وردتان لكم احبتي ..وللبورد ابتسامات العافيه

اول الحكي
في غرفة العمليات
كان نقاب الاطباء ابيض
لون المعاطف ابيض
تاج الحكيمات ابيض،
اردية الراهبات
الملاءات
لون الاسرة..
أربطة الشاش والقطن
قرص المنوم، انبوبة المصل ، كوب اللبن
كل هذا يشبع قلبي بالوهن
كل هذا البياض يذكرني بالكفن
أمل دنقل ـ اوراق الغرفة 8
_______________
اصل الحكي

والله حاجزة ليكم كترة هترشه ..اييييييك



اسعدتني ورودكم التي اهديتموني اياها حد النطيط فرحا من بنبر لي سرير
حتى قومت نفسي وقربت اكورك
يا الدكاتره يا السته
أنا ما بطيب لو جابوا
لي الطبيب
هو يا الاسمر
....
رائعين جدي اهلي ناس البورد رغم الغضب الذي يعتصرونه
على وشوشهم كلما لم يجدوا ما يقرأونه .. فيجرون شكل بعضهم
. كنت زمان وعندما اقرأ تلك الكتب التي
تحتاج الى مصباح المنير لتفهمها .كثيرا جدا ماتضحكني هذه العبارة
وقطب مابين جبينه ..ماعارفه ماهو الذي كان يضحكني فيها
لكني كثيرا ماضحكت .. واليوم فتحت البورد ووجدته نوعا ما
رايق صلاة النبي فوقه مانقوم ننقشوا ليكم عين
وتقولوا البت المهترشه دي خلاص جات لي هترشته
.. لما بقت نصيحة قامت ودتنا بوردنا في ستين داهية بعينها ..
لانو عين الفتاة فيها عود ..
وما عارفه ليه عود يعني .. لما يضعون عليها كحل او حتى
جزر .. انا اتفاؤل جدا بالجزر .. وانا مكممة بالاكسجين
وانبوب المصل مصلوب لاعلي ومتصل بوريدي . رأيته لا لون له
قلت للدكتور لما لا تضع فيهو عصير جزر ..؟؟
اصلي ما عايزه اموت هسع ..
ورفع حاجبه حتى تدور بس ما حصل يبقى هلال
ثم ترك الحاجب الثاني زي العكاز لكني رأيته مثل الجزر
وسأل : ايه العلاقة بين الجزر والموت ..
قلت ليهو / بتفائل بالجزر , وعندي اعتقاد انو البياكل جزر
سوف يفشل في جعل (جبينه) يقطب ..
لسه ما فهمت ؟ كم رفعت كمامة الاكسجين وقت ليو
لا تغضب ..؟ لانو المستشفي مافيها جزر
وضحك وهز رأسه .. ماعارفه لانو اكتشف انو بعالج في مجنونه
ولا لانو قلت كلام ناس عايزين يعيشوا .
بس انا كنت عايزه اقول ..
عايزه اقول شنو ياربي ؟
ها انذي اعود لهترشي وهانذي امسك باول الحكي
اسعدتني طلتكم وسؤالكم عني .. رغم انني كنت قبلها كنت اعاني
من الوحده واعترف ان سبب ازمتي هو الوحدة والاكتئاب
انا اكره انا اكون وحيده .. فلا احد يكاتبني .. بريدي ياحسره ليس فيهو
الا رسائل الناس الانتهازييين ديلك بتاعين الياهوو
كنت بصدد كتابة رسالة اليهم اسألهم
ايه علاقة شيري بشراء طلمبات الماء .. اي والله وصلتني هذه الدعاية منهم
كم اكره هذه الوجبات التي يحضرونها اليك بالمستشفي
لا يدعونك تلغوص الاكل بيديك .. زبادي .. خيار مسلوق .. رز عدمان الملحايا
كانت ايام . الله لا عادها
كم انا سعيده بكم احبتي .. وسعيده حد اتخاذي مشاعر شكل الجزر بسؤالكم عني
وطلبت من بنت خالتي ان تطبع كل كلامكم ورسائلك وسؤالكم عني
واريتها الى ماما .. حتى توقف تلك الدعاية في خلقتي
انت ماشبه البنات ..
.. كفاني هترشة
يكفي قدحي
..
لكم من انسجتي

وردتان لكم احبتي ..وللبورد ابتسامات العافيه

والله ما قريت كاتبه شنو
لكن حبيت اكون اول من يقول حمد الله علي السلامه

واجر وعافيه انشاء الله

اوعي يكون في زول سبقني

شيري الف حمد للهعلى السلامه و بركه الشفناك سالمه
زي ما قلتا ليك بنكون سحرناك
غايتو اليوك دا قطعنا فيكانتي و بت قضيم انا و رقم صفر دا وكمان معانا و د رمليه
غايتو انا عيني بارده شوفي انتي الباقيين ديل
مره اخرى حمد لله على السلامه

سلام مربع
ومية مسا
على الناس
المدهشة

رقم صفر
الزعيم الغامض الذي لا يعرف حقيقتهاحد
ورغم ذلك انا كاشفه كل شي عنه
...
ما ح تصبروا لمن تعرفو حقيقته شنو
ياخي اقروا الشيطان التلاشر
حتلقوه مرسوم بالجمبه كده
موش عرفت ليكم حقيقته؟؟
..
شكرا يا رقم صفر
وانا ممنونه كتير خالص

ايهــأب
عافيت ليكم يا ايهاب
بس ارجوكم ما تكرروها
هاهاهاهاه
عامله نفسي بتسحر
هو انا فيني شنو يا حسره عشان يتسحر
اصلي بطمن في نفسي
عايزه اعد نفسي مع البنوت
ماعادي
موش في البورد
؟؟
سلمتم للسؤال
وسلمتم اكثر للطله

حمدا لله علي السلامة وبركة الجيتي طيبة
اها الدكتور ما قال ليك قللي من الكلام وما تبري خلق الله يعني البوست يكون فيهو سطرين تلاتة كدا؟؟؟
حمدا لله علي السلامة للمرة التانية

الف حمد الله على السلامه
يا شيرى
نورتى بيتك ومطرحك
عليك الله تانى ما تغيبى
أجر وعافيه إنشاء الله
والمرض ما يشوف ليك طريق تانى بإذن الله

شيرى يا عسل والله فرحت شديد لما شفت البوست ده
واول حاجه عملتها قريت التاريخ قلت امكن اكون بوست قديم نكته لينا الشرير وله ام در اصلهم اليومين ديل شغالين نكت سااااااى .. لكن الحمد الله لقيته بتاريخ الليله فرحت اكتر وجيت اهنيك على السلامه ومشتاقين ليك كتير ولهترشتك التى ترسم البسمه على الوجوه


عزيزتى الف الف حمد الله على السلامه وانشاء الله ما تشوفى شر

غدى

شيري المبدعه دوما سلام مربع سلام بكل لغات العالم البعرفه والمابعرفه
وحمد لله علي السلامه وانشاء الله اجر وعافيه وربنا ما يحرم البورد من الرائعين امثالك.سلامتي مرة تاني وفي انتظر ابداعك
ودالحاج

شيري انا ذاتي و الله فرحتى لجيتك و هترشتك اللذيذة الماشاء الله ما دايرة احسدك عليها بس جد بتعبري عن نفسك و بتفرقي الجواك باسلوب كان نفسي يكون عندي

الف حمدالله على سلامتك يا شيري و الله يخليك لينا

اختك دائما انسانة

افرحتينا بى طلتك
وحمدا لله على السلامه

الرائعة ...شيرى..
من لون تاج الحكيمات.وعمق الكلمات الحكيمة وصفاء التصالح مع النفس ..تتحكر الابتسامة..
كنت مريضة لكنك سيدة الأطباء.والأصحاء .واللا فيتورى ما قال زى دى




عودا حميدا


تحياتى
ودعزة

سلامات يابهجة البورد الف لا باس
عليكى

كفارة يا شيرى البيك يزول و المرض مابيكتلّو زول

افتقدناك و هترشتك كيفما اتفق

و كان غيابك اختبار لقدرتنا على العبوس مقدار خروف كامل بعفشته و كل شيئ

و لولا بعض الضحك هنا و هناك لتكرفست وشوشنا الى الابد و لصار العبوس احد علاماتنا السودانية المميزة

عليك بزيت السمسم و البيض النيئ على الريق و القرض و الهترشة


هذه الاغنية فيها هترشة لا باس بها

http://songs.6arab.com/mounir..so-ya-so1.ram

سلام مربع
وميه مسا على الناس
الكويسه


اسعدتني طلتكم
والى جميع عموم البوردات احبتي
اهديكم هذه النكته
التي لا اعرف ان كان بايخه ولا حلوه
فقط لانها اضحكتني
..
امام جامع نقلوا ليهو دم رقاصة
دخل الجامع يوم الجمعة
وخطب فيهم .
احــلى تحيــــه
لاحلـــي مصليـــــن
وسمعنــي الاذااااان
ياقــــدع

هاهاهههاهاهاه

سلام مربــــع

روبينسون :
اليك انت باقة ورد السلامة و بنفسجة الحضور .. رغم اني اعلم انك لست من الذين يفرحهم هدايا الورد
تعجبك حلل الكومنيه وراس النيفه ..
اليك عشرة حلل كومنيه .. هديتي مني اليك ..
هاهههاااااااهاا
امازحك ايها الشفيف ..
سلمت للسؤال وسلمت اكثر للطله
الصديقه : المزيانه .. وجـــن
اسعدتني طلتك واكسبتني مساحات من الالق
وازاحة عني كثير من ضيقي وتوتري
ولسه جايااااااااااك
حد 20 حلة كمونيه ..


غـــدي : رحيق الورد
عشرقتني نداوة كلماتك وايقنت انني فعلا بت بتشبه البنوت
سلمت لهذه الطله وسلمت اكثر لمشاعرك الحلوه
وانشاء الله يارب ماتشوف شــر

Oudenoord
شكر ليك كتير اوي اوي
على هذه الاريحيه التي اهدتني حروفك اياها
وانت هو الرائع
مع انه عندي سؤال شوية كده يعني
ارجو ان تتفهم جنترتي
الراجل الفي الصورة دا . مالو بتلفت لجزمو ..
يكون محتار عايز يعرف الشمال من اليمين ..؟؟ ولا يا ربي بتفش للشوراب

سلام مربــــع

انسانه : ملكة القلوب المتساميه

لا اجمالك ان قلت ان طلتك تجدد دمائي وتدفعها تجاه الحياه ..
يكفي انك انسانه ..
ودائما ماتسعدني ابتساماتك التي توزعينها على موائد الفقراء والمعوذين
دمت لنا وللبورد انسانه
سلمت للطله وسلمت اكثر لابتسامات تهانيك

الاستاذ : حمزه سليماني
مطربي الذي يشجيني كلما ترنم
يا فناني الحساس . رجائي غير صورتك عشان مايسحروك لينا ..
اصلي بخاف من العين اوي ..
سلمت للطله وسلمت اكثر لامانيك الحلوه

سلام مربــع
ودعـــزه
ود دفعتي القطري (دي يا شباب تعني اننا استقلينا نفس القطار الى البوردين العظيمين )
مازلت (مدفوسا) بالابداع وبنمارق الاحساس الندي كعادتك دائما..
ماشاء الله ، ربنا يخليك لينا.
تعجبني كتاباتك ياهذا .. دوام عليها .. ولا تحزنا باختفائك .. لسنا حمل انطفاء امثالكم
سلمت للطله وسلمت اكثر للسؤال
كولا
الف حمد الله علي سلامتك . ومبروك نجاح العمليه
بالله يا كولا ... النسألك .. الجماعة المجانين ديلك في المستشفي كانوا بأكلوكم شنو؟؟
اصلي متغايظه .. . كلما مايشوفني الدكتور ..يوصيهم بالزبادي ..
ملأوني اكتئاب .. خبأوا عن الجزر بخلوا علي به ..
سلمت للطله وانشاء الله ماتشوف شر

الفنان الرقيق : عادل عثمان

حاصرتني مشاعرك الحانيه .. وامنياتك الطيبات ..
واعادت الي كل ابتساماتي التي اخذتها بعض الغيوم
وخبأتها بعيد ا عني ..
عارف البيض بالذات يخلق فيني كتير من الهرتكاريا وشويتين من احساس امكنه دواجن فقيه
كلما ممرت بشارع في جدة وجدت بين الدكان والاخر محلات فقيه للدواجن ..
اماااازحك يا شفيف
ايه رأيك في 20 حلة كوميه هترشه .. دون مذاق نكهة الخضروات ؟؟

شيري
ست الكلام المقاصد البحر
منطوم جميل مليان بالنسيم
وقفه جزر
الف لا باس عليك
وعليك الف لا باس
اجررررررررر وعافيه

سلام مربع

الخواض
سمح اللغة والمنظر

يطربني قولك يا جميل الحرف
اسعدتني طلتك البهيه
والف شكر الى مشاعرك الرقيقه
وسلمت للطله
وسلمت اكثر للسؤال

حمد لله على السلامة وحشتينا
عقبال يظهرهن الباقيات ناس رانيا مامون وعزة وسكرا
قولوا امين

سلام مربع

الجندريه
ست الجندره لي حدها

وصلتني مشاعرك الحلوه ورقدت على سويداء قلبي
نرفع يدينا ونقول يارب
سلمهم واعدهم الينا سالمين غانمين
بجاه النبي
امين يارب العالمين

سلمت اختي للطله وسلمت اكثر للاهتمام
باهلنا البورداب عموما

حمدلة ع السلامة .. سعداء بعودتك .. نرجو أن تكون الصحة في حدها الأقصى من العافية

سلام مربع

اهــل العوض
ســلام مربع
وصباح حلو بشبه الاشراق
لكن اظنه ليس مشرقا
لاني اشاهده هنا من خلف نافذتي
التي تبعد قدر مسافة عربية التراب
من شارعنا الذي يقع خلف
الاشارة التي اشاهدها الان تومض حمراء
لماذا يكره هؤلاء القوم اللون
المروري الاحمر ولا يحترمونه
لقد اطاروا طعم الشاي
من رأسي بتلك الزنبره والزعيق
سلمت لطله وسلمت اكثر للسؤال
عن صحتي التي زي البمب

مليون الف وردة اليك الغالية شيري
وحمد الله على السلامة
وخلي بالك من نفسك شديد يابت
واتحصني كويس من العين وكده
وادهشينا دائما بهترشاتك الطاعمة جدا كطعم الجزر
لووووووول
دمتي

سلااام مربع
Hoxy

كيفنك انت ياطيبه
انا هي التي كتلها الشووق
اليكم ، لانني توصلت الى نتيجه انكم كلكم رائعون
لانكم بتدوني فرصة اهترش
في الوقت الذي منعت رسميا
من تداول هترشتي هناك في البيت
شفتي كيف انا حردانه
دسوا مني كل حلل الكومونيه
حتى تتوقف هترشتي
وجدوها فرصة . الدكتور قال ليك كده
عارفه كان نفسي امشي اشترك مع جماعة القاعدة
عشان البت ليك للدكتور الحرشهم كلهم ضدي
سلمت للطله وسلمت اكثر للسؤال عني

هلا بالناس الحلوين
وما نفقدكم ان شاء الله

سلاااام مربع

امدرمانـــي

لك انفاس الورد
وابتسامات البورد برضو
سلمت للطله وسلمت اكثر
لورود سؤالك

شيري انا اتنازل عن الوردات للبوردين والبورديات
أديني حق الورد احسن صافي

انا ما قلت ليك لعب المطرة خليه كبرتي خلاص؟؟؟
منذ أن علمت أن المرض (الله ما اداه العافية) قد اصابك في الصدر فكحكحتي وكسبتي شركة ناس كلينكس فلوس،،، منذ ان علمت بهذا الخبر ،، وانا اتخيل كرعينك ملانة طين وانت بتنقزي في المطرة
وتكوركي،،، يا مطرة صبي لينا في ايدينا
الكلام ده وين حصل في ياتو شارع في ياتو مطرة لا ادري
ليس للخيال كابح لذا السيطرة عليه تعتبر حراما
هذه جملة اعتراضية
وأنت في ذلك الوضع والوالدة الكريمة تكورك يا بت تتقصي يا ما شبه البنات،،، ادخلي من المطرة دي المطرة يا يما بال... لا ادري المطرة بشنو من نبذات السودانيات المعتادة
وقومي بالليل شغلي المكيف وفووووووووووو الهوا يضربك والصباح الصوت رايح وكح كح كح كح تشغلين الكمبيوتر وتضعين الشاي العامل ليك جن في راسك ده،،، تملأين البورد كلاماً فتستصعى الحالة و
الدكتور ،،، والحقن ،، وبالطو الممرضات وريحة المرض تزيدك مرضاً
وتخجلي تقولي للدكتور انك بركابينك ديل كنتي بتلعبي في المطرة مع الشفع
يقوم يقول ليك
آدي نتيجة اللي مايسمعش كلام ماما
تقومي تصري ليه الدكتور المصري العواليق ده،، تقومي تشتاقي لأيام البدون كح كح،، تقومي يا المرة ما تعرفي تنهي قصتك البايخة كيف
اتورطت معاك
ذي بكون مرضتك زيادة؟؟؟
كل هذا لتنشيط كريات الكلام عندك (حيث انا اكيدة ان الناس كلها عندها كريات دم وانت كريات كلام) وجعله يتدفق جزافاً جزافا
لانك بالجد بالجد
وشحتينا
اقصد وحشتينا
وأجر وثواب وكفارة وسلامتك وربنسون بالذات كرامتك

كل الحب يا صديقة

سلااام مربع

دكتوره قطامه
حبيبة البي
بت قضيم

فستانك احمر قيافه
عشان الحب واللطافه
تتترم تتتريم
الذي اريد ان اتكسر حته حته ويشيلني الله بسببه واعرفه ماهي العلاقة السببيه التي تجمع اللون الاحمر والحب ؟؟
وكيف بقدرة قادر احالت (الغنايات) قطعهم الله ، احساس الحب الى اللطافه ..؟
بسم الله الرحمن الرحيم هسع اللطافه الجابها هنا شنو يا بنات امي .
غايتو جنس دا ما قالوا لينا ..
ولا يقولوا ليك
قاعد في صالونو .. يشرب في ليمونو
ويعاين في هدومو .
ايا ايا اييا .. ايا الليلة ايا
انا اكاد اجزم ان التي اقحمتنا في هذه الاييات المتتاليه ، لم تراعي فينا الله قيد صحن كمونيه ، بدلا ان اقول لكم الذي تعارفنا عليه .. قيد انمله .. هسع اذا سألناكم ماذا تعني قيد انمله دي وعلاقتها بما قلته في الجمله تقولون انكم سمعتوها كدا ..
ياخي مايقعد في صالونو ولا يقيف حتى جمب عمود بتيهم مثل مايفعل اولاد الحي هذه الايام
وتعالي هنا ايتها الغنايه التي لا تحدث فينا اي طرب غيرانها تاخذ من كل دكان دكوه اقصد كل فرده من بلد .. ايه يعني شرب ليمونه او حتى دفقوا كلو .؟؟
هو منو ذاتو الفايق الذي يقعد هذه الايام في صالونه زي الشيطان الرجيم ويشرب الليمون .. والله لو كانت قالت لينا 0يسفسف في صاعوطه كان اهون علينا وكنا صدقناها . .وحتى لو كان هناك ليمون .. مع ازمة السكر وازمة الثلج الذي نضعه على الليمون او حتى الكهرباء التي نخلط بها الليمون ..
يخيل الي كل أن عيال السودان طلعو ..والماطلع موجود في المطار متأهب للطلوع ..
ثم تعالي هنا . نفهم شنو من يعاين في هدومو دي ؟
معقولة الليمون شراب مسكر للدرجة دي ، حتى اذهب بعقل الفتي وجعله كالمجنون يراقب هدومه بدلا عن ليمونه ؟؟
بعدين هو قاعد.. وكيف يستوي فعل القعاد مع فعل المعاينه؟
اكيد حا يلاقي هدومه اتكرفست .. هذا ان كان اصلا يلبس هدوم تدوب بفعل الكرفسه
والذي متعارف عليه بيننا (نحن السوادنه) وماشاء الله علينا ..لا يمكنك ان ترى اخوانك او اولاد الجيران او حتى ابهاتنا قاعدين في بيوتهم ساعة القيلوله او من غير ساعة القيلولة حتى وهم بكامل هدومهم الرسميه ..
اللي تلقاهو قاعد بالعراقي واللي تلقاهو قاعد بسراول طويل وفانيله حمالات مخرومه في نصها تظهر نصف كرشه .. واللي تلقاهو قاعد بترينغ لون وفانيله لون
يعني ما بتحاج منه كل هذه المعاينه .. ؟؟
ولا تقول ليك ، والغنوه دي على عهدتك يا بت قضيم
قاعد في الراكوبه انا حبيت اشاغلو
فناني بي طوبه ...
يا لهذه الرومانسيه التي تجيب الدم ..
عارفه كل ما اسمع هذه الحته .. انفقع ضحكا حد الكحه المميته ..
واتخيله كلبا سعرانا مربوطا بجنزير ، واتخيل الراوي شافع ود حرام ابن كلب وياجماعة هذه الالفاظ الله يعينكم ليست نبذ انما اوصاف اعجاب . فعندما اقول ود كلب اعني انه (تفتيحه) وتمامين التمام .. واتخيله حفيان متمرمغ في التراب يسألني الله عشرة يوم ما شاف المويه .. بس يغسل الوش وييييك على الشارع جري .. والترينغ وسخان عليه كل غبار الدنيا والعالمين ..
ويلم ليك الشفع ويجوا ليك كل ما تغلبهم الشغله في الراكوبه المربوط فيها الكلب
ويطقعوه بالحجار ويعملوا ليك قدامو حركات ..
والكلب الرومانسي الظريف يصر اسنانه وهاك يانبيح
وهاك يانتيل للجنزير ..وعندما يزهجونه ويقلقو راحته ينقلب الكلب بقدرة قادر لزول شرس مثل ما فعل مايكل جاكسون في احدى اغانيه عندما تحول الى كلب اي والله كلب عديل كده
ويقول كلبنا اقصد زولنا وهو بالغيظه ديك يشيل اكبر طوبه ويفكها في الشافع ودالحرام داك
يالي من فتاه شنافه هتراشه دائما ماتبوظ كل حاجة حلوه ..
كل ما غظت اخي المفلقص وشنفت حاجاته وبوظت احاسيسو ..اسرع باحضار كميات الباتنجان
ورزعها على طاولتي ..حتى يسود عيشتي ..
دكتور قطامه ..
انت هي التي اوقظت فيني كل هذه الهترشه .. هل تعلمي انني اشتاقك واشتاق هترشتك التي تشبهني ؟جلست نصف ساعة قبل ان ارد عليك اضحك واضحك .. حتى اصدر صدري (هشيشا) ليس من الهشه الذي نقوله للضبان هذا ازيز يشهبني انا ..
لا ادري ماعلاقة ماقلتيه انت بما اقوله انا اليك ..
ربما هي علاقة هترشيه .. تساوي مئات الحلل من الكمونيه ..
وانت التي جبتيهو لنفسك ساعة ان هبشتي هترشتي وسحرتي سكون البورد للايام الفائتات
من الذي قال لك .. تمني ان اظهر واملأ البورد هترشة وجعيرا مثلما قال سجيمان حفظه الله من كل رمد وزاده سجم على سجم ..
سلمت ياصديقتي للطله وسلمت اكثر لهترشتك التي ردت فيني الروح
عارفه اشتاق عربيه التراب .. لا ادري ماسبب غيابها . لي مده ماشايفاها بقت تجي بي عندنا
سوف ابحث عن تلفون البلديه واضرب ليهم اسأل عنها ..
اريد اسال عن سواقها ومساعديه الذين يمهدون لمشيها بلقيط الورق الكبار من تحتها
كل مامروا من امامي سألوني وانا من بافذتي نصف المفتوحه
صديقه انا في جيعان .. انا في مسلم واحد ريال بيبسي ..
والذي اريد ان اعرفه ماعلاقة الجوع بالببسي ..
اسأل الله ان يسلمهم من كل ازيه .. لشد ما وحشتني طلة عربيتهم بواجهتها التي تشبه صاحب العماره التي نسكن فيها بكرشه المتدليه امامه خمسة امتار ..
سلمت تاني للطله وسلمت لكميات الفرح التي سكبتيها على اوردتي

سيبك من السلامة هسى

إنتى الكلام دا بتجيبيهو من وين يا بتنا ؟؟ اذا كان الجرز بيساعدك على الكتابة دى اها انا من الليلة . حأكل جزرة كل ستة ساعات


حمدالله لعى السلامة والله انتى ملح البورد وطوب الارض ونخلة على جدول زاتو

شيري

البورد منور تاني


حمد الله ألف علي السلامة



تمبس

سلااام مربع

تمبــس

البورد منور با صحابه ياطيب
عسااااك انت طيب ومبسوط
سلمت للطله وسلمت اكثر
لاحساسك الجميل

حمد لله على السلامة

شيـــري

وروبنسون الشرير ما قال لينا انك في المستشفى

ونحن افتكرنا الوعكة خفيفة

المهم

سمد الله على الحلامة

ومشتاقين لهترشتك

ود العجمي
سلاااام مربع

اكل جزر واتفرج على عربية التراب
وتعال اسكن في عمارتنا
اكيد سوف تكتشف
بعدها ان للهترشه علاقة اضطراديه
بالجزر
والبدو
ونصف شغالتنا السيرلانكيه
الله يقعطها
جعلتني احرد الشاي ولم ترجع لتحنسني
مابراها البنيه دي الليلة اكيد
الجماعة اهلها قاطعنو معاها ناشف
-ســيري انت في اشرب ساي ولا اسيل مطبخ
-يابت يشيلك الله ما تمرقي لي الشاي من راسي
-سيري انت في اسرب ساي ولا سيلو
-الشاي يايمه اللي يشوي عنقرتك
وبعد دقيقتين
-سيري انت في ما ابغي ساي
-صمت
-بعد دقيقة واحدة
-سيري انت اسرب ولا في سيل مطبخ
-تاكلي جزر
-سيري انت في مجنون هي راس انا راس خربان
اسرب ساي ولا انا سيل مطبخ
-ايتها السنيحه القبيحه التي تشبهني البيت كلو ماعبجتك فيهو الا كبايتي دي . شيليها كان ترتاحي انت
والغريبة انها بعد شالتها جات قعدت جمبي
تتفرج في خلقتي وتضحك
لا بارك الله فيها
اطارت الشاي من نافوخي
والان من يزيل عن اشتياقي للشاي الذي ولي وقته
ولن يعود
اصلي متل حبوبتي الله يرحمها
اذا فات وقت الشاي تقول ليك مابنفعني
والغريبة انها تشربه اضعاف اضعاف
وبعد دا لا ينفعها لانها لا يدخل دماغها
مع انه دخل معدتها حتى التخمة
سلمت للطله وسلمت اكثر للسؤال

شيري اختنا سلاااامات كتيره

وحمدلله على ألف على السلامة

لقد فرغ كأسي
فمن يملأ كأس أحلامي

ٍسلااام مربع
السنـــجك

الله يسلمك اخي السنجك
وانشاء الله ماتشوف شر يارب
سلمت للطله وسلمت اكثر للسؤال

الف سلامة ليك اختنا شيري

سلااام مربع

قرجه

عارفاكم اهل واجب ما بتقصروا
بــس انا ماكنت عايزه اتلت الناس
وسؤالكم عني بالدنيا
وسلمت ياسيدي على الطله
وسلمت اكثر لدعواتكم لي بالشفاء

الباقر الطاهر

انشاء الله تسلم يارب
وما تشوف شر
سلمت للطله وسلمت اكثر
لوجودك بيننا

ابو خالد و ام خالد
وحبيب الكل خالد

لكم الياسمين

حمد لله على السلامة
وكفارة باذن الله
وان الله تان ما تشوفى شر

جد يا شيرى انا سعيد
لانك اتعافينى

كلام ذي السكر
تمام وبنقط عسل

سلااام مربع

ابو الزفت

انشاء الله يارب تسلم
من ازيه
وماعدمناك يارب

سلام مربع

هدهد

جعل الله كل حياتك بطعم السكر
والشهد
وتسلم للطله
و

شيري صباحتك بالوان البنفسج ورائحه كل العطور الفي باب شريف وكل الابواب الفي السعوديه والخليج ده كان الامريكان خلو باب .
وردا علي سؤالك المجنتر حسب وصفك ليهو والله يحفظك من الجنتره الراجل الفي الصورة ده هديه الاخ بكري ليه وبخصوص التلفت بتصدقني لو قولت ليك بفتش في نفسي .لكي التحيه
ودالحاج

عودا حميدا لربوع البورد
الف سلامة وكل الحلوين بس في البرود كرامتك
نتمني ان ان يستمتع الكيي بورد باصابعك وهي تعزف به اخلي مقطوعة لنا
كتري من الشوربة

شيري

حمد لله 1000 على السلامة

مع انو انا جيت متأخر جداً و لكن عذري أني منذ مدة و أنا لا أدخل

البورد إلا مصادفة و ذلك نسبة للمشغوليات الكثير

ان شاء الله يكون عذر مقبول

و حمد الله تاني على السلامة

ظهيرتك
بشكل
الجزر

عشان نزيد كميات التفاؤل بتاعتك
وتزيد تبعا لذلك كميات الهترشة
بتاعتك قدر خمسة حلل كمونيه
لاننا بصراحة مش
حمل هترشة تزيد كميتها
عن خمسة
الف الف حمد الله على السلامة
وانشاء الله البكرهوك يارب

الغاليه يا نوارة فريقنا ياشيـــــرى يا النشفت ريقنا


والله البورد بي وراك بطعم القرض
الف حمدلله علي السلامه،وتسلمى من كل رضى



اخوك الوضاح

وضــــاح
سلام مربع

يا سيدي ، الله يخليك ويبارك فيك
رفعت معنوياتي
الله يزيدك كمان وكمان
وسلمت للطله
وسلمت اكثر للاحاسيس الحلوه
التي خصيتني بها

تــراث

سلام مربع

اسعدتني طلتك واسعدني اكثر سؤالك
عن صحتي وامانيك
الحلوه
فلك مني كل ود
وانشاء الله مانجيك في شينه
يارب
سلمت للطله

كوكو

سلام مربع

ياسيدي ولايهمك .. المهم صدق المشاعر ونقاء القلوب
فانت هو الصدق والنقاء
سلمت للطله
وسلمت اكثر
لسؤالك عني

شــرير والبرتقاله
الله يخليك ياطيب والبرتقاله
ويحفظ لك احساسك البرتقالي
الطازج
سلمت للطله وسلمت اكثر
للسؤال

شيرى
لك حديقتان , واخرى ثالثة .
حمد الله على السلامة
اشتقنا كثيراً لقراءة جديدك حتى لو كان مما تسميه هترشات , فهو كله جميل ومفيد وممتع .
ادام الله عليك الصحة .

مهاجــــر

سلام مربع

انشاء الله يخليك يارب ويبارك لينا فيكم
لكم مني نفحه الياسمين
وسلمت للطله
وسلمت اكثر للمشاعر الحلوه
التي تشفي العليل



oudenoord
سلام مربع

بتستاهل الهديه والله وانشاء الله يارب يكون لقى ليك البتفتش عنه

شكرا على الطله ياطيب

اولا ياشيرى سلامتك الف سلامةوكمان حمدلله على السلامة
بعدين انت عارفة الجاب ليك المرض شنو متابعتك لى عربية الزبالة وخدامتكم السيرلانكية وعدم هترشتك الكتيرة
لانو هترشتك دى احلى حاجة جد انا بستمتع وانا بقراء اى بوست ليك
انشاء يايمة المرض يشوف ناسوا وتبرى وتستبرى يابت امى

سلام مربع

رؤي السقيد

يخليك ليك الاموره الحلوه
وتعيشي وتشوفيها دكتوره
وعروسه ضحكتها ماليه الدنيا
يارب
تسلمي ياستي لمشاعرك الحانيه
وانشاء الله نجيلك في ساعة حظ
سلمتي للطله
وسلمت اكثر لرونق
الحرف الذي نثرتي درره

كــريم
سلام مربع

لك مني كل باقات الورود
يغلفها صدق احساسي
وامنياتي وشكري لك
على هذه الاحاسيس الاخويه
الصادقة
سلمت للطله
وسلمت اكثر للسؤال
الزين

ســــــــــلا مـا ت

و الله لو كنت عارفك فى المستشفى

ما كنت أتأخرت عليك

ورده من أغلى محلات الورد

و أجمل حدائق كلفورنيا

ورده حمراء كبيره




كــر يــم

شـــــــــــــــــــيرى

اتيت تنثرين الفرح الفكه والبهج الودود؟؟؟؟

اهلا بك يا معطاءة الحروف

والمرض ما بشبهك يا معافاة الكلام

..
.
الف حمدالله على السلامه يا شيرتنا العزيزه.......
وما تشوفي شر يا رب تاني

تحياتي
Solara...

تماضــرتي

سلام مربع

حضورك يرشح فيني عافية البدن
ويحملني على بنفسجة
رضا النفس
لا غرورها
ويمهد في دواخلي
على الدوام احساس
مخملي الملمس
يزيد اخضرار القلب
ويدلق عليه روائح الفرح
سلمت ياسيدتي على
هذه الحروف التريانه حب
وشبعانه عافيه
انت تعرفي اني احبك
صااااح ؟؟
سلمت للطله

ســولارا

ست اللهيج السكري
سلام مربع

والاصيله زي الصباح تهبي
للاشياء رونقها
انشاء الله يارب تسلمي
وماتشوفي يارب شر
سلمت للطله وسلمت اكثر
لوردودك النضره

الله غالب

انت الكلام ده بتجيبيه من وين
اللا بمسخ ولا بتكرر
وقدر ما يطول الواحد
يلقا ليه روح طويلة

حمدالله علي السلامة

سلام مربع
نزار حسين
الصديق الشفيف

منكم ..
من لجة مشاعركم حينما تفيض
وتروي معاجم
فتقوم شجيرات الحرف
وتتوازع بستاين اللغة
من احساسكم الراقي
تلبس حروفي حلتها
وكان للطعم الماماسخ
انتم كلكم اهلي بالبورد
علمتوني اياه

سلمت للطله وسلمت مليون
مره لضحكات العافيه
التي رشحتها على بوردنا

شيــــــرى
من اكثر الحاجات المبهجة فى البورد دا هترشتك
وانا مصحباك من زمان وبسعد وبضحك لما بقراك وبفتكر صاحباتىالفاقداهم كلهم
لانك بتفرحينى زيهم
وبقول ياريت اسمع ضحكتن البتجيب الطاشى تعرفى جو الصحبة والانتماء لقعدة شلة زى ناس جميلين فى البورد
من اهم
الحاجات البتهون حتى المرض
وما اهترش ليك انت اصلك مليانة هترشة ومدفقة
بس امسكى منى القضيم شايلاه ليك من محل كويس ما من المفروش فى الواطة
عشان ماتقولى ملوث قالو بنفعك زى الجزر حتى اسالى بت قضيم
اشربيه بارد ,,وربنا يزيدك هترشة
إيمـــــــــــــا

سلام مربع
Eima

حقيقي اسعدتني جدا طلتك واسعدتني اكثر واكثر
حروفك الانيقة التي حملت الى
نسمات لطيفه
سكنت روحي
وشكرا ياسيدتي علىهذه الهديه الحلوه
والله انا حسيت بها حاجة كبيره جدا
ولن تتخيل مدى السعادة التي اوصلتني اليها
القضــيم كويس صاح
؟؟
بـس انت الاجمل والاطعم
وقضيــم من ايدك يساوي الشهد
وانشاء الله تسلمي ياستي على المجامله الرقيقة
وانشاء الله نجيلك في ساعات الفرح
سلمت للطله
وسلمت اكثر للهدية الراقيه
التي اسعدتني