Post: #1
Title: اعترف ,,,,,,,,,, انني اكره الســــــــودان
Author: bit barber
Date: 03-31-2003, 09:57 PM
Parent: #0
لكي اكون اكثر دقه في اعترافي هذا كان يجب ان اقول
اكـــــره سودانكم و اعشــــق سوداني
كثيرا ما اتذكر موضوع نثري رائع للاديب الراحل جبران خليل جبران بعنوان :
لكم لبنانكم و لي لبناي
كلما اقراء هذا الموضوع اجدني دون ان اشعر استبدل لبنان يالسودان
و كانما الاديب الكبير كان يعلم ان خاطرته هذه يمكن ان تعمم في جميع انحاء الوطن العربي و يحق لاي عربي ان يستبدل اسم لبنان باسم البلد الذي يريد
هذه مقطتفات من هذه الخاطره الجميله اسمحوا لي ان انقلها لكم كما يحلو لي ان اقراءها ببعض التصرف مع الاعتذار للراحل جبران خليل جبران
لكم سودانكم و لي سوداني
لكم سودانكم و معضلاته و لي سوداني و سوداني وجماله
لكم سودانكم بكل ما فيه من الاغراض و المنازعات
و لي سوداني سوداني بكل مافيه من الاحلام و الاماني
سودانكم عقده سياسيه تحاول حلها الايام ويا ليتها تقدر
اما سوداني فاراضي خضراء و نيل متدفق ورمال تحاكي الذهب في في لونها وجبال تتعالى في هيبة وجلال نحو ازرقاق السماء
سودانكم مشكله دوليه تتقاذفها الايام و السنين
اما سوداني فاراضي بكر تموج في جنباتها اغاني السواقي
سودانكم صراع بين رجل جاء من الجنوب و اخر من الشمال و ثالث من الغرب و الشرق صراع دائم لا ينتهي
اما سوداني فلوحه متناهيه الجمال اختلطت فيها الوان شتي بتجانس رائع دون ان يطغي لون علي الاخر
سودانكم حكومات ذات رؤوس لا عداد لها كحيوان خرافي هرب من كتب الاساطير القديمه
سوداني عصافير تغرد و اشجار تثمر و مياه تتدفق
سودانكم خطب ومحاضرات و مناقشات جوفاء
اما سوداني فحفيف اشجار الطلح و الهشاب و رائحه الطين في الصباح الباكر بعد ليله مطيره
سودانكم شيخ قابض علي لحيته قاطب ما بين حاجبيه لا يفكر الا في ذاته
سوداني شاب فتي ينتصب كالبرج يبتسم كالصباح ويشعر بسواه شعوره بنفسه
كم هو جميل سوداني و من حقي ان اعشقه و اتيم به و كم هو بغيض سودانكم
بت بربر
|
Post: #2
Title: Re: اعترف ,,,,,,,,,, انني اكره الســــــــودان
Author: سجيمان
Date: 03-31-2003, 10:24 PM
Parent: #1
بنت بربر معاكي حق......
والله الحتة بتاعت رئحة الطين مع الصباح دي لحدي ما شميتو جدجد
|
Post: #4
Title: Re: اعترف ,,,,,,,,,, انني اكره الســــــــودان
Author: ZARIA
Date: 03-31-2003, 11:42 PM
Parent: #2
بت بربر والله سودانك ده زاااااتو بيعبر عن الفردوس المفقود
والله يجعلو ولقع ملموس
دوما
zaria
|
Post: #3
Title: Re: اعترف ,,,,,,,,,, انني اكره الســــــــودان
Author: مريم بنت الحسين
Date: 03-31-2003, 10:54 PM
Parent: #1
من بربر السلوى..
يا بنتنا.. هو سودانك الرائع.. هل تقبلي أن أكون معك فيه.. أن نقف معاً نحلم به.. نتنسم أيامه .. رائع هذا السودان.. رغم كل شيء.. حنبنيه.. حنرجع.. يا جماعة أرحكم.. انا خلاااااااااااااااااااااااااااااااااااااااااااااااااااااااااااااااااااص فاض بي....
كيفن يكون الحال لو ما كنت سوداني.. انا شخصياً ببيع الدنيا ومافيها.. ويا أصالة حيّاك.. رغم أن السودانية لست جنسية.. ولست جواز السفر (مانع السفر) الأخضر.. وليست كل هذا ولا أدري ماذا تكون.. .. قبل أيام التقيت مصري صعيدي يبيع في محل خضروات.. ما إن نظر إلي حتى قال.. إنت بنت النيل! أخجلني حديثه.. رغم أنه توجد أردنيات سمراوات.. لكنه أكمل حديثه بعفوية وصعيدية ظاهرة "إنتي لازم تكوني بنت النيل".. أعطاني أفضل الخضار (وانا أصلا ماما مرسلاني وايديها في قلبها عشان ما بعرف أشتري خضار).. وأعطاني إياه بسعر رمزي.. "والله ده عشان بنت النيل".. انا زاتي اتوهمت... إيييييه.. ماعلينا... هل تقبليني يا بنت أهلنا؟
بنت الحسين
|
Post: #5
Title: Re: اعترف ,,,,,,,,,, انني اكره الســــــــودان
Author: Hozy
Date: 04-01-2003, 00:08 AM
Parent: #1
ســـــــــوداني
الجــوه وجـــداني
بريــــــــــــده
|
Post: #6
Title: Re: اعترف ,,,,,,,,,, انني اكره الســــــــودان
Author: مهاجر
Date: 04-01-2003, 08:07 AM
Parent: #5
يكون العشق احيانا قاتلا
شكرا لك علي الابداع
كنت افتخر اني سوداني عندما اشارك في معرض الجاليات بالجامعة وبه اكثر من 20 دولة وكنت اتمني ان يستمر هذا المعرض لمدة طويلة لاني احس اني عايش مع بلدي وعاداته وتقاليده
واديك طرفة كنا نشرح الزواج السوداني
وكان هناك عدم مشاركة من الاخوات السودانيات في بداية المعرض ومن يبداء المعرض بيجوا لكن قبل يجوا كنا نتنافس علي مكان الخمرة والحنة وكان عندنا اخوان متزوجين وكنا نستلف منهم كل هذه الاشياء
وكان اعجاب كثير من الدول الاسيوية بعاداتنا مفخرة لنا
سوف نجد فردوسنا المفقود باذن الله لان من به عزيمة لتحقيق حلم سيناله
شكرا لكي
|
Post: #7
Title: Re: اعترف ,,,,,,,,,, انني اكره الســــــــودان
Author: SAMIR IBRAHIM
Date: 04-01-2003, 02:30 PM
Parent: #1
Quote: اما سوداني فحفيف اشجار الطلح و الهشاب و رائحه الطين في
الصباح |
عزيزتي بت بربر
حليل ريحه الدعاش والطين والنيل ...وحفيف الطلح وريحتو
تسلمي
|
Post: #8
Title: Re: اعترف ,,,,,,,,,, انني اكره الســــــــودان
Author: azza
Date: 04-01-2003, 05:17 PM
Parent: #1
بت بربر اختيار موفق للنص
اريدك و اريد بربر
هي لكن ماقطعتي قلبي
و الله بريد السودان دا لدرجة كلمة اكره جمبو ساي بتجنني
|
Post: #9
Title: Re: اعترف ,,,,,,,,,, انني اكره الســــــــودان
Author: waleed500
Date: 04-01-2003, 05:51 PM
Parent: #8
بنت بربر مساء الانوار
مثلك .. أرفض أن أحيا حبا .. يثقلني بالهم ..
مثلك .. أرضا أن أتحرر من قيدي .. أنزع جلدي ..
أحرقه .. أطوي ألمي
أضحك ملء القلب .. وملء الجسم
مثلك .. أرضا أن أتعانق في وهج الشمس
و في صفو الليل
ولا أتناثر مزقاً .. مزقاً ..
في ظلمات الحرب
فأنطلق بحب السودان الكبير
اجدالعش الدافئ .. في فلك النجم اعود
تنتظرنىالأحضان .. و تشتاق الضم
أنا لا أعشق السودان وفى جوانبه حرب
اظن اننى اشاركك الكره
اهواه سكناً و جنوناًبس
أهواه يحمل في داخله سلام لا يتوقف
و في كفيه خدرا يغريني باللثم
أنطلق في ربوعه
واشتم روائح الخضار والحب والقرب من كل شى جميل
بت بربر
كعادتى عندما اقراء لك... اقف كثيرا متامل ما خلف الكلمات... تجتذبنى ثورة الاحرف بين سطورك
انتظر جديدك وربنا يحفظك
|
Post: #10
Title: Re: اعترف ,,,,,,,,,, انني اكره الســــــــودان
Author: ba7ar
Date: 04-01-2003, 08:21 PM
Parent: #9
| Quote: اما سوداني فلوحة متناهية الجمال اختلطت فيها الوان شتي بتجانس رائع دون ان يطغي لون علي الاخر |
بدون تعليق
مع تحياتي
ود بربر
|
Post: #11
Title: Re: اعترف ,,,,,,,,,, انني اكره الســــــــودان
Author: سونيل
Date: 04-01-2003, 08:48 PM
Parent: #10
العزيزة بت بربر
اهديك هذه الرائعة يا روائع
بلادي يا سنا الفجر
وينبوع الشذى العطر
وملهمتي اناشيدي
وآيات من الشعر
سلآم انتي الحاني
وحلمي في الهوى العذري
رعتني ارضها طفلا
فكيف اسومها غدري
وقفت لذاتها عمري
وحق لخيرها شكري
سلام انتي الحاني
وحلمي في الهوى العذري
وعند الدوحة الغناء
أفياء من السحر
وكم اطيارها غنت
تسابيح مع الفجر
سلام انتي الحاني وحلمي في الهوى العذر
ولي في ارضها زخر
يعز الزخر عن تبري
واجدادي بها قبروا
وقد جاءوا علي قدري
سلام انتي الحاني
وحلمي في الهوى العذر
كنت اتمني ان اسمي نفسي ود الباوقة مثلك تماما بت بربر ولكن اخترت ان اكون اكثر قوميتا رغما عن انها بالدواخل
الناس ثلاثة أموات في أوطاني
والميت معناه قتيل
قسم يقتله أصحاب الفيل
وقسم تقتله إسرائيل
وقسم تقتله عربائيل
وهي بلاد تمتد من الكعبة للنيل
والله اشتقنا للموت بلا تنكيل
والله اشتقنا واشتقنا
أنقذنا يا عزرائيل
سونيل اسم يتكون من السودان والنيل
***************
آنا لا أدعو
إلى غير الصراط المستقيم
أنا لا أهجو سوئ كل عتل وزنيم
وأنا ارفض أن أرى ارض الله غابه
واري فيها العصابة
تتمطى وسط جنات النعيم
وضعاف الخلق في قعر الجحيم
هكذا أبدع فني
غير آني
كلما أطلقت حرفا
أطلق الوالي كلابه
**************
يمشي الفقير وكل شي ضده
والناس تقلق دونه أبوابها
وتراه ممقوتا وليس بمذنب
يلقي العداوة لا يري أسبابها
حتى الكلاب إذا رأت رجل الغني
حنت إلية وحركت أذنابها
وإذا رأت يوما فقيرا ماشيا
نبحت عليه وكشرت أنيابها
******************
|
Post: #12
Title: Re: اعترف ,,,,,,,,,, انني اكره الســــــــودان
Author: khalid zamrawi
Date: 04-02-2003, 08:35 AM
Parent: #1
الأخت العزيزة / بت بربر
السلام عليكم ورحمة الله وبركاته ،،،
حقيقة أمتعتينا بقصيدة جبران و الذي قمتم بدوركم و بتغير لبنان بالسودان فلا باس و هذا دليل عشقك و حبك لسوداننا الحبيب
و فى الحقيقة ليت أفلاطون معنا الأن ليرى المدينة الفاضلة و التي بات يبحث عنها سنواته الطويلة و التي رسم لها بمخيلته لوحة عظيمة جسدت أسمى التعبيرات و الملامح و حقيقة تأثرت بكتابه المدينة الفاضلة و بعد أنتهائي عرفت بأن المدينة هى السودان
و مشاركتك بعنوان كراهية السودان ...
فلست وحدك تكرهين أيضا " شعبان عبد الرحيم يكره اسرائيل
و يعلنها على الملئ ...
|
Post: #13
Title: Re: اعترف ,,,,,,,,,, انني اكره الســــــــودان
Author: bit barber
Date: 04-02-2003, 06:45 PM
Parent: #1
اخواني الاعزاء
اشكركم كلكم على مداهلاتكم الرقيقه ,, و التي تكشف مدي حبكم للسودان
لكن يا جماعه في نقطه صغيره و مهمه
نحنا كلنا سودانيين حتي النخاع و نعشق السودان حتي الجنون
لكن كل هذا الحب كل هذا الشوق للسودان لم يترجم قط على ارض الواقع
الدليل علي ما اقول ,,,,انظروا الى واقع السودان
هل العيب فينا نحن ابناء السودان ؟؟؟
|
|