أرضية ولا َوش جديد

انا اكثر من ينظر الي الوجوه ولي تصنيفاتي الخاصة لها هناك الوجه الجميل المنمق وهناك الوجة الباسم وهناك الوجه العبوس وهناك الوجه المكتئب لا اهتم كثيرا للوجه المنمق اكثر ما يفرحني هو الوجه المبتسم فكلما كبرت الابتسامة وزادت كلما فرحت بالرزق القادم نحوي اما حبي للوجه العبوس فهو من نوع خاص فهو حب مشوب بالضيق من جانبي يزداد حبي له كلما قلت الوجوه الباسمة اما الوجه المكتئب فهو ياتي في المرحلة قبل الاخيرة التي يتربع عليها الوجه المنمق فالوجه المكتئب تكون قد عركته المساحات وكل ومل من كل ما يقابله وغالبا ما يكون زائري مرارا وتكرارًا اماالوجه المنمق الذي ينتقل مباشرة من اخر القائمة الي اولها في اول ابتسامة له وهي الغاية التي التي لا اكل من الدعاء فيها ان يجعل هذا الوجه المنمق مبتسما في اسرع فرصة لاتمكن منه
مع تحيات الاسكافي
( الُنُقلتِي)

شكلك يا اساسي كنت شمس كيير
مقال ادبي ومعبر لدرجة كبيرة
ليت الجميع يفهم ما تعنيه

الاخ اساسى
سلام
الابتسامة فى كل احوالها خير،ولو كانت على وجه كندرة(يعنى جزمة با لخليجى)او كانت على وجه مؤمن
(وتبسمك فى وجه اخيك صدقة) كما قال المصطفى عليه افضل الصلاة والسلام
قلبى للدنيا ابتسم
ابتسم تبتسم لك الدنيا
دة كلام شعراء!!!
الله يباركك يا ولدى طيرت منى زعلة وخليتنى
screen ابتسم للسكرين
تحياتى

العزيز اساسى

طبعا جيت مكان ما نحب ننق يا سيدى
وصابحنى دائما مبتسم

تعرف حكاية الواحد يركب وش دى حسب الظروف والاحوال يعنى لما يلاقيك سيد الدين يبقى حايركب ليك وش وانت تضطر تبتسم غصبا عنك لانه لا يصح ان تواجه العبوس بعبوس اخر والا خسرت المعركة وكانت القاصية ..

لكن بينى وبينك فى حاجات اول ما تشوفها تلقى الابتسامة كده كست وشيك وغمرتك ولقيت نفسك منشرح خالص خالص وزى الحاجات دى طبعا بتجى كده بالصدف مرات وفى اماكن غير متوقعة مما يجعل احبتنا هناك يقولوا ليك ده بتكشم زى نار القصب ماله وهم ما عارفين الحكاية شنو لانه حب الناس مذاهب ..

عيييييييك حابقى براى يا صاحبى لكن فى حاجات مجرد تذكرها تبتسم ومن يجدك كذلك يظنك صاحب السعادة الابدية ..

لك تحياتى وامنياتى لك بوجه باسم ابدا وان تلاقى وجوه باسمة ايضا طوال رحلتك

الاخ اساسى
تحياتى لك وللاسكافى الذى لا يرى الوجوه الباسمة الا وهى زاحفة
اما عمدتنا قرشو فالظاهر عليهو دقس!!! ولا شنو؟

اساسي

ياخي اثبت ليك على حاجة

رباطي.......شفت.......مقاتل شوارع

واخيرا ....مبتسم

ناس محطة التلفزيون الاهلية حاولو يعملو حلقات

الكاميرا الخفية

وكانت اول فكرة ان يعمل الممثل بتاع اورنيش

واي واحد يجيهو يقلع الجزمة يروح صاحبنا بتاع الورنيش قافل نخرتو

والحصل لم يجدوا حلقة واحدة صالح للبث

عارف ليييييه؟؟

قول لي لييييييه بس ؟؟؟



ايوااا

الالفاظ الجميلة التي سب بها اصحاب الجزم اخونا بتاع الاورنيش