ترحيب حاااار بعودة عمدتنا الغائب الحاضر

أخوتي وأخواتي

رحبوا معي بعودة عمدتنا الغالي قرشو الغائب جسدا والحاضر روحا ولقد افتقدناه كثيرا بيننا وأتمنى أن يعوضنا عن فترة الغياب بتلكم البوستات الرائعة كروعته

الف حمدا لله على سلامتك أخي قرشو


الجعلي

حبيبنا الجعلى

الف شكر سيدى على الترحيب الحار وهذا ما عهدته دوما منك ومن الاحباب وارجو ان لا نفترق ابدا عن بعضنا ونبقى معا فى هذه الواحة الجميلة

لك شكرى ولك تحياتى

سلام مربع
عمدة البورد

الف حمد الله على السلامة
حقيقي افتقدناك
انشاء الله دائما مبسوط

أخى قرشو
وينك ؟ لك وحشة نحن محتاجنك فى زمن الحرب اللعين
ألف مرحب بالعودة ومبروك قالوا تلت بتشديد اللام والتاء
سلام مكعب

EXORCIST7
اخى الحبيب مصطفى

لك تحياتى ولك شكرى اخى فقد افتقدتك طويلا قبل غيابى وقد ارسلت لك بعنوانك السابق ولكنه لم يذهب ..

لك شكرى وقد عدت فى توقيت غير مناسب فالجميع فى شد وجذب حول الحرب وما فيها من اشياء واشياء ولكنى اسال الله ان ينصر الحق وان تبقى الكلمة العليا للاسلام والمسلمين وليس ذلك على الله ببعيد..

التتليت لسع ياخوى لكن بينى وبينك البحر ما بيابا الزيادة واردد مع سيدنا على كرم الله وجهه "لو كان الفقر رجلا لقتلته" فهو الوحيد المانع من ذلك..

تسلم يا غالى وخلينا نشوفك كما عهدناك قلما لا يخاف فى قولة الحق لومة لائم..

لك الود كله

الغالية شيرى

شكرا على الترحيب وكم وحشتنى هترشاتك وكلما ادخل فى معضلة اذكر مقدار حلة الكمونية واحكيها لمن حولى فيزيد حبك اكثر ..

لك الود كله ولست ادرى ما هو موقعك من حرب العراق الان ؟؟؟؟

دعينى ارى لعلنى اجد فى البورد لك ما يشير

يا زول انت كنت غاطس فى البطاطس
ولا مدفون فى الليمون

يا زول حمدا لله على عودتك

حمد لله الف علي السلامه
عودا حميدا ياعمدة
وانا اقول البورد دا مالو كده
اتاريهم قاعدين بلا عمده
حبابك عشره
سلام من زوله جايه من البلد جدييد وملانه تراب وشاربه موية النيل وراكبه رقشه ومشروره يوم في المطار مع سودانيير

لكم تحياتي

العزيزة بت الجزيرة

يا سلام عليك والله يزورو فوقك يا ستى وانتى جاية ومشرورة فى المطار

تعرفى عندى هواية التسكع فى المطارات والموانى والمحطات واجد فيها متعة كبيرة بمراقبة الناس وكل واحد فى هم ولا يكاد يحس بوجود الاخرين وارجو ان لا يكون قد تمثل ذلك فيك وكنت مراقبة من الاخرين فى كل سخطك ولعنك لسودانير ومن يركبها ..

لك تحياتى وانتى اللى نورتى يا ستى

ابو الزفت حبيبى

لك شكرى سيدى وصدقنى البطاطس ده لينا منه زمن والليمون قام اتعزز

كنت يا سيدى مدفون فى الهموم

والحمد لله

لك تحياتى وشكرى

والله فعلا كان ليك وحشه يا عمده
وشطرا ليك يا جعلي

العمدة قرشو
الحمد لله على العودة للبورد فقد افتقدناك فيه كثيرا فمرحبا بك وبابداعاتك

الدار بيك نور وازدان ياعمده
ونشكر اخونا الجعلى لمجهوداته الجميلة فى لم الشمل

اخى ود العمدة

لك شكرى وامتنانى فقد علمت بتساؤلاتك المتكررة عنى لا حرمنى الله منك ومن عطفك وربنا ما يفرقنا يا سيدى من بعض ابدا

لك كل الاحترام وكل الشكر ودمت

العزيز طارق

شكرا سيدى وما نفقدكم فى شينة ان شاء الله وربنا يديم المعروف بين كل اهل البورد الاحباب ولا يفرقهم ابدا..

كذلك اعتذر عن التأخير فى الرد لذهاب البوست الى صفحة خلفية

لك ودى

وما تنسانا بس

استاذنا الغريد الموصلى

ما تشوفش وحش يا حبيب وربنا يديك العافية والصحة دائما
واعتذر عن التأخير فى الرد فقد تاه عنى البوست وتسلل للصفحات الخلفية..

لك ودى

مراحب بعمدتنا
خذ مكانك .. كان شاغرا منذ تركته

مشتاقين يا عمده
الف حمد لله على السلامه
و عقبال عوده حكيمنا بناديها كمان
كل الود والتحايا

اخى ايهاب

لك شكرى وامتنانى على الترحيب
حقا غيابى غيب عنى الكثير ولست ادرى ان الحبيب بناديها كذلك غائبا وانا اعرفه رجلا مثقلا بالمشاغل فهو بالكاد يجد فرصة للبورد ولكن مع ذلك نشتاق ليراعه الاحمر يزين واجهة البورد ويزين كلماتنا الحزينة بدونه..
اضم صوتى لصوتك وارجوه ان يعود سريعا

لك شكرى وتحياتى

الحبيب اهل العوض

لك الشكر على كل جهودك وعلى حرصك على عودة الجميع وعلى كل تواصلك الذى كان نقطة أساسية ومرتكز للعودة ..
اتمنى ان نبقى معا دوما عزيزى ولا نفترق ابدا

ادامك الله وابقاك فينا قلما رائعا صادقا

عم قرشو سلامااااااااااااااات
واشواق كميات
افتقدناك بشدة
وتخيل البورد من غير عمدة حاله كان كيف
لا اسكت الله لك صوتا ولا اوقف لك قلما او كيبورد بالاصح

الف حمد الله على السلامة
تحياتي
زولة123

سلامات عمدتنا قرشو .. غيبتك طالت .. وعودا حميدا


بت الجزيره حمد الله على السلامه .. وترابك ده ما تكونى نفضتيهو ... رسلى لى منه حبه كده
تحياتى وسلامى للموصلى و للجميع

وشكرا يا الجعلى

غدى

الله يسلمك ياعمدتنا
الله يسلمك يااخيتي غدي
سوف ارسل لك شوية تراب
لكن الرقشات الا تمشي وتشوفيهن بقن اكتر من الناس
واهم شئ الملاريا بقت مافي او شبه معدومه الحمد لله
الشوارع بقت نظيفه ومسفلته ومافيها حفر
لكن التاكسي زاد سوء اظن زعلان من الرقشات
طبعا دي بعض التغييرات التي لفتت نظري

لكم تحياتي

العزيزة بنت الجزيرة

والله فيك الخير والبركة
تصدقى انتى الوحيدة الطمنتينا فكل من تسأله يقول لك الملاريا اصبحت كالصداع حتى ان الناس تعايشت معها..

الله يطمنك ويبعدها منك بس
يعجبنى من ينظر للنواحى الايجابية فالحياة ليست كلها سلبيات ومآسى وكما قال الشاعر قديما

كن جميلا ترى الوجود جميلا

لك شكرى وربنا يجمل روحك اكثر ما هى جميلة وتبعثى دوما الجمال والاطمئنان فى نفوس الاخرين

الله يديك العافية

الغالية غدى

لك شكرى على حلو الكلام واعتذر لك وللاحباب عن التأخير فى الرد فقد تاه منى البوست ولم اعثر عليه سوى الان وشكرى لمن فكرنى به فاللوم يأتى بالغفلات .. الف الف شكر له فهو الروح دائما..

كما ارحب ببنت الجزيرة وما عارف جابت لينا معاها موليته ولا لا؟؟؟ اوع تقول لى بس ما بتعرف الموليته...

لك شكرى غدي والله يديك العافية وما تنسينا من الدعوات فانتم فى ظل بيت الله الحرام ودعواتكم تطلع بسرعة البرق ولا شك..

لك الود كله

العزيزة زولا 123

الله يسلمك من كل شر ويديك العافية ويكفيك شر دخان ابار البترول المنعكس بفعل الرياح وما يدخل بيتكم اصله ان شاء الله..

لك شكرى على مشاعرك الطيبة وصدقينى انا افتقدتكم اكثر والله واشتاق لكم جميعا والله وارجو ان لا نفترق ثانية

لك تحياتى

حمداً لله يا عمدة علي الجية

والشكر ليك يا الجعلي

يا البتقوم قبال الناس


بحيراوي

حبيبنا البحيراوى

عييييييييك
يازول انت فىّ ؟؟؟ والله انا لى زمن ما شفتك قبال ما اغيب وقايلك مخاصمنا عديييييل كده

الله يسلمك ويديك العافية وتسلم لينا يا الغالى

والله ليك وحشة عمدتنا
وبصراحة انت العمدة وبعدك العقد انفرط
ومرحب بعودتك وحيكون لينا لمة مع بعض قريب جدا
صلاح غريبة

حبيبنا الباشمهندس صلاح غريبة

لك شكرى وامتنانى على كلماتك اللطيفة ويا سيدى انتو والله الخير والبركة لا سيما وانتم اعلام خفاقة فى سماء وطننا الحبيب

بكم اخى يطيب المقام وتطيب الدار للجميع

العمدة قرشو طبعا ما كنت عارف انك مختفي
ماهو عارف قدم المفارق يا محط امالي السلام
والله مشتاقين ليك شديد وللجعلي برضو ههههههه يكه

المهم انشاء الله تكون بي خير بس ما تكون مشيت عرسته تاني هههههههههه يكه

والتحية للجميع
وبس

زاتووووو

حبيبنا الزول ذاتو

يازول الحمد لله على السلامة
فانت من اختفى كثيرا وقد ظللت حتى الامس اسأل عنك بوستاتك القديمة

هااااى يكا

سعدنا بجلجلة ضحكاتك بيننا فى اجواء الحزن والاكتئاب والحرب التى اغتالت الضحك كذلك..

لك تحياتى