Post: #1
Title: عــــــــــــــزة ... أنا ميت من القلق عليكي
Author: Modic
Date: 02-26-2003, 07:37 PM
يا عــزة ...
انتي وين ..
الحاصل عليك شنو ؟
المسنجر .. ما بتدخلي ..
التلفون .. مغـــــلق اليوم كلو ..
و لا ايميل ..
و لا رسالة ..
و لا مسنجر ..
و لا تعقيب ..
و لا موضوع ..
و لا شغالة بي قلبي اللي اتقطع من القلق عليكي ..
حرام عليكي ..
قولي لي أي حــــاجة ..
حتي لو حرف واحد ..
عشان أعرف انك كويسة ..
و لو انتي زعلانة مني .. قولي لي عشان أعاقب ليك نفسي ..
لكن ما تعاقبيني بي نفسك و تعيشيني في القلق ده عليكي ..
كده حرام
مــــودك القلق حد الفزع
|
Post: #2
Title: Re: عــــــــــــــزة ... أنا ميت من القلق عليكي
Author: الجندرية
Date: 02-26-2003, 08:01 PM
Parent: #1
يامودك
حسن ظنك ياولدي
انشاالله خير الحاصل ليها
شفت مرة عندنا مرة واحد قريبنا اتأخر جداً في مواعيد رجعتو للبيت
لمن رجع لقى امو فكت البكية ولمت الناس
وقالت ليهو انا قايلة صدمت عربية
قال ليها اصلكم كدا يا السودانيين
متشأميين وهسي مالك مافكرتي انو لاقاني واحد صاحبي عزمني عشا في الهيلتون
اها انشاالله عزة تكون في الهيلتون
لكن جد حسن ظنك
ربنا قال انا عند ظن عبدي بي ولعبدي ان يظن ما يشاء
انشاء الله خير
|
Post: #3
Title: Re: عــــــــــــــزة ... أنا ميت من القلق عليكي
Author: هدهد
Date: 02-26-2003, 08:46 PM
Parent: #2
تعالي
تعالي نأدب الايام
تعالي نلجّم الوحشة
عشان خاطر عيون طفلين
في أعماقنا ما كبرو
وكبرت فيهم الدهشة
***
تعالي مفاصل اللقيا
بكت مشتاقة للرعشة
***
تعالي حسب مواقيتك
عقرب الساعة مشدوهة
تفتش عن مواعيدك
تعالي خلاصنا في ايدك
عاطف خيري - مسادير
الغالي دوما/ محمد قسم الباري
التحيات النواضر
الى عزة مع عميق الود والاحترام
|
Post: #4
Title: Re: عــــــــــــــزة ... أنا ميت من القلق عليكي
Author: sheba
Date: 02-26-2003, 09:12 PM
Parent: #1
العزيز محمد
سبق وان افردنا مساحات واسعة للؤال عن الرقيقة عزة
ولكن لا حياة لمن تنادى
وقبل اسبوع تقريبا
وانا اتصفح البورد
قت اشوف منو الاون لاين هسة
ولقيت عزة فى الاول لانو اسمها ببدا بى حرف الاى
فركت عينى وقت يمكن عضو جديد واسمو قريب لى عزة ورجعت لى بوست سابق لها
ولقيت نفس الاسمنفص الاسبلنغ..
azza
ايوة عزة زاتة
جيت راجع سريع جبت البوست الكتبتو عشانة راجع فى الصفحة الاولى
قت يمكن تقراهو وقلبها يحن لكن ....
ورسلت ليها رسالة تهنئة بالعيد فى الماسنجر
حتى ما ردت عليها
وطلعت بعد شوية
الحاصل شنو
الله اعلم
|
Post: #5
Title: Re: عــــــــــــــزة ... أنا ميت من القلق عليكي
Author: Modic
Date: 02-27-2003, 10:21 AM
Parent: #1
أعـــزائي
الجندرية ..
هدهد ..
شيبا ..
لكم الود لسؤالكم عن صديقتكم عــزة ..
غايتو يا جندرية بتمني تكون في الهيلتون قاعدة و مستمخة و مخلياني أنا في أقصي حالات القلق بي جاي ..
عارف يا هدهد ..
هي بتحب عاطف خيري جدا ..
و المقطع اللي انت كتبتو لي .. أنا بعزو جدا ..
عسي و لعل يقدر عاطف خيري يرجعها و ينجح فيما فشلنا نحن فيه ..
شيبا ..
أنا ما مصدق انو حتي أغاني مصطفي سيد أحمد و ندائاتك الجميلة لها بالعودة لم تفلح ..
لأنها بتعزك جدا ..
غايتو لسه عندنا عشم في انو حتطل علينا في يوم باكر ..
نقول ليها شنو ؟
في عينيك يا عزة عشــم باكر
ما انتي العــمر كلو ..
كثيف الحب لكم ..
مــودك
|
|