنيا الامان
والناس وفا
وخوة صفا
ودفء المشاعر الشاتيه صيف
انا وانت والدنيا الامان
زمن الغناوى الطالعة من قلبا رِضى
وحسا ندى وزوقا رهيف
انا وانت والدنيا الامان
ما العمر شتان بين اوان زمنا حييتو
وعمر ما بتقدر بتعرف
بكرة يصبح حالو كيف
عدى فات
ود أحمد
|
Post: #60
Title: Re: اجمل بيت غزل من الشعر السوداني عجبك
Author: ابو فاطمه
Date: 04-17-2003, 03:20 PM
Parent: #1
الحزن النبيل
وبقيت اغنى عليك
غناوى الحسرة والاسف الطويل
وعشان اجيب ليك الفرح
رضيان مشيت للمستحيل
ومعاك فى آخر المدى
فُتينى يا هجعة مواعيدى القبيل
بعتينى لى حضن الاسى
وسبتينى لى للحزن النبيل
ومشيت معاك كل الخطاوى الممكنة
وبقدر عليها وبعرفها
اوفيت وما قصرت فى حقك
ولا كان عرفة غيرك اصادفها
وقدر هواك يجيبنى ليك
جّمع قلوبنا وولفها
وكتين بقيتى معاى فى اعماقى
فى اعماق مشاعرى المرهفة
لا منك ابتدت الظروف
لا بيك انتهت الامانى المترفة
ندمان انا
ابدا وحاتك
عمرى ما شلت الندم
ما اصلو حال الدنيا
تسرق منية فى لحظة عشم
وانا عندى ليك كان الفرح
رغم احتمالى اساك
يا جرح الالم
كان خوفى منك
جاى من لهفة خطاك
على المواعيد الوهم
اهو نحن فى الآخر سوا
باعنا الهوى
ماشين على سكة عدم
وبقيت اغنى عليك
غناوى الحسرة والاسف الطويل
|
Post: #61
Title: Re: اجمل بيت غزل من الشعر السوداني عجبك
Author: ابو فاطمه
Date: 04-17-2003, 03:31 PM
Parent: #1
الزمان
كتبت ليك
لا بينى بينك ريده.. لا قصة غرام
إخترت ليك أجمل حروف
وأصدق فواصل نادرة فى لغة الكلام
لا قصدى ألهو معاك بى كلمات غنا
لا شعرى ليك مرجيحة من شعر الغمام
وكتبت ليك
والله يا قمر الزمان
شان جيتى بى زمن المحنه
وشفت فى عينيك حس أهلى القدام
وكتبت ليك
وأنا جاى من زمن الشقا
المرسوم على وش الثوانى مظلله
تمدد الساعات سنين
تتفتح الاحزان غريبة ومذهله
واشتاق افتش نسمه فى الزمن العذاب
وايامى من كتر الأسى
وكتر العزوف والاغتراب
صبحت حروف مترهله
لا فيها نبضة روح تموت
لا فيها سكة زول يفوت
لحظات أسيفه ومُهْمَلَه
وكتبت ليك
ووقفت ليك لا من لقيتك
جايا من قلب الطريق
ولمحت فيك راحة المشاوير البعيده
ولفحة النسمه الحنينه
الجايا من جوف المضيق
حسيت عجائب الدنيا إتلمت
بقت جايانى من عصراً سحيق
عينيك حس أطفال بنادو القمرة
للغائب يعود
وجبينك الضواى
حُجا الحبوبه
فى الزمن السعيد
وأنا فى قساوة الموحش
الزمن المكهرب بالحريق
أنا حيلتى إيه
قولى لى يا قمر الزمان
غير إتكى وأحلم معاك
وأحضن أماسى الصحوه
والأمل البريق
ود على
|
Post: #62
Title: Re: اجمل بيت غزل من الشعر السوداني عجبك
Author: ابو فاطمه
Date: 04-17-2003, 03:58 PM
Parent: #1
تَعَب حُرُوفها
ضِحكت عيونها
كلام أكيد قالوه غيرى
ودايِر اقول ابيات جديده.
وشان أطوّع للحروف
العارفها مرات عنيده
ساهرت زى قطرة مَطَر
فىجناح سحابة.
وقلت يا أقدر أقول أوصافى فيها
او أصوم من الكتابة.
حاولت أرسُم ضَحْحَتَها
كل ما أحَنِّس فى الحروف
ألأقاها تابى
حاولت تانِى
بديت أعيد رسم الحروف
إصرارى!؟..لا لا
ريدى ليها الطاغى جابها
وفرحت لاَ مِن دمعة رَقَشَت
وخُفتَ تنزل
وللخطوط تَمسَح تَبَدل
وَقَفتَ حيلى بعيد مشيت
قَبَّلتَ تانى رجعت جيت.
زِدت الخطوط عايَنْت فيَها
لقيت نجم شَعّ وْحَضَن
وردة بَنَفسج جوّه غابة.
وكلمة احبك فى الفروع
مكتوبة بى صدق الغلابة.
وكوخ مَحَكّر فى القمر
قلبى البِرِيد لى بابه شابا
وفكرت تلت الليل أفسّر
وين جمال ضحكة عيونها
وين؟وين؟ وهل..؟
وهل أحرف كلامى الفيها دونها؟
وحاولت تانى
ومن جديد سِخَت الحروف
زدت الخطوط اكتر كمان
بَسَمت عيون السمحه من وسط السطور
وشوَيّه من الدايروبان.
وبديت أزيد... ومرات اعدِّل
ولما ألقىَ وَصِف جديد
أفرح واقيف فى الساحه أقدِل
وفى النهاية لقيت عيونها.
والبَرِيق الزى شموس حَاضِن سنونها.
والخدود والجيد... وخصلاتها
البِزِيد غزل النسايم فى جِنونها
كلهن ضاحكين بتَاوقوا من القصيدة
إلإ آه أنا من حروفى الفيها عاجزة
كل الكتبتُه محال يكون أبيات جديدة
محال يكون أبيات جديدة
|
Post: #63
Title: Re: اجمل بيت غزل من الشعر السوداني عجبك
Author: tariq
Date: 04-17-2003, 04:02 PM
Parent: #1
ابوفاطمة مالك قلبت البوست بقى اجمل قصيدة و لا شنو؟
اعملوا حسابكم من المعلقات
|
Post: #64
Title: Re: اجمل بيت غزل من الشعر السوداني عجبك
Author: sari_alail
Date: 04-17-2003, 04:09 PM
Parent: #1
بنحب من بلدنا ما برة البلد سودانية تهوى عاشق ودبلد
غناء محمد وردي
العيد الجاب الناس لينا ماجابك ......يعني نسيتنا خلاص ..مع أنك أنت الخليتنا
غناء ودالامين
|
Post: #65
Title: Re: اجمل بيت غزل من الشعر السوداني عجبك
Author: ابو فاطمه
Date: 04-17-2003, 04:13 PM
Parent: #1
تَعَب حُرُوفها
ضِحكت عيونها
كلام أكيد قالوه غيرى
ودايِر اقول ابيات جديده.
وشان أطوّع للحروف
العارفها مرات عنيده
ساهرت زى قطرة مَطَر
فىجناح سحابة.
وقلت يا أقدر أقول أوصافى فيها
او أصوم من الكتابة.
حاولت أرسُم ضَحْحَتَها
كل ما أحَنِّس فى الحروف
ألأقاها تابى
حاولت تانِى
بديت أعيد رسم الحروف
إصرارى!؟..لا لا
ريدى ليها الطاغى جابها
وفرحت لاَ مِن دمعة رَقَشَت
وخُفتَ تنزل
وللخطوط تَمسَح تَبَدل
وَقَفتَ حيلى بعيد مشيت
قَبَّلتَ تانى رجعت جيت.
زِدت الخطوط عايَنْت فيَها
لقيت نجم شَعّ وْحَضَن
وردة بَنَفسج جوّه غابة.
وكلمة احبك فى الفروع
مكتوبة بى صدق الغلابة.
وكوخ مَحَكّر فى القمر
قلبى البِرِيد لى بابه شابا
وفكرت تلت الليل أفسّر
وين جمال ضحكة عيونها
وين؟وين؟ وهل..؟
وهل أحرف كلامى الفيها دونها؟
وحاولت تانى
ومن جديد سِخَت الحروف
زدت الخطوط اكتر كمان
بَسَمت عيون السمحه من وسط السطور
وشوَيّه من الدايروبان.
وبديت أزيد... ومرات اعدِّل
ولما ألقىَ وَصِف جديد
أفرح واقيف فى الساحه أقدِل
وفى النهاية لقيت عيونها.
والبَرِيق الزى شموس حَاضِن سنونها.
والخدود والجيد... وخصلاتها
البِزِيد غزل النسايم فى جِنونها
كلهن ضاحكين بتَاوقوا من القصيدة
إلإ آه أنا من حروفى الفيها عاجزة
كل الكتبتُه محال يكون أبيات جديدة
محال يكون أبيات جديدة
|
Post: #66
Title: Re: اجمل بيت غزل من الشعر السوداني عجبك
Author: ابو فاطمه
Date: 04-17-2003, 04:22 PM
Parent: #1
وِكتين تَجِى
وكِتين تجى
يَرقُص ويميل بابنا الكبير تحت الشمس
النِيّم يَفُوح يِصبِح وَرِد
والبيت يِنُور جيرو ويهش
تُمتُم خُطاك شَدَه العَتَب
وسوى العَجَب
خَلّى الجريد فوق السَّقِف
خَدّر وطال كَسّا العرش
وخلّى النّجم لينا أنبرش
وحَرَن القمر
اقسم يمين ما يغيب ويِمِ
وكتيت تجى
القاكى دَارِع فوقى شال
مشغول بجدلت الحرير
والعِمّه كيف
والمكوه سيف
وقليبى ليك عند السلام
القاهو بس داير يطير
واكرم مَجِيك
أسقِيك قصايدى الفيك عصير
واجلِد دلاليك الفرح
من الصباح لاَ عِن نسيمات العصير
وكتين تجى
شُبَاكنا يفرد ضلفتين
وحبوبه لى خالق الجمال
تتوضا تركع ركعتين
ودنيتنا تصبح دنيتين
وصغارنا ليك طابور شَرَف
تعظيم سلام ويمين شمال..وشمال يمين
والعيد يصل قبُل الميعاد
والخير يزيد...ويملا الايدين
|
Post: #67
Title: Re: اجمل بيت غزل من الشعر السوداني عجبك
Author: ابو فاطمه
Date: 04-17-2003, 04:26 PM
Parent: #1
كلام للحلوه
لما شُفتِك
ليلِى ضَّو وبَقَّ نور
ونرجس الجنه المفرهد
رفّ بى جِنحَات عطور
وغنَّى فارسِك
خَتَّ صورتِك فى الإطار
فى الليالى نَجِم يِلالى
ونسمه فى وهج النهار
وقال فى وَصفِك لما بنتى
أحلى مِنِّك . برضُه إنتِى
وما فى غيرِك زول معانا
حتى كان يا سمحه غِبتى
ومَرّه جَالَن الف خَاطِر
بى عيون عقلى المسَاهر
فجأه عينيكِ الحبيبه
!قالو سارح وين مِسَافِر؟
عِشتَ قولِن شيل وصَفقَه
وقُلت بس يا ريتنى القى
همسه فى حُلم الأميره
أو سَبَايب فى الضفيرة
أو عِقيد فى تِبرِ جيدها
أو قليب فى راحة ايدها
يا زمان أسمعنى واكتب:
البَرِيدها وريدها سِيدى
وريدِى سِيدَها
الزمان لوحتى بالغ
ما أظِن فى زول يعيدها.
يا حَلاتِك
مره همسه .. ومره نَسمَهومره هَلّت نَجْمه غابت
ومره صَحْوَة غمزه نامت
ومره ضحكه تَرَضِّى شوقنا
ومره كلمه تضِّوى فوقنا
ولمّا نسرح فيكِ قَادلَه
زى ملايكه علينا نازله
بَس نغنى:
يا حلاتكُم يا أهَلنَا
يا مصابيحنا ونجومنا
الضّاويَه فى واحات زَمَنَّا
|
Post: #68
Title: Re: اجمل بيت غزل من الشعر السوداني عجبك
Author: ابو فاطمه
Date: 04-17-2003, 06:41 PM
Parent: #1
ريتنى لو أقدر أقول
فيكِ الكلام الما انْكتب
واجلى المقاطع بالدهب
وافرد صباح حُسنِك وشاح
يمسح عذاب عمرى المسطرّ باللهب
|
Post: #69
Title: Re: اجمل بيت غزل من الشعر السوداني عجبك
Author: sari_alail
Date: 04-17-2003, 09:04 PM
Parent: #1
تلقى الحبيبة بتشتغل منديل حرير لحبيب بعيد .,,,,,,أقيف لديها و أبوس يديها
كلمات :صلاح أحمد أبراهيم
|
Post: #70
Title: Re: اجمل بيت غزل من الشعر السوداني عجبك
Author: ودرملية
Date: 04-18-2003, 01:25 AM
Parent: #69
سلامات
ياابوفاطمة هاك بيت الشعر دا لكن ماتسالني الشاعر منو لاني ماعارفوا حقيقة
كفايا علي اقابل زول بيعرف زول سمع من زول يكون شافك
|
Post: #71
Title: Re: اجمل بيت غزل من الشعر السوداني عجبك
Author: ايهاب
Date: 04-20-2003, 04:53 PM
Parent: #70
الحبيب و د رمليه
والله الكلام القلتو دا
عجيــــــــــب
عجيـــــــــــــب
عجيـــــــــــــــــــــــب
والله ما اعتقد بعد دا في كلام
|
Post: #75
Title: Re: اجمل بيت غزل من الشعر السوداني عجبك
Author: korti
Date: 04-21-2003, 11:49 AM
Parent: #69
الغـــربة مـــا غربة اهل ...الغربة مــا بعد المســـافة
الا بــس غربة عيونك ......... يـــاهــا دي الغربة البـخـافــا
|
Post: #77
Title: Re: اجمل بيت غزل من الشعر السوداني عجبك
Author: fidyas
Date: 04-23-2003, 04:57 PM
Parent: #69
ابو يوسف سبقني على
لو وشوش صوت الريح في الباب يسبقنا الشوق قبل العينين
وبعدين
الغريب الساعه جنبك تبدو اقصر من دقيقه
والدقيقه وانت ما في مره ما بنقدر نطيقا
|
Post: #73
Title: Re: اجمل بيت غزل من الشعر السوداني عجبك
Author: ELTOM
Date: 04-21-2003, 04:55 AM
Parent: #1
هاك المقاطع دي يا ابو فاطمة
ووحياتك بشم ريحة الجروف مغسولة بلهب القناديل
وبشوف برقا يغازل ومضو سرا في عويناتك
وبشوف شفع يأشروا للقميرة التايهه دورين بالمناديل
ويلعبوا فوق تلال خديك ومرجيحة ضفيراتك
بسيماتك........شعر المرحوم الصديق على عبد القيوم
التوم
|
Post: #74
Title: Re: اجمل بيت غزل من الشعر السوداني عجبك
Author: ابو فاطمه
Date: 04-21-2003, 07:46 AM
Parent: #1
واله يا اخوان اخجلتونا باشعاركم الجميله دي
واشكركم عليها شديد
ولي قدام
|
Post: #76
Title: Re: اجمل بيت غزل من الشعر السوداني عجبك
Author: ابو فاطمه
Date: 04-23-2003, 04:28 PM
Parent: #1
بناديها
وبعْزِم كُلّ زول يرتاح
على ضحكَة عيون فيهَا
|
Post: #78
Title: Re: اجمل بيت غزل من الشعر السوداني عجبك
Author: Mayada
Date: 04-23-2003, 11:41 PM
Parent: #1
يااااا قائد الاسطول تخضع لك الفرسان
يا ذو الفقار (الفخار) والطور ارحم بني الانسان
|
Post: #79
Title: اجمل بيت شعر سودانى
Author: ALMURADABI
Date: 04-24-2003, 08:29 AM
Parent: #1
يسرنى المشاركة ببيت شعر للاستاذ المرحوم ادريس جماع
انت السماء بدت لنا استعصمت بالبعدعنا
هلا رحمتى متيما عصفت به الاشواق وهنا
|
Post: #80
Title: Re: اجمل بيت غزل من الشعر السوداني عجبك
Author: ابو فاطمه
Date: 04-24-2003, 11:34 AM
Parent: #1
الاخوان
مياده
و
ALMURADABI
شكراً على المشاركه
ولي قدام
|
|