الاستاذ محمد كبر

افتقد مشاركاتك الجميله وتحليلك القيم ونقدك البناء بتشديد النون وروحك الطيبه اين انت يا اخي ؟؟بالله عليك عد لنا فساحتك شاغره.

الأخ الرائع محمد النور كبر يتمتع بأسلوب سهل جميل جذاب متفرد لا يكاد يشبهه فيه أحد، يمكن أن يوصف بأنه السهل الممتنع، فيه تظهر عباراته أنيقة مشرقة، فيها جمال ويُسْر، وقد مكّنه هذا من أن يعرض القضايا والأفكار بأسلوب يطرَب له المثقف، ويرتاح له العامي، ويفهمه من نال أيسر قسط من التعليم. فهلا ظهرت وبنت أخي كبر لتسهم في إثراء هذا المنتدى المتعطش لأمثالك.

والله صدقت يا الملاعمر في كل ما قلت عن كتابات محمد النور كبر وانا احد العوام الذين يعشقون كتابته حد الثماله وبالخصوص ذاك التواضع الجم والموده التي يخاطب بهاكل من دني منه.

ما زلت اتعشم عودة كتاباتك الرائعه وساظل انتظر
مع عاطر التحايا

وانا أفتقد هذا القلم الأنيق أيضاً

الخالة العزيزة دوما

والله أنا أفتقدكي أنتي
كيف لا ومعرفتك كنت على رأس ما قدمته لي الإنترنت بكل زخمها

وأفتقد أيضا هذا المبدع محمد كبر

وله التحايا من صديقه عبدالرحمن بليا

نفتقده ....ونفتقدك انت ايضا...اخي ود شاموق....اين واحاتك...الجميله....

ابنوستنا الجميله
دايما بخاطري .الله ينعل مشاغل الدنيا والظروف البتحجبني منك يااصيله.
تحياتي لنادوس والصغار
خالتك دومه

التحيه لك يا دوما ..وفيك الخير .. واضم صوتى لى صوتك واناشد اخونا العزيز كبر .. اتمنى ان تكون بالف خير ..وحقيقة افتقدناك . وافتقدنا ابداعك ونقدك وتحليلك كما ذكر الاخ دوما ..نتمنى عودتك لنا سريعا ونتمنى لك دوام الصحه والعافيه..والتحيه والتقدير لصاحب الفضل فى هذا البوست الاخ الكريم دوما
تسلموااااا جميعا

المبدعة سوما

التحايا لكي

عزيزتي الحاجة دوما إمرأة من زمن جميل، داخرنه لينا وإن كنا فتناه دون أن نعيره إلتفاتا
أعلم تماما لماذا أجد فيها دائما
السرة بت عوض الكريم
ذلك الرمز الشامخ في نص شاعرنا حميد
وخاصة في هذه الأبيات

السرة بت عوض الكريم
ما فيها من عادة الحريم ..
غير السماحة
القدمت قدم الضهب
حافضنو في حقاً قديم
في أقصي كيم
ما فيها من طبع الرجال ..
غير الأيادي الخشنة
زي قولة النصيحة
وقت يكدب في الصميم
ساعة يكون الحكم ضيم
تسعين سنة ..
ويا السرة بت عوض الكريم
بصرك بصير ..
سمعك سميع
.. نضمك نضيم
بالك محلو صبي وسليم
تسعين سنة
.. عودك أمداً ما انحنى ..
شامخ بلا البان القديم
تسعين سنة ..
ومن فتنتك ..
استغفر الله العظيم

وبالمناسبة هي ما قدر التسعين سنة

تحياتي خالتي سمحة
وتحياتي سوما

ابنوسه ..يا رائعه روعة كلامتك ..وطيبه طيبة السره بت عوض الكريم ..وجميله جمال كلام حميد ..واصيله اصالة نخيل وتراب البلد .. جد برتاح يا ابنوسه لى كلامك ..وعاطر تحياتى ليك يا حنينه على تصحيحك لى ..سبحان الله كان عندى احساس انه دوما هى منى وانا منها .ما عارفه ليه ..وكنت حذره وهذا طبعى لما اتناول اول موضوع مع اى مشارك ..بكون حذره فى مخاطبته ..لما اشك فى انه هل رجل ام امرأة .. اللهم الا يكون اسمه واضحا .. حبابك يا ابنوسه وجباااااااااب السره وحباااااااااب دوما ولكى العتبى حتى ترضى يا دومه
وتسلمن يا بنات بلدى الاصيلات
ولكن هذه الابيات من بنت البلد
اتمنى ان تنال اعجابكن..

بت بلدى***
يا نوارة الشدرة الطارحه البكره ...
يا مرسومه بقندول عيش ...
ورزازة مطره ...
يا شموخ النخله وطعم الثمره ...
يا بت بلدى ...
*****
روعة بسمة ولون السمره ...
جمال تاجوج يا اصل الفكره ...
لوزة قطنة وريحة زهرة ...
نيلك طرحه وضلك سدره ...
قوامك بانا وشك قمره ...
عيونك ضفه .. سر النظره ...
قليب اطفال بساطه وفطرة ...
شايله دلالك من الخضره ...
يقالد ديسك نخيل التمره ...
يا بت بلدى ...
*******
رنة صوتك سحر النبره ...
خصالك سمحه
وسيرتك عطره ..
كريمه فى دارك .
بشوشه وديعه..
وخاتيه البطره ...
سبحان الخالق رب القدره .....
ودعتك الله وابقى عشره ....


اسماء الجنيد
مسقط

الأصـفياء حـد الوهـج واختلاج الحرف الـمترع حلما ووفاء..
المحبة الصفيةوالانسانة دومـا
الراجح ..العزيز مولاي واستاذي الملا عمر
النضر/الوعد علاء
الوفية ابنـوسة
المـتوهجة الكلام والسلام..سومـا
لكم كل ما تقدر نبضات الدم من شيلو من محبة..وعبرتين سقن معاني الود..وشالن ترحاب الشموس وردتين مودة..انتم في البال..والبيت الكبير..
و سوف تستغربوا لو قلت ليكم انكم جزء من الحكي اليومي الذي احاول ان اواجه بيهو رعب الدنيا كلو..وطبعا حاسي انو العالم اتغبى فيني العرفة ورماني في بحر الكوابيس..
وهكذا،
حكيت لصديقاتي المبعثرات في وش الدنيا عن الانسانة دوما..وتقاطعاتها الحميمة مع نص "بتذكرك وبدور ..."
ثم حوارتي مع ابكر آدم عن قوة وجمال اطروحات استاذنا الملا عمر..وغلاطنا اليومي..اقول لأبكر انت عارف الزول وداسي مني..ويرجع هو يقول تلقاهو واحد من اصحابك..ونعود نتفق على ان اجمل ما في المنبر هو انه وهبنا معرفة احباب وحبيبات..لو قعدنا العمر كل ما ح نلم فيهم..
وهكذا،
تكون اجتهادات ابنوسة محطة نرتاح عليها..ويحصل التأمين على قدرتها اللمحاحة في تسخين البورد بمختارات يقظة ومعبرة..
وهكذا،
مكالمة من ابكر ادم لينبهني بكشفه الجديد عن عوالم علاء شاموق الساحرة..و يصاب بالاحباط حينما يكتشف اني قد قرأت النص والنصوص الاخرى..فيفاجئني بتحليل رصين لعمل من اعمال علاء..فأفرح انا فرحا اكبر من فرح علاء..وذلك لاحساسي بضرورة حماية شبابنا المبدع من الانزواء في ظل التجاهل النقدي..
وهكذا،
اخابر صديقي محجوب في مسقط..و ينسى ان يحكي لي عن كابوس الحرب..ليعتذر لي عن عدم تمكنه من الحصول على احد دواوين اسماء..و يصاب بالغصة على عدم مشاركته في المنبر الحر..
هل هي من جماليات الصدف ان تمنحك الدنيا هذا المتكأ..
نعم.. يا دوما الانسانة..انت حاضرة في اخر حوار مع صديقتي مشاعر في هولندا..كان بالامس..وكذا الملا عمر
عزيزنا الملا عمر..كل عام وانت بخير..ولك هذه المفاجئةالصغيرة قريبا ستقرأني في عمل روائي!!!
ثم انا وابكر ادم اولاد ربق..من مدينة الدلنج..اولاد دفعة في جامعة الخرطوم..مع اختلاف في التخصص..والان في مواقع قريبة من بعض..هل هذه افادة مفرحة؟
شكرا دوما..و سوف اعود قريبا..بس براكي عارف امتحان الانسان لاخيه الانسان فيه امتهان ..لكن الله غالب..
ودمتم
كبر

الاخ الصديق والانسان الشفيف . والمبدع الكثيف كبر.. حقيقة يا كبر كل مره بتكبر فى نظرى الف مره ..انك حقا مدهش ..بعباراتك وكلاماتك البسيطه وغنيه فى كل معانيها .. كلامتك تنفذ لقلوبنا بدون استئذان .. الف مرحب بى عودتك لنا ايها المبدع..وفى اشد الشوق واللهفه للروايه التى تحدثت عنها.. بالنسبه للديوان حقيقة الى الان لم اطبع ديوان ..ولكن بصدد طبع اول ديوان فى سى دى قريبا باذن الله ..وسوف تصلك نسختك بمجرد صدور السى دى ..وحقا اننى سعيده لكى يهتم بكتاباتى المتواضعه من هم فى مثل فكرك وادبك ورقى فهمك ..التحيه لك بلا حدود يا بحر
تسلمواااااا جميعا

شكرا لعودتك يافنان

حضوركم يسعدني جدا يامن تحتلون مساحات الوعي واللاوعي . لكم حبي. شكرا للطله الدافئه يا كبر عندي احساس اني سالتقيك بعد اشهر قليله . شكرا يا سومه القصيده جميله جدا. اهلا بيك بت قضيم كل ما اشوفك اتذكر اغنيه يا ضنين الوعد بس عليك الله ما تسالني لماذا انا نفسي ما عارفه الاجابه

العزيزة دوما
تفتكري يكون للفستان الأحمر علاقة بأمر الغنية ؟؟؟
مع اني كل ما اشوف الصورة اتذكر
الركشة دي الركشة دي الركشة سايق السايق الركشة
معليش لثقافتنا الغنائية المتدنية
حقو قوام تطردوني من هنا

بالله باقي كلمات الأغنية شنو يا دوما مشكورة

ابدا يا بت قضيم يا بتي حمار الفستان ما عنده علاقه بالاغنيه لكين ما زمان قلت ليك بتذكريني بالمتفرده, عليك الله لو عندك شريط للكابلي اسمعي ضنين الوعد انا ما بعرف غير السايق العظمه سافر

يا دومه يا دفعة الأنضروبل... البنية بت قضيم أكيد ما اتولدت لمن أغنية سايق العظمة دي ظهرت في السوق في زمنكم

طبعا ضنين الوعد ظهرت لمن انت نزلت المعاش.... هههههههههههه

لك المودة

لوووووووول يا دفعه لكين عليك الله ما اخير العظمه من ركشتهم دي يا الماشي لي باريس
جيب لي معاك عريس
لازم يكون لبيس
من هيئه التدريس
وسافر خلاني ليه

بلاك


فارقني


طهر


الحضرة


والتجلي ..


وصلوات


حزني


بترجع


مرفوضة..


وفيك


سري


..فيني


مـنك


صدق


الكلام


والانفعال.................

الأحـباب،
بت قضـيم
ولد أبا..كونتانا ون
الجميل رانـي
كتر خيركم..البي يفتقدك صحيح عزاك..وليكم كل المودة
الصفية الانسانة ..دومــا
حتما سنلتقى والـله يصدق الفي الخاطر
و كتر خيرك على السؤال
والـله يلاقينا في ساعة فرح
ودمتم
كبر

تحية طيبة للجميع

أخي كانتونا واحد
يسعدني حسن ظنك فياوببالغ الأسى ،، يؤسفني ان ازف لك خبر إمكانية الخذلان

يا اخواني انا ما صغيرة قدر ده
وقد
اكون سقت العظمة لاااااااااامن وصلتها المحطة

الحبيبة دوما
ضنين الوعد ضنين الوعد اوكي،،، المهم ما بتجينا صحي؟؟

سلامكم جميعا

الرائعه بت قضيم اقول ليك شنو بخصوص سؤالك
وعزه نفسي مابيه علي
ارجع ليك من تاني

الاستاذ كبر قامة
ويعرف كيف يخلينا نسرح في رشاد وابو جبيهة وتلودي بعد كتاباته
حتى ولو كانت غير ذات علاقة



دومة الحقي
عدلي الهناي
قبل ما الشغلانة تبوظ

يا دكين وحاة غنمايتي اللبينتها بتعشيني
انت مانصيح الله يجيبوا ليك سالم!!! اتنين شنو وثلاثه منو؟؟