جلد الذات ماهي عيوب المهمشين

تحياتي للجميع

جلد الذات ماهي عيوب المهمشين

في غمار انتقادنا للجهات التي ظلمتنا وهمشتنا ننسي انفسنا وعيوبنا واسباب فشلنا احيانا نعلقها علي شماعة
الاخرين متوهمين بااننا نسلك الدرب الصحيح المعافئ من اي
اخطاء او انزلاقات وسهوات والكل يعلم ان للمهمشين
قلة تعمل مع الجهات المعادية او الظالمة فهل هم يمثلوننا
ام يمثلون انفسهم ومن اوصلهم لهذه المناصب العليا?
وهل يرجي منهم اي خيرا او انحياز لحقوق اهلهم?
هل شعوبنا نشطة وفعالة ام ادمنة السبات طويلا?
فلنجواب علي بعض هذه الاسئلة وننتقد انفسنا نوعا من
جلد الذات لااكتشاف مكامن الاخفاق والفشل

دقنه السودانوي

up up ,
degna

اخ دقنة ـ
علينا اولآ ان نحدد من هم المهمشين ومن هم المهمشين (بكسر الميم الثانية) ــ نجد ان المهمشين هم سكان محيط الدائرة التي مركزها الخرطوم ـــ وبنظرة سريعة الي هذه الخرطوم نجد ان سكانها لحم رأس يتكون من خليط يمثل كل المحيط الهامشي ــ بعبارة اخري، نقول ان لو كان مركز هذه الدائرة في كريمة او دنقلا لرمينا لوم التهميش علي ناس الشمال، و ان كان المركز جوبا أو ملكال لكان اللوم علي الجنوبيين، ولو كان الفاشر او الابيض لوقع اللوم علي ناس الغرب ، أو كان ذلك المركز في كسلا او بورتسودان لكان اهل الشرق هم الملومين ــ ولكنا نجد ان كل تلك المدن تشتكي لطوب الارض من التهميش ــ اذآ المذنب هو المركز الخرطومي و لكننا هنا نجد ان لكل من تلك الهوامش وتد مدقوق في وسط تلك الخرطوم الظالمة - يعني ممثل نفسه في الخرطوم ـ و الخلاصة ان الهامش هو المهمش نفسه ــ و بناء علي هذا الاستنتاج علي كل واحد مننا يجيب سوط ويبدأ يجلد نفسه ــ

يا دقنا تحياتي
نحنا قبيل شن قلنا ماقلنا الطير بياكلنا
هلا رجعت لبوستك بعنوان دعوة لمبدعي المناطق المهمشة
حينها كنت اكتب لك ما قلته انت الان
ولكن يومها كنت مشغول بقتالي
تاني تجي المولد

الأخ دقنه

يادوب كدا بقيت تذكرنى بعثمان دقنة
نعم لابد من النقد الذاتى ، فنحن بشر ولنا أخطائنا ، لا يغير الله مابقوم حتى يغيروا ما بأنفسهم ، فالتغيير يبدأ عند أنفسنا ثم يتنهى عند قمة الهرم ، حينئذ سوف نسعد ويسعد كل من يرميهم القدر فى طريقنا

والسلام

الاخوة الكرام اساسي ,منير ,اكسسورزت
السلام عليكم
اساسي , لم ولن انكر ان للطرف المهمش بضم الميم عيوب واخفاقات ولكنها لا ترقي لمستوي التهميش والظلم الذي تعرضت له الاقاليم المهمشة بالسودان من قبل الحكومات
المركزية المتسلطة وحينها في بوستي المزكور لم تعطيني فرصة
للنقاش الموضوعي لانك كنت تستخدم لغة حادة ومستفزة للغاية وفيها نوعا من الاستعلاء الذي ارفضه تماما
ومافي عوجه يمكن مواصلة النقاش من هذا البوست بكل روحا
اخوية واحترام

منير , هذه دعوة لنقد الذات ومعرفة بعض اسباب فشلنا في
تحقيق مانريده وكل من يري نفسه به عيوب فلينتقد نفسه
لكي يحقق في نفسه الرضا بما يفعل

اكسسورت , نقد الذات وجلدها واحدة من ادبيات تنظيم
مؤتمر البجا وهي وسيلة ناجعة لتقيم العمل النضالي والسياسي او حتي الاجتماعي ,ونحن اذا لم ننتقد انفسنا اولا وعرفنا مواطن العلل والعطب فمن سيفعلها لااجلنا ?

وتسلموا جميعا للتعقيب
دقنه السودانوي

من سيكسر الجمود والسبات فينا ?

تزكرت وانا اتناقش مع صديقا لي عن الحقوق والمطالب لااهل
شرق السودان فقال لي صديقي هذه وهو علي فكره يتسم بروح الدعابة الصادقة فسالني ماذا يريد البجا فذكرت
لها اشياء كثيرة جدا فقال لي بروح دعابة وهزل انت كمان
عندكم حقوق يازول كفاية مشغلينكم في الميناء (مزاورية)
حمالين , وكفاية عندكم وزير السياحة في الخرطوم
فقلت له ان وزيرنا هذا ليس الا عميلا ينفذ سياسة الجبهة
الاسلامية لا غير وهو شخصية انتهاذية لا تقدم ولا تاخر

دقنه السودانوي

hope you like it ,

degna

سلامات يا دقنة ،
اها جينا تاني ــ الموضوع التهميش و ما ادراك ما التهميش ـ والله يا دقنة لمن اخدت لي رجعة لي ورا و نظرت للموضوع بي عين وصريت عين لقيت ان نحن ناس وهم ساكت ــ شايلين عكاكيزنا وسكاكينا وشغالين خنق في بعض ــ علي شنو؟؟ حقيقة علي الفاضي ، ومتكاتلين لينا فوق جيفة زي الضباع ــ يا اخي اذا نظرنا للسودان من فوق لي تحت و حاولنا نعدد موارده و ثرواته حنلقاها شنو ؟؟ اهم صادراتنا حاجات زي الصمغ ، الكركدي ، التسالي (واسم الدلع حب البطيخ)، السمسم ، الذرة ، السنمكة و..و.. الخ .. بالله عليك الله دي صادرات دي ؟؟ ما كلها حاجات بتقوم براها؟؟ طبعآ تزيد عليها الثروة الحيوانية ودي كمان بتتكاثر براها بدون اي رعاية غير اننا ساكينها كداري من قوز لي قوز واكبر اهتمامنا بيها فقط للتفاخر ــ يعني نحن فعلآ شعب عاجز دايرين نتماوت في حاجات الله ادانا ليها مجان ـ ونحن شغالين فيها لقيط بس ـ يعني الدخل اليومي لمطار ساكت زي مطار فرانكفورت ممكن يشتري السودان بي ناسه!!! ــ المصيبة ان دائمآ الحكام في الخرطوم بيبيعوا حاجاتنا التعبانة دي وعائدها البسيط دا يشتروا بيهو كماليات لزوم استقبال الضيوف ـ ضيوف رئاسة الجمهورية والوزراء وكدة ــ زائدآ شوية عربات ومخصصات و الذي منه ـ وبعد داك البلد تقعد بابح ـ ويبدأ سباق الوزارات الحكومي للشحدة علي ابواب الغرباء ــ يعني تخيل الحكومة تصدر قناطير صمغ بحفنة دولارات يقوموا يشتروا بيها شوية اثاثات لمكتب وكيل وزارة ـ والجماهير قاعدة فاتحة خشمها ـ والمعلمين منتظرين مرتباتهم، والمدارس منتظرة الكتب و ميزانية البحث العلمي معلقة (قال البحث العلمي قال) ـــ
يعني الشغلانة ان ناس المحيط الهامشي قايلين الجراب مليان ـ والحكاية ان لو داير نصيبك من شوية الدويليرات لازم تبقي سياسي وتخش لعبة الكراسي ـ و يا فيها يا تفسيها ــ واها زي ما شايفين اذا ما لقيت ليك مقعد فاضي جوة البلد حتلقاه بالخارج بمزاج ــ وكده كده السياسيين ماكلين عيشهم ــ كان من لقيمات الجماهير بالداخل واللا دونارات الخواجات بالخارج ــ
يبقي الاستنتاج النهائي انك اذا بقيت سياسي ايآ كان موقعك من مركز الدائرة فأنت خرجت من دائرة التهميش و الباقين ياكلو نيم ــ و مادام كل واحد ما قادر يشوف ابعد من ارنبة انفه يانا الحنبقي كده لاعبين توم اند جيري

salam to all , up up
thanxx brother munier
degna